ما تخممش بزاف... حلولهم سخيفة

[حلم كبير]

رقم 1
بقرة سقطت في بركة ماء كيف تخرج


رقم2
................................
والاحجية الثانية ما تحسبو ما والو حلو جد سخيف......................
آكل نمل عند باب النملات واقف .(ضايقة روحو تسالوه ولا) (لالا جا يديسر )
خرجت نملة فسألها كم عددكم في الغار؟ قالت له سبعة.
خرجت الثانية قال لها كم عددكم؟
قالت ستة
خرجت الثالثة قال كم عددكم ؟
قالت خمسة
خرجت الرابعة والخامسة والسادسة سألهم نفس السؤال الرابعة قالت اربعة ،الخامسة قالت ثلاثة
والسادسة قالت اثنان .
أي هي و الاخيرة
خرجت الاخيرة قال لها كم عددكم الآن قالت له سبعة
(الحيوان تقلبت خليقتو آاااااو )
كيف حصل هذا وما السر


......الحلول سخيفة حذاري ........

رقم 3
واحد قاعد فالحقل ويقرا .
لااااه

رقم 4
واحد قاعد فالبالكو ويقرا .
لاه في رأيكم
رقم 5
وواحد قاعد في السطح ويقرا .
لاه في رأيكم

 

[باتنية و نص]

1- بقرة بقدرها وشانها طاحت في بركة ؟!
الحل نظن انو تشرب الماء

2-انا ثاني تقلبت خليقتي معاه..من بكري نكره النمل كملت عليا بهاذ لحكاية -_-
بلاك يحوسو يدوخوه باه ما ياكلهمش

3-واحد قاعد فالحقل ويقرا علاه؟
على خاطر صاريتلو كيفي
كره من الضياف اللي 24 ساعة عندهم ملقاش وين يقرا خرج للعطيل
انا. عندي الزهر لقيت الصالة فارغة

4-واحد قاعد فالبالكو ويقرا
هذا بغا يبرقق ولا يقرعج على الجيران دار لقراية سبة ^^

5-واحد قاعد فالسطح ويقرا

هذا وحدة من الزوج
يا راهي عاجباتو صحتو ويحوس تصرعو الشمس
يا باغي يقرعج على اللي راهو فالبالكون واللي قاعد فالحقل

تقبل سخافتي

تحياتي

 

[rycerz]

أولا قولنا قبل يا حلم كبير ، هاذو ألغاز صح ولاّ غير جبتهم من راسك هكذاك برك ؟؟؟ ... (ههههه)

رقم 1
بقرة سقطت في بركة ماء كيف تخرج ..

تخرج بالتراكتور .. يعني يربطوها بالحبال و يسحبوها بالجرار .. (هاذي شفتها مرّة فالواقع، غرقت مسكينة حتى للركبة فالطينة)
--

.. رقم2
والاحجية الثانية ما تحسبو ما والو حلو جد سخيف .....................
آكل نمل عند باب النملات واقف .(ضايقة روحو تسالوه ولا) (لالا جا يديسر)
خرجت نملة فسألها كم عددكم في الغار؟ قالت له سبعة.
خرجت الثانية قال لها كم عددكم؟ .. قالت ستة ....
خرجت الثالثة قال كم عددكم ؟ .. قالت خمسة ...
خرجت الرابعة والخامسة والسادسة سألهم نفس السؤال الرابعة قالت اربعة ،الخامسة قالت ثلاثة
والسادسة قالت اثنان .. أي هي و الاخيرة
خرجت الاخيرة قال لها كم عددكم الآن قالت له سبعة
(الحيوان تقلبت خليقتو آاااااو )
كيف حصل هذا وما السر ..
......الحلول سخيفة حذاري ........

السبعة الجدودة هاذوا زادوا جدد في دقيقة مالا !! و إلا النمل عندهم كل غرفة تحمل سبعة نملات (des chambres à 7) .. ولاّ نقولك ، هاذي النملة الأخيرة قاعدة تشيخ بيه .... ما نعرف
--

... رقم 3
واحد قاعد فالحقل ويقرا .
لااااه ...

هذا قاعد يقرا فالورقة نتاع البانسيو (تاع الخلاص) .. فالحقل باش واحد ما يشوفو (هههه)
--

... رقم 4
واحد قاعد فالبالكو ويقرا .
لاه في رأيكم ...

هذا قاعد يستنّا في واحد .. يجيب الوقت بالجريدة فالبالكو حتى وين يجي صاحبو يشوفو من البالكو (هههه)
--

.... رقم 5
وواحد قاعد في السطح ويقرا .
لاه في رأيكم

.. هاذي صعيبة يا حلم كبير !!! .. هاذي نخلّيهالك ليك نتا لي تقولنا عليها.
​

 

[rycerz]

4-واحد قاعد فالبالكو ويقرا
هذا بغا يبرقق ولا يقرعج على الجيران دار لقراية سبة ^^

--
يبرقق ... ههههههه .. كلمة هايلة .. تقتل بالضحك​

 

[باتنية و نص]

--
يبرقق ... ههههههه .. كلمة هايلة .. تقتل بالضحك​

ايه يبرقق و لا يتوقب معناتها يقرعج
يا متعلمين يا بتوع المدارس -_-

 

[rycerz]

ايه يبرقق و لا يتوقب معناتها يقرعج
يا متعلمين يا بتوع المدارس -_-

أنا لي دوختني .. كلمة يقرعج .. بالرغم من أنها خرجت جديدة (منذ سنوات) إلا أنها انتشرت قريب في كل الجزائر ​

 

[حلم كبير]

1- بقرة بقدرها وشانها طاحت في بركة ؟!
الحل نظن انو تشرب الماء

2-انا ثاني تقلبت خليقتي معاه..من بكري نكره النمل كملت عليا بهاذ لحكاية -_-
بلاك يحوسو يدوخوه باه ما ياكلهمش

3-واحد قاعد فالحقل ويقرا علاه؟
على خاطر صاريتلو كيفي
كره من الضياف اللي 24 ساعة عندهم ملقاش وين يقرا خرج للعطيل
انا. عندي الزهر لقيت الصالة فارغة

4-واحد قاعد فالبالكو ويقرا
هذا بغا يبرقق ولا يقرعج على الجيران دار لقراية سبة ^^

5-واحد قاعد فالسطح ويقرا

هذا وحدة من الزوج
يا راهي عاجباتو صحتو ويحوس تصرعو الشمس
يا باغي يقرعج على اللي راهو فالبالكون واللي قاعد فالحقل

تقبل سخافتي

تحياتي

السلام عليكم و رحمه الله تعالى وبركاته
شوفي أختي ولا وحدة من اجاباتك صح
بصح ضحكوني بزاف خاصة خرج للعطيل
انا نعرف لعطيل لاخاطر كبرت في وسطو.
زيدي خممي

 

[باتنية و نص]

أنا لي دوختني .. كلمة يقرعج .. بالرغم من أنها خرجت جديدة (منذ سنوات) إلا أنها انتشرت قريب في كل الجزائر ​

والله يا اخ (ت) ي احنا منستعملوهاش هذا الكلمة في منطقتنا.استعملتها فقط للتوضيح..بما انو لغة الشرق غير مفهومة
لكن بما انو في زوج غريبين عليكم
ممكن نعرف كيفاش تقولولها عندكم ؟!

 

[حلم كبير]

أولا قولنا قبل يا حلم كبير ، هاذو ألغاز صح ولاّ غير جبتهم من راسك هكذاك برك ؟؟؟ ... (ههههه)

تخرج بالتراكتور .. يعني يربطوها بالحبال و يسحبوها بالجرار .. (هاذي شفتها مرّة فالواقع، غرقت مسكينة حتى للركبة فالطينة)
--

السبعة الجدودة هاذوا زادوا جدد في دقيقة مالا !! و إلا النمل عندهم كل غرفة تحمل سبعة نملات (des chambres à 7) .. ولاّ نقولك ، هاذي النملة الأخيرة قاعدة تشيخ بيه .... ما نعرف
--

هذا قاعد يقرا فالورقة نتاع البانسيو (تاع الخلاص) .. فالحقل باش واحد ما يشوفو (هههه)
--

هذا قاعد يستنّا في واحد .. يجيب الوقت بالجريدة فالبالكو حتى وين يجي صاحبو يشوفو من البالكو (هههه)
--

.. هاذي صعيبة يا حلم كبير !!! .. هاذي نخلّيهالك ليك نتا لي تقولنا عليها.
​

السلام عليكم و رحمه الله تعالى وبركاته
أخي هاذو الغاز قالهملي معلمي في السنة الرابعة ابتدائي قعدو راسخين في راسي لا خاطر اجوبتهم تضحك بزاف وبعيدة عن تخماممنا

أما انتا جبت نتاع النمالة الكذابة باه ما ياكلهاش ويستنى السبعة الوهميين
والباقي غلط
بصح ضحكوني اجاباتك خاصة نتاع البانصيو

 

[حلم كبير]

أولا قولنا قبل يا حلم كبير ، هاذو ألغاز صح ولاّ غير جبتهم من راسك هكذاك برك ؟؟؟ ... (ههههه)

تخرج بالتراكتور .. يعني يربطوها بالحبال و يسحبوها بالجرار .. (هاذي شفتها مرّة فالواقع، غرقت مسكينة حتى للركبة فالطينة)
--

السبعة الجدودة هاذوا زادوا جدد في دقيقة مالا !! و إلا النمل عندهم كل غرفة تحمل سبعة نملات (des chambres à 7) .. ولاّ نقولك ، هاذي النملة الأخيرة قاعدة تشيخ بيه .... ما نعرف
--

هذا قاعد يقرا فالورقة نتاع البانسيو (تاع الخلاص) .. فالحقل باش واحد ما يشوفو (هههه)
--

هذا قاعد يستنّا في واحد .. يجيب الوقت بالجريدة فالبالكو حتى وين يجي صاحبو يشوفو من البالكو (هههه)
--

.. هاذي صعيبة يا حلم كبير !!! .. هاذي نخلّيهالك ليك نتا لي تقولنا عليها.
​

السلام عليكم و رحمه الله تعالى وبركاته
أخي هاذو الغاز قالهملي معلمي في السنة الرابعة ابتدائي قعدو راسخين في راسي
عاودت الرد ولادي دورولي راسي كي النمال

 

[حلم كبير]

يقرعج معناتها يملأ لقرع الفارغين في راسو بأخبار الناس

 

[حلم كبير]

اختي باتنية ونص اجابتك نتاع النمالة ثاني صح اسمحيلي ،هاذ حال اللي يدخل المنتدى وولادو يلعبو بيه ميش بالالعاب

 

[rycerz]

...... لكن بما انو في زوج غريبين عليكم
ممكن نعرف كيفاش تقولولها عندكم ؟!

نقولو : يعس ولاّ يشتشغل .. ولا يحرز (بشكل أقل)
أما كلمة يقرعج فالمقصود منها أنو يتكلم عليك و يتبّع أخبارك .. (و أعلم أنك لا تعلمين أصلها) .. و هي كلمة دخيلة على جهتنا و أعتقد أنها دخيلة على كامل الشعب الجزائري و الأصل نتاعها مشبوه شوية و حنا ماناش عارفين ، هي جاية من القرع (مفرد قرعة أي زجاجة) .. و هي كناية عن الذين يجتمعون على زجاجات الخمر في حديثهم عن موضوع ما أو شخص ما .. يقولو من بعد نقرعجو عليها أي القصد أننا سنتناول الموضوع بشكل ودّي بيننا !!!!

--

والله يا اخ (ت) ي احنا منستعملوهاش هذا الكلمة في منطقتنا.استعملتها فقط للتوضيح..بما انو لغة الشرق غير مفهومة....

هههه ... كلمة يتوقب نعرفها و سامع بيها و يظهرلي أنها لغة عربية فصحى
--
أما يبرقق (عذرا) .. تقتل بالضحك ..
حنا نقولو يْبَرَّقْ في عينييه (بالقاف المعجمة) .. لمّا يخزر و عينيه شاعلين و فاتهم عن آخرهم و قاعد يتوقّب من بعيد (كيما قلتي نتي) ​

 

[rycerz]

السلام عليكم و رحمه الله تعالى وبركاته .....

و عليكم السلام و رحمة الله تعالى و بركاته
--

...... أخي هاذو الغاز قالهملي معلمي في السنة الرابعة ابتدائي قعدو ...

مالا أكيد المعلم أراد أن يحفز فيكم التفكير و معالجة القضايا بشكل مختلف تماما عن المعتاد .. و هذه تقنية مستعملة في الغرب و لدى اليبانيين​

 

[sidali98]

الحل تاع النمل هو اكل المل لي تخرج ياكلها مالا كي بقات وحدة تحلبتلو او قالتلو سبعة معنتها راهي متبعتهم في كرشو

 

[sidali98]

بقرة سقطت في بركة ماء كيف تخرج
تشربها

 

[حلم كبير]

الحل تاع النمل هو اكل المل لي تخرج ياكلها مالا كي بقات وحدة تحلبتلو او قالتلو سبعة معنتها راهي متبعتهم في كرشو

يعطيك الصحة على الاجابة اللي جات كي النكتة ضحكتني من قلبي
جاوبو عليه الاخ والاخت من قبل
النمالة نفحتلها تكذب عليه وتتفرج فيه يستنى وتضحك شويه

 

[حلم كبير]

بقرة سقطت في بركة ماء كيف تخرج
تشربها

لا لا
ولا أسهل من جواب البقرة
زيدو خممو شوي

 

[sidali98]

واحد قاعد فالحقل ويقرا .
يخدم فزاعة

واحد قاعد فالبالكو ويقرا .
باش يقرعج

واحد قاعد فالبالكو ويقرا .
باش يكونيكتي بالويفي تاع جارهم

 

[sidali98]

بقرة سقطت في بركة ماء كيف تخرج
توقف