عيد المرأة .. و لا عيد الغافلات

[زاد الرحيل]

مساء الخير على ناس اللمة .. واش الاحوال , نتمنى تكونوا كامل لاباس
.
.
مرة على مرة نطل باش نحكي على حاجة ماتعجبنيش .. كاين اللي يعجبوا كلامي و كاين اللي مايعجبوش و يقولك خلينا منها , هوما احرار كيعاد العباد يختلفوا و تختلف معاهم الافكار .. بصح نشكرهم كيعاد توقفوا لحظة و سمعوا لي .
.
.
حكيت حتان نسيت واش راح نحكي , ااا تذكرت , دوخوني الاعياد , البارح عيد و لولبارح عيد و اليوم عيد .. انا احترت من كثرة الاعياد لاني نعرف انو ربي دار لنا زوج اعياد : عيد الفطر و عيد الاضحى
اليوم قالوا عيد المرأة اللي داروه الغرب اصلا ماهوش نتاعنا , و في الاسلام ماعندناش عيد يسميوه عيد المرأة , كل يوم يستعبطوها ويضحكوا عليها ضحكة جديدة و يخصصوا لها هدية صغيرة و يخرجوها بالشوي بالشوي من دينها حتان تدخل دينهم بلا ماتحس
و كأنوا هاذي المرأة ماهيش امرأة الا اليوم :p
ساعات نخمم مليح و نقول عندهم الحق .. المرأة نتاع اليوم ماهيش كيما نتاع بكري , تلبس المرأة و هي امرأة كبيرة كيما خوها الراجل سروال و تريكو ,, و نفس قصة الرجل .. و تسافر وحدها يعني كيفها كيفو ماكانش فرق , و المحرم اللي ربي شرطوا عليها راح بكري بكري , اليوم داروا لها محرم جديد هو القانون ... هذا اذا قدر يحكم اللي تعداو عليها , و حاجة باينة تخدم كيفه و تتحداه و تتفوق عليه و تزيد تهينه , و مالمحرم نتاعها الجديد دايما معاها , حكاو لي بلي يهديو لها الهدايا و هوما ميتين بالفرحة و مايحوسوش على مصدرها حلال و لا حرام
.
.
.
في قطاع الجمارك , اللي تسيزي السلع للناس بمختلف الحجج .. اليوم الجمركيات راح يشبعوا بهاذيك السلعة اللي مصدرها حرام اللي تسلبت من اصحابها بالقوة : عطور .. ملابس .. صيكان .. مكياج .. بارير مبعد يقولوا دراهمنا حلال , ياو عيدكم حرام و صواردكم حرام .. و الاستاذات يخرجوا على العشرة نتاع الصباح و يقولوا للاولاد روحوا تروحوا راكم ماتقراوش , و شهريتهم طالعة و يزيدوا يقولوا دراهمنا حلال

يا ختي يا المرأة احشمي شوية على روحك , راكي كل يوم تهبطي للاسفل حتان هبطتي للحضيض .. علاه صحابياتنا الجليلات ما احتفلوش بعيد المرأة , و علاه اعظم النساء في العالم ما احتفلوش بيه , و علاه مجاهداتنا بالامس ما احتفلوش بيه

تتخلاو على واجباتكم في كل الميادين : الصحة , التعليم , الادارة .. و تروحوا تحوسوا و تدوروا و تقولوا عيد المرأة

يا خاوتي يا الرجال , ارحموا هاذي المخلوقة .. الريح اللي يجي يديها و نتوما تسايروها و ماتقولولهاش هذا العيد عيد الغرب , ماهوش عيدنا حنا المسلمين
.
.
و راني خايفة بعد عشر سنين نسمع عيد يسميوه عيد الرجل , في هذاك النهار يحس الراجل برجولته فقط .. الله لا يشوفنا في هذاك النهار



هذا رأيي في عيد المرأة و نتوما واش رايكم .. ما نيش عارفة معايا و لا ضدي
على بالي كاين و كاين و كل كاين يقول

 

[Skor m@k]

السلام عليكم
هاه يا ختي درنالك ختم التميز لموضوعك انت برك تهدري بلي ما درنالكش ختم خخخخخخ
وتانيت ليوم راني موافق على كلامك هههه
أنا في رايي ينحوه العيد هذا خاطرش مابقاوش بزاف نساء لي نقدرو نقوللهم نساء
كاين ماشي مكاش وتانيت مانجمعوش كامل
مي كاين بزاف لي ترجلو من حيث اللبسة تاعهم ولا الهدرة ولا حتى الخدمة تاعهم
بصفة عامة مايستهلوش يكونو نساء وحتى الرجال كاين لي مايستهلوش
بصح مانهدرش على الرجال خاطرش موضوع على النساء
ولاو يتبعو الغرب ممبعد زعما يتفكرو روحهم بلي مزالهم نساء غير في 8 مارس
ولا يتفكرو الأم غير في يوم واحد من السنة
لو بقاو كيما بكري المرأة عيدها كل يوم طول السنة
تكون ملكة في دار زوجها على طول العام وحتى في دار باباها
صح أنا مارانيش ضد عمل المرأة أو الخروج بدون محرم لكن لها أولويات وضوابط تمشي عليها
باش ديما تكون أنثى وتكون مرأة طول أيام السنة
ماشي غير في نهار واحد برك يتفكرو بلي هوما نساء
عيد الراجل ايه يقدرو يديروه خاطرش بدات تروح شهامة الرجل
ان شاء الله مايديروهش برك نهار يموت الرئيس ويسموه عيد الرجال هههه
​

 

[زاد الرحيل]

السلام عليكم
هاه يا ختي درنالك ختم التميز لموضوعك انت برك تهدري بلي ما درنالكش ختم خخخخخخ
وتانيت ليوم راني موافق على كلامك هههه
أنا في رايي ينحوه العيد هذا خاطرش مابقاوش بزاف نساء لي نقدرو نقوللهم نساء
كاين ماشي مكاش وتانيت مانجمعوش كامل
مي كاين بزاف لي ترجلو من حيث اللبسة تاعهم ولا الهدرة ولا حتى الخدمة تاعهم
بصفة عامة مايستهلوش يكونو نساء وحتى الرجال كاين لي مايستهلوش
بصح مانهدرش على الرجال خاطرش موضوع على النساء
ولاو يتبعو الغرب ممبعد زعما يتفكرو روحهم بلي مزالهم نساء غير في 8 مارس
ولا يتفكرو الأم غير في يوم واحد من السنة
لو بقاو كيما بكري المرأة عيدها كل يوم طول السنة
تكون ملكة في دار زوجها على طول العام وحتى في دار باباها
صح أنا مارانيش ضد عمل المرأة أو الخروج بدون محرم لكن لها أولويات وضوابط تمشي عليها
باش ديما تكون أنثى وتكون مرأة طول أيام السنة
ماشي غير في نهار واحد برك يتفكرو بلي هوما نساء
عيد الراجل ايه يقدرو يديروه خاطرش بدات تروح شهامة الرجل
ان شاء الله مايديروهش برك نهار يموت الرئيس ويسموه عيد الرجال هههه
​

و عليكم و السلام و رحمة الله و بركاته
.
.
شكرا جزيلا على ختم الموضوع
هاذي يسموها النية ، البارح طلبته لاختي ليليا اليوم جا ليا
.
.
راني خايفة اذا طلبنا نحيو العيد هذا تجي منظمة حقوق المرأة و تلوحنا في الحبس ، و حتى اذا انتقدناهم القانون يعاقبنا
ربي يصلح احوالنا
لازم نديروا ثورة مضادة لفساد المرأة ، ما نقولوش انا ضدهم تماما بصح كاين حوايج لازم تتوقف ، لاننا مسلمين و لازم ندافعوا على احكام شريعتنا
اما عيد الرجل ، ربي يستر علينا و الهدرة عليه في جميع اقسام المنتدى مايكفيش

كل الشكر و التقدير و الاحترام​

 

[البحر الهادي]

شكرا لك
المراة لها قدرها وقيمتها جاء بها الإسلام وليسوا من ينادون بالحرية كلمة أريد بها شر مستطير
هم يريدون من المرأة أن تكون لغايتهم الدنيئة ويريدون إفساد المجتمع
هل المرأة بحاجة إلى يوم أم أنها كل السنة :هي الأم والأخت والبنت والمربية وووو
الذي يحترم المرأة يحترمها ويقدرها كل السنة وليس يوم واحد
ولنعد للتاريخ لنعرف من أعطى للمرأة خقها ومن هضم خقها وهناك تعرفون الحقيقة التي يجهلها الكثيرين

 

[أم أُنٌَيسة]

السلام عليكم و رحمة الله تعالى و بركاته
بارك الله فيكي و جزاكي كل خير و جعل كل حرف خطته يمناك في موازين حسانتكي
بردتيلي قلبي والله
يخلوكي تجهلي ، عيد المراة عيد ماعلاباليش واش
ربي يهدينا ان شاء الله
و كما قال الاخ الصارم المسلول ، ديننا الحنيف وضع للمراة مكانتها
و اللي يجهلني انو حابين يكونو عندهم نفس حقوق الرجل
دمتي و دام تميزكي اختي الغالية
تحياتي احترامي و تقديري لشخصكم الكريم​

 

[نجيب]

المرأة أيامها كلها عيد في الين الاسلامي و ليس لها يوم محدد
يكفيها انها بركة من الله و ليس مطلب بشري كالرجل الدي يتمناه الجميع
لكن لو نعود لموضوعك هدا اختي و لو تقلبي صفحات المنتدى ستجدين كل سنة و في نفس هدا اليوم يكتب نفس الموضوع
الدي طرحتيه الان فقط الكاتب يتغير و هده السنة كان الكاتب أنثى و ليس رجل كالسنوات الماضية
و لهدا أتساءل لمدا تكتبون مثل هده المواضيع الا في هدا اليوم ؟؟؟
لمادا لا تتكلمون عن هدا العيد في باقي الأيام ؟؟؟
انكم تعترفون بهدا العيد قبل اي قارئ للموضوع بما أنكم تنتظرون الا هدا اليوم لتطرحزا هد الموضوع .
أختي الكريمة انني على هدى الاسلام و طريقه و اني احتفل بهدا العيد كما تحتفلون به انتم بالمواضيع التي تطرحونها فقط في هدا اليوم .

شكرا و ألف شكر على موضوعك الهادف
تقبلي مروري و لك كل الاحترام و التقدير

 

[Mustapha Bita]

مرحبا
الام متستاهلش غير عيد. بل تمثال عن مجهودها الدي بدرته هي والاب بانشاء اولاد وبنات ومجتمع. واناس يتناقشون حول عيدها.واناس معارضين وموافقين.
ادا اردتو ان تعارضو فتوجد اعياد كثيرة منها الوطنية وغيرها.

 

[الامين محمد]

و الاستاذات يخرجوا على العشرة نتاع الصباح و يقولوا للاولاد روحوا تروحوا راكم ماتقراوش , و شهريتهم طالعة و يزيدوا يقولوا دراهمنا حلال

اهلا اختي موافقك في أغلب ما قلتي
لكن في هته أختلف معاك ما ذنبهن فاليوم عطلة
مدفوعة ألاجر

 

[ملامح شاعر]

باقة ورد ليك ولكل امرأة ليس بمناسبة العيد المزعوم
لكن من أجل الموضوع أولا وثانيا من أجل أنكم لم تناساقوا
وراء خدعة الغرب واليهود بالذات لأن فيه احتفالية لهم
وقصتها مشهورة .
الحمد لله نحن لا نحتاج عيد للمرأة لأن المرأة معززة مكرمة عندنا عيدها كل يوم .
أما التي أرادت ان تقلد الرجال قد سقطة انوثتها منها
خليهم يلبس وش حبوا و يفعلوا وش حبوا و جي اليوم
يبحثوا على انوثتهم ولن يجدوها
جزاك الله كل خير

 

[زاد الرحيل]

شكرا لك
المراة لها قدرها وقيمتها جاء بها الإسلام وليسوا من ينادون بالحرية كلمة أريد بها شر مستطير
هم يريدون من المرأة أن تكون لغايتهم الدنيئة ويريدون إفساد المجتمع
هل المرأة بحاجة إلى يوم أم أنها كل السنة :هي الأم والأخت والبنت والمربية وووو
الذي يحترم المرأة يحترمها ويقدرها كل السنة وليس يوم واحد
ولنعد للتاريخ لنعرف من أعطى للمرأة حقها ومن هضم حقها وهناك تعرفون الحقيقة التي يجهلها الكثيرين

العفو لك اخي الكريم
ندرك تماما مدى وعيك لهاذو الحوايج , و اغراضهم الدنيئة تتحقق يوم بعد يوم و شيء بعد شيء .. حتان ولات المرأة تتحدى الرجل جهارا نهارا وفي كل شيء
عندك الحق .. عيد المرأة هو كل يوم , ماشي يوم في السنة يعني مثله مثل اللي يتذكر امه مرة في السنة و باقي الايام ماهيش امه
يظهر انو تكريم القران ليها ماعجبهاش و اعجبت بتكريم الغرب لها
شكرا لمرورك الطيب

 

[زاد الرحيل]

السلام عليكم و رحمة الله تعالى و بركاته
بارك الله فيكي و جزاكي كل خير و جعل كل حرف خطته يمناك في موازين حسانتكي
بردتيلي قلبي والله
يخلوكي تجهلي ، عيد المراة عيد ماعلاباليش واش
ربي يهدينا ان شاء الله
و كما قال الاخ الصارم المسلول ، ديننا الحنيف وضع للمراة مكانتها
و اللي يجهلني انو حابين يكونو عندهم نفس حقوق الرجل
دمتي و دام تميزكي اختي الغالية
تحياتي احترامي و تقديري لشخصكم الكريم​

و عليكم و السلام و رحمة الله تعالى و بركاته
.
.
اللهم امين
ربي يجازيك كل خير على كلامك الطيب ..
المرأة الحرة اللي ماداتهاش اهواء الغرب هي اللي تقول كلامك هذا , و عندها عزة النفس و الغيرة على مبادئ ديننا الحنيف
.
.
الامر اليوم مايتوقفش عند نفس الحقوق , انما يحوسوا يتجاوزوها يعني رجلي فوق رجلك
تقبلي مني فائق الاحترام و التقدير
بارك الله فيك
​

 

[زاد الرحيل]

المرأة أيامها كلها عيد في الين الاسلامي و ليس لها يوم محدد
يكفيها انها بركة من الله و ليس مطلب بشري كالرجل الدي يتمناه الجميع
لكن لو نعود لموضوعك هدا اختي و لو تقلبي صفحات المنتدى ستجدين كل سنة و في نفس هدا اليوم يكتب نفس الموضوع
الدي طرحتيه الان فقط الكاتب يتغير و هده السنة كان الكاتب أنثى و ليس رجل كالسنوات الماضية
و لهدا أتساءل لمدا تكتبون مثل هده المواضيع الا في هدا اليوم ؟؟؟
لمادا لا تتكلمون عن هدا العيد في باقي الأيام ؟؟؟
انكم تعترفون بهدا العيد قبل اي قارئ للموضوع بما أنكم تنتظرون الا هدا اليوم لتطرحزا هد الموضوع .
أختي الكريمة انني على هدى الاسلام و طريقه و اني احتفل بهدا العيد كما تحتفلون به انتم بالمواضيع التي تطرحونها فقط في هدا اليوم .

شكرا و ألف شكر على موضوعك الهادف
تقبلي مروري و لك كل الاحترام و التقدير

ربي يجازيك كل خير على الاثراء القيم للموضوع
و صدقت في كلامك على مكانة المرأة في الاسلام ، و ماهيش مرأة مرة واحدة في السنة .
اما كتابتي لهذا الموضوع في هذا اليوم بالتحديد ليس من اجل ان احتفل معهم ، بل هو لاجل تنبيههم و الوقوف ضدهم و ضد حملتهم ، اليوم بالتحديد هزوا شعار جديد يغلطوا فيه المرأة الغافلة و يبعثوا لها رسالة تقول :"انت من ستغيرين العالم " و بكل تأكيد راح تصدق و تحاول تحقق الهدف هاذاك بكل الطرق
وربي سبحانه قالنا انو الرجال قوامون على النساء ، اذا كتبت الموضوع قبل او بعد المناسبة ماراحش تكون عنده اي فائدة ، و راح يستهزئوا و يقولوا هاذي تكتب متقدمة و لا متأخرة عن المناسبة
نتمنى انك فهمتني
كل الاحترام و التقدير

 

[ليليا مرام]

السلام عليكم اختي ميلينا موشوع يستحق التميز
والله يا اختي واش نقولك كاين نسا يهديهم ربي يوجدو روحهم للنهار هذا وحفلات وغنا وشطيح وتزيد تتشنف وتنايف راجلها اذا ما تفكرهاش انا في بالي مش قرعىة ريحة والا وردة اللي تبين انو راجل يجب مرتو وزيدي هطي نتاع نخرج من الدار ونروح لاصال نشطح قدام الغاشي ونجي للدار وخلاص احتفلت هذو عندي تافهات في حياتي ما تفكرت اني احتفلت بالنهار هذا يوم عادي اليوم برك خرجت للحانوت شريت ليمى قرعة ريحة ووردة لانو يمى تستاهل وكل مرة نديرلها كادو بلا مناسبة مي اليوم حبيت نمدلها كادو
اما اليوم هذا انا عندي ما يسوا والو لانو المرا اللي تحترم روحها تخلي روحها فدارها وما تستناش سبب تافه ودابز راجلها على جال حاجة مش نتاعنا
احنا مسلمين بالاسم لو مناسبة دينية فمسجد والا جمعية وحدة ما تروح
مشكورة اختي

 

[زهور الأمل]

اصلا هدا ميتسماش عيد بل هو يوم عالمي للمرأة ومشي لاي مراة بل هو يوم خرجت فيه الامريكيات قديما
...لا احصى الفترة لكن الامريكيات خرجن يوم 8 مارس في مظاهرة ينددن فيها عن العنف والاعتداء واطالة ساعات العمل
مطالبات بحقوقهن بما فيها تخفيف ساعات العمل والحصول على مكانة في المجتمع الامريكي
اما نحن المسلمات فلا نحتاج لهذا اليوم لان حقوقنا وقيمتنا محفوظة وقد سطرت من 15 قرن
بفضل الاسلام فالحمد لله على نعمة الاسلام الذي جعلنا في مكانتنا التي نستحقها
فالاصل ان تكون المرأة وردة مصونة محفوظه في بيتها​

 

[زاد الرحيل]

مرحبا
الام متستاهلش غير عيد. بل تمثال عن مجهودها الدي بدرته هي والاب بانشاء اولاد وبنات ومجتمع. واناس يتناقشون حول عيدها.واناس معارضين وموافقين.
ادا اردتو ان تعارضو فتوجد اعياد كثيرة منها الوطنية وغيرها.

مرحبا بك
طبعا الام تستاهل كل خير .. و انا ام ، لكن لازم نحترموها طوال السنة ماشي يوم في السنة ، و ربي وصانا مانقولولهاش حتى كلمة أف ، ماشي نقدموا لها وردة على الطريقة الغربية
و كل واحد حر في تصرفاته ، و عندو الحق في ما يفعل حسب رأيه الشخصي
اما الاعياد فأنا في البداية قلت راني كرهت من الاعياد كل يوم ، و بلي عندنا زوج اعياد برك
شكرا لمرورك الكريم و مشاركتك القيمة

 

[زاد الرحيل]

اهلا اختي موافقك في أغلب ما قلتي
لكن في هته أختلف معاك ما ذنبهن فاليوم عطلة
مدفوعة ألاجر

شكرا لترحيب و الفشكر على المشاركة
الحمد لله انك وافقتني في اغلب الموضوع
اما العطلة مدفوعة الاجر فهي تابعة للعيد ، الراجل يخدم و يسلك و المرأة ماتخدمش و تسلك .. اين العدل في هذا ؟
و العطلة اصلا نصف يوم و ليس يوم كامل
تحياتي

 

[زاد الرحيل]

باقة ورد ليك ولكل امرأة ليس بمناسبة العيد المزعوم
لكن من أجل الموضوع أولا وثانيا من أجل أنكم لم تناساقوا
وراء خدعة الغرب واليهود بالذات لأن فيه احتفالية لهم
وقصتها مشهورة .
الحمد لله نحن لا نحتاج عيد للمرأة لأن المرأة معززة مكرمة عندنا عيدها كل يوم .
أما التي أرادت ان تقلد الرجال قد سقطة انوثتها منها
خليهم يلبس وش حبوا و يفعلوا وش حبوا و جي اليوم
يبحثوا على انوثتهم ولن يجدوها
جزاك الله كل خير

شكرا على باقة الــورد
ربي يجازيــك بالفردوس الاعلى
.
.
بالفعل كاين نسا ماينساقوش وراء هاذو الخدع و مازالوا يتمسكوا بأصولهم العربية و مبادئ ديننا الإسلامي
المشكل انو سنة بعد سنة تتوسع هاذي البدعة و تدي معاها العديد ، و المصيبة الكبيرة انهم ولاو يهاجموا معارضيهم يعني قادر يقتلوهم على جالتها و هذه هي الطامـة الكبرى
لكن يبقى واجبنا انو نتكلموا و نتحداو العواقب بالاك نوقفوا هذا الطوفان اللي كل مرة يجيب وجه جديد يدي نسائنا
كل الاحترام و التقدير اخي الكريم

 

[زاد الرحيل]

السلام عليكم اختي ميلينا موشوع يستحق التميز
والله يا اختي واش نقولك كاين نسا يهديهم ربي يوجدو روحهم للنهار هذا وحفلات وغنا وشطيح وتزيد تتشنف وتنايف راجلها اذا ما تفكرهاش انا في بالي مش قرعىة ريحة والا وردة اللي تبين انو راجل يجب مرتو وزيدي هطي نتاع نخرج من الدار ونروح لاصال نشطح قدام الغاشي ونجي للدار وخلاص احتفلت هذو عندي تافهات في حياتي ما تفكرت اني احتفلت بالنهار هذا يوم عادي اليوم برك خرجت للحانوت شريت ليمى قرعة ريحة ووردة لانو يمى تستاهل وكل مرة نديرلها كادو بلا مناسبة مي اليوم حبيت نمدلها كادو
اما اليوم هذا انا عندي ما يسوا والو لانو المرا اللي تحترم روحها تخلي روحها فدارها وما تستناش سبب تافه ودابز راجلها على جال حاجة مش نتاعنا
احنا مسلمين بالاسم لو مناسبة دينية فمسجد والا جمعية وحدة ما تروح
مشكورة اختي

و عليكم السلام ورحمة الله و بركاته
.
.
شكرا على مشاركتك في موضوعي و عدم مشاركتك في عيد الغافلات
.
.
اما طريقة الاحتفال نتاعهم نتاع الشطيح و الرديح و تروح للاصال ، فزوجها و لا خوها و لا باباها هو المشجع الاول ليها ، و هذا هو التقليد الاعمى
امك تستاهل كل خير .. ربي يحفظها لك
.
.
تحياتي اختي الغالية​

 

[Mustapha Bita]

مرحبا بك
طبعا الام تستاهل كل خير .. و انا ام ، لكن لازم نحترموها طوال السنة ماشي يوم في السنة ، و ربي وصانا مانقولولهاش حتى كلمة أف ، ماشي نقدموا لها وردة على الطريقة الغربية
و كل واحد حر في تصرفاته ، و عندو الحق في ما يفعل حسب رأيه الشخصي
اما الاعياد فأنا في البداية قلت راني كرهت من الاعياد كل يوم ، و بلي عندنا زوج اعياد برك
شكرا لمرورك الكريم و مشاركتك القيمة

ايا ربي يخليلك اطفالك
نحترموها ونقدروها كل يوم
ولاكن تخصيص العيد ايضا تعظيم لتضحياتها ,مثل عيد استقلال الوطن

 

[آمِيْرَتُه]

السلام عليك
تبان ليا قلبك راه مدود غير من جهة الأستاذة و الجمركيات هههه
خليتي لي يخدموا فالبلدية فالصحة رحتي للاستاذة و الجمركية ديراكت راكي منشوعة في بالي منهم
نظن قطاع التعليم هو الوحيد لي خاطيه زهو و الغناء في عيد المراة ملي دخلت ليه جامي قالونا كاين حفلة روحو تفرجو و لا سهروا
هما عطاونا عطلة مدفوعة الأجر مالا وين المشكل كان دراهمنا حلال و لا حرام ماشي أنت لي تحلي و تحرمي كيما تبغي
الحمد لله عن نفسي راني نتعب و نحلل فيهم و اذا عطاتني دولة عطلة مكان مدخلني أنا نروح نقري وحدي نخرج قانون وحدي نقولهم بعدو حلو عليا باب المؤسسة نحلل دراهمي باسكو عطلة مدفوعة الأجر على جالها دراهمي يولو حرام
نعلي بليس آختي بغيتي تهدري على عيد المرأة اهدري من باب اخر مش من باب ان دراهمنا حرام على خاطرش دولة دايرة يوم الخميس عطلة مدفوعة الآجر للمرأة الجزائرية العاملة
لاهين غير للزوالي القماقم الكبار لي دايرين حالة ساكتين عليهم