- إنضم
- 5 جانفي 2017
- المشاركات
- 3,482
- نقاط التفاعل
- 8,102
- النقاط
- 946
- العمر
- 29
- محل الإقامة
- Jijel
- الجنس
- أنثى
على وزن "ماشي كل يوم ياوورث" نقول : "ماشي كل عام تقشف" :p
الخضرة فالسوق طالعة طالعة
الفاكية ما تاكلها شوف بالعين المشتهية
الشعب هذا مع ازمة في كل بلاصة
واحد ما لقاش خدمة ولاخر بلا سكنة
واحد مالقاش باش يطعم العايلة
ولاخر مريض و العملية تسقاملوا غالية
شوفوا المعوق هذا يماه تبكي وباباه جاري ومكانش التفاتة
شوفوا الفقير هذا عايش فالزنقة ياكل من النفاية
شوفوا هذا اللي هبل بعد ما تخرج حكموا عليه بالبطالة
شوفوا هذا اللي حرق روحوا كي قفلوا عليه من كل بلاصة
قالوا : واجب عليك تنتخب في كل مرة
وأنا قلت : لا و لا اذا كانت حقوقنا بعد الانتخاب تصير منسية
قالوا واش قال اللي قبلهم : نديروا فيها حاجة
و أنا قلت : رايحة تبقى هدرة يكسبوا هوما ويخسر الشعب فالقضية
نعرفكم بنفسي أنا جزائرية ولدت وسط الميزيرية
بابا شيخ كبير وشهريتوا ماهي كافية
خاوتي جزايريين كل واحد في قلبوا كية
الاول كمل قرايتوا وبقى سنين يجري على الخدمة
شاف فيماه المريضة من دار لدار تنظف وتجي كل عشية
طاحت هذيك الدمعة قالها : خلاص يا يما وليدك كبر وعليه المسؤولية
الثاني خلى عايلتوا وهجر لبلاد ثانية يحوس على معيشة هانية
الثالث جون صغير عرف فحياتوا غير الفقر و الحقرة
من القنطة مسكين علق روحوا فحبيلة
الرابع هدر كلمة حق رجعوه مهبول صوروه وداروه نكتة
الخامس مشى في طريق عرف فيها اصحاب المخدرات و الزنقة
فالليل يذخل سكران و كي تسقسيه يماه وين كنت يضربها بلا رحمة
سامحي وليدك يا الميمة ...
ماشي بيدوا هذاك اللي خلاك تنوضي كل صباح باش تخدمي
ماشي بيدوا هذاك اللي يعيط ويهز يدوا عليك كي تهدري
ماشي بيدوا هذاك اللي قطع البحور و مخليك تبكي
وهذا الجون اللي كان يحلم بزاف اليوم تبدلت حياتوا على ضربة
كان يقول : كي نكبر ندير و ندير وسمع صحابوا وولاد حومتوا الصغيرة
اليوم شافوه معلق روحوا في حبلة ويقول :
يا يما اسمحيلي من غيرك علابلي واحد عليا ما راح يبكي
شكون راح يتفكرني ؟ علابلي غير انتي اللي كي نتحط تحت التراب ما تنسايني
سااامحيني و ما تبكيش دموعك تحرق في قلبي
يا يما الحياة حبيتها كي كنت صغير وتلعبيني باش تنسيني
يا الغالية كي كبرت خلاوني نشوف الخوف اللي كنتي تخبيه عليا بلا ما تشوفوا عيني
يا يما كي كبرت خلاوني نشوف الذل اللي قبلتي بيه انتي على جال وليدك يكبر راجل تزوجيه وتفرحي
يا يما وليدك قطعوا عليه كل طريق دوروني حتى دخت قالولي دوسيك ماهو مقبول معندك حتى شي
يا يما وليدك قاري كملها جاري الخدمة ماشي ليه و السكنة تاني
في بلادي طالب من بعد بطال ومن بعد طلاب , في هذي مكانش اللي يفتي
سامحيني يا الميمة والباقي وكيلهم ربي
ياااا رب اغفر لي
بقلم الصاحفية الساخرة
شبه مسرحية
الخضرة فالسوق طالعة طالعة
الفاكية ما تاكلها شوف بالعين المشتهية
الشعب هذا مع ازمة في كل بلاصة
واحد ما لقاش خدمة ولاخر بلا سكنة
واحد مالقاش باش يطعم العايلة
ولاخر مريض و العملية تسقاملوا غالية
شوفوا المعوق هذا يماه تبكي وباباه جاري ومكانش التفاتة
شوفوا الفقير هذا عايش فالزنقة ياكل من النفاية
شوفوا هذا اللي هبل بعد ما تخرج حكموا عليه بالبطالة
شوفوا هذا اللي حرق روحوا كي قفلوا عليه من كل بلاصة
قالوا : واجب عليك تنتخب في كل مرة
وأنا قلت : لا و لا اذا كانت حقوقنا بعد الانتخاب تصير منسية
قالوا واش قال اللي قبلهم : نديروا فيها حاجة
و أنا قلت : رايحة تبقى هدرة يكسبوا هوما ويخسر الشعب فالقضية
نعرفكم بنفسي أنا جزائرية ولدت وسط الميزيرية
بابا شيخ كبير وشهريتوا ماهي كافية
خاوتي جزايريين كل واحد في قلبوا كية
الاول كمل قرايتوا وبقى سنين يجري على الخدمة
شاف فيماه المريضة من دار لدار تنظف وتجي كل عشية
طاحت هذيك الدمعة قالها : خلاص يا يما وليدك كبر وعليه المسؤولية
الثاني خلى عايلتوا وهجر لبلاد ثانية يحوس على معيشة هانية
الثالث جون صغير عرف فحياتوا غير الفقر و الحقرة
من القنطة مسكين علق روحوا فحبيلة
الرابع هدر كلمة حق رجعوه مهبول صوروه وداروه نكتة
الخامس مشى في طريق عرف فيها اصحاب المخدرات و الزنقة
فالليل يذخل سكران و كي تسقسيه يماه وين كنت يضربها بلا رحمة
سامحي وليدك يا الميمة ...
ماشي بيدوا هذاك اللي خلاك تنوضي كل صباح باش تخدمي
ماشي بيدوا هذاك اللي يعيط ويهز يدوا عليك كي تهدري
ماشي بيدوا هذاك اللي قطع البحور و مخليك تبكي
وهذا الجون اللي كان يحلم بزاف اليوم تبدلت حياتوا على ضربة
كان يقول : كي نكبر ندير و ندير وسمع صحابوا وولاد حومتوا الصغيرة
اليوم شافوه معلق روحوا في حبلة ويقول :
يا يما اسمحيلي من غيرك علابلي واحد عليا ما راح يبكي
شكون راح يتفكرني ؟ علابلي غير انتي اللي كي نتحط تحت التراب ما تنسايني
سااامحيني و ما تبكيش دموعك تحرق في قلبي
يا يما الحياة حبيتها كي كنت صغير وتلعبيني باش تنسيني
يا الغالية كي كبرت خلاوني نشوف الخوف اللي كنتي تخبيه عليا بلا ما تشوفوا عيني
يا يما كي كبرت خلاوني نشوف الذل اللي قبلتي بيه انتي على جال وليدك يكبر راجل تزوجيه وتفرحي
يا يما وليدك قطعوا عليه كل طريق دوروني حتى دخت قالولي دوسيك ماهو مقبول معندك حتى شي
يا يما وليدك قاري كملها جاري الخدمة ماشي ليه و السكنة تاني
في بلادي طالب من بعد بطال ومن بعد طلاب , في هذي مكانش اللي يفتي
سامحيني يا الميمة والباقي وكيلهم ربي
ياااا رب اغفر لي
بقلم الصاحفية الساخرة
شبه مسرحية
