- إنضم
- 23 أفريل 2016
- المشاركات
- 1,022
- نقاط التفاعل
- 3,889
- النقاط
- 171
تحية لكل البائسين في انحاء القارة السوداء دون استثناء حتى سكان مونروفيا (عاصمة ليبيريا في حملة تعرف اكثر على قارتك البائسة)
ايه وش راكم وش احوالكم كاش نجاحات كاش زواجات تبانلي من طمينة ام ياسمين تاع عام عام ما لحقكم والو وزيد حرن عليها محمد الامين بغا ياكلها وحدو '' خلـــــــــــــــــــــــــــــــــــــــــــــق ليفتـــــــــــــــــــــــــــــــــــــــــــــــــــــــــــــــــــــــرس" -__- اخخخ ما تزعفش ولا كيما قال الشاعر الكبير الله يذكرو بخير عثمان عريوات تقشش ولا مارد عليك ههه
بغيت نحكي في هاد السوجي على واحد الفئة هي على كل حال بائسة هادي لا نقاش فيها لكنها ايضا فئة محرومة ولا ان صح التعبير فئة "مكبوتة" كيما في العنوان الجماعة لي باغية اللبن ومخبية الطاس اصحاب المشاعر الخفية .. وهادي مشكلتنا العويصة حنا الافارقة ناس كامل عايشة بمشاعرها نورمال مي حنا فقط لي عايشيين بمشاعر مسلفينهم من عند غيرنا تموت وما تديش الصح من عند خوك الافريقي بروبلام تاع توسويس اك فاهم
حبابنا هادوما لي نحكو عليهم اكيد نعيشو معاهم وربما احنا تاني منهم -___- بروبلام تاع حشمة ولا تاع طايح خشين ..
منروحوش بعيد مرات كي نكونو زعما معروضين على ماكلة ايا وانت تعجبك ويبداو ريوق تاوعك يسيلو ايا تشوف منا منا تلقا ناس كامل كلات غير شوية شوية وانت المشكل قلبك يقول زيد وكل اعضاءك دموندي ايا انت تلعبها طايح خشين كيما هادوك لي في الفيلمات لي ما يموت ما يخلاصلو رصاص ايا تحبس الماكلة وهي مزالها تحرق في قلبك وتستنى في مول الدار غير يقلك يا ودي كول ويحاولك شوية باه ديماري ... اخخخ ما لازمش تكون هكا وتخليها في قلبك كون ديناصور وكول وكي متشبعش زيد دموندي لان الدنيا فرص وانت راح تراطي بينالتي في الدقيقة التالية ...
ايه وكاين تاني حبابنا لي يحب يتزوج ايا وما جاياش يروح ديراكت للعجوز يقلها زوجيني ايا يبدا داخلها غير بالشوي زعما يبدا يشري المصروف وهو لي في حياتو ما دخلش حبة بصل للدار .. ويتاستي او مام طو يا دار العجوز واش كشما فهمت روحها ولا والو يلقاها معلابالهاش بيه .. ايا يروح يصبغ لاشومبر تاعو ... والحال مزال يراوح مكانو .. ايا يقرر يدير لي موسطاش ... وتزيد العجوز تسماط عليه كثر تقلو واش هداك ما مزالك غير شلاغم القطة ... في اخر خبر ان هاد السيد قرر مواصلة حياته بائرا ... واش داك تخبي الطاس يا بني ...
ايا نزيد مثال اخير على حبابنا هادوما يعجبوني جايين حشوميين ماشي وجوهم صحاح كيما بعض الديناصورات .. هداك صاحبك لي يحب يقصدك في دراهم ولا كاش عفسة وما يبغيش يقلك ديراكت يبدا يقول والله خاصيني شوي دراهم باغي نشري طونبيل وهاك عارف الواحد ما لحقش .. اي يلقاك ما فهمتش يبدا يقلك ان كون نلقى شكون يسلفني على شهر يكونو عندو ههه وادا لقاك سامط او طول حياتو يشكيلك .. ولا هداك لي باغي اخت صاحبو وبدا يقلو باغي نتزوج ومن دار تاع ناس وخوها يقولو اي شوف ... يقلو باغي وحدة ميترة وستين وتوزن 65 وشعرها اكحل .. خوها يقولو زيد شوف كاش ما يجيب ربي ... صاحبو يقلو حابها سنة تكمل قرايتها سيرتو تكون قارية فرونسي وعمرها 24 وخوها عندو قهوة لتماك يشوف معاه خوها ويقلو اااااه وي تحكي على سكينة غير سمانة لي فاتت خطبوها كون قتلي قبل رانا مديناهالك ... وحبيبنا هدا يقولو بلي دخل في حالة هستيرية 6 سنين وهو يستنى باه يخطب سكينة ..
المهم خاوتي هاد الفئة من الناس من نهار عرفتهم ديما نهايتهم مأساوية وكيما قلت في اللول احنا الافارقة مشكلتنا في مشاعرنا مداخلة مع بعضاها ..
تحياتي للجميع ودمتم سالمين
آخر تعديل بواسطة المشرف:
)
