دايرة جلباب و محاينها كبار..

[همس الوُرود]

السلام عليكم ورحمة الله وبركاته

وش راكم أهل المنتدى الكرام إن شاء الله كلكم بخير وعافية

وش رايحة نقوللكم راهي 3 ونص تع الصباح وراني جاية نحكي معاكم مشي مدانيش النعاس مي قلقتني صح حاجة وحيرتني علابالي كي نحكي عليها كيمانحكيش مش رايحة تتبدل الوضعية بصح ماعليش

اليوم كنت جاية مع صاحبتي تقرا معايا و صاحبتها و صاحبة صاحبتها و بنت خالة صاحبتها وجارة صاحبتها

المهم طريقنا وحدة كنا ماشيين يحكو عادي وللأسف مش من طبعي نحكي كي يكونوا ناس بزاف وجماعة كبيرة نفضل أني نسكت و إذا كثرت نبتسم ونمشي

كانو يتمهبلو يضحكو وأنا عادي نمشي في سعادة وهناء لا بأس و بداو يهدرو على متجلببة قالو شفنا متجلببة دارت هكا وهكا
قالت وحدة أنا تشوكيت متوقعتش متجلببة تدير هكا وناضوا فيها إييه مايغروكش المظاهر و صاحبتي قالتلهم ماعادوش كامل يخلعوني المتجلببات و ’’

صراحة لما أنا ماكنتش متجلببة كنت هادو الناس كي يتكلموا كيما هكا نقيم عليهم الحرب الله غالب تحكمني الغيرة على كل متجلببة دارت الجلباب بنية طيبة

مافهمتش أنا المتجلببة كيفاش يشوفوها الناس غريبة أطوار؟ معصومة عن الخطأ؟ ملاك؟ لا حول ولا قوة إلا بالله

منيش نبرر فأخطائهم ولكن مشي هكا علاش تربطوا الجلباب بالفعل؟ دوك الجلباب يستر المرأة ومكالاه نبقى نهدر الي مايعرفش وش هو الجلباب يحوس عليه ويسقسي عليه و يقرى الفتوى عليه,, لا علينا

لكن تخيلوا يحكوا هدي الأمور أمامي متجلببة هكا يقولو متغركمش وحدة متجلببة ماعادوش يخلعوني وأنا نمشي معاهم وكون نهدر علابالي يقولو نتي موسوسة و مناش عليك أو أي شيء من هذا القبيل

ماعليش أنا سكت وماهدرتش قلت خلي يقولو وش يحبو ياك الجلباب مادرناه علاجال حتى شخص من عباد الله خلي يهدروا

بصح هكا الطفلة تقنع روحها بلي راهي على صواب وأنها هكا أفضل وكي راهي لابسة سروال سيري و دايرة ماكياج وتعيط على طول صوتها فالشارع راهي أفضل من ديك المتجلببة

إيه تفكرت هديك المتجلببة قالك شفناها مع واحد و هي أصلا ملابساش خاتم محبيتش نعلق و نهدر بصح قلتلهم وين علابالكم بلاك خوها

إيه بصح علاش لالا ؟ ياك أنا خويا إذا مشيت معاه مثلا فالشارع رايحين يقولوا متجلببة ماشية مع واحد؟ و ملابساش خاتم؟؟ سما أنا كي نخرج مع خويا لازم نلبس مثلا خاتم بش يفهمو بلي نورمال
ماعرف على كل حال أنا مانحكمش على الطفلة وش دارت ولا وش تدير مي ماعرف نظن الإنسان كي يشوف حاجة معجبتوش يقول عافانا الله وإذا استطاع ينصح الإنسان الي غلط مشي يبقى يلغبج ويهدر

أنا كرهت ندير صديقات غير أني كل صديقة إلا وكلامها كلو شوفي هاديك وشوفي الأخرى يا بنتي علاش تقتلي في روحك كوني نتي مليحة وهنينا ياك؟

والله مرضوني

وكاينة وحدة تقرا معايا يااااااااااااااااااااااااااااااااااااااااااااااااااااااااااااااااااااااااااااااااااه مرضتني حتى قلتهالها ديراكت يا بنتي كي تكوني معايا ماتحكيلي على حتى وحدة وهكاك ولسانها مش ليها حتى مين تبدا نقوللها هنا ديري ستوب خذلك سنيكرز أحسن لك

يلا علابالي منشطتهاش كامل راكم تقراو الموضوع تنعسوا بصح ماعليش ياك أنا خليت رقادي وجاية نحكي قيمونا شوية

في أمان الله​

 

[Hakan]

شوفي هذي امراض في المجتمعات صاحبة الدين
مام المسيحيين تلقايهم ديما حاطينها على الراهبات والرهبان فقط لانو اخترو الطريق السوي في نظرهم بين قوسين المسيحية ماهيش طريق صحيح
كذالك في المجتمع الاسلامي ينظرون للمتلزم بعين المحاسب مي يحاسبهم ربي على كلامهم على اهل الالتزام قبل كل شيء
اللي تضحك على الجلباب والتجلببة فقط لانو ماراهيش حابة دير حجاب وحابة تبقى طول حياتها عريانة علابيها تحب تعطي صورة
سيئة على المتجلببة باش تبرر التعري نتاعها
ما نقولوش انو كامل الملتزمين ظاهريا ملتزمين في الباطن لكن هذا هو نفاق الشعب
ياربي يهديهم ..​

 

[زاد الرحيل]

الشق الاول يا غاليتي يدخل في اطار الغيبة و هذوا بعدي عليهم اما الثاني فالمضاهر خداعة هذا يعني انك متحكميش على واحد بالمظاهر

 

[afnene]

السلام عليكم
الصراحة جذبني موضوعك لان هذا الموقف حصل معي لم اكن انا المقصودة هناك فتاة واحدة في ثانويتنا ترتدي الجلباب الكثير من يرتدي حجاب شرعي ولكنها هي الوحيدة من ترتدي الجلباب .
كانت الفتيات تتحدث عنها بسوء لانها تصاحب الفتيان وتتدردش في الفايس وغير ذلك وهن يفعلن اكثر مما تفعل هي
ولكن بالنسبة لهن هن غير محجبات عادي ان فعلن ذلك ولكن هي متجلببة .(راني دخلتها عليك عربية فصحى ههه)
خليتهم كملو هدرتهم حاولت نقنعهم بان فكرتهم لا اساس لها من الصحة وانهم غالطين
قلتلهم انتم مسلمون قالوا نعم
قلتلهم مالا علاش انتم حلال عليكم وهي حرام عليها قالت وحدة باسكو هي متحجبة
قتلها وعلاش كاين اية ولا حديث فيها غير لمتحجبات لي ميعصوش ربي والباقي كيما يحبوا
هذه الافكار الخاطئة لي خلات مجتمعنا في الحضيض
حسبين ان الانسان الملتزم معصوم من الخطا واذا خطا يديروا عليه جماعات واحد يقول علاش راهي تكذب على ربي ودايرى هذه الجلباب واخرين هذا علاش داير اللحية وهو منافق ....
لازم يفهمو ان المراة لما تتحجب ماشي معناها انها مرحش تعصي ربي ابدا ولكن معناها انها راهي طيع في ربي لانه امرها بالحجاب
والفتاة لي تلاقيها تقول انا منديرش الحجاب باسكو الفتيات المحجبات اكثر فسادا من الغير محجبات هذي راهي تقنع في روحها انها على صواب وراهي تحوس على حجج لعدم التحجب
وهوما مرهمش منتابهين ان معصية واحدة راهي تديهم لعدة معاصي هوما لما يفكروا ان الفتاة المحجبة هي الوحيدة التي لا يجب ان تفعل المعاصي وبالتالي هن لن يتحجبن
وبحكم انهن غير محجبات فلا باس عليهن ان صاحبن الفتيان ورفعن صوتهن في الشوراع .......
سمحيلي على الاطالة وعلى اللغة المخلطة مرة عربية فصحة ومرة عامية هههههه

 

[أم أُنٌَيسة]

السلام عليكم و رحمة الله تعالى و بركاته
ربي يهدي من خلق يارب
هدا هو المشكل ، لما درتو اول مرة كامل العائلة قالولي علاه تغمي في روحك و خيمة وماعلاباليش واش وكاين اللي قالولي مانحكوش معاك قلتلهم طريق السد
اما لبنات شوفي حبيبتي ادا تحكي عليا نروح نبوسها نقللها يكثر خيرك دخلتي عليا حسنات ماتعبتش عليهم الحمد لله على الخير اللي دخلني
و ادا على غيري صوا المتحجبات او غيرهم لازم نحكي و نبهدل و نقول كل واحد في قبرو وحدو ماعبكش الحال ادعيلهم بالهداية شكون انت باه تحكم على اي واحد و كل عملو وحدو ، الحجاب وحدو و الاعمال الاخرى وحدها و ايضا واحد ماعلابالو في نية الناس الاخرى
كانت كاينة وحدة صديقة لما تشوف زوج مع بعض تبدا تحكي نقللها بلعي فمك وين علابالك ادا حبيبها بالاك خوها بالاك وليد عمها بالاك يقربلها ، وحتى ولو بلعي فمك وماتديريش كيفها وخلاص ادا حبيتي روحي انصحيها وادا لا بلعي فمك
ومرة تناقشت مع صديقة قالت انو الحجاب قناعة قلتلها شوفي كل شء ولا احكام الله ماتديريهش كيما تحبي بينك بين مولاك اما تخربي فيا وتقوليلي قناعة هدي حبسيها يابنت الناس ، اي حاجة مفروضة تطبق تؤجر ماتبقش تؤثم ، ماتبقيهش الله يهديكي اما باش تنكري حكمو انو فرض وواجب كيما الصلاة هنا مانتفاهموش ، في امور يما هكدا نرجع حيوان منقرض لا شكل ولا فصل له يامحاينك
مرة صراتلي ، لانو جامي نقف مع طفل خارج القسم او حتى نحكي معاه الا في القسم و نحكي على الانمي و افلام الرعب اكيد هدي في الثانوي موش في الجامعة
مرة جا وليد عمتي عندي وقفت معاه ايه اختي لعشية جاية ميتة بالضحك قالتلي اسمعي انتي ثانوية كاملة كانت تحكي عليك زعمة ماتحكي مع حتى واحد هنا و ضوك جابت صاحبها قدام الثانوية و سلمت عليه و تحكي وتضحك معاه بلا حشمة وبلا اخلاق متت بالضحك قلتلها فور هدي ، قالتي اني قلتلهم وليد عمتي قلتلها علاه خليتيهم زادوني شوي حسنات
شوفي حبيبتي لما قلتي درت الحجاب علابالي انو راح يصراو معاك مواقف هكدا وموش ملاح خاصة ليكي انتي حساسة جدا ، انا بالسبة لي كلب ينبح واش يربح
و اللي جهلتني هداك الوقت لما اللي يلقاني يقللي راكي مليحة بلا حجاب علاه درتي الحجاب ؟ و كاين اللي يقللي قالك الراجل ديريه ؟
واش دخلو مازالني في دار بابا ندير اللي نحب و اصلا في امور الدين لا طاعة لمخلوق في معصية الخالق
وحد العباد خلي برك
ربي يثبتك ان شاء الله
ماتديريش عليهم بزاف ، لما تلقيهم يحكو هكدا انصحيهم باللي هي احسن و ماتحطيش في بالك واش راح يخممو ن يخممو كيما يحبو اصلا الناس ديما تخمم و تحكي كيما تحب
يكفي انو الخالق عارف بنيتك الباقي لبحر والشكارة
اني كثرت الحكايات بزاف لانو صح جهلوني بزاف مواقف في لافار تع الحجاب
تحياتي حبيبتي​

 

[شاعرة الأمل]

سلام عليكم ختيتو واش راكي توحشناك وتوحشت مواضيعك لي دايما عندها معنى نتي قلتي انو موضوعك يجيب نعاس وكدا لا لا راكي غالطة الموضوع لي يكون هكا انا شخصيا كي نشوفو ننشط يعني مش لازم الموضوع لي نكتبوه هنا لازم يكون يضحك ولا مانكتبوش
ونتي مالازمش تقلقي روحك لانك راكي في بلاد يهدرو يهدرو حتى لوكان لواحد مليح واخلاقو عالية ومايطلقوهش ويقولو ظلو عوج الوغ انا من الناس لي مايدوهاش فهدرة الجياح
وبالنسبة للي راهم يهدرو على المتجلببة انا نقولهم هي راهي بدات تطبق في دينها مشي انها راهي معصومة من الخطأ او انها صحابية جليلة كامل ناس يغلطو ومش لوم يرجع عليها غير هيا
وصح كاين بنات خسرو صورة الجلباب نقولو ربي يهديهم مش نديروهم مسكة في الفم نمدغوهم كل وقت
المهم ربي يهدينا كامل ويثبتنا على طاعتو ويوفقنا لشي لي يرضيه على فكرة انا تان متجلببة ونسمع بزاف هدرة مالازمش تقلقي روحك على جال ناس ماتستهلش
موصوعك في القمة ختي ربي يخليك تقبلي مروري سلام

 

[miss victoria]

السلاااام عليكم
طرح يستحق النقاش هاد السؤال دائما في بالي و انتشرت هاد الظاهرة بزاااااف
و سيرتو في الليسي نتاعنا و دائما نتساءل نقول علاه راهم يشوهو في الجلباب و ماديريش على الناس باسكو ماكانش طفلة ما تعلقش ولات طبيعة الله غالب
وشكراااااا

 

[Mustapha Bita]

الاخلاق ليس لها اي علاقة باللبس ولا بالمشي ولا بالوجه.
المجتمع العربي فارغ شغل ليس له الا كثرة الكلام الفاضي.

 

[afnene]

الاخلاق ليس لها اي علاقة باللبس ولا بالمشي ولا بالوجه.
المجتمع العربي فارغ شغل ليس له الا كثرة الكلام الفاضي.

معك حق في ان الاخلاق ليس لها علاقة بالمظهر
ولكن الا ترى ان تصرفات الانسان هي مراة لاخلاقه
فنرى فتاة متبرجة عندما تنصحها تقول الايمان في القلب لا اختلف معك ان قلت ان بعض المتبرجات قد يكن متخلقات اكثر من المحجبات
ولكن يبقى اللبس مراة لاخلاقها (هذا ان كانت ارتدته عن قناعة)
فمثلا لو قلت انت عبارة غير محترمة بين زملائك مثلا الا يعكس هذا سوء اخلاقك
اللبس هكذا فان ارتدت الفتاة حجابها فهذا يدل على عفتها وحيائها
وان تبرجت فهذا يدل على العكس
(انا لا اتحدث عن من ارتدت الحجاب للموضة فقط)

 

[Mustapha Bita]

معك حق في ان الاخلاق ليس لها علاقة بالمظهر
ولكن الا ترى ان تصرفات الانسان هي مراة لاخلاقه
فنرى فتاة متبرجة عندما تنصحها تقول الايمان في القلب لا اختلف معك ان قلت ان بعض المتبرجات قد يكن متخلقات اكثر من المحجبات
ولكن يبقى اللبس مراة لاخلاقها (هذا ان كانت ارتدته عن قناعة)
فمثلا لو قلت انت عبارة غير محترمة بين زملائك مثلا الا يعكس هذا سوء اخلاقك
اللبس هكذا فان ارتدت الفتاة حجابها فهذا يدل على عفتها وحيائها
وان تبرجت فهذا يدل على العكس
(انا لا اتحدث عن من ارتدت الحجاب للموضة فقط)

الايمان في العقل اولا لان العقل هو المدبر

 

[afnene]

الايمان في العقل اولا لان العقل هو المدبر

واين يوجد العقل؟؟

 

[Mustapha Bita]

واين يوجد العقل؟؟

الراس-الجسم

 

[afnene]

الراس-الجسم

العقل غير ملموس في جسم الانسان
ومعتقد خاطئ ان العقل في الراس فذاك الدماغ وليس العقل
العقل موجود في القلب

 

[البحر الهادي]

السلام عليك
عجبني الموضوع بزاف
لي عودة إن شاء الله فقط لن الصلاة حضرت

 

[أم أُنٌَيسة]

الحجاب فرض كيما الصلاة و الصوم
لا دخل للعقل و القناعة
ايه شوفو واحد مايصليش علابالو انو الصلاة واجب لكن عجز برك في التطبيق ، لكن شوفو اللي يقللكم مانيش مقتنع بالصلاة اصبرولي حتى نقتنع بيها ومن بعد نرجع نصلي و كدا الصوم
الحجاب فرض من فروض الاسلام بالنسبة للمراة و اتكلم عن الفتاة البالغة مع اخلاص النية لله في كل عمل فان كانت النية لغير الله فكانك لم تقم بشيء
موش لازم يكون الجلباب ، المهم حجاب كيما وصى الله والنبي
كاين اشكال حجاب بزاف كيما اوصى الله و النبي موش لازم الجلباب
وكل وحدة على واه ترتاح ، جربتهم الكل و لكن نفسي ارتاحت للجلباب
لكن انو تتبرج حرة لا دخل لي فيها لكن انو تقلي قناعة هنا مانوافقش اخي مصطفى​

 

[البحر الهادي]

العقل غير ملموس في جسم الانسان
ومعتقد خاطئ ان العقل في الراس فذاك الدماغ وليس العقل
العقل موجود في القلب

صح شكرا لك بارك الله فيك
العقل في القلب والأدلة في القرآن
وأما هذا القول فهو قول الفلاسفة

 

[Mustapha Bita]

العقل غير ملموس في جسم الانسان
ومعتقد خاطئ ان العقل في الراس فذاك الدماغ وليس العقل
العقل موجود في القلب

لالا ارجوك لاتقوليها
علماء المسلمين يعتقدون ان العقل في القلب
وهدا خطا
لان الاطباء والفلاسفة قالو ان وجود العقل في الدماغ.
وهدا بعد بحث طويل واجتهاد.
اما العلماء المسلمين فقط مجرد كلام في كلام بدون بدل اي جهد او بحث حقيقي.

 

[afnene]

لالا ارجوك لاتقوليها
علماء المسلمين يعتقدون ان العقل في القلب
وهدا خطا
لان الاطباء والفلاسفة قالو ان وجود العقل في الدماغ.
وهدا بعد بحث طويل واجتهاد.
اما العلماء المسلمين فقط مجرد كلام في كلام بدون بدل اي جهد او بحث حقيقي.

لقد خرجنا عن الموضوع المناقش
يمكنك البحث اخي في النت هناك ادلة في القران على ان العقل في القلب اما الباقي فهو قول الفلاسفة

 

[afnene]

الحجاب فرض كيما الصلاة و الصوم
لا دخل للعقل و القناعة
ايه شوفو واحد مايصليش علابالو انو الصلاة واجب لكن عجز برك في التطبيق ، لكن شوفو اللي يقللكم مانيش مقتنع بالصلاة اصبرولي حتى نقتنع بيها ومن بعد نرجع نصلي و كدا الصوم
الحجاب فرض من فروض الاسلام بالنسبة للمراة و اتكلم عن الفتاة البالغة مع اخلاص النية لله في كل عمل فان كانت النية لغير الله فكانك لم تقم بشيء
موش لازم يكون الجلباب ، المهم حجاب كيما وصى الله والنبي
كاين اشكال حجاب بزاف كيما اوصى الله و النبي موش لازم الجلباب
وكل وحدة على واه ترتاح ، جربتهم الكل و لكن نفسي ارتاحت للجلباب
لكن انو تتبرج حرة لا دخل لي فيها لكن انو تقلي قناعة هنا مانوافقش اخي مصطفى​

انا مثلك اختي كنت اظن ان كل الفتيات مقتنعات بان الحجاب فرض الا انهن يعجزن عن التطبيق كما اعطيت انت مثال عن الصلاة
ولكن ماخرا شاهدت فيديو في اليوتيوب للشيخ وسيم يوسف اتصلت به امرة وتقول انا لم اتحجب لاني فسرت الاية
{يَا أَيُّهَا النَّبِيُّ قُلْ لِأَزْوَاجِكَ وَبَنَاتِكَ وَنِسَاءِ الْمُؤْمِنِينَ يُدْنِينَ عَلَيْهِنَّ مِنْ جَلابِيبِهِنَّ ذَلِكَ أَدْنَى أَنْ يُعْرَفْنَ فَلا يُؤْذَيْنَ وَكَانَ اللَّهُ غَفُورًا رَحِيمًا}

على ان الله اعطى حرية الاختيار للمراة في التحجب وانه يغفر لمن لم تتحجب
لم اكن اتتصور ان هناك من قد يفكر هكذا .
اوافقك الراي ان الفتيات مقتنعات بالحجاب ولكنهن لايستطعن ارتداءه ظنا منهن انه سيبديهن غير جميلات .

 

[أم أُنٌَيسة]

انا مثلك اختي كنت اظن ان كل الفتيات مقتنعات بان الحجاب فرض الا انهن يعجزن عن التطبيق كما اعطيت انت مثال عن الصلاة
ولكن ماخرا شاهدت فيديو في اليوتيوب للشيخ وسيم يوسف اتصلت به امرة وتقول انا لم اتحجب لاني فسرت الاية
{يَا أَيُّهَا النَّبِيُّ قُلْ لِأَزْوَاجِكَ وَبَنَاتِكَ وَنِسَاءِ الْمُؤْمِنِينَ يُدْنِينَ عَلَيْهِنَّ مِنْ جَلابِيبِهِنَّ ذَلِكَ أَدْنَى أَنْ يُعْرَفْنَ فَلا يُؤْذَيْنَ وَكَانَ اللَّهُ غَفُورًا رَحِيمًا}

على ان الله اعطى حرية الاختيار للمراة في التحجب وانه يغفر لمن لم تتحجب
لم اكن اتتصور ان هناك من قد يفكر هكذا .
اوافقك الراي ان الفتيات مقتنعات بالحجاب ولكنهن لايستطعن ارتداءه ظنا منهن انه سيبديهن غير جميلات .

دلك غباء مطلق ، لا يحق لاحد تفسير ايات الله عز وجل على هواه ربي يهدي من خلق ان شاء الله
ايه على الجمال التافه هدا ، والله العظيم صحباتي يقولولي تهبلي بالحجاب و خرج عليك نقللهم مادرتوش باه يخرج عليا و نجي نهبل
في الواقع كنت نظن انو لازم ندير النقاب و خاصة لما تكون المراة متزوجة ، لكن لما بحثت و تعمقت اكثر وجدت انه صاحبة الجمال الباهر فقط من يجب عليها دلك لتفادي الفتنة
مانقدرش نفهم كيفاه تخمم لعباد ن العكس الحجاب هو اللي يجمل النساء و هو تاج النساء وكدا افعالهن
نسال الله الهداية و الثبات باذن الله تعالى​