- إنضم
- 27 جويلية 2014
- المشاركات
- 15,118
- نقاط التفاعل
- 39,538
- النقاط
- 13,026
- محل الإقامة
- العاصمة
- الجنس
- أنثى
السلام عليكم و رحمة الله تعالى و بركاته
وشراكم خاوتي لباس عليـــكم ؟؟
عطلة ربيع موفقة و ممتعة ان شاء الله
خاوتي مؤخؤا سمعت خبر معلباليش اذا صحيح ولا لالا لكن خبر عجبني نوعا ما حتى و ان كانت صاحبة الفكرة تهدر و متطبقـــــش
سمعت بلي بن غبريط دارت قرار و راهي تناقش فيه حاليا و هو فصل البنات على الذكور باش ميكونش اختلاط لانو صراو بزاف مشاكل من وراء هذا الشيء
يعني يا تدير اقسام خاصة بالبنات و الذكور يا مدارس خاصة بالبنات و لخرى بالاولاد
فكرة عجبتني بزاف لانو الوقت لي رانا فيه وقت عيش تشوف و عيش تسمع
راه يصرا غير العجب من مور الاختلاط هذا بكري بلاك كانت النية و مكاش حيلة كيف ضركا
و كان الاستاذ بقيمتو و يهو لي يحكم و الكل يشمي تحت كلمتو
مي دوكـــــــا الاختلاط هذا ادى الى افات اجتماعية بزاف اولها العلاقات الغرامية و لي ولات سبب رئيسي في فاحشة الزنا عفانا الله و اياكم
و ولات جرائم القتل بسباب اعجاب زوج ولاد بطفلة واحدة ومبعد يتضاربوا على جالها و توصل للشجار بالاسلحة البيضاء و من ثم المووووت
زيد على هذا مشكل الفرق في الدراسة البنات يقراو خير من الاولاد و عدد البنات في القسم كثر من الذكور و كي تكون الطفل تقرا خير من الطفل ولا شوية ولاد مع بزاف بنات هذا يولد الشحنة و يولي عالعام الضراب و شحال من وحدة خسرولها وجها غير على جال هذا الشيء
و وصلت حتى باش يسحروا بعضاهم على جال حاجة وسمها { مكان تربوي " مدرسة " }
و فكرة فصل البنات على الذكور جات في وقتها
لانو صح هذا هو الوقت لي يجب الفصل والا رح نولو نسمعوا بالفاحشة في المدارس التربوية حتى و انها موجودة بصح ماشي بزاف و اذا بقا الامر هكا رح تخلاص علينا مال
احنا من بكري ملاح و نزيدو قالك سيدي مليح زادو الهوا و الريح
و ثاني من الافضل يديروا استاذات للبنات و اساتذة للاولاد لانو الطفلة مع المرا يتفاهموا و اذا كانوا عندهم مشاكل يحلوهم مع بعض و الحوار يسهل بيناتهم
و حتى الذكور من الافضل يدرسوهم رجال لانو الطفل مستحيل تحكم فيه مرا و يسمع لهدرتها ولاو يضربوهم و يهدوهم خارج المدارس و ياما صراو جرائم و مشاكل لانهم ماشي متفاهمين على هذا الراجل مع الراجل يتفاهموا خير
و زيد الطفلة مع الاستاذ مبقاتش كيما بكري دوكا ولاو علاقات حب و غرام و معلباليش واش
مبقاتش قيمة للاستاذ و التلميذة و راكم تسمعوا و تشوفوا لعجب لي راه يصرا
امالا واش رايكم في هذا القرار تاع فصل البنات و الذكور ؟
و آسكو جا في وقتوا ؟؟
نتمنى كل واحد يعطينا فكرة و رأيو الخاص على هذا القرار
اتهلالالالالالاو في رواحكم و نتلقاو في مواضيع اخرى ان شاء الله
سلام
