- إنضم
- 7 أفريل 2015
- المشاركات
- 17,545
- الحلول
- 1
- نقاط التفاعل
- 51,287
- النقاط
- 1,886
- محل الإقامة
- الجزائر الحبيبة
- الجنس
- ذكر
موضوع هزلي القصد منه النقد البناء و ليس التجريح أرجوا عدم الزعاف
صباح الخير عليكم و علينا و لمنا لعزيزة راهي تنادينا
ايييه على يامات زمان نتاع صباحيات بانش بانش و المراقب راهو ما بانش هههههههههه
بانش بانش و المشرف راهو ما بانش هههههههههه
المهم و الأهم مازلها قهوة خالتي الزايخة دايرة مفعغولها و خلايا الخبيثة
في مخي من الجهة اليسرى مازالها تخدم و تخمم
اليوم قلت رانا دايما نسمعوا الأعضاء ينتاقدوا الادارة و المشرفين
قلت نحي على خاطرهم و نجيب ليهم هدايا مهما كان راهم خاوتنا و خواتاتنا
و الاداريين و المشرفين كامل الوقت يخدموا و يتعبوا من أجل الشعب البائس و الناعس و التاعس ( تاعس للضرورة الشعرية )
المهم الهدايا رايح أنا نقسمها باش مكان حتى واحد يزعف على لاخر
و يقول راه سبقني و ما خلالي حتى حاجة
رايح نبداو @الورد الأحمر الهدية عبارة عن نضارات طبية باش تعاد تشوف مليح لأنها أصبحت بالخطأ تدخل في منتديات أخرين
و ترد هنااااك و تكتب و كي تجي لينا تفش زعافها بسبب النواضر نتاعها قداموا بزاااف و زيادة على شيك بمبلغ معين باش تروح تعمل تحاليل و تعايير و أشعة على مرارتها لأنها تقول دايما مرارتي راهي ضارتني
الأخ فتحي أفندي الاخ فتحي عاود ديكور اللمة و هرب الهدية اسبوعين استجمام في حمام ربي في سعيدة و أسبوع في بن حنيفية
الأخت @أم ياسمينdz حاضنة آخر طراز للكتكوتة و لي كوش مدة ست أشهر باش تتفرغ للمنتدى راهي كترت الغياب الغير مبرر
الأخت @الحلم الوردي الحاجة انت مازال مانيش فاهم راكي معانا و لا في عالم آخر يا لالة كاين منتديات ياسرين ماكانش غير الطبخ و تبييض البشرة لذالك راني شرينالك مطبخ مجهز و مجموعة هدايا تبييض و تنعييم و تقشير و تنديب البشرة هاكا باش تتفرغي للأقسام الأخرين و تاني حاضنتين لأولاد اختك و لي كوش ليهم مدة ست أشهر و رفاي باش تنوض من الحلم ههههههههههه
@المتفآئلة انت جبنالك سلة نتاع اسموات باش كل يوم تبدلي أسمك و مرآت باش تشوفي روحك كل صباح و تشوفي الاسم اللي يخرج عليك راه عندك الزهر لقيتك تحركي الايامات الأخرين ههههههههههه
الأخ مالك الهدية نتاعه قميص و سواك و سورفاتمو و قرعة جال لأنه راه متلفهالنا مرة ملتزم و مرة يغني و مطلع شعره
هكا باش يفهم أنا رانا فايقين بيه راه يجي يضرب طلة مرة في الاسبوع يكثر الضحك و يعطيها
@لؤلؤة قسنطينة الهدية نتاعها هاتف و صباط طالوا 10 سم باش تبان راهي خلاص ما عادتش تبان و قرعة حبر حلحالي على خاطر
نظن الحبر نتاعها كمل و ما لقاتش باش تكتب
الآن نروحو الى مشرفي الشؤون الدينية الحقيقة فكرنا فيهم مليح و بسبب تواجدهم في الجامع كثرت الوقت و غيابهم عن أقسامهم فكرنا و قررنا نهدوهم طابلات و قميص باش يتصلوا من المسجد باللمة
و مساعدتهم من اجل التعدد هههههههههه
نروحو عند المشرفة الأخت @عاشقة الإحسان الحقيقة الأخت راهي تعبابة منذ قدمت لينا مسابقة نتاع الكتابة المميزة ضربوها بعين قررنا نقدم ليها رحلة عند الشيخ بلحمر و أسبوع كامنل في حمام زلفانة باش تريح و ترجع لينا
الآن @أم منيــــــر خالتي لعزيزة راه عندما مدة طويلة ما كتبت ما ردت فكرنا في هدية قررنا نشروليها
شدة تلمسانية حرة لكن تكون حمرة باش تبان من بعيد
@آمِيْرَتُه آآآ÷ يا الحاجة الأميرة نتاعه الحقيقة القضية نتاعك تطلبت الاتصال باختصاصيين في علم الاجتماع و قالوا الأميرة راهي غايبة عن اللمة بسبب الهاء الأخيرة في اسمها و الهدية نتاعها هي لازم نعمل مجموعة نتاع أيمة و تروح للهاء و تجيه و ترجع الهاء الى الأميرة باش تعاود تنشط و زدنا قلنا نرسلوها فترة نقاهة عند عاشقة الاحسان تديها لحمام زلفانة باش نتتعش و تروح عليها الدوخة
@hakim story يا سي حكيييم نتا عزيز علي هاذاك علاه تفكرت في هدية مليحة ليك و هي نرسلوك تعمل رقية عند الشنفرة و منها تجي على معسكر و نوجدولك فاياج نعناع لأنه يهدأ الأعصاب
معنتها الهدية ربطة نعناع و تولي تشرب منه كي تحب ترقد و كي تريح رجع لينا بمواضيعك و ردودك
الأخت @Twinkle Stars الاخت توينكل في الحقيقة راهي ناشطة و قايمة بواجبها الأشرافي
هذاك علاه فكرنا نشرو ليها كاشي نتاع رقاد لقيناها تسهر بزاف و ما يجيهاش الرقاد
نروحو للأخت @ليليا مرام في الحقيقة ما شاء الله عليه ناشطة و قايمة بخدمتها شوالا نخممت نهدوها أسبوع تحويسة خفيفة في السودان سمعت بلي الاخوة تماك ما يهدروش بزااف قلت تعلمهم ثقافة التنقريش و الهدرة و ترجع لينا
نروحو الى الأخ @Djamel.Dz الأخ راه غايب قالك راه يبكي خاصه بالون و هاذاك علاه قررنا نهدوه بالون نتاع فوت و شرط نتاع محرز باش ينشط و يرجع لينا و بلا ما ننسى باكي ببي مشوار باش يمسح دموعه
@أشـواق 19 الاخت المشرفة راهي تطل علينا مرة على مرة لكن ساكتة و ماهيش عاجبها لي كيب ناسيونال و قالت ما نكتبش حتى نطلع للمونديال هذاك علاه فكرنا نرسلوها لسيدي موسى تعمل تربص لياقة لمدة اسبوع و ترجع لينا بنشاطها المعهود
@حكاية قمر صحى النوم يا حكاية راكي على كوكب الأرض واش داك للقمر المهم كي شفناك تفكري في القمر قررنا نعطوك هدية عبارة عن لعبة 3 دي باش تضربي دورة في القمر و ترجعي للأرض و للمة
@¬Đỉaмơŋđ الأخ راه عنده مشكل و هو كسر في الأنف رايح نخلوه عطلة يومين تلاثة بعدها نرسوه لمرتفعات جرجرة يشم شوي هوى و جرب نيفه و يرجع لينا بالنشاط
@جيهان جوجو الأخت قررت نشري ليها كارطاب و ستيلو بيك خضر باش تحضر لينا أفكار و مواضيع لقسمها و ممكن عصا باش تضرب الفتى المغامر و حسين و بقية التلاميذ اللي راهم راقدين في اللمة
الآن الحاجة @حكيك خالتي عملنا تحريات و لقيناك كل ما تدخلي اللمة تغلقي وذنيك و تدخلي تتفرجي على صور الأطفال الصغار و تنساي اللمة هاذاك علاه فكرنا نفتحوا معاك روضة و نرسلوا كل أولادنا عندك حتى تشبعي منهم هههههههههههه
@yaso ياسمين أختي أيضا بعد التحريات لقيت انه عندك مشكل في التنفس هاذاك علاه شريت ليك قارورة أكسجين باش وين ما تتقلقي تجبدي و ترسبيري الأكسجين و تكتبي لينا في قسمك
@ملامح شاعر أهلا بالأخ الغالي لقينا سبب غيابك عن الكتابة بسبب انقطاعات في النت و قررنا نديرو ريزو نتاع 3 جي أوريدو فوق داركم باش نضمن عدم انطاع النت و نضمن تواجدك و مواضيعك
@السحاب العابر أخي الغالي ما شاء الله عليك راك قايم بواجباتك هذاك علاه رايح نعطوك قرعة بارفان سويسري و نشدوا على يدك و ندعموك و نشجعوك باش تواصل
في الأخير رانا جبنا الجافيل و القريزيل باش نعمل نضافة لبعض الأقسام اللي راهي رتيلة سدات فيها و راهي مغبرة و على كل مشرف يروح ياخذ حقه
ما تزعفوش خاوتي راه نقد للبناء فقط و للتذكير هههههههههههه سلااام
صباح الخير عليكم و علينا و لمنا لعزيزة راهي تنادينا
ايييه على يامات زمان نتاع صباحيات بانش بانش و المراقب راهو ما بانش هههههههههه
بانش بانش و المشرف راهو ما بانش هههههههههه
المهم و الأهم مازلها قهوة خالتي الزايخة دايرة مفعغولها و خلايا الخبيثة
في مخي من الجهة اليسرى مازالها تخدم و تخمم
اليوم قلت رانا دايما نسمعوا الأعضاء ينتاقدوا الادارة و المشرفين
قلت نحي على خاطرهم و نجيب ليهم هدايا مهما كان راهم خاوتنا و خواتاتنا
و الاداريين و المشرفين كامل الوقت يخدموا و يتعبوا من أجل الشعب البائس و الناعس و التاعس ( تاعس للضرورة الشعرية )
المهم الهدايا رايح أنا نقسمها باش مكان حتى واحد يزعف على لاخر
و يقول راه سبقني و ما خلالي حتى حاجة
رايح نبداو @الورد الأحمر الهدية عبارة عن نضارات طبية باش تعاد تشوف مليح لأنها أصبحت بالخطأ تدخل في منتديات أخرين
و ترد هنااااك و تكتب و كي تجي لينا تفش زعافها بسبب النواضر نتاعها قداموا بزاااف و زيادة على شيك بمبلغ معين باش تروح تعمل تحاليل و تعايير و أشعة على مرارتها لأنها تقول دايما مرارتي راهي ضارتني
الأخ فتحي أفندي الاخ فتحي عاود ديكور اللمة و هرب الهدية اسبوعين استجمام في حمام ربي في سعيدة و أسبوع في بن حنيفية
الأخت @أم ياسمينdz حاضنة آخر طراز للكتكوتة و لي كوش مدة ست أشهر باش تتفرغ للمنتدى راهي كترت الغياب الغير مبرر
الأخت @الحلم الوردي الحاجة انت مازال مانيش فاهم راكي معانا و لا في عالم آخر يا لالة كاين منتديات ياسرين ماكانش غير الطبخ و تبييض البشرة لذالك راني شرينالك مطبخ مجهز و مجموعة هدايا تبييض و تنعييم و تقشير و تنديب البشرة هاكا باش تتفرغي للأقسام الأخرين و تاني حاضنتين لأولاد اختك و لي كوش ليهم مدة ست أشهر و رفاي باش تنوض من الحلم ههههههههههه
@المتفآئلة انت جبنالك سلة نتاع اسموات باش كل يوم تبدلي أسمك و مرآت باش تشوفي روحك كل صباح و تشوفي الاسم اللي يخرج عليك راه عندك الزهر لقيتك تحركي الايامات الأخرين ههههههههههه
الأخ مالك الهدية نتاعه قميص و سواك و سورفاتمو و قرعة جال لأنه راه متلفهالنا مرة ملتزم و مرة يغني و مطلع شعره
هكا باش يفهم أنا رانا فايقين بيه راه يجي يضرب طلة مرة في الاسبوع يكثر الضحك و يعطيها
@لؤلؤة قسنطينة الهدية نتاعها هاتف و صباط طالوا 10 سم باش تبان راهي خلاص ما عادتش تبان و قرعة حبر حلحالي على خاطر
نظن الحبر نتاعها كمل و ما لقاتش باش تكتب
الآن نروحو الى مشرفي الشؤون الدينية الحقيقة فكرنا فيهم مليح و بسبب تواجدهم في الجامع كثرت الوقت و غيابهم عن أقسامهم فكرنا و قررنا نهدوهم طابلات و قميص باش يتصلوا من المسجد باللمة
و مساعدتهم من اجل التعدد هههههههههه
نروحو عند المشرفة الأخت @عاشقة الإحسان الحقيقة الأخت راهي تعبابة منذ قدمت لينا مسابقة نتاع الكتابة المميزة ضربوها بعين قررنا نقدم ليها رحلة عند الشيخ بلحمر و أسبوع كامنل في حمام زلفانة باش تريح و ترجع لينا
الآن @أم منيــــــر خالتي لعزيزة راه عندما مدة طويلة ما كتبت ما ردت فكرنا في هدية قررنا نشروليها
شدة تلمسانية حرة لكن تكون حمرة باش تبان من بعيد
@آمِيْرَتُه آآآ÷ يا الحاجة الأميرة نتاعه الحقيقة القضية نتاعك تطلبت الاتصال باختصاصيين في علم الاجتماع و قالوا الأميرة راهي غايبة عن اللمة بسبب الهاء الأخيرة في اسمها و الهدية نتاعها هي لازم نعمل مجموعة نتاع أيمة و تروح للهاء و تجيه و ترجع الهاء الى الأميرة باش تعاود تنشط و زدنا قلنا نرسلوها فترة نقاهة عند عاشقة الاحسان تديها لحمام زلفانة باش نتتعش و تروح عليها الدوخة
@hakim story يا سي حكيييم نتا عزيز علي هاذاك علاه تفكرت في هدية مليحة ليك و هي نرسلوك تعمل رقية عند الشنفرة و منها تجي على معسكر و نوجدولك فاياج نعناع لأنه يهدأ الأعصاب
معنتها الهدية ربطة نعناع و تولي تشرب منه كي تحب ترقد و كي تريح رجع لينا بمواضيعك و ردودك
الأخت @Twinkle Stars الاخت توينكل في الحقيقة راهي ناشطة و قايمة بواجبها الأشرافي
هذاك علاه فكرنا نشرو ليها كاشي نتاع رقاد لقيناها تسهر بزاف و ما يجيهاش الرقاد
نروحو للأخت @ليليا مرام في الحقيقة ما شاء الله عليه ناشطة و قايمة بخدمتها شوالا نخممت نهدوها أسبوع تحويسة خفيفة في السودان سمعت بلي الاخوة تماك ما يهدروش بزااف قلت تعلمهم ثقافة التنقريش و الهدرة و ترجع لينا
نروحو الى الأخ @Djamel.Dz الأخ راه غايب قالك راه يبكي خاصه بالون و هاذاك علاه قررنا نهدوه بالون نتاع فوت و شرط نتاع محرز باش ينشط و يرجع لينا و بلا ما ننسى باكي ببي مشوار باش يمسح دموعه
@أشـواق 19 الاخت المشرفة راهي تطل علينا مرة على مرة لكن ساكتة و ماهيش عاجبها لي كيب ناسيونال و قالت ما نكتبش حتى نطلع للمونديال هذاك علاه فكرنا نرسلوها لسيدي موسى تعمل تربص لياقة لمدة اسبوع و ترجع لينا بنشاطها المعهود
@حكاية قمر صحى النوم يا حكاية راكي على كوكب الأرض واش داك للقمر المهم كي شفناك تفكري في القمر قررنا نعطوك هدية عبارة عن لعبة 3 دي باش تضربي دورة في القمر و ترجعي للأرض و للمة
@¬Đỉaмơŋđ الأخ راه عنده مشكل و هو كسر في الأنف رايح نخلوه عطلة يومين تلاثة بعدها نرسوه لمرتفعات جرجرة يشم شوي هوى و جرب نيفه و يرجع لينا بالنشاط
@جيهان جوجو الأخت قررت نشري ليها كارطاب و ستيلو بيك خضر باش تحضر لينا أفكار و مواضيع لقسمها و ممكن عصا باش تضرب الفتى المغامر و حسين و بقية التلاميذ اللي راهم راقدين في اللمة
الآن الحاجة @حكيك خالتي عملنا تحريات و لقيناك كل ما تدخلي اللمة تغلقي وذنيك و تدخلي تتفرجي على صور الأطفال الصغار و تنساي اللمة هاذاك علاه فكرنا نفتحوا معاك روضة و نرسلوا كل أولادنا عندك حتى تشبعي منهم هههههههههههه
@yaso ياسمين أختي أيضا بعد التحريات لقيت انه عندك مشكل في التنفس هاذاك علاه شريت ليك قارورة أكسجين باش وين ما تتقلقي تجبدي و ترسبيري الأكسجين و تكتبي لينا في قسمك
@ملامح شاعر أهلا بالأخ الغالي لقينا سبب غيابك عن الكتابة بسبب انقطاعات في النت و قررنا نديرو ريزو نتاع 3 جي أوريدو فوق داركم باش نضمن عدم انطاع النت و نضمن تواجدك و مواضيعك
@السحاب العابر أخي الغالي ما شاء الله عليك راك قايم بواجباتك هذاك علاه رايح نعطوك قرعة بارفان سويسري و نشدوا على يدك و ندعموك و نشجعوك باش تواصل
في الأخير رانا جبنا الجافيل و القريزيل باش نعمل نضافة لبعض الأقسام اللي راهي رتيلة سدات فيها و راهي مغبرة و على كل مشرف يروح ياخذ حقه
ما تزعفوش خاوتي راه نقد للبناء فقط و للتذكير هههههههههههه سلااام
آخر تعديل:
