راني صايمة شكون ندعيلها معايا

[آمِيْرَتُه]

السلام عليكم ورحمة الله تعالى و بركاته

إن شاء الله تكونو بِخير على قول جيرانا المراركة :kiss:

عطلة سعيدة للجميع

بعد غياب راني رجعت نخربش على وحد الظاهرة مقلقتني بزاف فالفايس بوك و شفتها عند الشيرات
كاين شي شيرات يصومو الاثنين و الخميس كي يقرب الاذان تجي دير منشور راني صايمة شكون ندعيلها معايا
درك الدعاء رجع دير طلب خطي فايسبوكي باه يدعولك و اذا وصلت روطار طفرت فيك
درك هذي ناس و كي تهدر معها تقولك شادخلك
باغية تدعي ادعي عامة قال ربي فتحها على كل مغبون و مغبونة كون تجيك مائة دعوة مالا ظلي قاعدة على السجادة
ياو عمري ماشفت شعب مريض كيما الشعب الجزائري
كانت في قلبي و gلتها
صحيتو لي قريتو
سلام :Love:​

 

[noknok]

شكرا

 

[باتنية و نص]

سلام عليكم
ههه ..والله يا اختي الفايس بوك هذا معبي بلاوي ...خاصة هذوك الڨروبات
حاجة تنرفز صراحة خاصة فيما يتعلق بهاذ الامور تع الصوم و الصلاة و قيام الليل
حاجة بينك وبين مولاك..علاه لازم تانونسيها للعباد اوكل
المشكل مش فهاذ الامر فقط..لوكان جات هاكذا نقولو ما شاء الله حاجة مليحة
لكن الغريب انك تلقاي الشخص نفس ساعات يحط صور ومنشورات فيها تفتح زيادة عن اللزوم شوي
+وصلت بيهم انو مرة في صفحة معينة حطو صورة تع دميات معلقين من شعرهم
وكاتبين فالصورة : انا وصديقاتي يوم القيامة !!!
ربي يهدينا
مشكورة ...ونهار تصومي اختي متنسايش تقوليلنا بش نحكم بلاصة فلاشان ..لعل وعسى تلحق دالتي ونربح دعوة من عندك ههه
تحياتي

 

[Hakan]

ههههه
نحن الجزائريون شجعان ومرضى نفسيون خخخ
المهم الشيء اللي قلتيه ينم على انو يوجد خلل في
الشعب الجزائري خاصة في الفايسبوك
ياجدك كل شيء ينشروه بصح بيناتنا هذي ساهلة على
هذاك السيد اللي بعد مامات البابات نتاعه ربي يرحمو بدقائق قلهم توفي والدي
ودارلهم هذاك نتاع فلان يشعر بالحزن
يعني باباك الروح طلعت وانت عندك الوقت باه تاكتيفي 3ج وتدخل للفايسبوك
ناس مرضى نتاع الصح المهم ربي يقبل صيام الناس كاامل
وصراحة في الريااء رانا كاامل مغطسين ربي يهدي ما خلق ..​

 

[السلطانة]

وعليكم السلام ورحمة الله وبركاته
ام حاسبين الفايس بووك دارهم الله غالب هههههههههههه وزادو هبلو كثر
شوفوني انا نصوم الاثنين والخميس العبادة عمرها ماكانت رياء
ولا البارح في لقروب هاذاك المشهور هههه بلاك شفتيها وحدة لقات راجلها خاينها وتجست عليه
حتى جبدت فوطوات الطفلة لي خانها مالا حطتهم في القروب
فضائح اون لاين

 

[لؤلؤة قسنطينة]

السلام عليكم
اهلا بيك أختي هادي مدة ماشفناكش هنا ان شاء الله حتى نتا نتي تكوني بِخير وعلى خير ههه
اي والله يا الفايسبوك هادا ولا فيه عجائب وغرائب، هادي كي شغل حاكمة شكارة تاع الدعاويو تسربي
والكمية محدودة ههههه، علاه جات غير في الصيام؟ كي شغل راني صمت تحقيق الدعوات كامل بيدي
واشوا هادا؟؟ قادرة في لحظة ضعف تهزي يديك لربي تشكيلو يستجيبلك حتى ولو ماكنتيش صايمة
والمشكل درك راهي ضرب الدبزة هههه شكون تلحق اللولة تحط لاليست تاع الدعوات تاعها هههه
والله شي يضحك صراحة، روحي اتوضاي وصلي زوج ركعات لربي وابكيلو في سجودك تحسيه قدامك
تحسي دعواتك صح راهي مسموعة وكاين من يتولاها ماش نقعد نعس في لي تصوم وتجي تقولي حطي لادوموند تاعك
ربي يهديهم برك ويهدينا كلشي ولاو يبدعو فيه
شكرا حبيبتي على الموضوع
تحياتي
​

 

[cosette]

السلاام عليك
مكاااااانش منها نتي تانيك شفتيها
اخااااااه ملا نعرفك من العالم الفايسبوكي
والله يحيروك ياك الصيام لربي ماشي للعربي
واش تحبي تقوليلهم زريعة مرة
اخاه اكي صايمة ادعيلي معاك متنسايش
هههه
ميغسي ختيتو عالموضوع :kiss:

 

[آمِيْرَتُه]

سلام عليكم
ههه ..والله يا اختي الفايس بوك هذا معبي بلاوي ...خاصة هذوك الڨروبات
حاجة تنرفز صراحة خاصة فيما يتعلق بهاذ الامور تع الصوم و الصلاة و قيام الليل
حاجة بينك وبين مولاك..علاه لازم تانونسيها للعباد اوكل
المشكل مش فهاذ الامر فقط..لوكان جات هاكذا نقولو ما شاء الله حاجة مليحة
لكن الغريب انك تلقاي الشخص نفس ساعات يحط صور ومنشورات فيها تفتح زيادة عن اللزوم شوي
+وصلت بيهم انو مرة في صفحة معينة حطو صورة تع دميات معلقين من شعرهم
وكاتبين فالصورة : انا وصديقاتي يوم القيامة !!!
ربي يهدينا
مشكورة ...ونهار تصومي اختي متنسايش تقوليلنا بش نحكم بلاصة فلاشان ..لعل وعسى تلحق دالتي ونربح دعوة من عندك ههه
تحياتي

اهلا الباتنية عاش من شافك و لا عاش من شافني هههه
فكرتيني بيها ياخاه الهبال وين نلحق بهم يتمسخرو بآمور دينية
وجدي روحك
وحدة قاتلهم رايحة نصلي شكون ندعيلها بفف قتلها زيدي كملي آنت تاني هههه
الله يهدينا هذاك مانقولو

 

[آمِيْرَتُه]

السلاام عليك
مكاااااانش منها نتي تانيك شفتيها
اخااااااه ملا نعرفك من العالم الفايسبوكي
والله يحيروك ياك الصيام لربي ماشي للعربي
واش تحبي تقوليلهم زريعة مرة
اخاه اكي صايمة ادعيلي معاك متنسايش
هههه
ميغسي ختيتو عالموضوع :kiss:

اهلا شاعرتنا
أكره حاجة عندي بفففففف
راح ندير طلبات دعاء الصيام اللماوي هههه
الله يهدينا
العفو آختي منورة

 

[آمِيْرَتُه]

السلام عليكم
اهلا بيك أختي هادي مدة ماشفناكش هنا ان شاء الله حتى نتا نتي تكوني بِخير وعلى خير ههه
اي والله يا الفايسبوك هادا ولا فيه عجائب وغرائب، هادي كي شغل حاكمة شكارة تاع الدعاويو تسربي
والكمية محدودة ههههه، علاه جات غير في الصيام؟ كي شغل راني صمت تحقيق الدعوات كامل بيدي
واشوا هادا؟؟ قادرة في لحظة ضعف تهزي يديك لربي تشكيلو يستجيبلك حتى ولو ماكنتيش صايمة
والمشكل درك راهي ضرب الدبزة هههه شكون تلحق اللولة تحط لاليست تاع الدعوات تاعها هههه
والله شي يضحك صراحة، روحي اتوضاي وصلي زوج ركعات لربي وابكيلو في سجودك تحسيه قدامك
تحسي دعواتك صح راهي مسموعة وكاين من يتولاها ماش نقعد نعس في لي تصوم وتجي تقولي حطي لادوموند تاعك
ربي يهديهم برك ويهدينا كلشي ولاو يبدعو فيه
شكرا حبيبتي على الموضوع
تحياتي
​

يعيشك حبيبتي
الغمة راهي راكبتنا في داك الفايس و تلقيها غير عند البهلولات نتاعنا الكشفة و التبهليل
حاسبين الدعاء غير نهار الصيام
الله يهدينا شكرا على المرور

 

[آمِيْرَتُه]

وعليكم السلام ورحمة الله وبركاته
ام حاسبين الفايس بووك دارهم الله غالب هههههههههههه وزادو هبلو كثر
شوفوني انا نصوم الاثنين والخميس العبادة عمرها ماكانت رياء
ولا البارح في لقروب هاذاك المشهور هههه بلاك شفتيها وحدة لقات راجلها خاينها وتجست عليه
حتى جبدت فوطوات الطفلة لي خانها مالا حطتهم في القروب
فضائح اون لاين

اهلا شوشو
واه شفتها قتلها روحيله هو يدور بالوليات البنت علاه وين على بالها كان متزوج و لا لالا
حطته مسكين والبنت هي بغاته شعب مريض
بهدلونا البهلولات
شكرا على المرور

 

[آمِيْرَتُه]

ههههه
نحن الجزائريون شجعان ومرضى نفسيون خخخ
المهم الشيء اللي قلتيه ينم على انو يوجد خلل في
الشعب الجزائري خاصة في الفايسبوك
ياجدك كل شيء ينشروه بصح بيناتنا هذي ساهلة على
هذاك السيد اللي بعد مامات البابات نتاعه ربي يرحمو بدقائق قلهم توفي والدي
ودارلهم هذاك نتاع فلان يشعر بالحزن
يعني باباك الروح طلعت وانت عندك الوقت باه تاكتيفي 3ج وتدخل للفايسبوك
ناس مرضى نتاع الصح المهم ربي يقبل صيام الناس كاامل
وصراحة في الريااء رانا كاامل مغطسين ربي يهدي ما خلق ..​

آهلا خويا حكيم
جبتها نيشان والله فينا قاع الحالات هههههه
الله يهدينا كما قلت
يعطيك الصحة

 

[KhaMa]

ظاهرة الرياء الافتراضي اخخخخخخخخخخخخ

 

[دعاء الجنات]

فكرتيني في هاذيك النكتة لي تقول شافو واحد يصلي بزاف وكان يصلي راح قدامو واحد وقال : هدا الراجل الله يبارك في الصلاة... دار ليه هداك الراجل وكان يصلي وقالو : وزيد راني صايم من فوق ههههه هدا هو الشعب تاعنا جابلي ربي تدعي لروحها قبل ماتدعي للناس
شكرا

 

[الامين محمد]

الحمد لله أميرتنا رجعت تكتب
اليوم رايح نخلده كيوم وطني و نحتفل بيه و يكون يوم عطلة رسمية هههههههههههه

أحم أحم
ناس الفيسبوك راهم فاتوا كل خطوط الطول و العرض
و الله كثر فيه الخرطي
لأننا شعب أغلبه لازم تكون عليه مراقبة و حراسة مشددة في كلشي
يحب العصا و يحب الكرفاش
و الفيسبوك فيه الحرية المطلقة هذاك علاه رايح نشوفو تبهديلات بزاف
فيما آت الله يسترنا

شكرا اميرتنا

 

[فيتامين سي]

هههههه مشاعر الكترونية
زعما ضامنة دعوتها مقبولة و تزيد تدعي للناس
تحط ورقة و تمركي الاسماء وقيلة
متفكرينيش بالعالم البخبوخي

 

[آمِيْرَتُه]

الحمد لله أميرتنا رجعت تكتب
اليوم رايح نخلده كيوم وطني و نحتفل بيه و يكون يوم عطلة رسمية هههههههههههه

أحم أحم
ناس الفيسبوك راهم فاتوا كل خطوط الطول و العرض
و الله كثر فيه الخرطي
لأننا شعب أغلبه لازم تكون عليه مراقبة و حراسة مشددة في كلشي
يحب العصا و يحب الكرفاش
و الفيسبوك فيه الحرية المطلقة هذاك علاه رايح نشوفو تبهديلات بزاف
فيما آت الله يسترنا

شكرا اميرتنا

احم احم
بلاك تضربني هههه
راهم بهدلني بينا الله يكرفسهم إن شاء الله ههه
شكرا على المرور نورت

 

[آمِيْرَتُه]

هههههه مشاعر الكترونية
زعما ضامنة دعوتها مقبولة و تزيد تدعي للناس
تحط ورقة و تمركي الاسماء وقيلة
متفكرينيش بالعالم البخبوخي

لقيتيله الاسم المناسب برافو برافو هههه

 

[آمِيْرَتُه]

فكرتيني في هاذيك النكتة لي تقول شافو واحد يصلي بزاف وكان يصلي راح قدامو واحد وقال : هدا الراجل الله يبارك في الصلاة... دار ليه هداك الراجل وكان يصلي وقالو : وزيد راني صايم من فوق ههههه هدا هو الشعب تاعنا جابلي ربي تدعي لروحها قبل ماتدعي للناس
شكرا

هههههه راني رايحة نصلي المغرب ندعيلك معايا هههه
شعب راه غير يزيد يتبهلل

 

[فيتامين سي]

العالم البخبوخي لي فيه كائنات بخبوخية تخمامهم عجيب غريب كل يوم اختراع جديد بصح ماشي اختراع كما لي نعرفوه سيارة ولا دواء يفيد المرضى و لا اكتشاف علمي الا الا الا اختراع تاع طبيعة بخبوخية بيزاغ كي يشوفوها العرب لي حدانا ينخلعو فينا و يقولو ياه وين عايشين هدو ..بلا منزيدلك 40 دعوة مستجابة 39 لا و 41 خلي البير بغطاه ..يا هما عندهم بزاف وسائل تسمحلهم يتطوروو ويفهمو الدين و يتعلمو الاخلاق و العلم مي لا تطورو و قعدوفي خرافات 1400 و زادو عليها خرافات جدد ..الحمد لله الذي عافانا مما ابتلاهم