حق ربي ما نعين خخخخخ

["viola"]

السلام عليكم جيش اللمة المغوار ^^
كيف حالكم أيها الفقراء البؤساء المشردون في شوارع النت خخخ
مديروش عليا راني مقرقشة من اخبار الدراسة المروعة
ياااا شحال توحشت ندير موضوع ...و الله العجز قاتلني ..
ألوغ ..ندخلوا فالموضوع ..
العين و ما أدراك يضربك واحد بروبيني نحط يدي فالنار نيجيبك تزحف و أنت تسبّح
نعرفوها قااع العين حق ..و مكاش لي ميخافش منها ..
بصح يالخاوة يعيوك هاذوك العيباد لي قطعوا حبل التوسويس و راحوا كملوا طول ارواح نتا و احكمهم خخخخ ...
يا ربي سيدي يشكّوك في روحك ...
تقولوا بصحتك ذيك الحاجة و يبدا يضبح و الله العظيم من دون زهر برك ..اصلا علابلي صدقتلي في هاذي متصدقليش في حاجة اخرى-_-
بلعقل صديقتي منيش لاتيتلك انا نمشي ونعين فالشعب واقيل انقرضي تشو -_- ..
ذاك نهار برك سقسيت صحبتي فالافيشاج قتلها شحال ديتي قاتلي 17 قلتلها مليح ربي يبارك بصحتك ..و بدات و الله هذا الموديل برك لي خدمت فيه , راهم جايين الكوارث ,
ديجا هذا و معرفتش كفاه مدتلي 17 -________- ابنتي علاه تحلفي ههههههه و المشكل منقراوش اصلا تخصص واحد خخخخ لاه نعينك مثلا -_-
و لا هاذوك لي يبداو يستعملوا صيغة التصغير خخخخخ زعما باه ينقصوا علينا كمية الشوك
(الشوك هو الصدمة بالنسبة لي ميعرفوش فغونسي خخخخخخخ ) ...
تلقاه فاتح حاانوووت اودي سوبيرات قع خخخ ربي يهنيه اسي المشكل كي تقلوا بالباراكة عليك يديماري خخخخ : و الله من دون حوينيتة للطفَيل قلت يخدم على روحو هههههه اتل يخدم وش دخل جدي انا ...
و لا حاط السلعة تاع صاي رايح يبدا يبني فالدوزيام ايطاج هو يشوفك و يشعل الCD : و اقسم بالله من دون بويتة خخخخخ قلت نزوج الطفل نجيبلو مريوة هههههههه
مهم وش نقولكم انا و الله نتوسوس من روحي كي نتلاقا مع عباد كيما هاذو تقول نمدلوا قرعة ماء تاع رقية و نقولوا شد و الله ما صارت خخخخ
هايا ميرسي عليكم ..لكم حق الرد خخخ ​

 

[الامين محمد]

هههههههههههههههه
و الله عجبتني صيغة التصغير
لجعل السهم يذهب جانبا
سوبارماركت و يقول حوينيت للطفل
زعما شراله لعبة و خلاص
بالعكس هكذا يخليك تفكري فيما بعد الحانوت
يعني حوينيت و الحانوت زعما قدااااااااااش
و الدار الفلوس قدااااااااااااش
و السيارات قداااااااااااااش

يستاهلوا جيش عيون مش عين وحدة هههههههههههه
تحياااتي يا مجرمة

 

[فيتامين سي]

هههههههههههه مقديتش هدو متخميش مام تعينيهم ميصرالهم والو
جبتيها رفدي معاك ما مرقي لي يحكي شرب شويا تريح
العين حق و ماشي نخافو منها .ربي اقوى بصح كل واحد عنده قصة خلاته يخاف او يعس روحك اكيد بصح ماشي توصل لهكدا دجا كي تقولي اللهم بارك خلاص ..وحدة معايا في المدغسة العجيبة كل مرة نتي شابة و انا لا نتي عندك و انا لا ههههه اخر مرة قلتلها تعلمي تقولي الله يبارك +مكانش انسان كامل قلتلها شوفي في لي عندك و معنديش ماشي لي عندي و معندكش .بغيت نعيطلها نقوللها حكمتني حساسية في وجهي غير ريحي كالم بلا بيك نتي و نتي
نفضل بنادم ميشرحش و يقول غير حوينتة و غير و غير و لا يبهدل بروحك دجا يا اخ شكون لاهيللك شاراك داير و شا عندك و شا معندكش ..خدم حانوت ولا شري قصر علاش راك اشكي و دجا تزوجه ولا تخليه بلا زواج شا دخلني و دجا تبني ولا تدير قيطون فوق السطح ..زغما يقولو سوفونا بسيف
ربي يهديهم

 

[لؤلؤة قسنطينة]

ههههههههههه آه يا فيولا تسكتي تسكتي وكي تديري موضوع يخرج هايل
عجبتني تاع بويتة ومريوة ههههه كيما في الاعياد شريت كبيّش برك ماش حتى كبش وهو كن تشوفو تلقاه طورو ماش كبش هههه
كي شغل التصغير هاداك يقسم الحجم لنصفين هههه ربي يهديهم برك
اما تاع القراية هادوك مانهدرش عليهم تجي تسقسيها البحث تاعها لا كملتو تقولك والله معلومة مالقيتها وهي الكتب والمعلومات
لي عندها يكفيو قد مدينة الثقافة العربية ههههه اما الميموار تقولها حكمتي استاذ تقولك والله ماكاين والو وهي حاكمة 10 احتياط هههه
و5 رئيسيين هههه نفس الشي لناس خلاف تلقايهم يبنيو ولا يشريو السيارات تجي تقولو كلشي مبروك يصرعوك بالشكاوي
تجي تقولي الله يبارك يبداو يشكيو ويجبدولك كلشي حتى الاستعمار الفرنسي والمخلفات تاعو هههه يا عباد ربي رايحين نهنؤوكم برك ماش رايحين نعاينوكم
لي عطاه ربي مبروك عليك وان شاء الله يرزقنا مارزقو بصح ماش لدرجة انك تخبي، كاين عايلات درك تتخطب بنتهم ماتسمعيش حتى تلقايها بزوج ولاد هههههه
وهادي راهي صايرة في عائلتي القريبة جدا تتخطب الطفلة ومايخبروش معرف عليهم كيفاه يخمو يقولك نعاينوهم بالاك، وهادي راهي مكاتيب
لا عاينت وحدة تزوجت ولا تخطبت ولا حسدتها يسمى راني نعترض على الشي تاع ربي سبحانو ربي يهديهم برك
بصح والله بيناتنا كاين ناس عينهم تقتل تاع الصح وصراتلي قداه من مرة اذا كنت لابسة حاجة وعجبتهم تتقطع اللبسة هاديك ولا يصرالها حاجة
والا ترجع عليا بالمرض وإلا حالات اخرى يعني هادا امر ماش خرافي كيما قلتيها العين حق وكاين ناس ماتقولش الله يبارك وتحسد وينضرو
منهم ناس خلاف صح، على هادي دايما نذكرو الناس كي تعجبك حاجة ولا تحلى في عينك اتفكرو ديما كلمة الله يبارك باه ماناذيوش الانسان هاداك
خاطر حتى عين المحب وتاذي ساعات، وربي يبعد علينا العين ولافابو هههه وكي نحبو نبعدوها بالقرآن ماش بعجلات سيارة فوق باب الدار كيما يديرو
بعض الناس، شكرا امونتي على الموضوع والله راني دايخة والكونيكسيو تقيلة ماش عارفة حتى الرد هادا كيفاه رايح يخرج ههههه المهم المشاركة هههه
تحياتي


​

 

[شاعرة الأمل]

سلام امونة ان شاء الله راكي بخير هادي غيبة ماكتبتيش وكي كتبتي جبتيها فالصواب خخخ نضربك بعين قسم واش راك تهدر ماتزيديش تدخليه
ايه والله ناس عندبالها رانا نمشو ونعينو فيهم تلقايهم غير يبعدو فالعين على رواحهم يشري تيgوان تقولك تعرفي شرا غير وحد البرويطة غادي قديمة يدمر بيها ويدي فيها وليداتو بففففف يعييو
ولا هادوك تاع القراية حالة خاصة ليقلهم موضوع وحدو
صح العين حق وكي تضرب توخض مي ماشي التوسويس لهاد الدرجة
ونا شخصيا معيونة والله العظيم غير يقولولي هاديك الحاجة جاتك مليحة ولا راكي غاية نروح فيها حتى نولي نرقي ونجري على روحي
الوغ. ناس مالازمش تتوسوس والواحد كي يشوف حاجة نايحسدش و يبارك لمولاها ويقول ماشاء الله
موضوعك هايل الله يبارك يضحك وهادف في نفس الوقت تقبلي مروري سلام

 

[الصحافية الساخرة]

ههههههههههههههههههههه ياااا فيولية درتلك تصغير باش منضربكش بعين هههههخخخخهههه
تعيا يا اختي تعيا صح , انا قبل ما نهدر نقول ما شاء الله 3 مرات باش ما يديروليش حكاية التصغير ذيك
الناس جهلت "العين حق" حكموها و دارلوها بلاكة في مخهم المزلف هههه نروحلك شوي بعيد كتكملة لموضوعك (ياك قلتي لنا حق في الرد :p) والعين حق خرجتلها شوكة فوجها
طاحله بورتابل فالماء العين حق هههه , هاا حوجي مرضت بنتها بعد ما تخطبته العين حق هههه , وليدها تكسر رجله واااه ياس وي العين حق
توسويس بالعين هذي تجي عينيك فوحدة وتطيح تقولك : شفتي فيا طحت ههههه تكذبي على عيني الكحلة رمشت قبل ما تطيحي هههههه
والله نكره عباد هكا صح حتى لحقوا يكذبوا وكلشي مكشوف المحل تاعها وتقولك ماشي تاعي تاع عمي نخدم فيه ههههههه اتمسخري هههه
والله نفشل كي نحكي على كائنات هكا
مشكورة على الموضوع جبتيها

 

[Abodi84]

بارك الله فيك اختنا
كما قال نبينا عليه افضل الصلاة و اتم التسليم
إن الله يحب العبد الغني الخفي

 

["viola"]

هههههههههههههههه
و الله عجبتني صيغة التصغير
لجعل السهم يذهب جانبا
سوبارماركت و يقول حوينيت للطفل
زعما شراله لعبة و خلاص
بالعكس هكذا يخليك تفكري فيما بعد الحانوت
يعني حوينيت و الحانوت زعما قدااااااااااش
و الدار الفلوس قدااااااااااااش
و السيارات قداااااااااااااش

يستاهلوا جيش عيون مش عين وحدة هههههههههههه
تحياااتي يا مجرمة

اهلا اخي الامين
هههههههههه اك تشوف ياخويا خطة دفاع محكمة خخخخ
اودي الله يسهل عليهم يديرو حوانت و يقراو و يتزوجوا و حنا علاه يشكولنا ههههه
اذا معيناهمش حنا كان لي يعينهم ما يخافوش خخخخ تجي دالتهم هههه ...
صحيت شاف ^^​

 

["viola"]

هههههههههههه مقديتش هدو متخميش مام تعينيهم ميصرالهم والو
جبتيها رفدي معاك ما مرقي لي يحكي شرب شويا تريح
العين حق و ماشي نخافو منها .ربي اقوى بصح كل واحد عنده قصة خلاته يخاف او يعس روحك اكيد بصح ماشي توصل لهكدا دجا كي تقولي اللهم بارك خلاص ..وحدة معايا في المدغسة العجيبة كل مرة نتي شابة و انا لا نتي عندك و انا لا ههههه اخر مرة قلتلها تعلمي تقولي الله يبارك +مكانش انسان كامل قلتلها شوفي في لي عندك و معنديش ماشي لي عندي و معندكش .بغيت نعيطلها نقوللها حكمتني حساسية في وجهي غير ريحي كالم بلا بيك نتي و نتي
نفضل بنادم ميشرحش و يقول غير حوينتة و غير و غير و لا يبهدل بروحك دجا يا اخ شكون لاهيللك شاراك داير و شا عندك و شا معندكش ..خدم حانوت ولا شري قصر علاش راك اشكي و دجا تزوجه ولا تخليه بلا زواج شا دخلني و دجا تبني ولا تدير قيطون فوق السطح ..زغما يقولو سوفونا بسيف
ربي يهديهم

اهلا الفيطامينة خخخ
واش تحبي يا ختي الوسواس القهري و دواه صعيب خخخخ
هيه اني قلتها مكاش لي ما يخافش مالعين ...بصح تخاف مالعين حصن روحك بالقرآن و الأدعية مش منين تشوف واحد تبدا تندب -__-
منعرف حاسبين رواحهم محور اهتمام الكائنات الحية خخخخ
اجمعين يهدينا قااع
صحيتي الزينة ^^​

 

["viola"]

ههههههههههه آه يا فيولا تسكتي تسكتي وكي تديري موضوع يخرج هايل
عجبتني تاع بويتة ومريوة ههههه كيما في الاعياد شريت كبيّش برك ماش حتى كبش وهو كن تشوفو تلقاه طورو ماش كبش هههه
كي شغل التصغير هاداك يقسم الحجم لنصفين هههه ربي يهديهم برك
اما تاع القراية هادوك مانهدرش عليهم تجي تسقسيها البحث تاعها لا كملتو تقولك والله معلومة مالقيتها وهي الكتب والمعلومات
لي عندها يكفيو قد مدينة الثقافة العربية ههههه اما الميموار تقولها حكمتي استاذ تقولك والله ماكاين والو وهي حاكمة 10 احتياط هههه
و5 رئيسيين هههه نفس الشي لناس خلاف تلقايهم يبنيو ولا يشريو السيارات تجي تقولو كلشي مبروك يصرعوك بالشكاوي
تجي تقولي الله يبارك يبداو يشكيو ويجبدولك كلشي حتى الاستعمار الفرنسي والمخلفات تاعو هههه يا عباد ربي رايحين نهنؤوكم برك ماش رايحين نعاينوكم
لي عطاه ربي مبروك عليك وان شاء الله يرزقنا مارزقو بصح ماش لدرجة انك تخبي، كاين عايلات درك تتخطب بنتهم ماتسمعيش حتى تلقايها بزوج ولاد هههههه
وهادي راهي صايرة في عائلتي القريبة جدا تتخطب الطفلة ومايخبروش معرف عليهم كيفاه يخمو يقولك نعاينوهم بالاك، وهادي راهي مكاتيب
لا عاينت وحدة تزوجت ولا تخطبت ولا حسدتها يسمى راني نعترض على الشي تاع ربي سبحانو ربي يهديهم برك
بصح والله بيناتنا كاين ناس عينهم تقتل تاع الصح وصراتلي قداه من مرة اذا كنت لابسة حاجة وعجبتهم تتقطع اللبسة هاديك ولا يصرالها حاجة
والا ترجع عليا بالمرض وإلا حالات اخرى يعني هادا امر ماش خرافي كيما قلتيها العين حق وكاين ناس ماتقولش الله يبارك وتحسد وينضرو
منهم ناس خلاف صح، على هادي دايما نذكرو الناس كي تعجبك حاجة ولا تحلى في عينك اتفكرو ديما كلمة الله يبارك باه ماناذيوش الانسان هاداك
خاطر حتى عين المحب وتاذي ساعات، وربي يبعد علينا العين ولافابو هههه وكي نحبو نبعدوها بالقرآن ماش بعجلات سيارة فوق باب الدار كيما يديرو
بعض الناس، شكرا امونتي على الموضوع والله راني دايخة والكونيكسيو تقيلة ماش عارفة حتى الرد هادا كيفاه رايح يخرج ههههه المهم المشاركة هههه
تحياتي


​

ههههه هلاا مريهاام ^^
ههههههههه ايييه نسيتهم قاع صحاب الكبيّش خخخخ الكبش ثان يخافوه يهرب واقيل خخخخ تبا لهم يجب التخلص منهم :p
و ما تفكرينيش بالخباشين هاذوك تلقايها طبقت السوجي و تقولك عميتها خخخخ يعميلك العينين نشالله و انا علاه روح خطي جرتي هههه
راهم pارتو و الله يضلوا يشكوا و هوما لاباس عليهم في عوض يحمدوا ربي لالا -_-
فوااالا ..حتى انا قلتها صح كاين لي عينوا ابسم لله الرحمن الرحيم يحشّك ديراكت ..بصح كيما قتلك الواحد يحصن روحوا و يخليها لربي "قُل لَّن يُصِيبَنَا إِلَّا مَا كَتَبَ اللَّهُ لَنَا"
صحيتي الزينة ردك يهبل كوم دابيتيد خخخ
نورتيني ​

 

["viola"]

هههههههههههههههه تبا لسع نكتب فالردود حتى شفت فوطو دو بروفيل تاعي خخخخخخخخخ
هاذيك حالة خاصة معليش خخخخ منيش نشكي كومام هههههه :p:p​

 

["viola"]

سلام امونة ان شاء الله راكي بخير هادي غيبة ماكتبتيش وكي كتبتي جبتيها فالصواب خخخ نضربك بعين قسم واش راك تهدر ماتزيديش تدخليه
ايه والله ناس عندبالها رانا نمشو ونعينو فيهم تلقايهم غير يبعدو فالعين على رواحهم يشري تيgوان تقولك تعرفي شرا غير وحد البرويطة غادي قديمة يدمر بيها ويدي فيها وليداتو بففففف يعييو
ولا هادوك تاع القراية حالة خاصة ليقلهم موضوع وحدو
صح العين حق وكي تضرب توخض مي ماشي التوسويس لهاد الدرجة
ونا شخصيا معيونة والله العظيم غير يقولولي هاديك الحاجة جاتك مليحة ولا راكي غاية نروح فيها حتى نولي نرقي ونجري على روحي
الوغ. ناس مالازمش تتوسوس والواحد كي يشوف حاجة نايحسدش و يبارك لمولاها ويقول ماشاء الله
موضوعك هايل الله يبارك يضحك وهادف في نفس الوقت تقبلي مروري سلام

و عليكم السلام اهلا خيتي الله لا يغيبك ^^
ههههه نورمال عيّني على روحك اصلا انا ما ندخلش بزاف ..و زيد قليل وين يعتامدلولي مواضيعي و ديجا هذا الموضوع منعرف كفاه قبلوه خخخخخخخخ نتمسخر يقتلوني مريم و مالك هههههه
اييه المشكل يبلعطوا عيني عينك خخخخ كيما قاتلك الاخت باينة حكمت خدمة بالباراكة عليها تقولك حانوت عمي و راجل خالتي جرالي عليها و منعرف -_- احلفي تراه -_-
مهم ربي يهدينا وصاي
صحيتي خيتو نورتي ^^
​

 

["viola"]

ههههههههههههههههههههه ياااا فيولية درتلك تصغير باش منضربكش بعين هههههخخخخهههه
تعيا يا اختي تعيا صح , انا قبل ما نهدر نقول ما شاء الله 3 مرات باش ما يديروليش حكاية التصغير ذيك
الناس جهلت "العين حق" حكموها و دارلوها بلاكة في مخهم المزلف هههه نروحلك شوي بعيد كتكملة لموضوعك (ياك قلتي لنا حق في الرد :p) والعين حق خرجتلها شوكة فوجها
طاحله بورتابل فالماء العين حق هههه , هاا حوجي مرضت بنتها بعد ما تخطبته العين حق هههه , وليدها تكسر رجله واااه ياس وي العين حق
توسويس بالعين هذي تجي عينيك فوحدة وتطيح تقولك : شفتي فيا طحت ههههه تكذبي على عيني الكحلة رمشت قبل ما تطيحي هههههه
والله نكره عباد هكا صح حتى لحقوا يكذبوا وكلشي مكشوف المحل تاعها وتقولك ماشي تاعي تاع عمي نخدم فيه ههههههه اتمسخري هههه
والله نفشل كي نحكي على كائنات هكا
مشكورة على الموضوع جبتيها

هههههههه اهلا اختي
ههههه احي اقراي ستين حزب قاع وراسك قاللي موسوس موسوس ههههههه
خخخخخخخخخخخ نورمالمو الناس لي تخاف مالعين قاع هاك يربطوهم في كراسى و يمدولنا ثرواتهم نديروا بيها التاويل نحن الشجعان الذين لا نخاف من الاعين النفاثة خخخخخ
معليش نحكوا عليهم شوي باه لا كشما واحد منهم شافها يفيق باللي رانا فايقينلهم خخخخ
ميرسييي ليك ^^​

 

[sosobibicha]

السلام عليكم
يعطيك الصحة على الموضوع فكرتيني في بلاحة نتاع بوضو ههههه
موضوع العين نظن معندوش حل يخبروك و من بعد يبقاو يمعنو رانا خايفين العين دوك متصدقش ....
كيما يقولو العين حق و الطيرة باطل
المشكل اذا قلتي الله يبارك ما شاء الله 100 مرة يقولك في قلبك راكي حاسدتنا دوك ارواحي انتي و افهمي و هذوك نتاع القراية وحدهم يحلفو و ينقزو محفظناش 10 و منلحقوهاش و في الاخير بوووم 18 من اين لك هذا !! دوك في هذا الوقت ناقصين نية و مسوسين انا مفهمتش شكون لي راه يعس فيهم و لا معمر راسو بيهم غير يكبرو في الحكاية برك بالاك فارغين شغل -راني على لي دايرين في بالهم ناس تعين فيهم هههههه-
ربي يهدينا و يهديهم ان شاء الله
​

 

[آمِيْرَتُه]

السلام عليك
عندك حق بصح كون نشوفو حتى كاين شي عباد يقولك ماشاء الله من فوق القلب
و العين راهي حق و يحسدوك على أتفه سبب
ربي يهديهم و يهدينا و كيما يقولك الأعمال بالنيات مدمتي قلتي ماشاء الله بنيتك خليهم يحطوك رايحة تعينيهم

 

[حلم كبير]

السلام عليكم و رحمه الله تعالى وبركاته
يعطيك الصحة والعافيه على الموضوع

العين ياختي العين وشكون اللي ما يخافش من العين ،بصح كاين اللي تبان عليه يخاف وكاين اللي ما تبانش عليه ويمعني برك ( نتاع أخطيوني برك).
واللي تبان عليه مسكين تلقاه يطبب فالهدرة من وراك.
الله يهدي كاين الاذكار اللي تحمي اين كان من العين ولا من الشيطان والناس حائرة فالعين وتخمم لو كان جا كل واحد منهم خايف من ربي ميش من العباد .
الله يهدي العباد ختي
يعطيك الصحة
تقبلي مروري مع فائق الاحترام والتقدير
حلم كبير

 

["viola"]

بارك الله فيك اختنا
كما قال نبينا عليه افضل الصلاة و اتم التسليم
إن الله يحب العبد الغني الخفي

السلام عليكم
عليه الصلاة و السلاام ...صراحة لم أفهم تفسير الحديث مليح ...
شكرا ^^​

 

[Hakan]

هههه العين حق
صح كاين شيء عباد يعيفو ويخلوك تندم علاه سقسيتهم للاسف ناس كيما هذو ما يرحوش بعيد خخخخ 17 كاشما بقا وين تروح بعيد هههه
ولا اودي كاشما بقالو وين يروح بعيد هذا قصدي هههه
ناس تمشي وتتوسوس ياي تسلم عليه برك في الشارع
يخبط بسلام سون فوار باش زعما ما تعانوش على خدودو اللي طلعهم بالخميرة نتاع نوراة هههه
ولا على سروال نتاع 300 الف ياحي يامخلوق ما بقالي ق نتا نعينك
واللي دوخك كاامل ياتل ما تسقسيهش gاع لا على اودي ولا على سكنة وحدو وحدو
يبدا يتوسوس عندي بعض صحابي كي نخرجو من الامتحان ياي وحدو يبدا يشعل في النار
وانا ما خدمتش واسمحولي خاوتي مارانيش رايح نكمل القرايا معاكم
وقيلا نروح نقاجي تهلاو في الميمة ياتل امتحان ماهوش حاجة كبيرة وماكانش اللي يعاينك
ومن بعد تلقاه دا نقطة مليحة شعب خرطي
ربي يهدي ما خلق صراحة شاتي نهار واحد يقلي راك عاينتني تالمون
راني حاس روحي ماعنديش العين طوول والمكلة قتلوني بالعين
حى الواحد راهو يشوف في الحشرات في الليل ..شكرا امونة​

 

["viola"]

السلام عليكم
يعطيك الصحة على الموضوع فكرتيني في بلاحة نتاع بوضو ههههه
موضوع العين نظن معندوش حل يخبروك و من بعد يبقاو يمعنو رانا خايفين العين دوك متصدقش ....
كيما يقولو العين حق و الطيرة باطل
المشكل اذا قلتي الله يبارك ما شاء الله 100 مرة يقولك في قلبك راكي حاسدتنا دوك ارواحي انتي و افهمي و هذوك نتاع القراية وحدهم يحلفو و ينقزو محفظناش 10 و منلحقوهاش و في الاخير بوووم 18 من اين لك هذا !! دوك في هذا الوقت ناقصين نية و مسوسين انا مفهمتش شكون لي راه يعس فيهم و لا معمر راسو بيهم غير يكبرو في الحكاية برك بالاك فارغين شغل -راني على لي دايرين في بالهم ناس تعين فيهم هههههه-
ربي يهدينا و يهديهم ان شاء الله
​

و عليكم السلام اهلا اختي
ايوه الطيرة نعرفها نسيتها برك خخخخ هذي لي حبيت نقولها ههه
الناس موسوسة تمشي و تعس في حوايجها -__- ربي يهدينا
صحيتي ^^​

 

[Abodi84]

السلام عليكم
عليه الصلاة و السلاام ...صراحة لم أفهم تفسير الحديث مليح ...
شكرا ^^​

عليكم السلام و رحمة الله و بركاته
التفسير انه مش ضرور الكل يعلم ما لديك
و مثل ما تفضلتي العين موجودة
و لو الكل يذكر ما لديه ربما تعتبر رياء و الرياء حرام
العفو اختي تقبلي تحياتي