قتلتني بالضحك ههههههههه

[ندى الرحمان]

وبينما انا #نائمه في فراشي متغطيه بالكوفيرطا تاع #الطاووس (الحاجه الوحيده لي ورثناها من عند جده مع #سنيوه تاع حديد و غراف كبير ) حتي نسمع يما تعيطلي.: يا الشارفه نوضي حطي لفطور لخوك
والوو صمت رهيب لا احد يجيب زادت حلاتلي الرقده. ودورت روحي للجيهة تاع الحيط نكمل رقادي وفي اللحظه لي ُدرت مانلقااش #وليدي راقد قدامي (قصدي تيليفوني ) واااك دلالي وها خياتي نضت كيما #النهضه_الاوربيه ونسمعو #يبكي في الكوزينه قصدي #يصوني وهاا نقلع كيما #سابق_ولاحق✈ وانا نوصل ونسمع خويا يقول: تاعمن هاد التيليفون لي راه يصوني (في دارنا واحد مايعرف تيليفوني كي داير لايترك في متناول #الاطفال )
ياااا وخذي وبديت نغني #تيليفوني يصوني ان شااء الله مايكونش #بريفي و #دقا_خويا ليوم يقتلني والله #مايرحمني زدق زدق. طلعتني #البروده من رجليا لراسي. وانا طليت من الباب ونشوف #هتلر حاكم التيليفون ويقول.: الله الله دايرا #البقلاوه فونديكرون وانا سمعت كلمه بقلاوه و #السكر طلعلي ديركت (ان شاا الله مايدخلش للڤالوري انواع القاطو ڤع راهي تماك ) ونسمع #يما_النيه مسكينه تقولو: ايه والله غير تموت علي البقلاوه كل يوم تحكيلي عليها كون غير جيبلنا كيلو #كوكاو نديرو سينوه
**لالا يما البقلاوه لي راهي في التيليفون ماياكلوهاش هي #تاكل (ديري تصاور الرجال فالتيليفون صارر اصبري دك نتفاهم مع الراصة تاعك ) وانا شديت في قلبي وبديت نقول #ياترابينا وحنايا صغار يا #موس واحد ياكان يذبحنا يا #اخي دلني اين الطريق
ومازاد الطين بله #راح يشوف شكون عيطلي émoticône cry (نقيس روحي في الرايه وندير زوج شهود عليا ) يما حسيتها كيما #تمثال_الحريه شاده #المغرفه في يد و #الطبسي في يد وتشوف ليه مخلوعه
والمتصل مكتوب Y-S-f
شاف في يما وقالها #اليونيساف راهم يعيطو #لبنتك الله الله
شكون يوسف لي راه يعيط ؟؟؟؟!! ياه هادا وقيلا #نسيبنا الجديد هاا شفتي تربيت يدك حنا ماشي #رجال حنا!!!! و تغير لون وجه اخي و بدا يشبه #لزير_سالم و شافني نطل مالباب و قالي كلمته المشهوره: ارواحي هنااا قدامي نهارك قتلك مطلش فيه الشمس ودار هاديك اللقطه تاع #الطايجيتسو وانا يا خياتي شفتكم بين عينيا ايه #حباباتي شكون يولي يضحكهم وفاتتني الدمعه وانا قربت نوصل ليه وهو عاود #صونا التيليفون (اخر يوم في عمري ) و نفس المتصل Y-S-F خزر فيا خويا وقالي: ديري #انترفون وريبوندي قدامي.☎
واش يدير #الميت في يد غسالو: شديت التيليفون ورفدت ودرت انترفون و #شهدت واستغفرت وقتلو: آلو
حتي نسمع مراه تقولي: يا #البايره عندي عشره سنين وانا نعيطلك انا يامينة #سلفت فدوة بنت عمك ابعتيلي #القفطان تاعك نخيط عليه
وانا الروح رجعتلي☝ Y-s-f(يامينة سلفت فدوه ) هههه نكتب الاسماء غير الحروفا الاولي وننسى.تباا لي
خزر فيا #هتلر واللقطه تاع #الطايجيتسو مزال دايرها وقالي: يا اختي هاكي 500 الف #غلفي تيليفونك ڤع #نجرحلك (مسكين زاد نحرق للمره الثالثه

 

[aYyÖub aDaM]

هههههههههههههههههههههههههههه
هذي صح صراتلك ولا منقولة
قتلتيني بالضحك ​

 

[ندى الرحمان]

ايه صرتالي
بصح عندها بزاف

 

[aYyÖub aDaM]

ايا سلامة راسك
Y-s-f(يامينة سلفت فدوه )
ههههه​

 

[Cristal BR]

ههههههههههههههههههههههه

 

[ندى الرحمان]

ايا سلامة راسك
Y-s-f(يامينة سلفت فدوه )
ههههه​

ههههههه