- إنضم
- 13 أفريل 2013
- المشاركات
- 14,618
- نقاط التفاعل
- 54,537
- النقاط
- 1,756
- العمر
- 31
- محل الإقامة
- قسنطينة
- الجنس
- أنثى
السلااااام عليكم أهل اللمة الكرام والافاضل
واسعد الله أوقاتكم وايامكم ان شاء الله
في هاد المساء ربي يفرحكم جميعا وربي يسمع كل شخص مهموم خبر يفرح ان شاء الله .. ربي يهنيكم كامل
المهم عندي مدة طويييييلة ماشاركتش بموضوع هيا اليوم جيت نكتب موضوع خاطر راني مهمومة -__- وحابة نمنشر مليح خاطر راني نشوف حوايج يخرجو العبد من عقلو ويخرجو القلب من قلبو المهم الموضوع تاعي مالقيتش واش نسميه سميتو الحرب العالمية الثالثة خاطر راهي فعلا حرب عالمية قايمة وزيد علابالي الموضوع هادا هدرو فيه من قبل بصح ماقدرتش نسكت خاطر رايحة نطرطق من الشي لي رانا نشوف فيه
اصبرو نقولكم، الموضوع تاعي هو حول الحرب القايمة بين شباب وشابات بلادنا على الانترنت الله يستر ويعافينا
اي بلاصة ندخلها سواءا صورة على الفايس بوك ولا منشور على الفايس بوك ولا فيديو على اليوتوب إلا نلقى الحرب قايمة بين الشباب والبنات، واش هادا؟ خارجين من سبيطار المهابل ولا كانو حابسينكم وطلقوكم؟ تقول مصروعين يالطيف
شويا تربية وشوي احترام وشوي قدر اعطيه لنفسك سواءا ذكر او انثى، المشكلة كن حتى جاو يتقابدو على حاجة مهمة تطلع البلاد ولا على موضوع شائك حارو فيه العلماء، المشكلة هو يسبها فقط لأنها أنثى وهي تسبو فقط لأنه ذكر
علاه عليكم هادا ناقصين ذنوب وناقصين مشاكل، كن يكون فيديو تاع سيارة فاخرة ولا صورة تاع سيارة فاخرة وتكومونتي طفلة وتعبر على اعجابها تلقى جيش الصين كامل تاع الشباب يبداو يقذفو ويسبو وماتيرياليست وتموتو على الحديدة وتقعدو هكاك طول حياتكم وماش متربيات وكلام خلاف يمس شرف بنات الجزائر،عيب والله عيب يا عباد ربي اي انسان يشوف سيارة ولا فيلا واي حاجة مرتبطة بالرفاهية تعجبو رانا بشر ماش معناها نجريو ورا المادة، واصلا بعض الذكور (باه مانقولش الرجال) هوما نفسهم يحبو يديرو لنفسهم قيمة بالدراهم والسيارة ومن بعد يلوم الطفلة كن ماشافتك مداير لنفسك قيمة بحديدة ماتقيم هي الحديدة، والمشكلة العظمى والكبرى الطفلة لي يسبوها تزيد تطيحلهم بالهدرة ونتوما ماش رجال ويماك وختك وكل عايلتك هكا هوما تاني ...... وتزيد تمس شرف بنات خلاف، واشوا هادا ؟؟ راهو عيب هاد الشي والله عيب كبير، لهاد الدرجة نقذفو بعض ونسبو بعض وكن حتى جينا نعرفو بعض
تتحط صورة سيارة يسبو البنات .. تتحط صورة بحر يسبو البنات .. تتحط سورة ماكياج يسبو البنات .. حتى ولو تحط صورة منتقبة يسبو البنات ويسبو المنتقبات والمحجبات، آآو للدرجة هادي
اصلا كي تسب وحدة راك نقصت من قيمتك الرجال راهم في بعضهم ويتعاملو بالحسنى ومرأة تسبها؟ وكن حتى جاو يسبو امرأة ظلمتهم اي كلمة يقولك بنات الجزائر ماش متربيات، واي كلمة بنات الجزائر مايسواوش وأي كلمة بنات الجزائر فيهم وفيهم، احشمو شوي كي تقول على بنات ماش متربيات راك تسب في بني جنسك خاطر كل امراة عندها ولي أمر، وكي تسب طفلة وتمس شرفها راك نسيت بلي كاينة فيهم يماك وختك وزوجتك وبنت خالك وبنت عمك وخلي وخلي، توصلت حتى لقيت واحد كاتب نتزوج بوحدة أجنبية تاع ملاهي حاشاكم ونسترها ولا بنت بلادي لي ماتسواش، درك هادي هدرة؟؟ وهادا عبد؟ تفضل الكافرة على بنت بلادك؟ وتقارن وحدة ماستواش بوحدة مسلمة ونظيفة وعفيفة وشريفة؟ مافهمتش كيفاه يخممو، وهنا ماش نلوم في الرجال برك حتى البنات ولاو مايحشموش علاه تدخلي في روحك في مواضيع وين يولي واحد مايسواش يسبك ويسب والديك؟ ونتي اصلا علاه تجمعي وتسبي ولاد بلادك وتقولي عليهم ماش رجال هكا راكي تسبي في لي رباك وفي خوك وفي زوجك وفي ولدك مستقبلا علاه هاد العداوة بلا فايدة
وكن حتى حبست هنا الحكاية المشكلة العظمى ولا التمسخير بخلق الله من الطرفين، الرجال تلقاهم يحطو صورة تاع وحدة أجنبية ويقولك مليحة وشابة وماشاء الله وزين بلاماكياج، معليش اشكر ولا اقعد الزين من عند ربي سبحانو وكي راك تشكر في خلق ربي كتر خيرك يا سيدي بصح تسب خلق ربي هنا سطوب
واحد يقولك الزين هادا ولا وجوه المقلة تاعنا واحد يقولك وجوه الحطب ولاخر يشبه لحيوان ولاخر يسب من هيه، عيب والله عيب هاد الشي حاب تتزوج قاورية ربي يسهل عجبك الزين الاجنبي ربي يسهل بصح تسب غيرك عيب والله عيب وزيد يقولك هادي اشرف من كل بنات الجزائر عيب كبير هاد الكلام والله، ونفس الشي بالنسبة للبنات تحطلك صورة واحد تركي ولا اجنبي ووحدة تقولك بقلاوة ووحدة معرف واش اتعلمي تديري البقلاوة ومن بعد اهدري عليها، وتزيد تقولك علاه كيما لي عندنا خراشف ولا كروكي محروق عيب يا بنت الناس ماش هكا الهدرة اصلا من وكتاه ولاو النساء يعبرو على اعجابهم بالرجال علنا؟ وينهي التربية ووينهي الحشمة؟، زعما كلا الطرفين يسب في الفاسدين تاع البلاد وهوما بعد بأفعالهم بينو بلي راهم من بين الفاسدين تاع البلاد، خاطر لي يسب بنت بلادو ويسب شرفها ويقول فيها كلام ماش مليح ومن بعد يقولك ربي يرزقنا بالزوجة الصالحة يا ولد الناس نهار تحترم نفسك وتحترم غيرك تما ربي يرزقك بواش حاب ماش نتا داخل عليها روس وتحب الزوجة الصالحة، ونفس الشي بالنسبة للبنات تسب ولد بلادها تقولك لا صلاة لا تربية وهي نفسها لا صلاة ولا حشمة،
زعما رانا 2017 زمن التكنولوجيا ومازلنا برك نسبو بعضنا بدون سبب؟؟ مازلنا نسبو أمة كاملة بلا سبب؟؟
اتقوا الله هادي لي تسبها راهي ختك وهادا لي تسبيه راهو خوك
وهنا حبيت نتكلم على اللمة ونهنأ ناسها خاطر صح صح شفت فيها احترام بين الطرفين الاخ يحترم ختو والاخت تحترم خوها خاطر صح صح ناس واعيين ومتربيين ونحترمو بعض وهدفنا نستفيدو من بعض ماش كيما بعض المواقع المهم يسب وخلاص وين الشاب يشوف المرأة عدوتو والمرأة تشوف الرجل عدوها، خاطر رانا تخلقنا لبعض المرأة بدون رجل ماتقدر تعيش والرجل بدون مرأة مايقدرش يعيش خاطر منهم الام والأب والاخ والاخت والزوج والزوجة مالا فيقو يا ناس
المهم راني هدرت وهدرت نخلي ليكم الخط عبروا على هاد الظاهرة وواش رايكم فيها
اتهلاو في رواحكم.. سلا م
واسعد الله أوقاتكم وايامكم ان شاء الله
في هاد المساء ربي يفرحكم جميعا وربي يسمع كل شخص مهموم خبر يفرح ان شاء الله .. ربي يهنيكم كامل
المهم عندي مدة طويييييلة ماشاركتش بموضوع هيا اليوم جيت نكتب موضوع خاطر راني مهمومة -__- وحابة نمنشر مليح خاطر راني نشوف حوايج يخرجو العبد من عقلو ويخرجو القلب من قلبو
المهم الموضوع تاعي مالقيتش واش نسميه سميتو الحرب العالمية الثالثة خاطر راهي فعلا حرب عالمية قايمة وزيد علابالي الموضوع هادا هدرو فيه من قبل بصح ماقدرتش نسكت خاطر رايحة نطرطق من الشي لي رانا نشوف فيه اصبرو نقولكم، الموضوع تاعي هو حول الحرب القايمة بين شباب وشابات بلادنا على الانترنت الله يستر ويعافينا
اي بلاصة ندخلها سواءا صورة على الفايس بوك ولا منشور على الفايس بوك ولا فيديو على اليوتوب إلا نلقى الحرب قايمة بين الشباب والبنات، واش هادا؟ خارجين من سبيطار المهابل ولا كانو حابسينكم وطلقوكم؟ تقول مصروعين يالطيف
شويا تربية وشوي احترام وشوي قدر اعطيه لنفسك سواءا ذكر او انثى، المشكلة كن حتى جاو يتقابدو على حاجة مهمة تطلع البلاد ولا على موضوع شائك حارو فيه العلماء، المشكلة هو يسبها فقط لأنها أنثى وهي تسبو فقط لأنه ذكر
علاه عليكم هادا ناقصين ذنوب وناقصين مشاكل، كن يكون فيديو تاع سيارة فاخرة ولا صورة تاع سيارة فاخرة وتكومونتي طفلة وتعبر على اعجابها تلقى جيش الصين كامل تاع الشباب يبداو يقذفو ويسبو وماتيرياليست وتموتو على الحديدة وتقعدو هكاك طول حياتكم وماش متربيات وكلام خلاف يمس شرف بنات الجزائر،عيب والله عيب يا عباد ربي اي انسان يشوف سيارة ولا فيلا واي حاجة مرتبطة بالرفاهية تعجبو رانا بشر ماش معناها نجريو ورا المادة، واصلا بعض الذكور (باه مانقولش الرجال) هوما نفسهم يحبو يديرو لنفسهم قيمة بالدراهم والسيارة ومن بعد يلوم الطفلة كن ماشافتك مداير لنفسك قيمة بحديدة ماتقيم هي الحديدة، والمشكلة العظمى والكبرى الطفلة لي يسبوها تزيد تطيحلهم بالهدرة ونتوما ماش رجال ويماك وختك وكل عايلتك هكا هوما تاني ...... وتزيد تمس شرف بنات خلاف، واشوا هادا ؟؟ راهو عيب هاد الشي والله عيب كبير، لهاد الدرجة نقذفو بعض ونسبو بعض وكن حتى جينا نعرفو بعض
تتحط صورة سيارة يسبو البنات .. تتحط صورة بحر يسبو البنات .. تتحط سورة ماكياج يسبو البنات .. حتى ولو تحط صورة منتقبة يسبو البنات ويسبو المنتقبات والمحجبات، آآو للدرجة هادي
اصلا كي تسب وحدة راك نقصت من قيمتك الرجال راهم في بعضهم ويتعاملو بالحسنى ومرأة تسبها؟ وكن حتى جاو يسبو امرأة ظلمتهم اي كلمة يقولك بنات الجزائر ماش متربيات، واي كلمة بنات الجزائر مايسواوش وأي كلمة بنات الجزائر فيهم وفيهم، احشمو شوي كي تقول على بنات ماش متربيات راك تسب في بني جنسك خاطر كل امراة عندها ولي أمر، وكي تسب طفلة وتمس شرفها راك نسيت بلي كاينة فيهم يماك وختك وزوجتك وبنت خالك وبنت عمك وخلي وخلي، توصلت حتى لقيت واحد كاتب نتزوج بوحدة أجنبية تاع ملاهي حاشاكم ونسترها ولا بنت بلادي لي ماتسواش، درك هادي هدرة؟؟ وهادا عبد؟ تفضل الكافرة على بنت بلادك؟ وتقارن وحدة ماستواش بوحدة مسلمة ونظيفة وعفيفة وشريفة؟ مافهمتش كيفاه يخممو، وهنا ماش نلوم في الرجال برك حتى البنات ولاو مايحشموش علاه تدخلي في روحك في مواضيع وين يولي واحد مايسواش يسبك ويسب والديك؟ ونتي اصلا علاه تجمعي وتسبي ولاد بلادك وتقولي عليهم ماش رجال هكا راكي تسبي في لي رباك وفي خوك وفي زوجك وفي ولدك مستقبلا علاه هاد العداوة بلا فايدة
وكن حتى حبست هنا الحكاية المشكلة العظمى ولا التمسخير بخلق الله من الطرفين، الرجال تلقاهم يحطو صورة تاع وحدة أجنبية ويقولك مليحة وشابة وماشاء الله وزين بلاماكياج، معليش اشكر ولا اقعد الزين من عند ربي سبحانو وكي راك تشكر في خلق ربي كتر خيرك يا سيدي بصح تسب خلق ربي هنا سطوب
زعما رانا 2017 زمن التكنولوجيا ومازلنا برك نسبو بعضنا بدون سبب؟؟ مازلنا نسبو أمة كاملة بلا سبب؟؟
اتقوا الله هادي لي تسبها راهي ختك وهادا لي تسبيه راهو خوك
وهنا حبيت نتكلم على اللمة ونهنأ ناسها خاطر صح صح شفت فيها احترام بين الطرفين الاخ يحترم ختو والاخت تحترم خوها خاطر صح صح ناس واعيين ومتربيين ونحترمو بعض وهدفنا نستفيدو من بعض ماش كيما بعض المواقع المهم يسب وخلاص وين الشاب يشوف المرأة عدوتو والمرأة تشوف الرجل عدوها، خاطر رانا تخلقنا لبعض المرأة بدون رجل ماتقدر تعيش والرجل بدون مرأة مايقدرش يعيش خاطر منهم الام والأب والاخ والاخت والزوج والزوجة مالا فيقو يا ناس
المهم راني هدرت وهدرت نخلي ليكم الخط عبروا على هاد الظاهرة وواش رايكم فيها
اتهلاو في رواحكم.. سلا م
