علاجال زوج طباسا تحطم دارها؟؟؟؟

[دعاء الجنات]

السلام عليكم
في الحقيقة احترت واش نكتب العنوان مي دورك نفهمكوم قصدي.... شحااااااال من مرأة تهدم دارها وتسمح في راجلها علاجال وااااش؟؟؟؟؟ علاجال مايحبوش ناسها يغسلو لماعن وغير هيا لي تغسلهوم صباح وعشية وووووومبعد؟؟؟؟ ووواش فيها؟؟؟؟ يا اختي ابعتيلي لماعن تاعك والله نغسلهوملك باطل دايما ونزيد نغسلك راسك من فوق علاخاطر مانعرف واش فيه ' والله يا خاوتي كيما نحكيلكوم تلقا العروس توصل للموحال مع ناسها علاجال لماعن يعني راجلك حتى ولوكان يحبك كيفاه راح يقدر يعيش المشاكل صباح وعشيا ونهار يطلق وتقعدي في دار الماليك تتمناي ترجعي لدارك وتغسليلهوم حتى التقاشر,,, مانيش نقولك ذلي بروحك بصح ماعليش اغسلي اخدمي على وجه راجلك + ناسك والله مايدومولك شحال من وحدة تطلقت على جال عجوزتها... وهي غير تطلقت ماتت عجوزتها وهي قعدت لا دار لا دوار ونقولك والله ماتموتي لوكان تغسليهوم دايما هوما وحدهوم يجي نهار ويحشمو على رواحتيهوم المهم تكسبي محبة تاع راجل لي يشوفك تتعبي وماتشتكيش - الصبر الصبر باه تدير دار ماشي ساهلة وناسك لي جاو خطبوك ودارولك عرس الله الله ماشي يولي اعداء على جال زوج طباسا انا نقوللكوم انا بعد مانتزوج نغسلهوم انا بلا مايقولولي ونخدم كل شي الا ادا كنت مريضة الله غالب ماشي ناكل ونروح نرقد ونخلي عجوزتي ولا نعاند روحي ما سلفتي؟؟؟ سلفتي غدوة تتزوج وتروح ويبقا غير العيب والله راني نحكيلكوم في الواقع المر طلاق وتشرد الاولاد علاجال طياب ولماعن وهي حاجة مافيها والو وزعما كي ترجع لدار ماليها زعما راح تلوي ملكة العكس تخدم بسيف عليك على الاقل في دار راجلك تخدمي بصح بكرامتك- شحال من وحدة تدعي ربي يرزقها راجل صالح وفي المقابل تلقا وحدة تهدم في عايلتها علاجال والو والو الله يهدي ماخلق والزواج ماراهش لعب لي ماحاباش تخدم وتطيب وتغسل لك

 

[Skor m@k]

السلام عليكم
شفت يا ختي على جال شويا غسيل لماعن تهدم أسرة وبلاك تقدر تكون بولادها
مشكلة لبنات تاع ضرك قبل الزواج يحلموبالمسلسلات تاع التراكة
ويحلمو بالرومنسية تاع جد ماليهم ممبعد بعد الزواج تلقى كلش العكس
وماتحبش تتقبل الواقع وتبقى غير تشكي ملغسيل لماعن ولحوايج
وهي الى غسلت لماعن واش فيها حبت عجوزتها تغسلهم
علاه لازم فالزواج هذا الصبر والصبر حتى يفرج ربي
شكرا لك ختي​

 

[فيتامين سي]

نشد بلاصة
لي عودة
الاختلاف في الراي لا يغير في الود قضية

 

[فيتامين سي]

.انا ضدك 100%
اولا : المراة واجبها تخدم راجلها ماشي زريعته كومبلي هي تاني مسؤولياتها يكفوها ..و خدمتها لعجوزتها تكرم منها و احترام
ربي سبحانه عطانا عقل لي ساكنة مع ناس دارها تنجم تدير جدول صباح و عشيا انتي الماعن انا فطور الغدوا العكس و يادار مدخلك شر انا دايما نبغي اي موضوع نقيسه عليا باش منحكيش حاجة لي نكون اول وحدة منطبقاش
انا مستحيل نقبل مكون خديمة ماعن تاع 100 عبد صباح و عشيا نكدب على روحي لا منجمش
نفضل الاستقلالية شويا
و ادا تتحتم كاين نظام منعاندش بصح وقتي نخدمو و وقت غيري شايصرا منحط يدي كان دارنا ولا دار اي انسان نخدم طاقتي و كل واحد جزء باش مغدوا نقول انا نضل نغسل و نخدم وبلا بلا بلا و لا نقول انا مدرت والو تقول مكسرت اليدين
و ادا تكون غير مع عجوزتها عادي يتفاهمو شويا شويا و رانا عايشين
رايي الشخصي

 

[Soumia hadj mohammed]

السلام عليكم
تحية عطرة لك اختي
لكن عذرا لن اشاطرك الراي بنسبة كبيرة
وللحديث بقية
بالتوفيق ان شاء الله

 

[(منير)]

السلام عليكم ورحمة الله وبركاته
اولا احى فيكم تلك الروح الطاهرة
والأخلاق العالية.
وأن دل هذا فإنما يدل على نشاتكم وتربيتكم
شخصيتكم توحي لى بانكم لذيكم مؤهلات تؤهلكم بأن تكونوا زيجات من الطراز الأول.
لكن رغما هذا وذاك هناك أشياء يتوجب عليكم معرفتها وتتجلى في حكمة.
مفادها. من أعز نفسه أعزه الله ومن اذلها اذله الله .
ولله العزة ولرسوله وللمؤمنين
مفروض على كل من جمعتها الأقدار الإلاهية مع حماتها أن تسهر على شؤونها ولاسيما أن كانت تعيش مع ابنها الوحيد وهى التى قد بلغت من الكبر عتيا. .
لاضير أن تخدم أم زوجها مدى الحياة...
فهى بذالك تكون ماجورة ومشكورة بإذن ربها العزيز الشكور.
أما أن كانت تعيش مع إخوات بعلها وهم في سنها أو أكبر منها فحرى بها أن تخضع معهم لنظام التناوب على غسل اوانى المنزلية أو تنظيف البيت.أو غسل الثياب.
وأما أن كانت تقوم بجميع مهام المنزلية فبذلك تكون قد عرضت نفسها لموقف لايحمد عقباه
فمن وجهة نظرى .
إجبارى على كل شاب يريد أن يتزوج بفتاة صالحة أن تكون له الباءة والاستقرار الذاتى
حتى لاتكون زوجته منديلا لذى أفراد بيته
كل من عاد أو راح يمسح يده فيها....
و اللبيب الإشارة تكفيه.
ومن لم يستطع فعليه بالصيام
كان خير له وأحسن تأويلا. ...
الله اسأل أن يمن عليكم بزوج صالح تقي نقى يقدر من هى أخته قبل أن تكون حبيبته وزوجته.
حتى يوفر لها العيش الكريم
وبعيد كل البعد من الاكدار. .وشجار. والاخطار

 

[GI Joe]

sah 3ayb tesem3i b tlag 3la 2 tbassa
mais l maa3na li derier mata9edrich ta3efi kayen li 3andhom tbassa c tbassa w kayen li kthaar fel djmaya3 ydirouha bonicha djibi aghesli diri hezi louled tweli tayeh b nifha f kolech prc nhar lowel daret nya normal w ghasslet w khadmet kima darhom
ça veut pas dire l wahda tetkhibeth men nhar lowel mais ta3ref kifeh tahkem le3ssa m noss
( w radjel li ytaleg martou 3la tbassa essemhili mouch radjel wech diri bih koun probleme kbir mala !!)

 

[دعاء الجنات]

السلام عليكم
شفت يا ختي على جال شويا غسيل لماعن تهدم أسرة وبلاك تقدر تكون بولادها
مشكلة لبنات تاع ضرك قبل الزواج يحلموبالمسلسلات تاع التراكة
ويحلمو بالرومنسية تاع جد ماليهم ممبعد بعد الزواج تلقى كلش العكس
وماتحبش تتقبل الواقع وتبقى غير تشكي ملغسيل لماعن ولحوايج
وهي الى غسلت لماعن واش فيها حبت عجوزتها تغسلهم
علاه لازم فالزواج هذا الصبر والصبر حتى يفرج ربي
شكرا لك ختي​

العفو اخي والله حكيت حاجة من الواقع لأنو اغلب المشاكل تلقاها تحكي على شغل الدار مالغري في دار باباها ربما كانت تعمل اكثر وتغسل هي وبالاك خواتاتها ماتهدرلهومش لكن لما توصل لعائلة الزوج تصرا الشرارة والحساسية شكراا اخي على المرور الطيب

 

[دعاء الجنات]

.انا ضدك 100%
اولا : المراة واجبها تخدم راجلها ماشي زريعته كومبلي هي تاني مسؤولياتها يكفوها ..و خدمتها لعجوزتها تكرم منها و احترام
ربي سبحانه عطانا عقل لي ساكنة مع ناس دارها تنجم تدير جدول صباح و عشيا انتي الماعن انا فطور الغدوا العكس و يادار مدخلك شر انا دايما نبغي اي موضوع نقيسه عليا باش منحكيش حاجة لي نكون اول وحدة منطبقاش
انا مستحيل نقبل مكون خديمة ماعن تاع 100 عبد صباح و عشيا نكدب على روحي لا منجمش
نفضل الاستقلالية شويا
و ادا تتحتم كاين نظام منعاندش بصح وقتي نخدمو و وقت غيري شايصرا منحط يدي كان دارنا ولا دار اي انسان نخدم طاقتي و كل واحد جزء باش مغدوا نقول انا نضل نغسل و نخدم وبلا بلا بلا و لا نقول انا مدرت والو تقول مكسرت اليدين
و ادا تكون غير مع عجوزتها عادي يتفاهمو شويا شويا و رانا عايشين
رايي الشخصي

رأيك هيبة على العين والراس وانا اصلا راني معاك في هاذ النقطة ماقلتش تدير روحها بونيشة بصح نحكي على بعض الاوقات تسمح شويا مافيها والو وماتكبرش الموضوع وماتقلبوش مشكلة يصعب حلها... في الوقت الحالي لواحد يسمح شويا وعقب شويا علاجال راجلك وبالاك اولادك وفي لافان واحد ماراح يقعد مع واحد ودارك وحدك تعياي وتسكني فيها وترتاحي هذا هو قصدي
شكرا هيبة دمتي وفية

 

[دعاء الجنات]

السلام عليكم ورحمة الله وبركاته
اولا احى فيكم تلك الروح الطاهرة
والأخلاق العالية.
وأن دل هذا فإنما يدل على نشاتكم وتربيتكم
شخصيتكم توحي لى بانكم لذيكم مؤهلات تؤهلكم بأن تكونوا زيجات من الطراز الأول.
لكن رغما هذا وذاك هناك أشياء يتوجب عليكم معرفتها وتتجلى في حكمة.
مفادها. من أعز نفسه أعزه الله ومن اذلها اذله الله .
ولله العزة ولرسوله وللمؤمنين
مفروض على كل من جمعتها الأقدار الإلاهية مع حماتها أن تسهر على شؤونها ولاسيما أن كانت تعيش مع ابنها الوحيد وهى التى قد بلغت من الكبر عتيا. .
لاضير أن تخدم أم زوجها مدى الحياة...
فهى بذالك تكون ماجورة ومشكورة بإذن ربها العزيز الشكور.
أما أن كانت تعيش مع إخوات بعلها وهم في سنها أو أكبر منها فحرى بها أن تخضع معهم لنظام التناوب على غسل اوانى المنزلية أو تنظيف البيت.أو غسل الثياب.
وأما أن كانت تقوم بجميع مهام المنزلية فبذلك تكون قد عرضت نفسها لموقف لايحمد عقباه
فمن وجهة نظرى .
إجبارى على كل شاب يريد أن يتزوج بفتاة صالحة أن تكون له الباءة والاستقرار الذاتى
حتى لاتكون زوجته منديلا لذى أفراد بيته
كل من عاد أو راح يمسح يده فيها....
و اللبيب الإشارة تكفيه.
ومن لم يستطع فعليه بالصيام
كان خير له وأحسن تأويلا. ...
الله اسأل أن يمن عليكم بزوج صالح تقي نقى يقدر من هى أخته قبل أن تكون حبيبته وزوجته.
حتى يوفر لها العيش الكريم
وبعيد كل البعد من الاكدار. .وشجار. والاخطار

وجودكم في الموضوع شرف كبير وشكرا على حسن الكلام وعلى الرأي والكلام الراقي ، وجيد قولك في الاستقرار افضل لكن نحن في الجزائر ولغلاء المعيشة يصعب على الشاب ان يوفر مسكن لنفسه لهذا يضطر ان يتزوج داخل اسرته اما عن الصوم فالشاب لا يستطيع ان يقضي طول عمره صائم لانه لا يدري متى يتمكن له من شراء البيت... وفي الحقيقة يخبر زوجته ان تصبر مع العائلة حتى اليوم الذي يفرج علينا الله ويرزقنا بيت لوحدنا.. لكن يدخل يوما ما للمنزل بعد تعب من العمل ليجد المنزل مشتعل بالمشاكل لمذا؟؟ لأن اختك وامك لا يغسلون ولا ينظفون... انا لم أقل أن تذل المرأة بنفسها حاشا انا واحدة عمري مانرضى بالذل ولكن اليس العمل عبادة؟؟ أليس الصبر واجب في العلاقة الزوجية وماذنب الزوج الذي يجد نفسه بين أعز الناس أمه وأخته وبين حبيبته زوجته.. اذا ارضى طرف شن الطرف الآخر كل غضبه.... من اجل ذا؟؟؟ ربما امر تافه
شكرا مرة اخرى وحفظك الله.

 

[sanaya]

علابالك ختي والله فحياتي جامي حاسبت فالخدمة أنا نطلب برك المعاملة الحسنة
أما الخدمة ساهلة
حتى نكون بالكرش 9 شهور نغسل ونطيب نوووورمال والحمد لله مش من نسا اللي يقولو راني بالكرش نريح ولازم نروبوزي
سلفتي مدير والو تخرج وتولي ونا كلشي عليا جامي حاسبتها
ياخي راني بصحتي الحمد لله علاه حتى نتحاسب
ونزيد نقولك تالمون موالقة نخدم شغل يدي تجيلي واعرة تدخل معايا كاش وحدة فالكوزينة هههه
مي منكدبش عليك شفت بزاف عرايس يداوسوا مع فاميلة راجلهم علاجال صوالح تافهين
مي شوفي حنونة
مش مليح الوحدة تهلي مرت خوها تتعب وحدها
أنا كنروح لدارنا نعاون مرت خويا ندخل للكوزينة
مش نروح كشغل رايحة لوتيل
وهي تخدم وحدها
حرام علينا نديروا هاك
ولا وحدة بلاها ربي بسلفة فنيانة متداوسش معاها علاجال شغل الدار
مصح المشكل كتكون العايلة كبيرة بزاف ولعروسة وحدها تخدم واعر هاذ الشي سرتو كتجيب دراري وتكبر المسؤولية
مي كتكون عايلة صغيرة ولا كامل تزوجو الأحسن تصبر
سلام

 

[دعاء الجنات]

sah 3ayb tesem3i b tlag 3la 2 tbassa
mais l maa3na li derier mata9edrich ta3efi kayen li 3andhom tbassa c tbassa w kayen li kthaar fel djmaya3 ydirouha bonicha djibi aghesli diri hezi louled tweli tayeh b nifha f kolech prc nhar lowel daret nya normal w ghasslet w khadmet kima darhom
ça veut pas dire l wahda tetkhibeth men nhar lowel mais ta3ref kifeh tahkem le3ssa m noss
( w radjel li ytaleg martou 3la tbassa essemhili mouch radjel wech diri bih koun probleme kbir mala !!)

شكراااا والله كلامك جميل تحكم العصا من النص ماش تدخل طول بالتخيبيت ومن بعد يكرهوها خلاص ... انا مرت خويا دارت هاكداك ومن بعد سكنت وحدها بصح طاحت من عينينا علابيها حلفت ندير النية وصح مانهليهومش يذلوني نهار نكون تعبانة او مريضة مانمسش والو بصح بالكلمة الطيبة تاع اسمحيلي يما اي عجوزتي والله راني مريضة والله وحدها تقولك روحي وارتاحي كيما قالو ناس بكري كلمة مليحة خير من الذبيحة...
شكرا حبيبتي وتشرفني مشاركتك وكلامك دايما معقول

 

[دعاء الجنات]

علابالك ختي والله فحياتي جامي حاسبت فالخدمة أنا نطلب برك المعاملة الحسنة
أما الخدمة ساهلة
حتى نكون بالكرش 9 شهور نغسل ونطيب نوووورمال والحمد لله مش من نسا اللي يقولو راني بالكرش نريح ولازم نروبوزي
سلفتي مدير والو تخرج وتولي ونا كلشي عليا جامي حاسبتها
ياخي راني بصحتي الحمد لله علاه حتى نتحاسب
ونزيد نقولك تالمون موالقة نخدم شغل يدي تجيلي واعرة تدخل معايا كاش وحدة فالكوزينة هههه
مي منكدبش عليك شفت بزاف عرايس يداوسوا مع فاميلة راجلهم علاجال صوالح تافهين
مي شوفي حنونة
مش مليح الوحدة تهلي مرت خوها تتعب وحدها
أنا كنروح لدارنا نعاون مرت خويا ندخل للكوزينة
مش نروح كشغل رايحة لوتيل
وهي تخدم وحدها
حرام علينا نديروا هاك
ولا وحدة بلاها ربي بسلفة فنيانة متداوسش معاها علاجال شغل الدار
مصح المشكل كتكون العايلة كبيرة بزاف ولعروسة وحدها تخدم واعر هاذ الشي سرتو كتجيب دراري وتكبر المسؤولية
مي كتكون عايلة صغيرة ولا كامل تزوجو الأحسن تصبر
سلام

قلتي كل شي سنايا ماخليتي والو بارك الله فيك هذا واش انا حبيت نقول مادام بصحتك ربي يدومها ويدوملنا صحتنا ومايخليناش نسحقو الناش
شكرا هل المرور الطيب

 

[لؤلؤة قسنطينة]

السلام عليكم
وصباحكم نور وسرور وعطر وزهور
موضوع مهم أختي لأنو فعلا معظم حالات الطلاق تكون لأسباب تافهة يعني حالات قليلة لي تتطلب صح الطلاق
المهم بالرجوع للموضوع، المعروف أنو الحياة الزوجية تتطلب صبر كبير وتتطلب غض البصر عن بعض الأمور
وأمهاتنا ماكانوش يصبرو على لماعن برك، يعني لماعن بالنسبة ليهم كانو شوينغوم يلعبو بيه راهم صبرو على ما اكتر
كاين لي تضربت وصبرت وكاينة لي ضيعوها بالشر وصبرت وكاينة لي سمعت الكلام الجارح وصبرت والنتيجة خرجنا
حنا صالحين وكبرونا وقراونا وكلشي، صح واحد مايقبل الذل بصح زوج ماعن مايديو مايجيبو، اذا كانت الام وحدها
يعني العجوزة وحدها معندهاش بنات عيب حتى نتكلمو على لماعن قدامها وعيب تحسبيها من الاساس خاطر مرا كبيرة وكلشي
اما لو عندها بنات رايحة تكون فيها دالة ماداروش الدالة ربي ورحمتو، انا كي نتكلم على نفسي كي نغسل لماعن
نغسلهم على وجه عجوزتي خاطر مرا كبيرة وعلى وجه راجلي هو أهم نقطة في الموضوع، مانقدرش نتخايل راجلي
يوما ما يجي عيان من العمل والغمة حاكمتو ساع يلقى مجزرة بيني وبين يماه وختو علاواه؟ على لماعن والله عيب
الخدمة والغسيل ماش رايح يلصق في يدي التعب يروح ومايبقى غير اللسان الحلو، كيما قلتيها الاخت يجي نهار وتتزوج
وانا بالاك يجي نهار ونخرج عليهم ومايبقا غير كلام العيب بيناتنا، اما اني نوصل روحي للطلاق ولعياط كبير
على جال ماعن معناها راني بنص عقل هنا، انا في حياتي اليومية دايما نتعامل بالحسنى حتى ولو نتضرر المهم يبقى ضميري مهني
وهادي تبقى مجرد اقوال منا نلحق للوقت هاداك ماعلاباليش واش ندير هههه بصح ان شاء الله مانكونش سبب
يوما ما انو زوجي يكون بين يماه ومرتو ولا بين ختو ومرتو على اسباب تافهة خاطر هكا تربينا وهكا علمونا والدينا
شكرا غاليتي على الموضوع
تحياتي


​

 

[يونس قاسم]

هذا السوجي نشوف فيه راه يزيد مش ينقص في المجتمع
وهذا يدل على ان الزواج اصبح لعب فقط
اطفال لا يعرفون معنى الزواج يتزوجو و النتيجة طلاق بعد اشهر فقط
اذا كان المراة و عجوزتها او اخت راجلها يتعفرو على جال ماعن عيب كبييير
و الراجل لي يطلق مرتو على هذا السبب مش راجل
ياو الحقيقة لعب اطفال و نقص مسؤولية
تحياتي اختي

 

[دعاء الجنات]

السلام عليكم
وصباحكم نور وسرور وعطر وزهور
موضوع مهم أختي لأنو فعلا معظم حالات الطلاق تكون لأسباب تافهة يعني حالات قليلة لي تتطلب صح الطلاق
المهم بالرجوع للموضوع، المعروف أنو الحياة الزوجية تتطلب صبر كبير وتتطلب غض البصر عن بعض الأمور
وأمهاتنا ماكانوش يصبرو على لماعن برك، يعني لماعن بالنسبة ليهم كانو شوينغوم يلعبو بيه راهم صبرو على ما اكتر
كاين لي تضربت وصبرت وكاينة لي ضيعوها بالشر وصبرت وكاينة لي سمعت الكلام الجارح وصبرت والنتيجة خرجنا
حنا صالحين وكبرونا وقراونا وكلشي، صح واحد مايقبل الذل بصح زوج ماعن مايديو مايجيبو، اذا كانت الام وحدها
يعني العجوزة وحدها معندهاش بنات عيب حتى نتكلمو على لماعن قدامها وعيب تحسبيها من الاساس خاطر مرا كبيرة وكلشي
اما لو عندها بنات رايحة تكون فيها دالة ماداروش الدالة ربي ورحمتو، انا كي نتكلم على نفسي كي نغسل لماعن
نغسلهم على وجه عجوزتي خاطر مرا كبيرة وعلى وجه راجلي هو أهم نقطة في الموضوع، مانقدرش نتخايل راجلي
يوما ما يجي عيان من العمل والغمة حاكمتو ساع يلقى مجزرة بيني وبين يماه وختو علاواه؟ على لماعن والله عيب
الخدمة والغسيل ماش رايح يلصق في يدي التعب يروح ومايبقى غير اللسان الحلو، كيما قلتيها الاخت يجي نهار وتتزوج
وانا بالاك يجي نهار ونخرج عليهم ومايبقا غير كلام العيب بيناتنا، اما اني نوصل روحي للطلاق ولعياط كبير
على جال ماعن معناها راني بنص عقل هنا، انا في حياتي اليومية دايما نتعامل بالحسنى حتى ولو نتضرر المهم يبقى ضميري مهني
وهادي تبقى مجرد اقوال منا نلحق للوقت هاداك ماعلاباليش واش ندير هههه بصح ان شاء الله مانكونش سبب
يوما ما انو زوجي يكون بين يماه ومرتو ولا بين ختو ومرتو على اسباب تافهة خاطر هكا تربينا وهكا علمونا والدينا
شكرا غاليتي على الموضوع
تحياتي


​

تخيلت روحي انا لي كتبت هاذ الكلام والله العضيم.. قلتيلي الخطرة لي فاتت اختي التوأم بصح صدقيني اليوم تأكدت ، بارك الله فيك هذا هو الكلام الرزين ، بارك الله فيك واكثر من امثالك . تحياتي.

 

[دعاء الجنات]

هذا السوجي نشوف فيه راه يزيد مش ينقص في المجتمع
وهذا يدل على ان الزواج اصبح لعب فقط
اطفال لا يعرفون معنى الزواج يتزوجو و النتيجة طلاق بعد اشهر فقط
اذا كان المراة و عجوزتها او اخت راجلها يتعفرو على جال ماعن عيب كبييير
و الراجل لي يطلق مرتو على هذا السبب مش راجل
ياو الحقيقة لعب اطفال و نقص مسؤولية
تحياتي اختي

ايواه... هذا واش كنت نقصد بأنو اازواج ماهوش الدويرة لي كنا نلعبوها بكري وكيما قالت لؤلؤة قسنطينة بكري صبرو على الضرب والله كانو لعجايز بضربو عرايسهوم ضورك الحمد لله ماقعدتش لي تتنضرب وهكذاك حاجة تافهة تقيم عليها القيامة تحوس بالاك يزيدو يخدمو عليها
على كل مشكور على المشاركة وابداء الرأي. تحياتي.

 

[Malika Tlm]

السلام عليكمم
لالا انا لحد الان مزال مسمعتش بوحدة طلقت علي جال الماعن
مشكيتش بلي امراة ضيع حياتها عاي ماعن الا اذا دارتها سبة برك بلاك عندها حوايج منعرفوهمش حنا
علي كل لالا هذي ماشي سبة تطلق عليها المراة الهبال هذا
الله يهدي عبادو
تحياتي

 

[دعاء الجنات]

السلام عليكمم
لالا انا لحد الان مزال مسمعتش بوحدة طلقت علي جال الماعن
مشكيتش بلي امراة ضيع حياتها عاي ماعن الا اذا دارتها سبة برك بلاك عندها حوايج منعرفوهمش حنا
علي كل لالا هذي ماشي سبة تطلق عليها المراة الهبال هذا
الله يهدي عبادو
تحياتي

اهلا مليكة يا اختي ماشي المشكلة في لماعن مشكلة في حاجة وسمها عناد وغنان.. والله كيما راني نحكيلك ربي عطانا قدرة نغسلو كل يوم ماعن تاع عرس بصح كي تولي في العروس وناسها تولي العناد علاش هوما ما يديروش وانا ندير؟؟؟ ومن بعد تتطور الحالة ماتحبسش غير في لماعن ومن بعد تولي الهدرة الزايدة ومن بعد تشناف ومن بعد مايهدروش والسبب الرئيسي تافه وبيان سير ماراحش تجيك وحدة وتقولك علاجال زوج طباسا اكيد راح تظحكي عليها بصح راح تحكي وكأنهوم حطولها حبل المشنقة ولفوه.. وهو شوي صبر برك تتحل المشاكل وربي سبحانو قال(( واستعينوا بالصبر والصلاة))) نتمنا تكوني فهمتيني تحياتي

 

[Soumia hadj mohammed]

بلغ عقلي التاكيد كراي العين في سطور لا تمحى
كاد ظني يجزم ان السطور عليها ستار الخفي لاترى
على كل ، وفقكم الله