رحلة وتحويسة ارواحو....مي فيها شروط

[ليليا مرام]

السلام عليكم

الاحباب والحبابات اللي يحبونا واللي يكرهونا نورمال ما ديرو والو على العكس صافي بليزيييييييييغ
المهم يا جماعة نخلو الشباب يريحو شوي وندو فاصلة ونريحو ونرجعولهم
جماعة المنتدى اليوم الجمعة ونهار شباب وغدوة السبت نروحو رحلة
اللي يحبو الغوابي واللي يحبو البحر يرفعو يديهم
بلادنا شابة وتهبل بزاف ليفامي والعايلات يخرجو يحوسو
لكن استنو
المهم الكار راهي جات ايا شوفور المنتدى الامين اواه لالا مانديروكش شوفور ثاني يطلعلك السكر ودخلنا في كاش شجرة
امممم نديرو الحبيب رزين وعاقل ايا شوفور شد الطريق
البنات روحو للتالي والرجل فالاول باه ما يقرعجوش علينا وحنا نتفرجو فيهم وما يتفرجوش فينا
اسمعو اللي عندها وليدها ديرو في حجرها ما تكفيش البلاصة وانا هي الرسوفووووووووووور
اللي سمينة نخلص علينا نص والرقيقة زوج بلايص الله غالب عندي حول ما نشوفش مليح

انا نقول نروحو لمساحات الخضرا الله الله نبغي الخضرا والهوا النقي
المهم بصح استنو نفهمكم
يا جماعة مش عيب انو نحوسو ونحو على خاطرنا ونروحو لبلايص يهبلو وين نلقاو راحتنا ونحو على خاطرنا مي الحاجة اللي ولات تقلقني العفن يا ناس وعلاه تروحو وتاكلو وتحوسو وترمو يا سيدي ما لقيتوش وين ترموه لمو فالساشيات ولما تلقاو حاوية نتاع الزبل حاشاكم ارموهم
وليت نشوف بلايص روعة مي العفن شكاير الزبل الاوراق وفضلات التحواس وعلاه والله حاجة تغيض حنا حوسنا ونضنا وعلاه ما نقوش بلاستنا حتى يجو اخرين ويلقاوها نقية والذراري القرع مكسرين والزجاج وعلاه خسارة تدي ذنب طفل يجرح رجلو او تصرالو حاجة او مرا كبيرة هاكا
انا نقول اللي معفون فالزنقة معفون في دارو اسمحولي
علاه نلوموغير الدولة ونقولو ما ينقوش هذو نتاع النظافة عباد كيما احنا ويحسو وعلاه نرمو الحمل عليهم لالا عياو مساكن ما رفدو زبلنا قدام ديارنا وفالزنقة وهذا زبلنا زيدو حتى بلايص التحواس لالا عيب
كارينا ما خلصتينيش وانت صحفية دايرة رابور وتكتبي ضرك خرجنا نحوسو والا ننقلو المباشر
الامين واش راك تحل ففمك هاني نسمع تمنشر فيا
صلاح تؤبشني انا نهدر وانت تشلل فعينيك فيا ههه اممم بلاك يحسدنا مالك
حكيم اقفل فمك بركا ما تفلسيف خرجنا نحوسو
اسمعو وصلنا إنزلو الخوتات ما تبعدوش راني نعس فيكم
ولادكم شدوهم واللي وليدها يظل ينوح تديه بعيد ما نحملش العياط يصرعني
ومالك ماكان لاه تبروفيتي وتبقا تبع في كاش عضوة هاني نعس
خوكم فتحي قالك دا كرسي ويشد الخلوي ونواظر والمظل والله الله راه سلطان فتحي
اللي يعرف يغني شعبي يروح يضربلو وحدة كمال مسعودي
الورد الاحمر راهي جايبتها كي فيروز خانم لالا ما تخرجش علينا لالة شاركي اهدري كولي ونقي بلاصتك ما ديريش علينا شافة ثاني فالتحواس
ام يسمين بنتك وين خليتيها باينة عند عجوزتك مسكينة ذيك العجوزة غاضتني
اميرته اراوحي وحدك اميرك خليه للحرب راحين نحوسو لالة
حسين وين راك حرقت واقيل
سمية الحاج الحاج خليه فالدار انت ثاني حرام التحواس ارواحي وحدك
تقوى شدي بلاصتك واغلقي التاقة شابعة بحوري يا بن عمي حابة الريح ضربك تسونامي دخلي راسك تشوفي
خونا اليجانتل راهي جاي معانا من الخارج يحوس ويرجع ما تبهدلوناش
يونس قاسم حط الكتاب وياااااااا حوجي ياانا تقرا فالفاكونس انت معكوس
هايا انزلو واللي تاكل وتكمل تنقي زبلها
يا جماعة نقترح فكرة اللي موالفين يروحو يحوسو وعلاه ما تدوش الاجر وتشرو بوبال وتخلوها هناك صدقة لو سرقوها نورمال المهم نتوما درتو صدقة ومنفعة والله مليحة

المهم انا نروح ندور فالغابة نشم شوي هوا
مالك بلاك تبعي هاني قتلك
الخط ليكم واش رايكم فالعفن فبلايص التحواس
واذا صراتلكم وين لقيتو بلاصة شابة مي الزبل بزاف
اليكم الخط الرحلة بدا طباخات المنتدى وجدو الماكلة لغدوة

بصحتكم التحويسة


​

 

[يونس قاسم]

يونس قاسم حط الكتاب وياااااااا حوجي ياانا تقرا فالفاكونس انت معكوس

هههههه مجنونة صح انا في وقت القراية و ما قريتش راح نقرى في وقت التحواس هاهاها
شوفي الطياب عليكم و اذا الماكلة مش بنينة تخلصوها دوبل خخ
و المصروف علينا ما تخافوش واش تحتاجو علينا المهم فرحونا و خلونا ناكلو برك
ههههههه الصح ليليا ناس مثقفة وفاهمة و يرموا فضلاتهم ولا يخلوها في بلاصتها
عيش تشوف صح ربي يداوي لحوال
يا لي عينيك دايرين هاها اليوم صح رحت للغابة نحوس
تحياتي

 

[الامين محمد]

الله يهديك ههههههههههههههههه
يا المغيارة مني حقا خبريني أنا ما جبتش معايا الماكلة
نفطر معاك من فطورك أنا توأمك ما نحبش نفهم هههههههههه

الله يخليك لينا ما المهبوووولة يا الكحلوووشة

 

[aYyÖub aDaM]

ههههههههه
رغم انكم ماعيطتلويش نصوركم في الرحلة مي ماعليهش
تبا تخيلتكم صح عندك اماجيناسيو قاوي
بصحتكم التحويسة
المهم لاحظت المنتدى يعج بالمهابل مسلمين مكتفين '' نمزح اي تولي الاخت تزعف مني ''​

 

[ليليا مرام]

هههههه مجنونة صح انا في وقت القراية و ما قريتش راح نقرى في وقت التحواس هاهاها
شوفي الطياب عليكم و اذا الماكلة مش بنينة تخلصوها دوبل خخ
و المصروف علينا ما تخافوش واش تحتاجو علينا المهم فرحونا و خلونا ناكلو برك
ههههههه الصح ليليا ناس مثقفة وفاهمة و يرموا فضلاتهم ولا يخلوها في بلاصتها
عيش تشوف صح ربي يداوي لحوال
يا لي عينيك دايرين هاها اليوم صح رحت للغابة نحوس
تحياتي

اهلا يونس
ايه ياك علماء الذره ما شفتهمش فالكار يشدو الكتابات والكتاب بالمقلوب ما نعرف لمن يبينو باللي يقراو
اسمع الماكلة شوف مع طباخات المنتدى انا عليا القاطو ايه راني خايفه نتكلو عليكم نقعدو للشر
والله يا خويالموضوع العفن فبلايص التحواس والله رجعت نتقلق نحبو نقعدو فبلاصة شابة والله تبهديل تلقى العفن مرات حتى ليكوش نتاع ليبيبي والله عيب كبير
مشكور يونس جيب معاك الفحم نديرو الشوا

 

[ليليا مرام]

الله يهديك ههههههههههههههههه
يا المغيارة مني حقا خبريني أنا ما جبتش معايا الماكلة
نفطر معاك من فطورك أنا توأمك ما نحبش نفهم هههههههههه

الله يخليك لينا ما المهبوووولة يا الكحلوووشة

السلام عليكمِ
والله انعكست الحية ياك الشعب كلو سمع بغيرتك مني شكون مازال ما عرفش
ايه وانا واش داني للواد من غير قلبي الحنين بيان سور نخليك تاكل مي ماشي تاكل كل شي بحجة لانسولين انا والله ويطلعولك ليزيبيس. نتاع الحريرة كول حقك برك
اعطيني رايك فبلايص مسخين وين يقعدو الناس يبدلو جو واذا صراتلك وواش رايك ففكرتي انو واحد يصدق حاجة كيما هذي

 

[ليليا مرام]

ههههههههه
رغم انكم ماعيطتلويش نصوركم في الرحلة مي ماعليهش
تبا تخيلتكم صح عندك اماجيناسيو قاوي
بصحتكم التحويسة
المهم لاحظت المنتدى يعج بالمهابل مسلمين مكتفين '' نمزح اي تولي الاخت تزعف مني ''​

السلام عليكم
يا خويا غدوه نقلعومرحبا بيك جيب كاميرا مليحة وهذاك الامين ما تحكموش ومالك خرجو عينيه حمر كالقنين فالليل
ايه وانا بواش عايشة لوكان ما غير نتخيل هههه
هدا وين عرفت انو الشعب كلو هبل راك روطار
خويا واش رايك فسوجي نتاع الوسخ فالساحات المخصصة للعايلات
شكرا وبلاك ديرها بينا غدوة نتصورو كامل صوار المنتدى هانا نستناو

 

[بشرى ملاك]

السلام عليكم

الاحباب والحبابات اللي يحبونا واللي يكرهونا نورمال ما ديرو والو على العكس صافي بليزيييييييييغ
المهم يا جماعة نخلو الشباب يريحو شوي وندو فاصلة ونريحو ونرجعولهم
جماعة المنتدى اليوم الجمعة ونهار شباب وغدوة السبت نروحو رحلة
اللي يحبو الغوابي واللي يحبو البحر يرفعو يديهم
بلادنا شابة وتهبل بزاف ليفامي والعايلات يخرجو يحوسو
لكن استنو
المهم الكار راهي جات ايا شوفور المنتدى الامين اواه لالا مانديروكش شوفور ثاني يطلعلك السكر ودخلنا في كاش شجرةمشاهدة المرفق 61649
امممم نديرو الحبيب رزين وعاقل ايا شوفور شد الطريقمشاهدة المرفق 61650
البنات روحو للتالي والرجل فالاول باه ما يقرعجوش علينا وحنا نتفرجو فيهم وما يتفرجوش فينا
اسمعو اللي عندها وليدها ديرو في حجرها ما تكفيش البلاصة وانا هي الرسوفووووووووووورمشاهدة المرفق 61652
اللي سمينة نخلص علينا نص والرقيقة زوج بلايص الله غالب عندي حول ما نشوفش مليح

انا نقول نروحو لمساحات الخضرا الله الله نبغي الخضرا والهوا النقي
المهم بصح استنو نفهمكم
يا جماعة مش عيب انو نحوسو ونحو على خاطرنا ونروحو لبلايص يهبلو وين نلقاو راحتنا ونحو على خاطرنا مي الحاجة اللي ولات تقلقني العفن يا ناس وعلاه تروحو وتاكلو وتحوسو وترمو يا سيدي ما لقيتوش وين ترموه لمو فالساشيات ولما تلقاو حاوية نتاع الزبل حاشاكم ارموهم
وليت نشوف بلايص روعة مي العفن شكاير الزبل الاوراق وفضلات التحواس وعلاه والله حاجة تغيض حنا حوسنا ونضنا وعلاه ما نقوش بلاستنا حتى يجو اخرين ويلقاوها نقية والذراري القرع مكسرين والزجاج وعلاه خسارة تدي ذنب طفل يجرح رجلو او تصرالو حاجة او مرا كبيرة هاكا
انا نقول اللي معفون فالزنقة معفون في دارو اسمحولي
علاه نلوموغير الدولة ونقولو ما ينقوش هذو نتاع النظافة عباد كيما احنا ويحسو وعلاه نرمو الحمل عليهم لالا عياو مساكن ما رفدو زبلنا قدام ديارنا وفالزنقة وهذا زبلنا زيدو حتى بلايص التحواس لالا عيب
كارينا ما خلصتينيش وانت صحفية دايرة رابور وتكتبي ضرك خرجنا نحوسو والا ننقلو المباشر
الامين واش راك تحل ففمك هاني نسمع تمنشر فيامشاهدة المرفق 61648
صلاح تؤبشني انا نهدر وانت تشلل فعينيك فيا ههه اممم بلاك يحسدنا مالك
حكيم اقفل فمك بركا ما تفلسيف خرجنا نحوسو
اسمعو وصلنا إنزلو الخوتات ما تبعدوش راني نعس فيكم
ولادكم شدوهم واللي وليدها يظل ينوح تديه بعيد ما نحملش العياط يصرعنيمشاهدة المرفق 61647
ومالك ماكان لاه تبروفيتي وتبقا تبع في كاش عضوة هاني نعس
خوكم فتحي قالك دا كرسي ويشد الخلوي ونواظر والمظل والله الله راه سلطان فتحيمشاهدة المرفق 61651
اللي يعرف يغني شعبي يروح يضربلو وحدة كمال مسعوديمشاهدة المرفق 61653
الورد الاحمر راهي جايبتها كي فيروز خانم لالا ما تخرجش علينا لالة شاركي اهدري كولي ونقي بلاصتك ما ديريش علينا شافة ثاني فالتحواس
ام يسمين بنتك وين خليتيها باينة عند عجوزتك مسكينة ذيك العجوزة غاضتني
اميرته اراوحي وحدك اميرك خليه للحرب راحين نحوسو لالة
حسين وين راك حرقت واقيلمشاهدة المرفق 61656
سمية الحاج الحاج خليه فالدار انت ثاني حرام التحواس ارواحي وحدك
تقوى شدي بلاصتك واغلقي التاقة شابعة بحوري يا بن عمي حابة الريح ضربك تسونامي دخلي راسك تشوفيمشاهدة المرفق 61655
خونا اليجانتل راهي جاي معانا من الخارج يحوس ويرجع ما تبهدلوناش
يونس قاسم حط الكتاب وياااااااا حوجي ياانا تقرا فالفاكونس انت معكوس
هايا انزلو واللي تاكل وتكمل تنقي زبلها
يا جماعة نقترح فكرة اللي موالفين يروحو يحوسو وعلاه ما تدوش الاجر وتشرو بوبال وتخلوها هناك صدقة لو سرقوها نورمال المهم نتوما درتو صدقة ومنفعة والله مليحة

المهم انا نروح ندور فالغابة نشم شوي هوامشاهدة المرفق 61654
مالك بلاك تبعي هاني قتلك
الخط ليكم واش رايكم فالعفن فبلايص التحواس
واذا صراتلكم وين لقيتو بلاصة شابة مي الزبل بزاف
اليكم الخط الرحلة بدا طباخات المنتدى وجدو الماكلة لغدوة

بصحتكم التحويسة


​

بصحتكم التحواس غير بشرى مسكينة لي دايما تنسوها
وهي جامي نساتكم راني عايشة غير فاللمة

 

[ليليا مرام]

يا بشرى يعطيك روينة انت كالذراري يباتو يبكو ادونا معاكم وهوما الاولين اللي يركبو فالكار
اركبي واقفلي عليا فمك طايحة تصادي عليا. راحين نكرو ترمواي ندوكم كامل
المهم وجدي عفسة ماكله والا قازوز تجي يديك فارغين ما تروحيش
مديلي رايك فالموضوع

 

[بشرى ملاك]

يا بشرى يعطيك روينة انت كالذراري يباتو يبكو ادونا معاكم وهوما الاولين اللي يركبو فالكار
اركبي واقفلي عليا فمك طايحة تصادي عليا. راحين نكرو ترمواي ندوكم كامل
المهم وجدي عفسة ماكله والا قازوز تجي يديك فارغين ما تروحيش
مديلي رايك فالموضوع

ايا لمحاجب عليا وبيبسي... هاكي كولي قاع من درك

 

[ليليا مرام]

ايا لمحاجب عليا وبيبسي... هاكي كولي قاع من درك

ايه هاكا نتفاهمو تقعدي فالكرسي الاول هههه
شاطره يعطيك الصحة ضرك امين غدوة نجيبولو لومبيلونس اذا كلى قاع ذيك الماكلة مالك اناكوندا فكرشو وما يصرالو والو تاكل معاه معناها كثري الخاوه عندهم فجاعة هههه

 

[هواري بومدين.]

سلام عليكم و رحمة الله
ساراه كالعادة موضوع يستحق أن يكون موضوع الشهر ..
علاه ما قلتيليش ليا نسوق بيكم .. و لا لا انا حراق ههههه ..
شكرا على طرح أختي العزيزة لتي لها مكان كبير فقلبي
تحياتي لأختي الغالية ♥ أحبك ♥​

 

[ليليا مرام]

سلام عليكم و رحمة الله
ساراه كالعادة موضوع يستحق أن يكون موضوع الشهر ..
علاه ما قلتيليش ليا نسوق بيكم .. و لا لا انا حراق ههههه ..
شكرا على طرح أختي العزيزة لتي لها مكان كبير فقلبي
تحياتي لأختي الغالية ♥ أحبك ♥​

اهلا خورا الغالي
انا حبيت تريح انت نيرفو وتسوق بينا 200 خلي الحبيب رزين وكي يعيا يعاونو خوه حلم كبير ياو نسيت نعرضو للتحويسة هو وولادو قولو يجي
اعطيني رايك فالسوجي
وحتى نبغي خويا الصغير مشكور

 

[هواري بومدين.]

اهلا خورا الغالي
رزين
وحتى نبغي خويا الصغير مشكور

أهلا
يعني أنا شوا ....
مام أنا

 

[حلم كبير]

السلام عليكم و رحمه الله تعالى وبركاته

موضوعك قمة يستحق التميز
هدرتي بطريقة هزلية على ظاهرة خطيرة نلاحظوها فالربيع والصيف ......

الناس تحب التحواس ما شاء الله ،كانو بكري ما يحوسوش بزاف وانتشرت هاذي الفكرة والراجل ولا ضرك يدي ولادو يحوسو ومرتو وينحيو على خاطرهم ولو حتى نص نهار فالغابة ولا البراري الواسعة يحوسو على الترفاس فالربيع ،ويتبردو فالصيف ما شاء الله هاذي حاجة مليحة تنمات فالراجل تحية ليهم كامل.

بصح عندك الحق آخر حاجة يخمم فيها اللي رايح يحوس يدي اكياس معاه ،معليهش مستعملة ولا يشريهم ويحطهم فالسيارة مخصوص لمهملات الرحلات وحتى لو كان مدي بني للطبيب نهز معايا كيس باه نحط فيه الفضلات نتاع الاكل نتاعنا .

وزيد حملات التوعية فالربيع والصيف ما كانش ،يعني جمعيات الحفاظ على البيئة تدير متطوعين من الشباب ،هاهم يحوسو وفي نفس الوقت يلايمو الاوراق والنفايات ،ويوعيو السياح وينبهوهم يلايمو الفضلات ،وحتى يقدمولهم اكياس مجانية باه يلايمو فيهم ويديرو حاوية مهملات امام موقف السيارات هكذا كي جي يروح يرمي الكيس ثم، ويقلع بالسلامة بالعافية هو وعائلته.

وثاني ننبه المرا لانو هي توجد حوايج التحواس وكي يقولها الراجل رايحين نحوسو ،لاشتا تكون مريضة تولي صحيحة وتبدأ توجد من البارح ، يعني تخمم في اكياس المهملات ،تخمم هي كي يخلصو التحواس تنبه الراجل والاولاد للقمامة ،وكي يشوفوها مهتمة يهتمو .

ولاحظت نقص حاويات المهملات في اماكن السياحة ولا يديرلك وحدة صغييييييرة تهز قرعة ماء . السياح ما يعرفوش البلاصة من المفترض القائمين ثم يديرو حاويات أكبر وظاهرة للعيان ومنتشرة في كل مكان .

نتمنى نكون اضفتلك لموضوعك ولو قليلا
وراني معاكم في الرحلة نديرلكم أشعار ...والاخ @الامين محمد يلحنها (خدمة ما تعييش قاعد برك وتدندن دن دن ) والاخ @habchisalaheddin يغنيها( أكيد عندو صوت نايلي يصالي فالجبال ما شاء الله قبل قبل ) والاخ @السحاب العابر يهتم بإخراج الكليب في وسط الحشائش والاحراش ( عندو نظرة للمتحركات والسكون)
طبعا أنت هي قائدة الاوركسترا وهل يوجد غيرك.
......
هيا قبل قبل وما اجمل الربيع وجوه البديع ..... وأزهاره المتفتحة .....ههههه

لن اطيل عليك أختي الفاضلة
جعله الله في ميزان حسناتك
تقبلي مروري مع فائق الاحترام والتقدير
حلم كبير​

 

[البحر الهادي]

السلام عليكم
اصبروا عليا راني جاااااااااااااااااااااااااااااااااااااااي
إن شاء الله

 

[البحر الهادي]

اتي شفتلك بلاصة شابة
انا نموت على الطبيعة غير ماتقولوليش
نعشقها حتى للنخاع [هههههه]ماتلومونيش لأنها صغير في الربيع هدا قلب

 

[أم أُنٌَيسة]

السلام عليكم و رحمة الله تعالى و بركاته
بارك الله فيكي وجزاكي كل خير غاليتي موضوع مميز بطريقة مميزة
ان شاء الله تكوني بخير و احسن يارب
نسال الله ان لا نكون منهم و ان كنا منهم بقصد او عن غير قصد فنسال الله الهداية و الثبات لنا ولهم
للاسف هدا هو الحال ،لما تنصحهم يقولولك واش دخلك او الناس الكل راها تخلي في خماجها موش غير انا ،اصلا راهي خامجة حاشاكم و حاشا قدركم و تاعي ماتبانش قدام هدا كامل
هنا هو المشكل ،لوكان كل واحد مايخممش هكدا كون كل شيء راه لاباس ان شاء الله
لا يغير الله مابقوم حتى يغيرو ما بانفسهم
الحمد لله ،ابي منين يدينا نحوسو الزبالة ديالنا حاشاكم وحاشا قدركم نلموها معانا لما نرلقو فيالطريق مزبلة نخلوها تم وادا مالقيناش ندوها معانا للدار
وخلات علينا ادا نسات وحدة فينا حتى ولو كاس بلاستيك
و الرحلة مانيش معروضةهههههههه ،وحتى ولو معروضة مانروحش لانو مانيش مليحة اليوم ربي يستر ان شاء الله ورحلة موفقة للجميع استمتعو تروحو وتجو بالسلامة ان شاء الله
ارجو تقبل مروري
تحياتي احترامي وتقديري
في امان الله وحفظه​

 

[البحر الهادي]

السلام عليك @missing heart
خيرا إن شاء الله؟واش بيك
رواحي تحوسي معانا تنسي شوية

 

[أم أُنٌَيسة]

السلام عليك @missing heart
خيرا إن شاء الله؟واش بيك
رواحي تحوسي معانا تنسي شوية

وعليكم السلام و رحمة الله تعالى وبركاته
تخلطت عليا اخي الكريم
مرض روحي مع مرض جسدي
و مانقدرش نخرج نحوس في الربيع ،لانو عندي ربو عافانا الله واياكم
ساصاب بضيق تنفس او يغمى على كالعادة ههههههههههه
لدا لا اخرج الا للضرورة ،ربي يستر ان شاء الله فغدا بداية الدراسة
نسال الله القوة و الثبات والصير
بارك الله فيك للسؤال اخي الكبير و جزاك كل خير​