ذيب الغابة ...جالب الغنم وراه

[Salah eddin]

السلام عليكم
صحيتو يا جماعة اللمة وش راكم ؟ لاباس ؟
الحمد لله
..حتى انا راني لاباس ...بصح كيما العادة ..لاباس من جيهة ربي سبحانو
اما بعض العباد ..الله يجعل الخير و خلاص
و اليوم على بركة الله ما نبداوش بضربة نايلي ...نبداو ب :
يا عجابة ..يا عجابة ..و ياسبــــــحان الله*** ذيب الغابة ..ذيب الغابة ..جالب الغنم وراه
و النصابة ..و النصابة ..باعوا و شـراو معاه*** و عمّ الوبا ..عمّ الوبا .. و الحفيظ الله
عار البلاد على ماليــها ..ابابا ***و الي عاداها ما يداويها ابابا
واغير عليها و اناســــــيها ابابا ***والغافلين مشات على عينيهم ضبابة
بسم الله مجددا و نرجعو لموضوعنا
و اليوم ان شاء الله راني رايح نحكيلكم على.... دايما على موضوع اللواجم و السكنات
لانو راها صرات كارثة لم يسبق لها مثيل
ايواااه ....في احدى الولايات الجزائرية ...وش صرا في ميزكم ؟؟ ..اه ؟ ...ايه ؟؟ روح برك ...
ايواه ؟ ..راني عارف ..اكيد راني نحكي على الرشوة والمعريفة
هه
بصح يا جماعة ...موالف امور كيما هذي تاع رشوة و كذا تجي التحت التحت وفي السر ..
بصح ضروك يا جماعة الخير ..راها جهارا نهارا
و القنبلة هي ..انو المير تاع الولاية المعنية ...و باستعمال المعريفة و الطرق الملتوية و على حسب ما تم ذكره
راح مد سكنات ل 15 واحد من فاميلتو و يعجبك جايين مسامي بعضاهم في القايمة ..يعني اللي يجي يعرف بلي راهم يقربو للمير المقصود ...
ههه
شوفو رحمة على والديكم ...و الناس يعرفوهم ...و اغلبهم لاباس عليهم و عندهم سكنات و عايشين و ق العافية
شوفو ذاك المنكر شوفو ....
و نعرف ناس عايشين في الفوضاوي و الكرا و هم الزمان و لا حياة لمن تنادي
شوفو المكر ....ضرك هذا المير دار كيما هاك ...هذا هو ذيب الغابة الي جاب الغنم وراه
و الله يحير الواحد في بلاد العجائب
ايا تبقاو على خير
وقيلا ايامات و يخرجو بطاقة رشوة كيما بطاقة الناخب او بطاقة التعريف
هه
و الله يجيب الخير و خلاص
ايا بالعافية ...
يا عجابة ...يا عجابة ...و يا سبحان الله




​

 

[sosobibicha]

السلام عليكم
عجبتني غير القافية نتاع ضربة النايلي بصح مفهمت فيها والو هههه
في ولايتنا -تيسمسيلت - مير نتاع احد البلديات مد سكنات لافامي نتاعو و احذف ناس فقراء من القائمة حرقوه بليصونص بقاو يقولوا تتحرق في الدنيا بالاك تتفكر نار الآخرة و المعريفة هاذي من بكري كاينة تلقا ناس ساكنين في الشارع و ناس بسكنااات و يقولك حقي شفتوني غير انا كي ديت كاين لي سرقو الدزاير كاملة و واحد يعاند الاخر و هي رايحة للهاوية
ربي يهدينا و و يهديهم ان شاء الله ​

 

[دعاء الجنات]

في الحقيقة القصة هاذي تاع المير ونائب المير والسكنة تاع المعريفة ماشي حاجة جديدة من بكري وهي كاينة بصح كيما قلت انت ولا جهارا ربي يسترهوم وهوما يفضحو رواحهوم الله يهدي ماخلق
اللهم لا تآخذنا بما فعل السفهاء منا

 

[Malika Tlm]

السلام عليكم اخي
صح والله كارثة وفوضي كبييييرة راها
في كل ولاية كاين نفس المشكل المير يسكن حبابوا وصحابوا وماشي غي السكن طراطق كبااار داروهم
ربي يهديهم يارب
الله يجيبلنا ساعة خير
حسبنا الله ونعم الوكيل
تحياتي

 

[أم أُنٌَيسة]

السلام عليكم ورحمة الله تعالى وبركاته
لي عودة باذن الله
حين اصبح احسن ان شاء الله
تحياتي​

 

[الصحافية الساخرة]

خهههه عجبتني يا عجبا يا عجبا هذي
ايه اخويا المعريفة والخبزة الزوالي يجيبها بالتمرميدة
ربي يصلح الاحوال ؛ كاينة حاجة متنساش?? معرفة ربي سبحانه هو اللي يرزق ...@

 

[حروف تائهة]

السلام عليكم
خويا صلاح راك جايبها بياعجابة هاد ليام
و ربي يجيب الخير ههههه
تجي تفهم ادوخ و الدنيا ادور بيك
هااا مابقاش بزاف العام الجاي اذا كنا من الحيين
راح يدخجولنا بطاقة رشوة معتمدة
و بطاقة معريفة ثاني حتى هي معتمدة
ربي يجيب الخير برك في هذا الكوكب
انا راني طالعة للمريخ خليتهالكم الأرض هههههه
ايا بالعافية

 

[حلم كبير]

السلام عليكم و رحمه الله تعالى وبركاته

خويا الكريم صلاح يعطيك الصحة

أهدر وأهدر على الفساد حتى يتفضحو الله يهديهم ،ويعميلهم عينيهم على الفقير ويعطيولو السكنة نشالله.

هاذا المير تليقلو يرفعو عليه قضية ،ويدخلوه الحبس باش يبقى عبرة لمن يعتبر .

وإذا ما قدروش يقدمو بيه عوارض للدايرة للولاية ،وحتى لوزارة السكن ،المهم ما يسكتوش .
هو السكات على الحق دائما اللي خلاهم زادو وزادو ،حتى ولاو يمدو للمعريفة هكذا قدام الناس عيني عينك ،
يعني قالو للناس ما عندكم ما تديرو ما كم قاريبن قوانين ماكم مطالعين على دستور ،( القانون لا يحمي المغفلين)

إذا كانو فاسدين نخوفوهم بالقانون ،لو كان نجملو ونوكلو محامي يطلع القضية للمحكمة العليا إذا ما تمتعناش حنا ولادنا يتمتعو بمير صالح فيما بعد ،يعني تصلح ولا تطير بالعربية .


الوعي والوعي ،وكي يعود الواحد يعرف القانون ما يخاف لا من مير ولا والي

طولتها عليك خويا صلاح ودرتلك مجلد
الله يعينك على قرايتو.
شكرا على الموضوع
تقبل مروري مع فائق الاحترام والتقدير
حلم كبير​

 

[Salah eddin]

السلام عليكم
عجبتني غير القافية نتاع ضربة النايلي بصح مفهمت فيها والو هههه
في ولايتنا -تيسمسيلت - مير نتاع احد البلديات مد سكنات لافامي نتاعو و احذف ناس فقراء من القائمة حرقوه بليصونص بقاو يقولوا تتحرق في الدنيا بالاك تتفكر نار الآخرة و المعريفة هاذي من بكري كاينة تلقا ناس ساكنين في الشارع و ناس بسكنااات و يقولك حقي شفتوني غير انا كي ديت كاين لي سرقو الدزاير كاملة و واحد يعاند الاخر و هي رايحة للهاوية
ربي يهدينا و و يهديهم ان شاء الله ​

اهلا بالاخت
امالا عجباتك الضربة نايلي
ههه
بصح هذيك ماهيش نايلي ...هذيك راها تاع جماعة المروك
ههه
المهم ..الله غالب ..البلاد غرقت بالمعريفة و الرشوة و السسب الجراوا هذو و الذيابا
و الله يجيب الخير و خلاص
شكرا ​

 

[Salah eddin]

في الحقيقة القصة هاذي تاع المير ونائب المير والسكنة تاع المعريفة ماشي حاجة جديدة من بكري وهي كاينة بصح كيما قلت انت ولا جهارا ربي يسترهوم وهوما يفضحو رواحهوم الله يهدي ماخلق
اللهم لا تآخذنا بما فعل السفهاء منا

اهلا بالاخت دعاء
صح هي مش حاجة جديدة
لكن الجديد هو الجهر بها
و الله يجيب الخير
شكرا على المرور ​

 

[Salah eddin]

السلام عليكم اخي
صح والله كارثة وفوضي كبييييرة راها
في كل ولاية كاين نفس المشكل المير يسكن حبابوا وصحابوا وماشي غي السكن طراطق كبااار داروهم
ربي يهديهم يارب
الله يجيبلنا ساعة خير
حسبنا الله ونعم الوكيل
تحياتي

اهلا بالاخت مليكة
هذي كارثة قالتلهم اسكتوا و الله
و الطراطق هذي الله يعمل لنا منها طريق و خلاص
الله يهديهم
شكرا على الرد​

 

[Salah eddin]

السلام عليكم ورحمة الله تعالى وبركاته
لي عودة باذن الله
حين اصبح احسن ان شاء الله
تحياتي​

اهلا بالاخت صاحبة القلب المفقود
اسي قوليلنا اسمك باه نعيطولك بيه
ها كل مرة قلب مفقود ..ههه
في انتظار عودتك ...شكرا​

 

[Salah eddin]

خهههه عجبتني يا عجبا يا عجبا هذي
ايه اخويا المعريفة والخبزة الزوالي يجيبها بالتمرميدة
ربي يصلح الاحوال ؛ كاينة حاجة متنساش?? معرفة ربي سبحانه هو اللي يرزق ...@

اهلا بالصحافية الساخرة
مليح كي عجباتك يا عجابة
ههه
رانا جايبينها هذي الايامات ورا الذيابا
ههه
باه يحبسو علينا شوي الطراطق تاعهم
ههه
صح
ربي هو الرزاق و الناس شادة في العباد كيما هم
الله يجعل الخير و خلاص
شكرا على المرور
بارك الله فيك ​

 

[Salah eddin]

السلام عليكم
خويا صلاح راك جايبها بياعجابة هاد ليام
و ربي يجيب الخير ههههه
تجي تفهم ادوخ و الدنيا ادور بيك
هااا مابقاش بزاف العام الجاي اذا كنا من الحيين
راح يدخجولنا بطاقة رشوة معتمدة
و بطاقة معريفة ثاني حتى هي معتمدة
ربي يجيب الخير برك في هذا الكوكب
انا راني طالعة للمريخ خليتهالكم الأرض هههههه
ايا بالعافية

اهلا بالاخت زكية
هههه
هذاك هو يا عجابة
كاش نهار ندير سلسلة يا عجابا
ههه
و الله يجي الواحد يفهم يدوخ و يرعف
و بطاقة الرشوة ماتنسايش راها بيومترية
هههه
بطاقة الرشوة البيومترية
هههه
تاخذي رايي روحي للمريخ و ما ترجعيش
ههههه
شكرا على مرورك
​

 

[Salah eddin]

السلام عليكم و رحمه الله تعالى وبركاته

خويا الكريم صلاح يعطيك الصحة

أهدر وأهدر على الفساد حتى يتفضحو الله يهديهم ،ويعميلهم عينيهم على الفقير ويعطيولو السكنة نشالله.

هاذا المير تليقلو يرفعو عليه قضية ،ويدخلوه الحبس باش يبقى عبرة لمن يعتبر .

وإذا ما قدروش يقدمو بيه عوارض للدايرة للولاية ،وحتى لوزارة السكن ،المهم ما يسكتوش .
هو السكات على الحق دائما اللي خلاهم زادو وزادو ،حتى ولاو يمدو للمعريفة هكذا قدام الناس عيني عينك ،
يعني قالو للناس ما عندكم ما تديرو ما كم قاريبن قوانين ماكم مطالعين على دستور ،( القانون لا يحمي المغفلين)

إذا كانو فاسدين نخوفوهم بالقانون ،لو كان نجملو ونوكلو محامي يطلع القضية للمحكمة العليا إذا ما تمتعناش حنا ولادنا يتمتعو بمير صالح فيما بعد ،يعني تصلح ولا تطير بالعربية .


الوعي والوعي ،وكي يعود الواحد يعرف القانون ما يخاف لا من مير ولا والي

طولتها عليك خويا صلاح ودرتلك مجلد
الله يعينك على قرايتو.
شكرا على الموضوع
تقبل مروري مع فائق الاحترام والتقدير
حلم كبير​

اهلا خويا حلم
صح المير لازم يوقوه
هذا راه خارج فيها طاي طاي
و مكن حتى لازم يرفعو ضدو شكوى
بصح لمن ترفع الشكوى ..الشكوى لربي سبحانو و خلاص
اما الذيابا الا من رحم ربك يتباعو و يشراو
و الله يجيب الخير
شكرا على مرورك يا اخي و اعذرني كي طولت ما رديت
شكرا​

 

[الامين محمد]

أهلا خويا صلاح
اييييه للأسف راهم السفهاء و اللي ما يحشموش
يترسحوا و يصبحوا ميار
حنا عندنا واحد زمان كان مكداح في السوق اليوم راه جوامير
واش تنتظر منه يدير رايح يدير حلقة
أميار مدمنين على الخمور و الزنىو المعاصي
واش رايح تنتظر منهم
كاين يوم الحساب رايح يخلصوها غالي

الله يحفظك صلاح حبيبي

 

[Salah eddin]

أهلا خويا صلاح
اييييه للأسف راهم السفهاء و اللي ما يحشموش
يترسحوا و يصبحوا ميار
حنا عندنا واحد زمان كان مكداح في السوق اليوم راه جوامير
واش تنتظر منه يدير رايح يدير حلقة
أميار مدمنين على الخمور و الزنىو المعاصي
واش رايح تنتظر منهم
كاين يوم الحساب رايح يخلصوها غالي

الله يحفظك صلاح حبيبي

صح عندك الحق
لامستوى لاوالو
الداب راكب مولاه في البلديات تاعنا
الله يجيب الخير و خلاص
شكرا خويا امين ​

 

[أم أُنٌَيسة]

اهلا بالاخت صاحبة القلب المفقود
اسي قوليلنا اسمك باه نعيطولك بيه
ها كل مرة قلب مفقود ..ههه
في انتظار عودتك ...شكرا​

السلام عليكم ورحمة الله تعالى و بركاته
هلا فيك ،ترحب بك الجنة ان شاء الله اخي الكريم
الكل ينادونني باسمي هههههههه ،اسمي شيماء
ليس لي ما اقوله صدقا ،عقلي مشوش
و لما اسمع بامور كهده يوجعني قلبي
نسال الله الهداية لنا ولكل المسلمين اخي الكريم
ارجو تقبل مروري
تحياتي احترامي وتقديري
في امان الله وحفظه​

 

[بشرى ملاك]

السلام عليكم
صحيتو يا جماعة اللمة وش راكم ؟ لاباس ؟
الحمد لله
..حتى انا راني لاباس ...بصح كيما العادة ..لاباس من جيهة ربي سبحانو
اما بعض العباد ..الله يجعل الخير و خلاص
و اليوم على بركة الله ما نبداوش بضربة نايلي ...نبداو ب :
يا عجابة ..يا عجابة ..و ياسبــــــحان الله*** ذيب الغابة ..ذيب الغابة ..جالب الغنم وراه
و النصابة ..و النصابة ..باعوا و شـراو معاه*** و عمّ الوبا ..عمّ الوبا .. و الحفيظ الله
عار البلاد على ماليــها ..ابابا ***و الي عاداها ما يداويها ابابا
واغير عليها و اناســــــيها ابابا ***والغافلين مشات على عينيهم ضبابة
بسم الله مجددا و نرجعو لموضوعنا
و اليوم ان شاء الله راني رايح نحكيلكم على.... دايما على موضوع اللواجم و السكنات
لانو راها صرات كارثة لم يسبق لها مثيل
ايواااه ....في احدى الولايات الجزائرية ...وش صرا في ميزكم ؟؟ ..اه ؟ ...ايه ؟؟ روح برك ...
ايواه ؟ ..راني عارف ..اكيد راني نحكي على الرشوة والمعريفة
هه
بصح يا جماعة ...موالف امور كيما هذي تاع رشوة و كذا تجي التحت التحت وفي السر ..
بصح ضروك يا جماعة الخير ..راها جهارا نهارا
و القنبلة هي ..انو المير تاع الولاية المعنية ...و باستعمال المعريفة و الطرق الملتوية و على حسب ما تم ذكره
راح مد سكنات ل 15 واحد من فاميلتو و يعجبك جايين مسامي بعضاهم في القايمة ..يعني اللي يجي يعرف بلي راهم يقربو للمير المقصود ...
ههه
شوفو رحمة على والديكم ...و الناس يعرفوهم ...و اغلبهم لاباس عليهم و عندهم سكنات و عايشين و ق العافية
شوفو ذاك المنكر شوفو ....
و نعرف ناس عايشين في الفوضاوي و الكرا و هم الزمان و لا حياة لمن تنادي
شوفو المكر ....ضرك هذا المير دار كيما هاك ...هذا هو ذيب الغابة الي جاب الغنم وراه
و الله يحير الواحد في بلاد العجائب
ايا تبقاو على خير
وقيلا ايامات و يخرجو بطاقة رشوة كيما بطاقة الناخب او بطاقة التعريف
هه
و الله يجيب الخير و خلاص
ايا بالعافية ...
يا عجابة ...يا عجابة ...و يا سبحان الله




​

عيش تشوف..

 

[Salah eddin]

السلام عليكم ورحمة الله تعالى و بركاته
هلا فيك ،ترحب بك الجنة ان شاء الله اخي الكريم
الكل ينادونني باسمي هههههههه ،اسمي شيماء
ليس لي ما اقوله صدقا ،عقلي مشوش
و لما اسمع بامور كهده يوجعني قلبي
نسال الله الهداية لنا ولكل المسلمين اخي الكريم
ارجو تقبل مروري
تحياتي احترامي وتقديري
في امان الله وحفظه​

اهلا بالاخت شيماء
ايا سيدي ...هانا نعيطولك شيما
ههه
المهم ..الله يجيب الخير و خلاص في بلاد العجاءب
و الله العظيم
و الله لا يضيع اجر المحسنين و هو يمهل و لا يهمل
شكرا على مرورك ​