أهلا بكم يناس اللمة هاذي غيبة مع المواضيع راني داير إضراب عليهم كيما صحاب الميدسين خخخخخخ
ليوم جيت نحكي على وحد الظاهرة هنا فالدزاير
كي تسمعهم يهدرو تحس روحك متكي مع أبا لهب وراء باب الكعبة
وتحتسي كأس من خمر في مدونتة فيوليتا و لتكن في الحآنة
شعبنا فريد من نوعه كل مرة باش يحلف المهم يخرج سالما غانما مناك هههههه
يقدر يتغير الحلف مع الظروف الشخصية للإنسان
ويقدر تانيت حتى مع الظروف الجوية والطبيعية والهيروغلافية ياسي محمد
ومن أشهر الحلف عندنا فربوع الوطن هو الحلف بالراس يامحاينك هههه
وراس خالتي خدوجة ماشي أنا
هذي الى كنت تحب المطلوع ولا لخفاف ( السفنج ) وخالتي خدوجة تكون تعرف طيبهم بيانسور تآمنو هههه
وكاين تانيت الحلف لي مايتقاومش هون لي براس لعجوز ههههه
وراس لعجوز ما أنا
ولا وراس لميمة ما أنا
ولا كيما ناس الغرب يقولك وراس الشيباني ما أنا
هذي الى كنت داير زبلة كبيرة ولي حلفتلو يكون من فاميلت يماك ولا باباك سور تخرج سالك
هذو من ناحية الشباب لي يحلفو هكذا
آه ونروحو للشيوخة ولعجايز تاع بكري
وحق سيدي عبد الق ما أنا
وحق سيدي الهواري ما أنا
زعما يقولك باش تخافو هذا ويزيد يقولك هذا والي كبير وراه كان عندو شان كبير
ممبعد يحكيلك على سيرتو وواش كان يدير وتقدر تلحق يديك تحويسة لعندو باش تزورو
ممبعد أنت تنسى علاه حلفتو هههه وتولي سعداء بفضل سيدهم الهواري ولا الزفاطي خخخخ
تانيت كاين عيباد ماعرفتش تصنيفهم بلاك هذوك لي يصلو ويبطلو
لي يعرف غير سورة الناس وهذيك الآية تاع الطيبون للطيبات
تقولو كيفاه يحلفو هذوك العيباد
حق ستين حزب ما انا
وكي تزيره يقول حق66 حزب ما انا يزيد 6حزاب من عنده باش تامنه
وكاين لي مام بالحلف تاعو ما تآمنوش خاطرش فالحلف وكذب فيه هههه
وراس ولادي ما أنا
وهو تلقاه داخل فالربعين وماشي مزوج ويحلفلك براس ولادو هههه
ومنذاك يخرجولك عيباد يحلفو على حساب الأوقات والفصول
حرام عليا صيامي ما انا
هدي غير في رمضان لي يقولوها سورتو يخلو حتى يكونو قبل ليلة الشك باش تآمنهم مليح
ان شاء الله صلاتي باطلة ما انا
كي يخرج من المسجد يحلف بيه
وبلا ماننساو الحلف تاع الأطفال
والضربة القاضية تاع سبونجبوب ما أنا
وشلاغم بيكستر ما أنا
وفي الأخير أنا يعجبوني النساء كي يحلفو هههه تولي تضحك نورمال هههه
الله يجعل هداك السماء يطيح عليا شقوف شقوف ما انا
الله يخليني بايرا الى أنا
ان شاء الله يبعثلي كوكب زحل يطيح فوق راسي ونتفتت ما أنا
ممبعد تسمعها تمتم وحدها زعما تعاود ديزاكتيفي الحلف تاعها
ماعنداك يا ربي ان شاء الله مايصرالي والو هههه
هاذو هما حنا نتغيرو مع كامل الأوضاع
وتانيت كيما علبانا الحلف بغير الله شرك
والله تعالى يقول - إِنَّ اللّهَ لاَ يَغْفِرُ أَن يُشْرَكَ بِهِ وَيَغْفِرُ مَا دُونَ ذَلِكَ لِمَن يَشَاء - (48) سورة النساء
وقال النبي صلى الله عليه وسلم قال: ((إن الله ينهاكم أن تحلفوا بآبائكم فمن كان حالفاً فليحلف بالله أو ليصمت))
وقال النبي صلى الله عليه وسلم قال: ((من حلف بغير الله فقد كفر أو أشرك)
ان شاء الله نتجنبو الحلف بغير الله
وبلا ماننساو الحلف تاع الأطفال
والضربة القاضية تاع سبونجبوب ما أنا
وشلاغم بيكستر ما أنا
وفي الأخير أنا يعجبوني النساء كي يحلفو هههه تولي تضحك نورمال هههه
الله يجعل هداك السماء يطيح عليا شقوف شقوف ما انا
الله يخليني بايرا الى أنا
ان شاء الله يبعثلي كوكب زحل يطيح فوق راسي ونتفتت ما أنا
ممبعد تسمعها تمتم وحدها زعما تعاود ديزاكتيفي الحلف تاعها
ماعنداك يا ربي ان شاء الله مايصرالي والو هههه
هاذو هما حنا نتغيرو مع كامل الأوضاع
وتانيت كيما علبانا الحلف بغير الله شرك
والله تعالى يقول - إِنَّ اللّهَ لاَ يَغْفِرُ أَن يُشْرَكَ بِهِ وَيَغْفِرُ مَا دُونَ ذَلِكَ لِمَن يَشَاء - (48) سورة النساء
وقال النبي صلى الله عليه وسلم قال: ((إن الله ينهاكم أن تحلفوا بآبائكم فمن كان حالفاً فليحلف بالله أو ليصمت))
وقال النبي صلى الله عليه وسلم قال: ((من حلف بغير الله فقد كفر أو أشرك)
ان شاء الله نتجنبو الحلف بغير الله
