السلام عليكم
كيف حال الجميع ارجو ان يكون الكل بصحة وعافية
الصراحة احترت في اختيار العنوان على هاذيك رح ندخل في الموضوع بدون مقدمات علبالي البعض رح يقول متحكوش ولما تحكو تتلاقو غير موضوع الزواج ومشتقاته ولكن كاين مواضيع من مواضيع كاين مواضيع لي قابلة للنقاش بهدف ايجاد الحل وكاين لي مضيعة وقت اي نقاش عقيم وان شاء الله موضوعي مرحش يكون بلا فائدة لان الامر مرتبط بحياة مراهقة نعم هي مرتبطة بحايتها بالنسبة لي رح تعرفوا السبب .
نبدا على بركة الله .
انا معنديش صحابات انتيم باسكو راحو مع في الابتدائي ايام البراءة المهم كان عندي زميلة وحدة في المتوسط بقينا 4 سنوات في رحبا
مي انا وهي مختالفين بزاف انا نقدر نفهمها مي هي جامي فهمتني مالقري مكنتش نقدر ناثر فيها بالكلام باسكو جاية من النوع لي راسه خشين مي قدرت ناثر فيها بتصرفاتي واول حاجة انها ارتدت الحجاب وثاني حاجة انها كانت حابة تفتح فايسبوك باش تهدر مع الشباب مي قدرت نمنعها
نقدر نقول كانت معنادة اي كانت تعاند فيا هاك فهمت في الاخير كنت نظن انها كانت تقتنع مي ظهر لي انها كانت تقلد وخلاص
المهم قعدنا 4 سنوات معا في الرابعة متوسط بدات تتبدل مي مدرتش حاجة كبيرة يعني بدات بعض افكارها تتغير وكان احد اخذ عقلها
ومنكذبش انها طيلة 4 سنوات مكنتش اعتبرها صديقة وهي تعرف هذ الحاجة باسكو انا مكنتش نحكيلها اسراري او حاجة كيمانهاك دائما
نهدرو غير عليها مثلا او تجبد مواضيع مملة هي تهدر وانا نكون في عالم اخر باسكو كنت نحب اني نلقى صديقة نتناقشو انا ويها في مواضيع مهمة تنصحني وننصحها مي هذه الفتاة كانت الريح لي تجي تديها قادر تعاند اي وحدة
المهم ربحنا البيام وطلعنا الاولى ثانوي اي هاذا العام مطحناش في نفس لكلاسة مي كنا نتلاقو في الاستراحة نحكو على الاستاذة اي ماشي امور مهمة حتى انها ولات تلبس سراويل رغم اننا تفاهمنا انو مرحش نلبسوا سراويل حتى واذا كانت ليكات طويلة رغم انها اقتنعت مي قاتلي حتى بعد البيام المهم هذا كان اول تغير
ممبعد موليناش نتلاقو بزاف ولات تقعد مع فتيات اخريات من كلاستهم مي كان هذا الامر عادي حتى انا كنت نبقى مع زميلاتي الجدد
مي في الفصل الثاني صاحبت فتيات من ثاني ثانوي وgاع الليسي يعرفهم انو اذا صيدو فتاة معناه راهي تمشي في طرقهم ودارولها لفار مع كاش بهلول كيفها .
اسبوع حتى شفت الست خارجا من الليسي ومقاودا السي خونا حسبت روحي منيش نشوف يعني الشير جامي هدرت معاه ونهار تهدر معاه تقاودو والضحك تقول بيناتهم عشرة طويلة اواه ...
المهم بدلوا طريق باش يتمشوا في راحتهم حتى نشوفوا معنقها وزيد الكشفا القبلات برا ولي زاد خلعني قريب من دارهم قادر ختها تكون رايحا تشري تشوفها مخافت موالوا .
وزيد كيفاه هاذ التاقلم السريع لما شفت هكاك بغيت نبدل الطريق باش منتلاقاش بيها كي تجي رايحا لدارهم.باسكو حسيت بضيق في صدري
جامي تصورت انها رح توصل هاك .وزيد لكشفا كامل الليسي نتبه لها ماشي باسكو راحت مع شير باسكو ماشي هي اول وحدة ولا اخر وحدة المشكل انهم جامي شافوا وحدة من اول ما تعرف شير دير كيمنهاك حتى بعض الفتيات سمعتهم مورايا يقولوا هاذي باين اول مرة ره تسيي شوفوا شحال راهي فراحة بهلوله لهذه الدرجة .
وكي قربت لدارنا كان السي خونا يودع فيها تقول هذه الحلقة الاخيرة من كاش مسلسل ماgري جامي تبعت مسلسل مي جاني هاذ المسلسل غير ناجح مي نسبة المشاهدات كبيرة .المهم بقات واقفة زعما راهي تقارعلي وهي حابة تطير من الفرحة شغل تقارع فيا نبارك لها كنت في ذيك اللحظة حاب نصفعها باش تفطن بروحها ولا توغ في وجها مي مقدرتش كنت مصدومة بزاف
على غدوة حكيت معاها قاتلي ندمت على واش درت البارح وخلاص منزيدش نهدر معاه انا قلت بلاك فاقت بروحها مي غير كيفكيف ولات لما تشوفني تبدل الطريق غير باش منهدر معاها كل ماكنت نتلاقا الفرصة نحكي معاها تقولي وي عندك الصح مي بقات في عماها وراها غير تزيد .
ولاو زعما عندها les ami كل خطرة مع واحد كي نقولها واش هاذا تقولي مالكي معقدة هاذو غير ليزامي مي سي خونا مزال معاه والمشكل انها متخافش اذا شافوها اهلها
سمحولي علبالي صدعتلكم راسكم مي والله غير جربت كل الطرق باش ننصحها مي وكان هدرتي تدخل من وذن تخرج من لخرا
لما نحكي معاها تبقى غير تقول واه ونيشان مي تكون غير تكذب عليا
حرت واش ندير علبالي الله يهدي من يشاء
وانا معليا غير ننصحها مي انا نعرفها الريح لي تجي تديها وخايفة دير كاش حاجة لي رح تندم عليها راكم فهمتوني واش راني نقصد
ملgري مرحش ضرني دير لي تحب مي الله غالب تغيضني فتاة تبيع روحها بهذه السهولة تتغير جذريا من اجل شخص لا يستحق
كون رح نحكي مرحش نحبس باسكو كاين فتيات لي عقلهم راه يطير من بلاصتهم باسكو كي نجي نحكي معاها تقولي ديجا هو راه ناوي لحلال كي نربح الباك يجي يخطبني .
ناوي لحلال وفي الزونقة قدام لكبير والصغير دايرين التبهديلة .
علبالي بلي ثرثرت بزاف
عطوني رايك وبلاك عندكم كاش حل.
اليكم الخط.
كيف حال الجميع ارجو ان يكون الكل بصحة وعافية
الصراحة احترت في اختيار العنوان على هاذيك رح ندخل في الموضوع بدون مقدمات علبالي البعض رح يقول متحكوش ولما تحكو تتلاقو غير موضوع الزواج ومشتقاته ولكن كاين مواضيع من مواضيع كاين مواضيع لي قابلة للنقاش بهدف ايجاد الحل وكاين لي مضيعة وقت اي نقاش عقيم وان شاء الله موضوعي مرحش يكون بلا فائدة لان الامر مرتبط بحياة مراهقة نعم هي مرتبطة بحايتها بالنسبة لي رح تعرفوا السبب .
نبدا على بركة الله .
انا معنديش صحابات انتيم باسكو راحو مع في الابتدائي ايام البراءة المهم كان عندي زميلة وحدة في المتوسط بقينا 4 سنوات في رحبا
مي انا وهي مختالفين بزاف انا نقدر نفهمها مي هي جامي فهمتني مالقري مكنتش نقدر ناثر فيها بالكلام باسكو جاية من النوع لي راسه خشين مي قدرت ناثر فيها بتصرفاتي واول حاجة انها ارتدت الحجاب وثاني حاجة انها كانت حابة تفتح فايسبوك باش تهدر مع الشباب مي قدرت نمنعها
نقدر نقول كانت معنادة اي كانت تعاند فيا هاك فهمت في الاخير كنت نظن انها كانت تقتنع مي ظهر لي انها كانت تقلد وخلاص
المهم قعدنا 4 سنوات معا في الرابعة متوسط بدات تتبدل مي مدرتش حاجة كبيرة يعني بدات بعض افكارها تتغير وكان احد اخذ عقلها
ومنكذبش انها طيلة 4 سنوات مكنتش اعتبرها صديقة وهي تعرف هذ الحاجة باسكو انا مكنتش نحكيلها اسراري او حاجة كيمانهاك دائما
نهدرو غير عليها مثلا او تجبد مواضيع مملة هي تهدر وانا نكون في عالم اخر باسكو كنت نحب اني نلقى صديقة نتناقشو انا ويها في مواضيع مهمة تنصحني وننصحها مي هذه الفتاة كانت الريح لي تجي تديها قادر تعاند اي وحدة
المهم ربحنا البيام وطلعنا الاولى ثانوي اي هاذا العام مطحناش في نفس لكلاسة مي كنا نتلاقو في الاستراحة نحكو على الاستاذة اي ماشي امور مهمة حتى انها ولات تلبس سراويل رغم اننا تفاهمنا انو مرحش نلبسوا سراويل حتى واذا كانت ليكات طويلة رغم انها اقتنعت مي قاتلي حتى بعد البيام المهم هذا كان اول تغير
ممبعد موليناش نتلاقو بزاف ولات تقعد مع فتيات اخريات من كلاستهم مي كان هذا الامر عادي حتى انا كنت نبقى مع زميلاتي الجدد
مي في الفصل الثاني صاحبت فتيات من ثاني ثانوي وgاع الليسي يعرفهم انو اذا صيدو فتاة معناه راهي تمشي في طرقهم ودارولها لفار مع كاش بهلول كيفها .
اسبوع حتى شفت الست خارجا من الليسي ومقاودا السي خونا حسبت روحي منيش نشوف يعني الشير جامي هدرت معاه ونهار تهدر معاه تقاودو والضحك تقول بيناتهم عشرة طويلة اواه ...
المهم بدلوا طريق باش يتمشوا في راحتهم حتى نشوفوا معنقها وزيد الكشفا القبلات برا ولي زاد خلعني قريب من دارهم قادر ختها تكون رايحا تشري تشوفها مخافت موالوا .
وزيد كيفاه هاذ التاقلم السريع لما شفت هكاك بغيت نبدل الطريق باش منتلاقاش بيها كي تجي رايحا لدارهم.باسكو حسيت بضيق في صدري
جامي تصورت انها رح توصل هاك .وزيد لكشفا كامل الليسي نتبه لها ماشي باسكو راحت مع شير باسكو ماشي هي اول وحدة ولا اخر وحدة المشكل انهم جامي شافوا وحدة من اول ما تعرف شير دير كيمنهاك حتى بعض الفتيات سمعتهم مورايا يقولوا هاذي باين اول مرة ره تسيي شوفوا شحال راهي فراحة بهلوله لهذه الدرجة .
وكي قربت لدارنا كان السي خونا يودع فيها تقول هذه الحلقة الاخيرة من كاش مسلسل ماgري جامي تبعت مسلسل مي جاني هاذ المسلسل غير ناجح مي نسبة المشاهدات كبيرة .المهم بقات واقفة زعما راهي تقارعلي وهي حابة تطير من الفرحة شغل تقارع فيا نبارك لها كنت في ذيك اللحظة حاب نصفعها باش تفطن بروحها ولا توغ في وجها مي مقدرتش كنت مصدومة بزاف
على غدوة حكيت معاها قاتلي ندمت على واش درت البارح وخلاص منزيدش نهدر معاه انا قلت بلاك فاقت بروحها مي غير كيفكيف ولات لما تشوفني تبدل الطريق غير باش منهدر معاها كل ماكنت نتلاقا الفرصة نحكي معاها تقولي وي عندك الصح مي بقات في عماها وراها غير تزيد .
ولاو زعما عندها les ami كل خطرة مع واحد كي نقولها واش هاذا تقولي مالكي معقدة هاذو غير ليزامي مي سي خونا مزال معاه والمشكل انها متخافش اذا شافوها اهلها
سمحولي علبالي صدعتلكم راسكم مي والله غير جربت كل الطرق باش ننصحها مي وكان هدرتي تدخل من وذن تخرج من لخرا
لما نحكي معاها تبقى غير تقول واه ونيشان مي تكون غير تكذب عليا
حرت واش ندير علبالي الله يهدي من يشاء
وانا معليا غير ننصحها مي انا نعرفها الريح لي تجي تديها وخايفة دير كاش حاجة لي رح تندم عليها راكم فهمتوني واش راني نقصد
ملgري مرحش ضرني دير لي تحب مي الله غالب تغيضني فتاة تبيع روحها بهذه السهولة تتغير جذريا من اجل شخص لا يستحق
كون رح نحكي مرحش نحبس باسكو كاين فتيات لي عقلهم راه يطير من بلاصتهم باسكو كي نجي نحكي معاها تقولي ديجا هو راه ناوي لحلال كي نربح الباك يجي يخطبني .
ناوي لحلال وفي الزونقة قدام لكبير والصغير دايرين التبهديلة .
علبالي بلي ثرثرت بزاف
عطوني رايك وبلاك عندكم كاش حل.
اليكم الخط.
