ادّي ولا خلّي

[Salah eddin]

السلام عليكم
خير عليكم يا ناس اللمة ..صحيتو وش راكم ؟ وش احولكم ؟
اسيدي راني عدت ق مرة و نكتب موضوع
وش لاباس اه ؟ هذاك هو ساعة على ساعة موضوع انحوا بيه الجوع
المهم موضوع اليوم كي العادة الغرض منو التلسية و الضحك و قالعافية
و راني ريح نزيدلها شوي ..لذلك ما تتفاجؤوش
ههه
ادّي ولا خلّي
....
بسم الله
تروح باه تدفع دوسي تاع سكنة ...المطلوب ..لازم تعرف كاش واحد في الدايرة و كي تعرفو ادفع 30 مليون
تساعدك ؟ ...هذا هو القماش
ادّي ولا خلّي
تروح تخطب ...مالين الطلفة :...حطّ 30 مليون ثاني ...ولازم السكنة و و الخدمة اللايقة
تساعدك ؟ ..هذا هو القماش ..
ادّي ولا خلّي
تروح تحوس تغير التخصص الجامعي تاعك نحو تخصص افضل ...تصطدم بالمؤطرين و الاداريين
و كيما قضية الدايرة ..لازم تعرف كاش واحد .و لازم على الاقل 5 ملاين
تساعدك ؟؟ ..هذا هو القماش
ادّي ولا خلّي
تروح ..تفتح حانوت ...لازم سجل تجاري ...و باه اديرو..لازم تعرف كاش واحد في مديرية التجارة
و اذا لقيت كش واحد ...حط 10 ملاين ...
تساعدك ؟؟ ...هذا هو القماش
ادّي ولا خلّي
راك فاتح حانوت ...يجيك الكونطرول ..اذا تعرفو ...لازم تشارجيلو كوطة سلعة
و اذا ما تعرفوش ...لازم يسيزيلك كوطة سلعة
تساعدك ؟ ..هذا القماش
ادّي ولا خلّي
....
تجي للمة باه تكتب موضوع
اذا تعرف المشرف ...يعتمد لك الموضوع ثم ثم ..و اذا ما تعرفوش ..لازم الاسبوع الجاي ويا ربي
تساعدك ؟؟ هذا هو القماش
ادّي ولا خلّي
هههه
امالا انا نقلكم
نخليكم نتوما كاشما تزيدو
ههه
بالعافية...ايا السلام عليكم ​

 

[ام راس يابس]

واقعنا مع الاسف
ههههههههههه ركزلي على الاخيرة
لي عودة ان شاء الله
نريح اعصابي و نجي
@Skor m@k زكارة ارواح هنا شوف الموضوع

 

[حلم كبير]

السلام عليكم و رحمه الله تعالى وبركاته

خويا صلاح نشالله راك لاباس مع القراية
مواضيعك بدأت تزداد سخونة ،وأنا نقلك رايح نكتبلك مجلد أدي ولا خلي ( يخي قتلك ما تخربشش فيا في هاذي المواضيع)

أكييييييد رايح تخلي قبل ما يخرجو عينيك وانت تقرا هههه

المهم والله مشكل كبير راه قاعد يصير ما عرفنا واش نديرو ،واش نحاربو ،واش نستعملو معاهم.

المرا تروح تخطبها في هذا الوقت يطلبو فيك الشي الفلاني ،وخلي على من بعد الشروط الخفية بين الاشواط يعني بين الخطبة والعرس تخرج حوايج أخرى تقولهم وكت هذا يقولولك : ها القماش أدي ولا خلي.

الخدمة تروح تحوس وتدير ملفات باه تعقب للمسابقة ،يقولولك المناصب راها محكومة راك خضرة فوق طعام ،هاذا هو أدي ولا خلي .

وهكذا بلادنا لعزيزة حاشاها ،العباد اللي الله يهديهم ويصلحهم .

خويا ما نطولش عليك ربي يحفظك درتلنا موضوع عل الكيف وبردتنا قلوبنا فيهم يعطيك الصحة والعافيه.
احترامي وتقديري
حلم كبير
​

 

[دعاء الجنات]

عجيتني تاع اللمة وكاين مشرفين لازم نشكيوهم للإدارة ههههه سيرتو تاع بوح القلم والله عندك الحق بارك الله فيك.

 

[خديجة ph]

السلام عليكم اخي
والله يا اخي جهلونا كأن لا قماش الا قماشهم ولا ثمن الا ثمنهم مالا اخي خلي و ما تديش قماشك في الجنة ان شاء الله استبرق كيل منو قد ما حبيت.

 

[السلطانة]

وعليكم السلام اي وي هاذا الواقع المرير لي رانا عايشينو وموضوعك برعاية حصة ادي ولاخلي هههه سلام خويا

 

[cosette]

هه السلام عليك
ماندي مانخلي
دوك نرجعلك اخي مع الرد

 

[الامين محمد]

هههههههههههه يااااه يا خويا صالح
و الله ق نحيت على قلبي و ضحكتني
يعطيك الصحة جبيبي
حكيت الواقع ادي و لا خلي هذا القماش اللي كاين عندنا

 

[باتنية و نص]

سلام عليكم
فعلا ..صدقت
هذا هو ردي معجبكش؟
هذا هو القماش..ادي ولا خلي ^^

لكن وش حكاية حرف "القاف" شفتو في موضوعك وفي كذا رد

تحياتي

 

[البحر الهادي]

السلام عليك
صح
هههههه
شكرا لك

 

[خديجة ph]

سلام عليكم
فعلا ..صدقت
هذا هو ردي معجبكش؟
هذا هو القماش..ادي ولا خلي ^^

لكن وش حكاية حرف "القاف" شفتو في موضوعك وفي كذا رد

تحياتي

هذه هدرة ناس الجلفة أختي الغالية عجبتك؟
المهم عجبتك ولا ما عجبتكش هذا هو القماش أدي ولا خلي هههههههه

 

[Abodi84]

طعمي الفم تستحي ( تحشم ) العين
تعجبني البساطة في مواضيعك لكن المشكلة مو كل الكلام افهمه
تحياتي

 

[باتنية و نص]

هذه هدرة ناس الجلفة أختي الغالية عجبتك؟
المهم عجبتك ولا ما عجبتكش هذا هو القماش أدي ولا خلي هههههههه

صار؟ هذا اكتشاف جديد
ق حاجة ق مليحة ..ق ربي يبارك ق في الجلفة ق و في ق ناسها
هاه ق وش رايك؟ جلفاوية ولا منيش جلفاوية؟ دو توت فاسون هذا اللي قدرت عليه ...هذا هو القماش . ادي ولا ق خلي
هههه

 

[Hakan]

صار؟ هذا اكتشاف جديد
ق حاجة ق مليحة ..ق ربي يبارك ق في الجلفة ق و في ق ناسها
هاه ق وش رايك؟ جلفاوية ولا منيش جلفاوية؟ دو توت فاسون هذا اللي قدرت عليه ...هذا هو القماش . ادي ولا ق خلي

هههه​

@باتنية و نص خخخخ راكي هردتيها وضربتيها في حيط وعميتيها
مول الموضوع ذكر القاف في زوج كلمات وانت دخلتي عليها حرف القاف في الكلمة كاملة ققققق كي شقل مخنوقة هههه
ريسبيري خيتي حتى واحد ماهو مجيفك
يااختي نستعملو القاف بدل الغين هذا مكان مش في كل محضر تحضر

عودة لموضوع الاخ صلاح ياخويا
راك مع اللواجم هه وش مسحولك في الدوسي نتاعك ولا واش
يااخي بلادنا رجعت هكاك وكيما قتلك في المواضيع السابقة
هذا هو الجهل والبعد عن الدين
وحب الدنيا يعني حتى رجع الواحد
يسمح في كل مبدئ تعلمو في حياتو على جال
الدنيا مام يقدر يسمح في القماش ​

 

[باتنية و نص]

@hakim story ..شهيق زفير
وش داك النيف على لهجتكم ؟
ايه الله قالب مول الموضوع جلفاوي مدرح وش رح نديرلو انا ؟!
انا هاكا تعلمتها..واذا معجبكش الحال..ادي ولا خلي

صاحب الموضوع راني ذكرت هذا العبارة المقدسة في جميع ردودي

بش متقوليش خرجتي على الموضوع
لول

 

[Hakan]

@hakim story ..شهيق زفير
وش داك النيف على لهجتكم ؟
ايه الله قالب مول الموضوع جلفاوي مدرح وش رح نديرلو انا ؟!
انا هاكا تعلمتها..واذا معجبكش الحال..ادي ولا خلي

صاحب الموضوع راني ذكرت هذا العبارة المقدسة في جميع ردودي

بش متقوليش خرجتي على الموضوع
لول

لالا ما نديش نخليهالك ليك ههه
داني النيف على لهجتنا ياي لهجتنا بسيطة فيها الطيبة بزااف
ومول الموضوع جلفاوي اوريجينال من جماعة الدووار بصح يسكن في المدينة خخخ يحكي الجلفاوية من
القاف للغين ههه ​

 

[شاعرة الأمل]

موضوعك والله قي هايل ههه
باختصار شديد خيو هادي هيا بلادنا
ادي ولا خلي ...
سلام

 

[Skor m@k]

السلام عليكم
أنا ندي كلش مانخلي والو ههه هذا هو لقماش تاعي حرير هههه وحدو يسيح هههه
أواه راك هذو اليمات مش متفاهم مع البلدية والولاية هههه
كاش كوارط راهم مصعبينهم عليك ولا كيفاه حكايتك هههه
هذي هي لبلاد

واش @باتنية و نص ق هلكتيها بالهدرة هههه بهدلتينا
أنا قلت حصلتلك فالقرجومة هههه
​

 

[الصحافية الساخرة]

ههههههههههه نضحك برك مكانش هدرة
ادي ولا خلي

 

[zagane]

السلام عليكم
خير عليكم يا ناس اللمة ..صحيتو وش راكم ؟ وش احولكم ؟
اسيدي راني عدت ق مرة و نكتب موضوع
وش لاباس اه ؟ هذاك هو ساعة على ساعة موضوع انحوا بيه الجوع
المهم موضوع اليوم كي العادة الغرض منو التلسية و الضحك و قالعافية
و راني ريح نزيدلها شوي ..لذلك ما تتفاجؤوش
ههه
ادّي ولا خلّي
....
بسم الله
تروح باه تدفع دوسي تاع سكنة ...المطلوب ..لازم تعرف كاش واحد في الدايرة و كي تعرفو ادفع 30 مليون
تساعدك ؟ ...هذا هو القماش
ادّي ولا خلّي
تروح تخطب ...مالين الطلفة :...حطّ 30 مليون ثاني ...ولازم السكنة و و الخدمة اللايقة
تساعدك ؟ ..هذا هو القماش ..
ادّي ولا خلّي
تروح تحوس تغير التخصص الجامعي تاعك نحو تخصص افضل ...تصطدم بالمؤطرين و الاداريين
و كيما قضية الدايرة ..لازم تعرف كاش واحد .و لازم على الاقل 5 ملاين
تساعدك ؟؟ ..هذا هو القماش
ادّي ولا خلّي
تروح ..تفتح حانوت ...لازم سجل تجاري ...و باه اديرو..لازم تعرف كاش واحد في مديرية التجارة
و اذا لقيت كش واحد ...حط 10 ملاين ...
تساعدك ؟؟ ...هذا هو القماش
ادّي ولا خلّي
راك فاتح حانوت ...يجيك الكونطرول ..اذا تعرفو ...لازم تشارجيلو كوطة سلعة
و اذا ما تعرفوش ...لازم يسيزيلك كوطة سلعة
تساعدك ؟ ..هذا القماش
ادّي ولا خلّي
....
تجي للمة باه تكتب موضوع
اذا تعرف المشرف ...يعتمد لك الموضوع ثم ثم ..و اذا ما تعرفوش ..لازم الاسبوع الجاي ويا ربي
تساعدك ؟؟ هذا هو القماش
ادّي ولا خلّي
هههه
امالا انا نقلكم
نخليكم نتوما كاشما تزيدو
ههه
بالعافية...ايا السلام عليكم ​

السلام عليكم
رد ولا خلي راني رديت كاش 30 مليون باش نشرب قهة