المعاق عندنا بين النهب و النبذ

[زاد الرحيل]

السلام عليكم و رحمة الله و بركاتة
نشكر الله على نعمة المطر و نسأله الصحة و العافية للجميع
اليوم الجو ممطر و مغيم و انا بطبعي نشعر بالكابة فالجو الممطر و جلست مهمومة نفكر قلت في نفسي اعلاه منفرغش واش كاين في قلبي لقراء واش راك تهدر بالمختصر بغيت ننقل معاناة المرضى المعاقين و ما هي الاعاقة الحقيقية الناس كامل يشوفو فيها العجر الكلي للانسان سواء الذهني و لا الحركي و يشوفوه عيب و نقص و شخص غير صالح للاستعمال و معندوش فائدة في المجتمع و عالة عليهم .
الحقيقة تجربتي في الحياة علمتني واش هي الاعاقة الحقيقية ،و هي لما يكون الشخص في كامل قواه العقلية و الجسدية و يستعمل هذيك القدرات في التصغير و تحقير و اهمال بل استغلال الاشخاص اللي عندهم نقص في قدراتهم الجسدية و الذهنية و هذي حاجة من عند ربي سبحانه كيعاد لله في خلقه شؤون يخلق الصحيح و المريض و الطويل و القصير و الاعمى و البصير و هكذا
نستغرب الناس اللي تشوف عند المعاق مع اني نكره كلمة الاعاقة لانها كلمة تحطم نفسيتهم و زعمة اللي طلقوها مثقفين واش من ثقافة اللي تخليك تجرح الناس عادي يظهر كيعاد الكلمة متقالتلهش ليهم عليها ميحسوش بجمرتها
نرجعوا لحقوقهم المهضومة ظاهريا المعاق عنده حقوق و باطنيا ربي يجيب
رحت نخدم بطاقة الاعاقة لابني الغالي كل شهر يطلبوا ملف نوجدوا و نرجعه يقولوا هذا خاطي مع انهم هما اللي طلبوه حتى كرهت و رميت الملف ،الشهرية المسكينة الممنوحة ليهم خبروني بلي يسلكوا شهر كل ستة اشهر و السبب الدراهم مكانش ،صح عندهم الحق لازم ايكملوا الحفلات و السهرات و النشاطات الرياضية الفارغة و الزردة و الشهرية انتاع 30 او 40 مليون لاعضاء مجلس الامة ،و مبعد كانشي ما ابقى 20 او30 مليون نقسموهم على المعاقييييييين في الجزائر كامل يعني 200دينار للشهر تكفيه و التسجال في المركز اسمعوا العجب اللي ماعلابالوش راه معرفة عندك تسجل معندكش معرفة مگااااانش البلاصة و حتى يبلغ 6 سنين و هي من المفروض 3سنوات و لعلمكم هذه جهوية فالمدن الكبرى على3سنوات و المدن الصغرى على 6سنوات و بالمعرفة و الاسوء الاسوء اللي راح يصدمكم انه واحدة قالت بنفسها راهم ايديروالهم الدواء للرقاد باش يتهناو منهم
هل هذه الجزائر التي نحبها ،في اليابان الاستهزاء او الظلم او الاحتقار للمعاق عقوبته غرامة مع السجن
احنا عندنا لكان لقاو يشربوا لهم الرهج باش يتهناو منهم بصح ما دام يسلكوا عليهم و هما قاعدين يرقدوهم بزايد
اه من الظلم و الظالم و المتجبر و حسبنا الله في كل مسؤول عليهم خان امانته

 

[Malika Tlm]

السلام عليكم اختي
ربي يخليلك وليدك ويخليك ليه يارب
واش نقولك حقهم مهظوم وبزاف ربي وكيلهم
الحفلات والتمسخير ووووووو ماعليش ولكن باش يتفكورا الفئة هذي لالا والله ربي يلا خلصهم
والمجتمع الحابس كي يشوفوا معاق وكانهم شافوا وحش يبديو يتهربوا ولا يبقاو مخلوعين فيه وعلاه هذا ماشي بشر
اه يا ختي ربي وكيلهم
ربي يفرج
تحياتي وقبلة كبيرة لوليدك

 

[زاد الرحيل]

السلام عليكم اختي
ربي يخليلك وليدك ويخليك ليه يارب
واش نقولك حقهم مهظوم وبزاف ربي وكيلهم
الحفلات والتمسخير ووووووو ماعليش ولكن باش يتفكورا الفئة هذي لالا والله ربي يلا خلصهم
والمجتمع الحابس كي يشوفوا معاق وكانهم شافوا وحش يبديو يتهربوا ولا يبقاو مخلوعين فيه وعلاه هذا ماشي بشر
اه يا ختي ربي وكيلهم
ربي يفرج
تحياتي وقبلة كبيرة لوليدك

و عليكم السلام و رحمة الله و بركاته
وليدي هو قرة عيني منحه الله الخلق البارئ جمال فائق و طيبة و هدوء و ربي هو الى يحميه
اما الناس الحابسين كما قلت فهما بزاف و نساو بلي ممكن في
يوم من الايام يرزقهم بواحد كما هذوا
اما اننا نسكتوا على حقوقهم المهظومة فانا شخصيا لا و ارفض لان هذا واجبي و هذا حقه و ميقدرش و ميعرفش ايدافع عليه و يجيبه انا و باباه المسوولين عليه و نبقاو ندافعوا عليه و على غيره حتى النهاية
يقولك شكرا يا اغلى طاطا على القبلة الغالية

 

[إلياس]

المعاق هو جزء من مجتمعنا يجب ان نعامله غيرنا مهما كانت المناسبة و نعطيه نفس حقوق الصحيح

 

[زاد الرحيل]

المعاق هو جزء من مجتمعنا يجب ان نعامله غيرنا مهما كانت المناسبة و نعطيه نفس حقوق الصحيح

رغم عجزه في امور معينة الا انه انقى الناس و اطهرهم و هو لا يزال يعاني من الظلم في الغرب يعطيوهمكل حقوقهم واي اساءة لهم يتعاقبه ،احنا يلزمنا 50سنة باش نلحقوهم

 

[sosobibicha]

السلم عليكم
الاعاقة ليست اعاقة الجسد بل العقل
ربي يحفظلك ابنك اما الناس لي ناقصين عقل لا و تفكيرهم متخلف معندهم ما يديرو رانا نشوفو الاشخاص من ذوي الاحتياجات الخاصة ما شاء الله عليهم عندهم مواهب بزاف و اخلاقهم عالية الله يبارك حتى من كلامهم الطيب انا و الله نفرح كي نبقا نحكي معاهم خير من بزاف عباد
صح حقهم مهضوم و فئة محرومة لكن في الدنيا فقط لان الله اذا احب عبدا ابتلاه
و هادوك الدراهم كيما قلتي خاصين بالفنانين و السهرات و دعاوي الشر اما الناس لي يستحقوهم لا حرام عليهم هذا كامل بسبب تفكيرهم هذا اذا يفكروا اصلا
ربي يهديهم و يهدينا ان شاء الله
​

 

[دعاء الجنات]

كلماتك كانت من القلب ووصلت إلى قلبي، ستكون لي عودة لموضوعك ميلينا ان شاء الله وطفل المعاق ماتحس بيه غير عايلتو صغيرة برك .

 

[دعاء الجنات]

@sanaya

 

[زاد الرحيل]

السلم عليكم
الاعاقة ليست اعاقة الجسد بل العقل
ربي يحفظلك ابنك اما الناس لي ناقصين عقل لا و تفكيرهم متخلف معندهم ما يديرو رانا نشوفو الاشخاص من ذوي الاحتياجات الخاصة ما شاء الله عليهم عندهم مواهب بزاف و اخلاقهم عالية الله يبارك حتى من كلامهم الطيب انا و الله نفرح كي نبقا نحكي معاهم خير من بزاف عباد
صح حقهم مهضوم و فئة محرومة لكن في الدنيا فقط لان الله اذا احب عبدا ابتلاه
و هادوك الدراهم كيما قلتي خاصين بالفنانين و السهرات و دعاوي الشر اما الناس لي يستحقوهم لا حرام عليهم هذا كامل بسبب تفكيرهم هذا اذا يفكروا اصلا
ربي يهديهم و يهدينا ان شاء الله
​

و عليكم السلام و رحمة الله و بركاته
ربي يحفظك مع اهلك
و حقا الاعاقة هي اعافة التفكير صح الجسد يتعب لكن التفكير الجاهل يتعب اكثر مرة على مرة نشوف فالغرب الاشخاص المرضى انتاعهم الليسموهم عندنا المعاقين عايشين احسن معيشة الخدمة البيت الزواح و الدولة تتكفل بهم في كل ،احنا عندنا بدل ما يعزوه ايزيدوا يطيحوه اكثر و الله يمهل و لا يهمل

 

[زاد الرحيل]

كلماتك كانت من القلب ووصلت إلى قلبي، ستكون لي عودة لموضوعك ميلينا ان شاء الله وطفل المعاق ماتحس بيه غير عايلتو صغيرة برك .

مكانش كلمة اصدق من اللي تخرج من القلب خاصة الجريح و الل لازم يجمد ربي و يشكره حتى ينتهي المه و مكانش أطيب من القلب الي توصل ليه الكلمات و يستقبلها و يفهمها و يحس بالمها فشكرا لكي و مرحبا بكي في اي لحضة

 

[ليليا مرام]

السلام عليكم اختي ميلينا
اول شي الناس المعاقة عندي انا ذاك اللي راقد ويماه تخدم عليه ذاك اللي شاد الحيط ويعس فبنات الناس الطالعة والهابطة ياما شفنا عباد مرضى ما نقولش معاقين انا نقولهم احباب الله لانو ابرياء اصحاب القلب الطاهر شفناهم والله يديرو تصرفات عفوية تنخلعي فمرة كنت نستنى دالتي عند طبيب ومرا جابت ابنها حعندو حالة خاصة بقينا نحكو من مورت تاثرت بواش تحكي عليه بكيت صدقوني جا ليا ويمسحلي فالدموع. قلبي تقسم حنان لدرجة كبيرة واذكياء. ريتنا فبلاصتهم يا سعدهم ما دارو ذنوب ما راهي تستنى فيهم جهنم احنا اللي نخافو على رواحنا كاين عباد تقولي ماشي مسلمين يضحكو على اللي قصير واللي ماشي شباب زاللي فالكرسي. ما يظلقو حتى واحد ذوك المعاقين
اما الحقوق نقولك خليهم يدو 50 و 80 مليون هذوك اول ناس يدو حقهم منهم قدام ربي هوما المرضى هذو قتلك انا نلف نتاع بريزونشارج كل مره دوسي ورحت للوزارة يقولولي راكي مليحة انتي راكي تمشي الناس فالفراش وما بعثوهمش تمسخرو بيا حتى شبعو خلي هذوك الادارات مرات يشوفوني بالعكازات ما يستقبلونيش اصلا بلاما يخمو تمرميد نتاع اثكيران حتى وصلت ليهم انا وحدة من الناس نوكل عليهم ربي كامل منهم للوزير اللي يتفرج فالناس
واش ديري فوضي امرك لربي

 

[Abodi84]

السلام عليكم و رحمة الله
الله يسعدك و يبارك فيك اختي
هم في غفلة عن هذه الامور و لا احد يشعر بهولاء الا من في قلبة الرحمة لا يعلم بألم المريض سوى من مرض و ذاق طعم الالم
تقبلي مروري اختي

 

[زاد الرحيل]

السلام عليكم اختي ميلينا
اول شي الناس المعاقة عندي انا ذاك اللي راقد ويماه تخدم عليه ذاك اللي شاد الحيط ويعس فبنات الناس الطالعة والهابطة ياما شفنا عباد مرضى ما نقولش معاقين انا نقولهم احباب الله لانو ابرياء اصحاب القلب الطاهر شفناهم والله يديرو تصرفات عفوية تنخلعي فمرة كنت نستنى دالتي عند طبيب ومرا جابت ابنها حعندو حالة خاصة بقينا نحكو من مورت تاثرت بواش تحكي عليه بكيت صدقوني جا ليا ويمسحلي فالدموع. قلبي تقسم حنان لدرجة كبيرة واذكياء. ريتنا فبلاصتهم يا سعدهم ما دارو ذنوب ما راهي تستنى فيهم جهنم احنا اللي نخافو على رواحنا كاين عباد تقولي ماشي مسلمين يضحكو على اللي قصير واللي ماشي شباب زاللي فالكرسي. ما يظلقو حتى واحد ذوك المعاقين
اما الحقوق نقولك خليهم يدو 50 و 80 مليون هذوك اول ناس يدو حقهم منهم قدام ربي هوما المرضى هذو قتلك انا نلف نتاع بريزونشارج كل مره دوسي ورحت للوزارة يقولولي راكي مليحة انتي راكي تمشي الناس فالفراش وما بعثوهمش تمسخرو بيا حتى شبعو خلي هذوك الادارات مرات يشوفوني بالعكازات ما يستقبلونيش اصلا بلاما يخمو تمرميد نتاع اثكيران حتى وصلت ليهم انا وحدة من الناس نوكل عليهم ربي كامل منهم للوزير اللي يتفرج فالناس
واش ديري فوضي امرك لربي

و عليكم السلام و رحمة الله و بركاته
عندك الحق في كل ما قلت الاعاقة الحقيقية هي اعاقة الفكر و السلوك و هما بزاف في المجتمع و هما صح احباب الله و ماش انا الي قلت الكلمة هذي و مكونتش نقولهاابدا حتى جاء يوم قالت لي الاخصائية انتاعه عنده البطاقة انتاعه و لا لا قلت لها هيه عنده كارت الشفاء انتاعه وحده سكتت و فهمت بلي منعرفش بطاقة الاعاقة و راحت قالت لي اخدمي له البطاقة انتاعه راه تساعده و قالت روحي للمكان الفلاني و لما بعثت جابوا لي ورقة مكتوب فيها بطاقة المعاق رحت نبكي و نبكي و بقيت قرابة اسبوع و انا منعزلة ،ابني هو نموذج للمرضى المعاقين في الجزائر و لما نتحدث عليه فانا ندافع على البقية ،انا عندي هي رسالة نبيلة باش نغيروا تفكيرنا و ننظر للابعد و نعرفوا ان العالم واسع و ان الدنيا فيها الظالم و المظلوم و لازم يكون فيها المدافع على هولاء ،انا منيكوتش ابدا على حقوق ابني
مرة اخذته للمركز و قلت لهم من المفروض كاين قسم خاص ب 3سنوات و عندي معلومة بهذا تلعثمت و قالت كان من قبل و حبسناه لظروف فاجبتها و على قداه نجيب ابني قالت كي يمشي جيبيه و سابقا قالت حتى 6سنوات يعني الميعرفش يضيع

 

[zagane]

السلام عليكم و رحمة الله و بركاتة
نشكر الله على نعمة المطر و نسأله الصحة و العافية للجميع
اليوم الجو ممطر و مغيم و انا بطبعي نشعر بالكابة فالجو الممطر و جلست مهمومة نفكر قلت في نفسي اعلاه منفرغش واش كاين في قلبي لقراء واش راك تهدر بالمختصر بغيت ننقل معاناة المرضى المعاقين و ما هي الاعاقة الحقيقية الناس كامل يشوفو فيها العجر الكلي للانسان سواء الذهني و لا الحركي و يشوفوه عيب و نقص و شخص غير صالح للاستعمال و معندوش فائدة في المجتمع و عالة عليهم .
الحقيقة تجربتي في الحياة علمتني واش هي الاعاقة الحقيقية ،و هي لما يكون الشخص في كامل قواه العقلية و الجسدية و يستعمل هذيك القدرات في التصغير و تحقير و اهمال بل استغلال الاشخاص اللي عندهم نقص في قدراتهم الجسدية و الذهنية و هذي حاجة من عند ربي سبحانه كيعاد لله في خلقه شؤون يخلق الصحيح و المريض و الطويل و القصير و الاعمى و البصير و هكذا
نستغرب الناس اللي تشوف عند المعاق مع اني نكره كلمة الاعاقة لانها كلمة تحطم نفسيتهم و زعمة اللي طلقوها مثقفين واش من ثقافة اللي تخليك تجرح الناس عادي يظهر كيعاد الكلمة متقالتلهش ليهم عليها ميحسوش بجمرتها
نرجعوا لحقوقهم المهضومة ظاهريا المعاق عنده حقوق و باطنيا ربي يجيب
رحت نخدم بطاقة الاعاقة لابني الغالي كل شهر يطلبوا ملف نوجدوا و نرجعه يقولوا هذا خاطي مع انهم هما اللي طلبوه حتى كرهت و رميت الملف ،الشهرية المسكينة الممنوحة ليهم خبروني بلي يسلكوا شهر كل ستة اشهر و السبب الدراهم مكانش ،صح عندهم الحق لازم ايكملوا الحفلات و السهرات و النشاطات الرياضية الفارغة و الزردة و الشهرية انتاع 30 او 40 مليون لاعضاء مجلس الامة ،و مبعد كانشي ما ابقى 20 او30 مليون نقسموهم على المعاقييييييين في الجزائر كامل يعني 200دينار للشهر تكفيه و التسجال في المركز اسمعوا العجب اللي ماعلابالوش راه معرفة عندك تسجل معندكش معرفة مگااااانش البلاصة و حتى يبلغ 6 سنين و هي من المفروض 3سنوات و لعلمكم هذه جهوية فالمدن الكبرى على3سنوات و المدن الصغرى على 6سنوات و بالمعرفة و الاسوء الاسوء اللي راح يصدمكم انه واحدة قالت بنفسها راهم ايديروالهم الدواء للرقاد باش يتهناو منهم
هل هذه الجزائر التي نحبها ،في اليابان الاستهزاء او الظلم او الاحتقار للمعاق عقوبته غرامة مع السجن
احنا عندنا لكان لقاو يشربوا لهم الرهج باش يتهناو منهم بصح ما دام يسلكوا عليهم و هما قاعدين يرقدوهم بزايد
اه من الظلم و الظالم و المتجبر و حسبنا الله في كل مسؤول عليهم خان امانته

السلام عليكم
سماوهم دوي الاحتياجات الخاصة وهوما محتاجين كلشيء

 

[sanaya]

حنونة قريت النص نتاعك صح غاضني مغاضنيش وليدك على خاتر وليدك هو كرامة و هدية من عند الله وممكن يكون سبب دخولك الجنة مصح الشي اللي غاضني طريقة التعامل معاهم لا من طرف الدولة ولا من طرف المسؤولين
ميلينا نحب نعلمك حاجة و عديني راح طبقيها
أنا يامات يضياق الحال و كنحس بالضيقة ونتقلق نروح نتوضا ونصلي ركعتين و نشكي همي لربي سبحانو علاخاتر وحدو عالم بحالتي
ختي الغالية ربي اللي خلق مايضيع سبحانو
وطهلاي فوليدك
ونزيد نقولك حاجة
ربي سبحانو يحبك علاهاديك مديري بحتى واحد
وككون ربي معاك متسحقي حتى واحد
ونتي شوفي وليدك بعينيك نتي مش بعينين المجتمع
ووليدك أكيد كيكبر راح يفخر بيك و يرفع لك راسك
وأختي @دعاء الجنات مشكورة على الإشارة
والسلام عليكم

 

[حلم كبير]

السلام عليكم و رحمه الله تعالى وبركاته

أختي الفاضلة كلماتك أثرت فينا حقا وللأسف لا نستطيع فعل شيء في هذا السياق ،مجرمون ولكن بطريقة أخرى وفي فئة بسيطة ضعيفة لا مدافع عنها سوى الله القدير.

إنهم لا يعلمون أن من رزقه الله بطفل من ذوي الاحتياجات الخاصة وأقول رزقه لأنه رزق الجنة والاخرة وليس رزق الفاني، فإن الله أعطاه ضيفا من أهل الجنة وعليه أن يحسن مثواه الى أن يسترد الله أمانته .

يجب علينا الاحسان الى الامانة والحفاظ عليها.

حفظ الله لك ابنك وقدرك على فعل الخير فيه ومساعدته على تحدي الحياة والاخذ بيده الى أن يشب ويتعافى بإذن الله.
بارك الله فيك على الموضوع.
تقبلي مروري مع فائق الاحترام والتقدير
حلم كبير

 

[زاد الرحيل]

السلام عليكم و رحمه الله تعالى وبركاته

أختي الفاضلة كلماتك أثرت فينا حقا وللأسف لا نستطيع فعل شيء في هذا السياق ،مجرمون ولكن بطريقة أخرى وفي فئة بسيطة ضعيفة لا مدافع عنها سوى الله القدير.

إنهم لا يعلمون أن من رزقه الله بطفل من ذوي الاحتياجات الخاصة وأقول رزقه لأنه رزق الجنة والاخرة وليس رزق الفاني، فإن الله أعطاه ضيفا من أهل الجنة وعليه أن يحسن مثواه الى أن يسترد الله أمانته .

يجب علينا الاحسان الى الامانة والحفاظ عليها.

حفظ الله لك ابنك وقدرك على فعل الخير فيه ومساعدته على تحدي الحياة والاخذ بيده الى أن يشب ويتعافى بإذن الله.
بارك الله فيك على الموضوع.
تقبلي مروري مع فائق الاحترام والتقدير
حلم كبير

و عليكم السلام و رحمة الله و بركاته
جزاكم الله خيرا للكلام الطيب ،و نعم كلمة الاجرام هي كلمة في قاموسهم شوف المعاق في فرنسا كفاه و قارن ،تعرف الظلم و السرقة و الاجرام الي راه يصرا في حقهم على اختلاف انواعهم سواءا اعاقة حركية او ذهنية
اما ابني فهو قرة عيني و و الله ملائكة جمال و طيبة و هدوء و لعب و ضحك ،هل هناك اجمل من هذا .و لله الحمد و الشكر اعطاهولي باش نشوف للناس اللي الناس انساوهم و منهم انا
شكرا لمروركم الطيب
و لكم منا كل الاحترام و التقدير

 

[زاد الرحيل]

حنونة قريت النص نتاعك صح غاضني مغاضنيش وليدك على خاتر وليدك هو كرامة و هدية من عند الله وممكن يكون سبب دخولك الجنة مصح الشي اللي غاضني طريقة التعامل معاهم لا من طرف الدولة ولا من طرف المسؤولين
ميلينا نحب نعلمك حاجة و عديني راح طبقيها
أنا يامات يضياق الحال و كنحس بالضيقة ونتقلق نروح نتوضا ونصلي ركعتين و نشكي همي لربي سبحانو علاخاتر وحدو عالم بحالتي
ختي الغالية ربي اللي خلق مايضيع سبحانو
وطهلاي فوليدك
ونزيد نقولك حاجة
ربي سبحانو يحبك علاهاديك مديري بحتى واحد
وككون ربي معاك متسحقي حتى واحد
ونتي شوفي وليدك بعينيك نتي مش بعينين المجتمع
ووليدك أكيد كيكبر راح يفخر بيك و يرفع لك راسك
وأختي @دعاء الجنات مشكورة على الإشارة
والسلام عليكم

اختي الغالية في موضوعي منقصدش ابني انما هو رسالة تنوب على بقية المرضى اللازم نهدروا عليهم و اللي ظروفهم قاسية انا و الحمد لله مننتضرش من الدولة بزاف كيعاد .عنده ربي و نطلب منه يحفظنا احنا والديه و نساعدوه قدر المستطاع انا نديه للاخصائية النفسية و الحركية عند الخاص و نحرمه نفسنا من حوايج بزاف باش نسلكه و هو غالي لكن اللي معندوش خلاص وين حقه و ين يروح ،يهدروا على حقوق الناس في العالم و هما ياكلوا حق المريض انتاعهم .هذا هو النفاق و الخيانة و الخبث الاقبح
اما حزني على ابني فكانت مرحلة و انتهت خاصة اني لما كنت في مرحلة الحمل الطبيبة نسالها تقول لي راه مليح و لا باس به و مبعد الوضع نتفاجأ هي صعيبة بزاف بصح كان الحمد لله و الشكر يرافق البكاء داىئما ،اما الناس يحبوه كامل بصح ميهزوهش

 

[زاد الرحيل]

السلام عليكم
سماوهم دوي الاحتياجات الخاصة وهوما محتاجين كلشيء

و عليكم السلام و رحمة الله و بركاته
عندك حق في كلامك و محرومين من كل شيئ
الله يمهل و لا يهمل

 

[sanaya]

اختي الغالية في موضوعي منقصدش ابني انما هو رسالة تنوب على بقية المرضى اللازم نهدروا عليهم و اللي ظروفهم قاسية انا و الحمد لله مننتضرش من الدولة بزاف كيعاد .عنده ربي و نطلب منه يحفظنا احنا والديه و نساعدوه قدر المستطاع انا نديه للاخصائية النفسية و الحركية عند الخاص و نحرمه نفسنا من حوايج بزاف باش نسلكه و هو غالي لكن اللي معندوش خلاص وين حقه و ين يروح ،يهدروا على حقوق الناس في العالم و هما ياكلوا حق المريض انتاعهم .هذا هو النفاق و الخيانة و الخبث الاقبح
اما حزني على ابني فكانت مرحلة و انتهت خاصة اني لما كنت في مرحلة الحمل الطبيبة نسالها تقول لي راه مليح و لا باس به و مبعد الوضع نتفاجأ هي صعيبة بزاف بصح كان الحمد لله و الشكر يرافق البكاء داىئما ،اما الناس يحبوه كامل بصح ميهزوهش

صراحة نكبر فيك اهتمامك بالأطفال من نفس الفئة ونا نسميهم أطفال الإرادات الفولاذية لأنو كنجزوا حاجة ككبروا يتعبوا معاها كتر من الطفل السليم وهذا دليل على أنو عندهم إرادة قوية
و صراحة كبرت فعيني كقلت ماكيش على وليدك راك على الفئة كامل
ملڨري نجمت تدي وليدك للخاص راكي تخمي فلخرين مقلتيش وليدي نداويه ولخرين لاهي سهل
ماشاء الله الشي هذا يبين أنك إنسانة متخممش غير فروحها بلعكس ترفد هم المحرومين كامل
وهذي صفة رائعة نحييك عليها
وربي يعطيك على قد نيتك الصافية