حملة رمضان أطهر ، أخف ، أجمل

[nina2tessy]

:Love:سلام يا احلى بنوتات :Love:
يا رمضان
عدت الينا بالانوار
تحمل معك بشرى ليل نهار
لتذكرنا فعل البر و حب و الناس
و أن الله هو الغفار
نحب هاد الأنشودة ياسر
مممم نينا ادخلي في الموضوع
يا اختي انا قبيلة قاعدة و تفكرت بلي جاي رمضان .... نبانلكم مهبولة بصح و الله غير نفرح كي يجي
جيت نشوف قداه مزال باه يجينا
لقيت مزال 47 يوم
47 يووووووم وقت كافي و وافي
نتجهز ليه و نجدد فيه نفسي باه كي يجيني نكون واجدة 100 بالمئة و ندي الحسنات لي نقدر عليها الكل
هاه ، داخلين ماراطون ، تع 30 يوم ، غمضي عين حلي عين تلقاي جا العيد و انتي ما ساتفدتي منو والو :X3::X3:

ايا قلت علاه منديروهاش كيف كيف
حملة
نسميوها
احم احم
رمضات أطهر...... يعني رح نديرو برنامج استغفار و مداومة على صلاة الفجر و و ورد قرآن و علاه لا نخصصو سورة نحفظوها (نقلكم من درك حابة نحفظ النور شكون معايا ) :Love::Love:
رمضان أخف ..خخخخخ يا دبدوبات افهموا رواحيكم ، يالله لازم تنقصي شوية و تقوي الجسم تاعك باه تقدري تصومي .... نديرو رجيم كيف كيف :p:p
رمضان أجمل ... نديرو روتين عناية بالبشرة و لشعر و الأظافر و ...و ....وو ...
ايا شكون معايا ؟؟؟
ولا وحدي ؟
و يا ربي تقراو و تروحو .... نتغشش عليكم ( نزعف ، نغضب يعني ) و منزيد نحط والو

و الا عندكم كاش فكرة زيدو قولولي
مبقاش الوقت ، قيس يومين نلمو رواحينا و نبداو
حاليا كاين بنات من منتدى آخر
و بنات من مجموعة تع فايسبوك
وش رايكم كون نتلمو الكل في مجموعة وحدة
هكا نحط الوصفات تع التجميل و ريجيم و التمارين و النصائح
و التذكير تع الورد القرآني في مكان واحد
و رح تكون أسهل نكبرو الدائرة تاعنا و ندعيو أكبر عدد من البنات
رح نبداو بحملة فجرية لبنات
صلااااة الفجر
لي حابة تصبح تشخر نديروها القلب و نوضوها
ايه و قولولي وش من سورة حابين تحفظوا باذن الله نفتحوا حلقة تسميع في السكايب
بصح لازم نتفاهموا
ولازم تفاعل كبيييييييييير
يا مغييييث أغثنا :Love:

​

 

[Malika Tlm]

السلام عليكم
اللهم بلغنا رمضان لا فاقدين ولا مفقودين يارب
ربي يجازيك ختي الالتفاتة الطيبة
ايه حاجة مليحة هذي
تعرفي انا نموووووت علي رمضان ونحب قيام الليل وتلاوة القران والصدقات ووووو ربي يقدرنا يارب يارب
ويحيروني لي حاسبين رمضان نتاع اكل وسهر وغناء ووو ربي يهدينا ويهديسهم
ربي يوفقك ختي
فكرة هااايلة
تحياتي

 

[nina2tessy]

السلام عليكم
اللهم بلغنا رمضان لا فاقدين ولا مفقودين يارب
ربي يجازيك ختي الالتفاتة الطيبة
ايه حاجة مليحة هذي
تعرفي انا نموووووت علي رمضان ونحب قيام الليل وتلاوة القران والصدقات ووووو ربي يقدرنا يارب يارب
ويحيروني لي حاسبين رمضان نتاع اكل وسهر وغناء ووو ربي يهدينا ويهديسهم
ربي يوفقك ختي
فكرة هااايلة
تحياتي

شكرا لك حبيبتي على مرورك العطر
ان شاء الله لازم نوجدوا رواحينا مليييييييييييح خاطر مستحيل انك تقومي 30 يوم كون متكونيش موالفة من قبل
سمعت مرة شيخ قال بلي شهر شعبان تربص لشهر رمضان يعني تقول عندك ماتش و راك تتدرب
ان شاء الله هادي تكون تغير ليا و لكلللل البناااات
يخي معانا ؟؟؟
نزعف كون متجيش

 

[Malika Tlm]

شكرا لك حبيبتي على مرورك العطر
ان شاء الله لازم نوجدوا رواحينا مليييييييييييح خاطر مستحيل انك تقومي 30 يوم كون متكونيش موالفة من قبل
سمعت مرة شيخ قال بلي شهر شعبان تربص لشهر رمضان يعني تقول عندك ماتش و راك تتدرب
ان شاء الله هادي تكون تغير ليا و لكلللل البناااات
يخي معانا ؟؟؟
نزعف كون متجيش

السلام عليكم
راني معاكم ختي باذن الله
ربي يقدرنا ويوفقنا يارب
مشكورة حبيبتي
ربي يجازيك

 

[GI Joe]

w l 9raya kifeh ?? hada win bdina 2 eme semestre sema suur yahkem 3lina ramdhan kamel f la cité, manekdhebch 3lik nweli rgued w technef f la classe w shhor w manessaherch
en tt cas nchallah dirouli l guelb nodh 3la slat l fadjr w 3 habat tmar khir men walou

 

[السلطانة]

وعليكم السلام ورحمة الله وبركاته الله بلغنا رمضان لافاقدين ولامفقودين
يعطيك الصحة اختي لطرحك هذ الفكرة
لازمنا حملة لهذا الشهر المبارك روحية ونتسابقو للاجر
وياريت الاخوات ينورونا
وياريت انتي كذلك
ان شاءلله راني معاكم

 

[nina2tessy]

ما شاء الله الفوج بدا يكبر
لازم نلقاولو اسم
و ان شاء الله يكون نفس التفاعل في الحملة
رح نفتح مجموعة على الفايسبوك باه يكون التواصل اسهل و في كل مرة نحط موضوع على المنتديات

 

[nina2tessy]

w l 9raya kifeh ?? hada win bdina 2 eme semestre sema suur yahkem 3lina ramdhan kamel f la cité, manekdhebch 3lik nweli rgued w technef f la classe w shhor w manessaherch
en tt cas nchallah dirouli l guelb nodh 3la slat l fadjr w 3 habat tmar khir men walou

mdrrr wallah ghir sa7 , bessa7 lazem ndiro lguelb lba3dana
dork rana nwejdo lih bark
ana tani na9ra fe la fac , et au pire , specialité chwi s3iba
et biensure ra7 ndir 7wayej ta9der temchi m3a le9raya
nchallah rabi i3wana , khater kon tesnay 7atan telgay wa9t beh diri 7aja 3omrek ma ra7 diri
lazm nti takhl9i lwa9t
bon courage

 

[السلطانة]

ما شاء الله الفوج بدا يكبر
لازم نلقاولو اسم
و ان شاء الله يكون نفس التفاعل في الحملة
رح نفتح مجموعة على الفايسبوك باه يكون التواصل اسهل و في كل مرة نحط موضوع على المنتديات

بالنسبة للفايس بووك يعتبر ممنوع وضعه في المنتدى اختي لأنه يعتبر اشهار وهو مخالف لقوانين المنتدى
ان كنتي تودين التحضير للحملة فتفضلي بذلك مع الاخوات
ويمكن ان تطلبي تصميم فواصل وتصاميم خاصة بشهر رمضان هنا
ركن إستفارات وطلبات التصميم [2D]

 

[Djaouida]

سلام عليكم ورحمة الله تعالي وبركاته
طبعا انا راني معاكم في هادي لفكرة
نشالله يدخل علينا بالصحة ولهنا

 

[cosette]

السلام عليكم
ربي يبلغنا رمضان
معكن

 

[nina2tessy]

آمين حبيباتي شكرا لكم جميعا
و ان شاء الله نبداو في أقرب وقت

 

[Soumia hadj mohammed]

السلام عليكم اختاه
ايييه قرب رمضان الشهر الرائع على الاطلاق ويارب بلغناه وارزقنا طول العمر
فكرة مليحة اختي
لكن بخصوص الحثظ لو تنظمين الينا راه عندنا اسبوع من لي بدينا
ربي يحغظك ختي

 

[آمِيْرَتُه]

السلام عليك
جزاك الله خيرا
إن شاء الله الآخوات يشاركونا الآفكار من آجل رمضان أطهر

 

[الفجر الساطع]

سلام أخواتي
كيف حالكن مع التجهيزات الروحية لشهر رمضان