- إنضم
- 24 ديسمبر 2016
- المشاركات
- 5,056
- نقاط التفاعل
- 15,517
- النقاط
- 2,256
- العمر
- 39
- محل الإقامة
- فرنسا الجزائر وطني
السلام عليكم و رحمه الله تعالى وبركاته
إخوتي أخواتي الكرام وأولاد الاكارم أحييكم أينما كنتم بتحية طيبة ،وعطور ورود ندية بندى الصباح النقي على حوافها .
بعد المقدمة المعطرة أضنكم شممتم رائحة الياسمين؟ قولو: نعم
جميل .... وضرك ندخل فالموضوع اللي عندي بزاف وأنا حاب نكتبو وما صحليش الوقت للأسف .
راجل ثري عندو أطيان وأراضي وأملاك وعندو عبيد ،العبيد عاطيلهم حقوقهم ،الشهرية مليحة ،الدار يسكنهم مليح أولادهم يقريهم ومتليلهم في صحتهم كامل والماكلة ياكلو مليح ميش كيما هو بصح مليح على الاقل خير من عبيد أخرين .
بصح واش يخدمو الخدمة الصعيبة ،وما عندهمش الحق فالمعارضة ولا إبداء الرأي في نفوسهم وواش يمدلهم سيدهم ياكلو واللي حب يتحرر يتحرر رايح يعيش برا متمرمد ويحفر الصخر باه ياكل بصح يبقى اسمو حر في النهاية ووين يحب يروح يروح ،وواش يحب يدير يدير بدون ضغوط.
وكل واحد في هاذي الدنيا وين يحب يعيش يحط روحو مع قناعات شخصية وضروف حتمية طبعا.
فرانسا حلم للشباب وللشابات في العالم العربي ،ويحبوها ويتمناو يعيشو فيها لاخاطر تمد الحقوق وما تخليش الزوالي يموت من الجوع ،وتداوي المريض باطل حتى وما عندوش الدراهم ولا التأمين.... ضربت على الصحيح أكيد أي واحد في هذا العالم وين يلقى الاستقرار المادي يرتاح ووين يلقى الناس تتعامل معاه كبشر يرتاحلهم هاذي ما نقدروش ننفيوها عقلانيا .
وبلداننا ضربو على الراشي ضربو على البلا بلا وخلاو البشر تضيع وتهرب من بلدانها لبلاد غيرهم طمعا في دوا لاولادهم ولا ليهم طمعا في خدمة ولو كانت بسيطة بصح فيها يعامل كإنسان .......... وبلداننا حكامها سرقو ونهبو وما خلاو والو لولاد بلادهم.
هاذي هي هدرة الاغلبية من العرب اللي يحب يهرب من بلادو واللي يحب فرانسا.
وأنا كمقيم فيها (لعل الله وضعني هنا بعقليتي هذه لغرض ما الكل يقول لي مكانك في وطنك وليس هنا لأنني كثير النقد لحال الناس هنا ) ومجرب فيها ما نقولش مجرب كثر من ناس .... بصح مجرب على قدي ،نحاول نكون مراسل ليكم هنا وننقلكم اخبار وحقائق واقعية بالاك واحد ما يجرأ يحكيهم ما كانش اللي يغالطني فيهم لأني نشوف فيهم كل يوم قدامي.
فرانسا تداوي الامراض يا ترى هل هذا صحيح؟ بالنسبة ليا أنا وواش شفت عندهم منظومة صحية كبيرة وعالية الجودة من ناحية الدوا والوسائل.وعندهم أطباء ما شاء الله وأغلبيتهم أجانب أكثر من الفرنسيين وخاصة الاطباء المغاربة والجزائريين والتونسيين، لا علينا نقولو عطاتلهم حقوق واستعرفت بيهم كثر من بلادهم، بصح لا لا ميش هاذا هو زعما طبيب يجي من بلادو ويحب يمارس مهنة الطب هنا مباشرة ياو لا لا يروح يشمخ الديبلوم ويشربو لازم يعاود
قرايتو من الباك
هاذو اللي راهم هنا يا طبا عاودو القراية يا زايد هنا وقرا هنا.
و الطبيب اللي يعيطولو هوما لازم يدير ستاج نتاع عام أو أكثر أو أقل الله أعلم المهم يعقب على تربص باه يقدر يخدم.
......................
المريض كبير السن يديرو عليه الدول المتقدمه تجارب جديد في الخفاء ومن تحت لتحت ،يعني مثلا يجي شيخ ومريض بالسرطان عافانا الله منو وإياكم يديوه يديرولو الاشعاعات ويعطيوه لواحد مبتدىء غير كيما تخرج من كلية الطب ويسيي فيه يفيزي مليح الخلايا السرطانية ولا لا لا وإذا مات من الاشعاعات يقولو كتلو السرطان .....
واحد الشيخ نعرفوه أب لأحد الاصدقاء عندو سرطان حنجرة ،سياو فيه الاشعاعات حتى ولا ما يقدرش يهدر ولا ياكل كانو قادرين يديرولو عملية ينحيو الخلايا السرطانية وياكل عن طريق ثقب في الرقبة ويعيش عادي ،بصح سياو فيه ودارولو ثقب في المعدة منين ياكل وما نقاوش الثقب حتى خمج ومات بعدها متأثر بالالتهابات في الثقب والحنجرة ،ونزيدكم هاذا ولادو راهم حذاه بناتو ما خلاوهش وراه دائما قتلوه قدام عينيهم وكي حبو يطالبو بسبب الوفاة قالولهم السرطان وحكمو مع بعضهم وقفلو القضية ،الله يرحمو مسكين.
................................
واحدة نعرفوها من بعيد ونروحو نزوروها تسكن بعيدة علينا عمرها خمسين سنة ماتت الله يرحمها، كانت عندها آلام في الرقبة راحت للطبيب قالها لازملك عملية في مدينة كبيرة وهي ما لازمها لا عملية لا والو .وهوما حابين يسييو واحد النظام جديد نتاع حدايد فالرقبة بدل العظام ،نحاولها عظام من رقبتها وبدلوهملها بحدايد ،ولات ما تقدرش تهز ذراعها اليمين عوقوهلها قرطولها عصب حسي ،وعاشت مع الآلام سنين عديدة وهي وحدها ما عندهاش الاولاد خلصو عليها خدامة تجيها الصباح تنظفلها كلش وتروح ،لا تعويض ولا مراعاة ولا شيء ،وفي يوم جات الخدامة الصباح لقاتها غارقة في دمها طاحت على راسها دخلولها الحدايد في راسها ماتت الله يرحمها.
شيء تقشعر منو الابدان كي تسمعو نزيدكم ولا ياسر ..... نزيدكم شويه لا خاطر هاذي الحوائج كاينة عندنا في بلادنا ولازم نحلو عينينا .
...........................................
الدوا اللي راهم يخدمو فيه دارو عليه تحقيقات لقاوهم يديرو فيه مواد مسرطنة والالمنيوم اللي ماهوش مليح للجسم نهائيا ... والبيوضة نتاع الدوا هوما اللي خلاو ه بيض من المفترض الدوا يأخذ لون المكون بصح كي شافو الناس تنفر من الالوان زعما الابيض باهي للعين ،راحو دارو مادة ترافيني ( raffiné) تبيض أو تنزع اللون كيما يديرو للفرينة والملح والسكر باه يوليو بيض
( بالمناسبة يا جماعة هاذو الثلاثة البيض أكل خطر في خطر مرافيين ما فيهم حتى فائدة زايديلهم مواد حذاري: هوما أصل الداء اللي يقدر يشري السكر البني والملح الرمادي والدقيق الكامل والفرينة الكاملة يعيش صحيح وما يحتاج حتى دوا)
إذا فرانسا تداوي وتخرب ،تحيي... بصح تجرب قبل وتقتل ابرياء قبل.
................................
الديباكين هو دوا يمدوه لأصحاب الصرع كي تجيهم نوبات الصرع الكبار والصغار ،وكانو يمدوه للمرا الحامل اللي عندها الصرع ويقولولها ما يدير والو للجنين ،وبعد عشرين سنة يعني اللي ولادهم في عمارهم تسعة عشر سنة أو أقل كامل عندهم التوحد أو تخلف طفيف في الانسجة الدماغيه وكي دارو الابحاث عرفو بلي الديباكين هي اللي دارت هاذا أكل ورفعت الامهات والاشخاص المعنيين دعاوى قضائية.
يعني داوي منا واخرب منا وما تهدرش لا خربت خلي نلقاو دوا واحد آخر ونسييو فيهم.
.............................
وهاذوك النسا اللي دارو عمليات تكبير الصدر وحطولهم في صدورهم قنابل موقوتة تاكللهم في اجسامهم ،دارتلهم السرطان دارتلهم التهابات خطيرة ضيعتلهم حياتهم بيها ،واكتاشفو أنو هاذوك اللي يحطوهملهم في صدورهم فيهم مادة مخدومة من البترول تدير كوارث.
.................................
فرنسا مخبر تجارب للأدوية راهم يكتاشفو فالدوا ويسييو فالناس وبعد سنوات يكتاشفو انهم غلطو ويقولوها وحدهم رانا غلطنا، وكاين أطباء وحوش يعتابرو الشيوخ والعجائز ما عندهمش روح وخلاص خلاصت حياتهم ويقدر يدير بيها واش يحب .
يا جماعة كاين وكاين هنا راه العجب صاري كون نكمل ،نبقى لغدوا وأنا نكتب .
يعطيكم الصحة كي قريتو الموضوع ،واتلاو في رواحكم واقراو الدوسي أي دوسي قبل ما تسنييو على أي واحد يدير عملية ، واتثقفو في الماكلة والدوا واقراو الورقة اللي تجي داخل العلبة نتاع الدوا ،وما تحطوش رواحكم لأي طبيب حتى تشوفو على الاقل ثلاث طبة ويقولولكم نفس الشيء.
لأنو ضرك مثلا ما عندك والو في المرارة ويقولك نحيهالك باه يدي الدراهم.
وهاذي فرنسا حلم الشباب هاذا جانب بارك مضلم منها مازال كاين جوايه مضلمة ياسر وبزاف حوايج إن شاء الله في مواضيع اخرى نسلط عليهم الضوء .
يعطيكم الصحة والعافيه واتلاو في رواحكم لأنو كي ما تتلاش في روحك ما كانش اللي علابالو بيك .
حنا نقراو ونتعلمو على صحتنا باه واحد ما يلعب عنا
معلومة أخيرة حذاري من كثرة ابتلاع الكورتيزون لأنو تسبب هشاشة العظام عند الشيخوخة والروماتيزم وتعطل الغدد وحوايج أخرى .....
وان شاء الله نكون فدتكم
تقبلو مني فائق الاحترام والتقدير
حلم كبير
إخوتي أخواتي الكرام وأولاد الاكارم أحييكم أينما كنتم بتحية طيبة ،وعطور ورود ندية بندى الصباح النقي على حوافها .
بعد المقدمة المعطرة أضنكم شممتم رائحة الياسمين؟ قولو: نعم
جميل .... وضرك ندخل فالموضوع اللي عندي بزاف وأنا حاب نكتبو وما صحليش الوقت للأسف .
راجل ثري عندو أطيان وأراضي وأملاك وعندو عبيد ،العبيد عاطيلهم حقوقهم ،الشهرية مليحة ،الدار يسكنهم مليح أولادهم يقريهم ومتليلهم في صحتهم كامل والماكلة ياكلو مليح ميش كيما هو بصح مليح على الاقل خير من عبيد أخرين .
بصح واش يخدمو الخدمة الصعيبة ،وما عندهمش الحق فالمعارضة ولا إبداء الرأي في نفوسهم وواش يمدلهم سيدهم ياكلو واللي حب يتحرر يتحرر رايح يعيش برا متمرمد ويحفر الصخر باه ياكل بصح يبقى اسمو حر في النهاية ووين يحب يروح يروح ،وواش يحب يدير يدير بدون ضغوط.
وكل واحد في هاذي الدنيا وين يحب يعيش يحط روحو مع قناعات شخصية وضروف حتمية طبعا.
فرانسا حلم للشباب وللشابات في العالم العربي ،ويحبوها ويتمناو يعيشو فيها لاخاطر تمد الحقوق وما تخليش الزوالي يموت من الجوع ،وتداوي المريض باطل حتى وما عندوش الدراهم ولا التأمين.... ضربت على الصحيح أكيد أي واحد في هذا العالم وين يلقى الاستقرار المادي يرتاح ووين يلقى الناس تتعامل معاه كبشر يرتاحلهم هاذي ما نقدروش ننفيوها عقلانيا .
وبلداننا ضربو على الراشي ضربو على البلا بلا وخلاو البشر تضيع وتهرب من بلدانها لبلاد غيرهم طمعا في دوا لاولادهم ولا ليهم طمعا في خدمة ولو كانت بسيطة بصح فيها يعامل كإنسان .......... وبلداننا حكامها سرقو ونهبو وما خلاو والو لولاد بلادهم.
هاذي هي هدرة الاغلبية من العرب اللي يحب يهرب من بلادو واللي يحب فرانسا.
وأنا كمقيم فيها (لعل الله وضعني هنا بعقليتي هذه لغرض ما الكل يقول لي مكانك في وطنك وليس هنا لأنني كثير النقد لحال الناس هنا ) ومجرب فيها ما نقولش مجرب كثر من ناس .... بصح مجرب على قدي ،نحاول نكون مراسل ليكم هنا وننقلكم اخبار وحقائق واقعية بالاك واحد ما يجرأ يحكيهم ما كانش اللي يغالطني فيهم لأني نشوف فيهم كل يوم قدامي.
فرانسا تداوي الامراض يا ترى هل هذا صحيح؟ بالنسبة ليا أنا وواش شفت عندهم منظومة صحية كبيرة وعالية الجودة من ناحية الدوا والوسائل.وعندهم أطباء ما شاء الله وأغلبيتهم أجانب أكثر من الفرنسيين وخاصة الاطباء المغاربة والجزائريين والتونسيين، لا علينا نقولو عطاتلهم حقوق واستعرفت بيهم كثر من بلادهم، بصح لا لا ميش هاذا هو زعما طبيب يجي من بلادو ويحب يمارس مهنة الطب هنا مباشرة
ياو لا لا يروح يشمخ الديبلوم ويشربو لازم يعاود قرايتو من الباك
هاذو اللي راهم هنا يا طبا عاودو القراية يا زايد هنا وقرا هنا.
و الطبيب اللي يعيطولو هوما لازم يدير ستاج نتاع عام أو أكثر أو أقل الله أعلم المهم يعقب على تربص باه يقدر يخدم.
......................
المريض كبير السن يديرو عليه الدول المتقدمه تجارب جديد في الخفاء ومن تحت لتحت ،يعني مثلا يجي شيخ ومريض بالسرطان عافانا الله منو وإياكم يديوه يديرولو الاشعاعات ويعطيوه لواحد مبتدىء غير كيما تخرج من كلية الطب ويسيي فيه يفيزي مليح الخلايا السرطانية ولا لا لا وإذا مات من الاشعاعات يقولو كتلو السرطان .....
واحد الشيخ نعرفوه أب لأحد الاصدقاء عندو سرطان حنجرة ،سياو فيه الاشعاعات حتى ولا ما يقدرش يهدر ولا ياكل كانو قادرين يديرولو عملية ينحيو الخلايا السرطانية وياكل عن طريق ثقب في الرقبة ويعيش عادي ،بصح سياو فيه ودارولو ثقب في المعدة منين ياكل وما نقاوش الثقب حتى خمج ومات بعدها متأثر بالالتهابات في الثقب والحنجرة ،ونزيدكم هاذا ولادو راهم حذاه بناتو ما خلاوهش وراه دائما قتلوه قدام عينيهم وكي حبو يطالبو بسبب الوفاة قالولهم السرطان وحكمو مع بعضهم وقفلو القضية ،الله يرحمو مسكين.
................................
واحدة نعرفوها من بعيد ونروحو نزوروها تسكن بعيدة علينا عمرها خمسين سنة ماتت الله يرحمها، كانت عندها آلام في الرقبة راحت للطبيب قالها لازملك عملية في مدينة كبيرة وهي ما لازمها لا عملية لا والو .وهوما حابين يسييو واحد النظام جديد نتاع حدايد فالرقبة بدل العظام ،نحاولها عظام من رقبتها وبدلوهملها بحدايد ،ولات ما تقدرش تهز ذراعها اليمين عوقوهلها قرطولها عصب حسي ،وعاشت مع الآلام سنين عديدة وهي وحدها ما عندهاش الاولاد خلصو عليها خدامة تجيها الصباح تنظفلها كلش وتروح ،لا تعويض ولا مراعاة ولا شيء ،وفي يوم جات الخدامة الصباح لقاتها غارقة في دمها طاحت على راسها دخلولها الحدايد في راسها ماتت الله يرحمها.
شيء تقشعر منو الابدان كي تسمعو نزيدكم ولا ياسر ..... نزيدكم شويه لا خاطر هاذي الحوائج كاينة عندنا في بلادنا ولازم نحلو عينينا .
...........................................
الدوا اللي راهم يخدمو فيه دارو عليه تحقيقات لقاوهم يديرو فيه مواد مسرطنة والالمنيوم اللي ماهوش مليح للجسم نهائيا ... والبيوضة نتاع الدوا هوما اللي خلاو ه بيض من المفترض الدوا يأخذ لون المكون بصح كي شافو الناس تنفر من الالوان زعما الابيض باهي للعين ،راحو دارو مادة ترافيني ( raffiné) تبيض أو تنزع اللون كيما يديرو للفرينة والملح والسكر باه يوليو بيض
( بالمناسبة يا جماعة هاذو الثلاثة البيض أكل خطر في خطر مرافيين ما فيهم حتى فائدة زايديلهم مواد حذاري: هوما أصل الداء اللي يقدر يشري السكر البني والملح الرمادي والدقيق الكامل والفرينة الكاملة يعيش صحيح وما يحتاج حتى دوا)
إذا فرانسا تداوي وتخرب ،تحيي... بصح تجرب قبل وتقتل ابرياء قبل.
................................
الديباكين هو دوا يمدوه لأصحاب الصرع كي تجيهم نوبات الصرع الكبار والصغار ،وكانو يمدوه للمرا الحامل اللي عندها الصرع ويقولولها ما يدير والو للجنين ،وبعد عشرين سنة يعني اللي ولادهم في عمارهم تسعة عشر سنة أو أقل كامل عندهم التوحد أو تخلف طفيف في الانسجة الدماغيه وكي دارو الابحاث عرفو بلي الديباكين هي اللي دارت هاذا أكل ورفعت الامهات والاشخاص المعنيين دعاوى قضائية.
يعني داوي منا واخرب منا وما تهدرش لا خربت خلي نلقاو دوا واحد آخر ونسييو فيهم.
.............................
وهاذوك النسا اللي دارو عمليات تكبير الصدر وحطولهم في صدورهم قنابل موقوتة تاكللهم في اجسامهم ،دارتلهم السرطان دارتلهم التهابات خطيرة ضيعتلهم حياتهم بيها ،واكتاشفو أنو هاذوك اللي يحطوهملهم في صدورهم فيهم مادة مخدومة من البترول تدير كوارث.
.................................
فرنسا مخبر تجارب للأدوية راهم يكتاشفو فالدوا ويسييو فالناس وبعد سنوات يكتاشفو انهم غلطو ويقولوها وحدهم رانا غلطنا، وكاين أطباء وحوش يعتابرو الشيوخ والعجائز ما عندهمش روح وخلاص خلاصت حياتهم ويقدر يدير بيها واش يحب .
يا جماعة كاين وكاين هنا راه العجب صاري كون نكمل ،نبقى لغدوا وأنا نكتب .
يعطيكم الصحة كي قريتو الموضوع ،واتلاو في رواحكم واقراو الدوسي أي دوسي قبل ما تسنييو على أي واحد يدير عملية ، واتثقفو في الماكلة والدوا واقراو الورقة اللي تجي داخل العلبة نتاع الدوا ،وما تحطوش رواحكم لأي طبيب حتى تشوفو على الاقل ثلاث طبة ويقولولكم نفس الشيء.
لأنو ضرك مثلا ما عندك والو في المرارة ويقولك نحيهالك باه يدي الدراهم.
وهاذي فرنسا حلم الشباب هاذا جانب بارك مضلم منها مازال كاين جوايه مضلمة ياسر وبزاف حوايج إن شاء الله في مواضيع اخرى نسلط عليهم الضوء .
يعطيكم الصحة والعافيه واتلاو في رواحكم لأنو كي ما تتلاش في روحك ما كانش اللي علابالو بيك .
حنا نقراو ونتعلمو على صحتنا باه واحد ما يلعب عنا
معلومة أخيرة حذاري من كثرة ابتلاع الكورتيزون لأنو تسبب هشاشة العظام عند الشيخوخة والروماتيزم وتعطل الغدد وحوايج أخرى .....
وان شاء الله نكون فدتكم
تقبلو مني فائق الاحترام والتقدير
حلم كبير
آخر تعديل:
