يجوز لك ان تكذب كذبة افريل

[الامين محمد]

السلام عليكم احبابي في اللمة العزيزة
قبل ما نبدا ميضوعي نخبركم راني وقعت عقد اشهار
مع شركة باش نعمل ليها اشهار في مواضيعي
الاشهار
بانش بانش و المراقب ما بانش ههههههههههههه قهوة حلومة و خلاتنا مع الهمومة ههههههههههه


أحم أحم
نرجع للميضوع ياااا خاوتي و عليييييييكم

رانا في افريل او ابريل و هاذ الشهر تكثر عليه الغتبة و كامل الناس تصبح
ملتزمة و متدينة و يصبحوا علماء دين في يوم واحد فقط
و كل العباااد تحكي على كذبة ابريل

كل المنتديات و الفيسبوكات و المساجد و الطرقات و القنوات و القنوتات ( جمع قنت )
تحكي و تقول و تفتي و تخبر و تحذر من كذبة ابريل
و كأـن من كذب كذبة واحدة في ابريل باع البلاد أو حرق العباد


يا خاوتي ما راكم تلاحظو ان الناس راهي تكذب في العام كامل
و في كل لحظة و ثانية و مكانش اللي فتى ليهم

او بالأحرى ما صراتش عليهم ضجة

و هوما نفسهم هادوك الكذابين يطلعوا علينا بالتحذيرات
من كذبة ابريل

ايمالا ما نكذبش في الأول أبريل و من بعد نقدر نكذب معليش مثلا

واحد نهار واحد السيد سأل الامام و قال ليه الخمر قداش من يوم يصبح حرام قبل رمضان:X3:
ا أعتقد الخمر يصبح حرام بحوالي 11 شهر قبل رمضان و باقي الأيام يصبح حلال

واحد النهار كنت مضطر نسافر مع واحد زعمة ملتزم
مبدئيا انا اترحت ليه لأنه ملتزم قلت رايح يذكرني بالله و بالتقصير و بالسنن المهجورة
كنت مسافر باش ندفع ملف توظيف و الأخ رايح يبحث عن ترقية في منصبه لأنه كان موظف

المهم أخذت معايا فلوس قلت هي فرصة نشري لوليدي اسلام لباس الختان
و نشري بعض الضروريات لزوجتي الحبيبة:Love:

باختصار و من الأخير رجعت للبيت بلا فلوس و بدون كسوة و بدون هدية حبيبتي
و السيد و الله ما خرج ألف فرك
حتى اني ظنيت انه ما هوش حامل معاه فلوس
كل القهاوي و الأتيايات و السيارات و الفطور من عندي

لكن طلعت غالط
الأخ لما وصلنا للقرية ديالنا قالي نروحو عند اسي محمد ( سي محمد عندنا جزار )
و نكملوا طريقنا
ايمالا لما وصلنا عند الجزار قال ليه عطيني كيلوا غنمي ما يكونش مشحم
سي محمد عمل الواجب و اخبره بالمبلغ
في هاذ اللحظة قريب دخت المرافق نتاعي جبد من جيبه حوالي اربع ملايين سنتيم
و قال لي عيب انا فطرت باللحم و اولادي ما ياكلوش عيب لازم نكون عادل
هههههههههههههههههههههههههههههههههههههههههههههههههههه
ياااااا روحه امك و أبوك فعلا لازم تكون عادل
و انا من صباح و انا نخدم عليك حتى فطوره انا سلكته
لا اله الا الله

يعني الحرام حرام ماهوش حرام غير لما حنا نشوفوه او لما تبان لينا
يعني مزاجية و بتصرف

الامين محمد
سلااام

 

[شاعرة الأمل]

سلام الله عليكم ورحمته وبركاته
واش راك اخويا امين لاباس
ايه حتى نتا وليت تدير الاشهارات مليح عجبني هداك تاع بنش و المراقب مبانش هههه
نولو لموضوعك ايه وللاسف شعبنا عندو الكذب حرام غي في افريل
الاشهر لخرين وليامات كامل اكذب كما شئت وبقدر ماشئت
راهم يفلحوه الكذب والله الواحد ماعاد يأمن الناس كي تهدر عاد عندهم موضة على ما اعتقد
ربي يهدي ماخلق ويبعد علينا هاد الشر..
وعلى داك خيواني راهم بزاف منهم ونتا لازمك تشد يدك شوية ..ولا تجعل يدك مغلولة الى عنقك ولا تبسطها كل البسط ..يعني ماتكلفش روحك اكثر من اللازم
ربي يهنيك خويا محمد ويحفظك ويحفظلك اسرتك
وربي يهدينا ويهدي كل المسلمين ويثبتنا على السراط المستقيم ...
مشكور على الموضوع تقبل مروري
سلام

 

[دعاء الجنات]

ايمالا ما نكذبش في الأول أبريل و من بعد نقدر نكذب معليش مثلا

هههههه عجبتني هاذي ،

كذبة ابريل صاريلها كيما عيد الحب لما يوصل يبداو يقولو بلي حرام ويفتيو وتقليد للنصارى ، وهو في الاصل عيد الحب وتقليد النصارى موجود دايما وفي كل دقيقة وكل ساعة بصح كي يوصل 14فيفري يبداو في الهدرة مجتمع فارغ شغل يستنا غير لحاجة لي يحكو عليها الناس ويديرها كوبي كولي في حصتو او الصفحة تاعو مجتمع فارغ عقليا -الا من رحم الله-

 

[الامين محمد]

سلام الله عليكم ورحمته وبركاته
واش راك اخويا امين لاباس
ايه حتى نتا وليت تدير الاشهارات مليح عجبني هداك تاع بنش و المراقب مبانش هههه
نولو لموضوعك ايه وللاسف شعبنا عندو الكذب حرام غي في افريل
الاشهر لخرين وليامات كامل اكذب كما شئت وبقدر ماشئت
راهم يفلحوه الكذب والله الواحد ماعاد يأمن الناس كي تهدر عاد عندهم موضة على ما اعتقد
ربي يهدي ماخلق ويبعد علينا هاد الشر..
وعلى داك خيواني راهم بزاف منهم ونتا لازمك تشد يدك شوية ..ولا تجعل يدك مغلولة الى عنقك ولا تبسطها كل البسط ..يعني ماتكلفش روحك اكثر من اللازم
ربي يهنيك خويا محمد ويحفظك ويحفظلك اسرتك
وربي يهدينا ويهدي كل المسلمين ويثبتنا على السراط المستقيم ...
مشكور على الموضوع تقبل مروري
سلام

ايييه بانش بانش و المراقب ما مابانش هههههههههه
أهلا بشاعرتنا شفتي العجب كيف
الكذب اصبح حرام في يوم واحد و باقي الايامات يجوز الكذب و الهف
الله يهدينا

شكرا على طيب المرور

 

[الامين محمد]

ايمالا ما نكذبش في الأول أبريل و من بعد نقدر نكذب معليش مثلا

هههههه عجبتني هاذي ،

كذبة ابريل صاريلها كيما عيد الحب لما يوصل يبداو يقولو بلي حرام ويفتيو وتقليد للنصارى ، وهو في الاصل عيد الحب وتقليد النصارى موجود دايما وفي كل دقيقة وكل ساعة بصح كي يوصل 14فيفري يبداو في الهدرة مجتمع فارغ شغل يستنا غير لحاجة لي يحكو عليها الناس ويديرها كوبي كولي في حصتو او الصفحة تاعو مجتمع فارغ عقليا -الا من رحم الله-

ايه و الله عندك حق اللتقليد شفناه غير في هذو يومين اما باقي الأيام
لاعليك يجوز
لا حول و لا قوة الا بالله

شكرا دعاء مرورك تووووووووووووب
تحياتي

 

[العَنْقَاءُ]

هههه ياو نسيت كامل أفريل
وبشار الأسد عندما ضربهم بالكيمياوي قالهم لا تصدقوا الإعلام هيا مجرد كذبة أفريل حتي روسيا صدقتها والجزائر كذلك
واحد نهار واحد السيد سأل الامام و قال ليه الخمر قداش من يوم يصبح حرام قبل رمضان
أعتقد الخمر يصبح حرام بحوالي 11 شهر قبل رمضان و باقي الأيام يصبح حلال
سبحان الله لفت إنتباهي هذا كثيرًا الله رحيم جدًا
جعلها أربعين يوم رحمة بالسكير حتّي يبطل عادته في شرب الخمر
لأن السكير هنا مضطر بتركها أربعين ليلة ومن عادة الإنسان تتجدد دماءهُ ومعدته كلّ أربعين ليلة
حتي يتوقف عن عادته سبحان الله ويجعلها في الرمضان توبته وبدايته
يعطيك الصحة أمين ومثل ما قلت الحرام حرام والكذاب يبقي كذاب

 

[حلم كبير]

السلام عليكم ورحمة الله تعالى وبركاته
اخي الكريم يعطيك الصحة على موضوعك القيم وبارك الله فيك........

عجبتني هاذي نشري للولاد اللحم حرام عني ،شفت الطيبة الزايدة وين توصل ،والوقاحة وين توصل ،السيد دار روحو ميش متوله ليك يعني معاه وميش شايفك وخلصت عليه كلش ونسا ،والله قلة ادب وقلة مروءة

الكذب هو أسوأ صفة في البشر بها تتقطع علاقات وتتشرد اسر وتتفكك اواصر المحبة ،وما زال الرجل يكذب ويتحرى الكذب حتى يكتب عند الله كذابا.

انا عندي واحد من اقاربي الله يهديه قبل فوات الاوان ، يجي لهنا عطلة ساعات مثلا راني خرجت انا وهو نحوسو ......حوايج يحكيهم فالدار ما صراوش خلاص وانا معاه برا وكي نقولو وكت يقولي بالاك ما كنتش حاط ،(عيني عينك) تجيني البكية ما نلقى ما نقول نسكت وباه ما نحشموش نقول بالاك صرات... وخلي كوارث فالكذب كلش يقلب روحو هو بطل القصة مع أنها خاطياتو.
آه على الكذب وخاصة اللي معجون مع وقاحة زايدة ،يعني ميش يكذب عيني عينك برك وزيد الوقاحة ،والتجرأ على الحلف ....
الله يهدي خلقه .
بارك الله فيك
تقبل مروري من هنا مع فائق الاحترام والتقدير
حلم كبير​

 

[أم أُنٌَيسة]

السلام عليكم ورحمة الله تعالى وبركاته
اسعد الله اوقاتكم وملاها يمنا وبركة
عندك الحق فواش قلت اخي الكبير
لكن ليس الكل عقلهم فارغ
انا من الناس اللي تحذر من الوقوع في كذبة يوم افريل ،لانهم يتبعون فيه مجرد التقليد الاعمى
ولا اقصد بدلك ان الكذب في باقي الايام حلال
ولا اقول دلك لانه نحن كلنا مسلمون ونعرف حكم الكذب وعاقبته
اما اول يوم من افريل فهو مجرد تقليد لا يعرفون لا اصله ولا فصله ويقومون به كما يوم الحب و غيره من الخرافات والتفاهات
ارجو تقبل مروري
تحياتي احترامي وتقديري
في امان الله وحفظه​