البهادل الجزائرية

[الصحافية الساخرة]

• 

السلام عليكم جماعة ولا لمة و لا كيما قال "القذافي" ربي يرحموا زنقة زنقة , دار دار ..

و أختكم تقلبها قسم قسم , عضو عضو , مشرف مشرف , تاع الادارة ميبانوش خلونا منهم هههخخه

اوه نسيت (كاين مشرفين تان منعرف الى انقرضوا ولا المنتدى حابس علاجالهم هههه )


راني رجعت @Skor m@k العباد ضيقة عليهم و هوما يزيدوا يروحولك حتى التبسيمة تان بواحد المواهب

اه عفوا اسبدلها بكلمة "بهادل" اييييه "البهادل الجزائرية"

قولنا ألحان و عذاب معليش دوم دوم مع الاول تضحك خاصة اللي قالهم نشطحلكم رقصة "مايكل جاكسن"

مسكين الكوستيم كان كبر عليه و تخبل فيه هههههه

نرجعوا للبهادل الجزائرية عيش تنغم , دي زاد كوميدي شو خماج مخي علابلكم , قالك : تشبع ضحك

يااو شبعت زعاااااااااااااااااااااااااااااااااف حتى لجنة التحكيم قاعدين يحملوا فالزعاف مساكن و ذراع عليه

يضحكوا لواحد و لا زوج , والضحكة تخرج ميتة تالموا يتقياوها من الليستوما


واش كااين المخلوقة قاعدة تتلوى كي الحنش غير باش تضحك الناس ااه يما طفلة هناااا , زعما القدوة

تاعها "صالح اوغروت" , قلت سيير خليفة تاعه , اه حوجي طرطقتلي وذنيا بالعياط واااع اااااااااي ااااااااااااع

خرج عليك ياو هذي فيلم رعب يوسوسك

صفق اييه يصفقوا كرشه خارجة على الهامش و فيها تكمن موهبته , اضرب القدام زيد للجنب 1 2 3

شطحها هندي زيد قبايلي اها فيبري و تعجبك الحكام و الناس شافوها موهبة يا خيي يخرب كرشك قبل بيتك

واحد يعوج خليقته و يخلي سنة وحدة خارجة و يضحكلك اهشهشششاااه ولاخر يكريزي تخرج عروقو مع دمو

ويستناك تضحك هاهاهييي الشبعة قاتلتني تولي "مغموم حتى للتخمة"

و تزيد تسمعهم يقولوا بلي اكتشفنا موهبتنا منذ الصغر عفوا هذي غمة طاحت علينا و لوكان تظهروا

فالتلفزيون تغموا الناس و ديجا الجزايريين ينوضوا مشنفين فما أدراك كي يشوفوكم يولوا ياكلو مشنفين

يمشوا مشنفين , يقراو مشنفين , يخدمو مشنفين , يهدروا مشنفين و ينوضوا معقدين منرفزين

اناس الى شبعتوا مقروط ابعتوا لاختكم شوية أنا شبعت زعاف افففففففففففففففففففففففففففف




​

 

[Skor m@k]

السلام عليكم
عودة ميمونة للمواضيع ختي ههههه
أيا ممبعد نولي نرد على الموضوع ​

 

[الامين محمد]

ههههههههههههه الله يعطيك الخير يا مجرمة
نزيدكم حاجة و الله تذكرتها الآن
عندنا واحد و الله يصلي مكرز و مشنف
و كي يكون يصلي يخرجوا عروقه
تقول راه رافد اثقال
و كي يكمل الصلاة يفرح ههههههههههههههه
و كل ما جا يصلي نبقى نتأمل فيه
لليوم مانيش فاهم ماله
كاش نهار نسقسيه
خطراتش يجي في بالي نقول لي غولاشي غولاشي رخف روحك
و غيسبيغي مليح هههههههههههههه

 

[الصحافية الساخرة]

السلام عليكم
عودة ميمونة للمواضيع ختي ههههه
أيا ممبعد نولي نرد على الموضوع ​

و عليك السلام اه اعطيني الباز الذهبي ههه
مرسي اخويا انتظرك

 

[الصحافية الساخرة]

ههههههههههههه الله يعطيك الخير يا مجرمة
نزيدكم حاجة و الله تذكرتها الآن
عندنا واحد و الله يصلي مكرز و مشنف
و كي يكون يصلي يخرجوا عروقه
تقول راه رافد اثقال
و كي يكمل الصلاة يفرح ههههههههههههههه
و كل ما جا يصلي نبقى نتأمل فيه
لليوم مانيش فاهم ماله
كاش نهار نسقسيه
خطراتش يجي في بالي نقول لي غولاشي غولاشي رخف روحك
و غيسبيغي مليح هههههههههههههه

هههههههههههههههههههههههههههههههههههه ياا بلاك الارواح الشغيغة معاه وكي يذخل يصلي تتطاير منه فيرجع فرحان ههههه
مرسي على المرور
ومتنساش كي تسقسيه ترجع لاخواتك هنا تشرحلهم الحالة

 

[Skor m@k]

السلام عليكم
ههههه والى بعثولك شويا مقروط ماتنسايش خيك ... برك يكون معسل ههه
مشكلتنا حنا هي كل حاجة مملة وطلع لاطونسو ولاو يديروها فالقنوات
تكون زعما مليح تشوف البرامج يطيحلك المورال
على كل حال سمعت عليها الحصة هذي فاليوتوب بصح ماشفتهاش خخخخ
ضرك ماولاوش يقدرو يضحكو الشعب دارو عفسة يتبهللو برك
هذي هي يقولك كيما تقدرش تضحك الناس خرجها للعيب تولي مشهور
وعلاه خلاونا تبهدايل قد مراهم يديرونا حتى الواحد يحشم يشوفهم
حنا مابقالهمش بزاف ويخرجولنا للعيب هناك يولي الشعب يفرنح وغير لسانو خارج
سورتو مع الانتخابات هذو التلفزيو ماتشعلوش كامل
انا راني نشعلو غير نشوف ليماتش برك الله غالب التيليكوموند تصددت في البين سبور برك هههه
بكري الله الله مع كمال بوعكاز وصويلح وبيونة هناك كان الضحك
ولا منهار بداو جماعت جرنان القوسطو بدات التبهدايل معاهم
حتى ولينا مانقدروش نشوفو حصص تاعهم مع العائلة
ولات عندنا الفوبيا تاع البهادل والتبهديل
يعطيك الصحة ختي فاطمة ​

 

[السلطانة]

وعليكم السلام
يعني كون نجيو نشوفو نلقاو شعبنا كامل فنان
شعب كامل كلون ويحب الضحك هههه
مالا هاذو حبو برك يبرزو اكثر ويقولو عندنا مواهب دفينة وهي في الاصل اي عقليتهم هكا
شعب يحب يبان يضحك
تقبلي مروري

 

[باتنية و نص]

سلام عليكم

والله كل مندور فاليوتيوب يخرجولي لي فيديو تع هذا الحصة...وجامي دخلتلهم

باه ميهبطليش المورال
كما يقال : اذا عرف السبب بطل العجب
شوفي برك لجنة التحكيم تعرفي المستوى لي وصلنالو
بغض النظر عن مواهبهم وانا شخصيا حبيتهم بزاف في جرنان القوسطو

لكن نظن باش تقدر تحكم على الناس.. لازم تكون عندك خبرة سنوات
امثال صالح اوقرت...كمال بوعكاز....الخ
اعمدة الكوميديا

هي لبلاد رايحة فيها ...زادو كملت علينا بهاذ المهازل

 

[sanaya]

هههههههههه
الله غالب حنا شعب يقول للموهبة خرجي بدراع
معندوش موهبة يبدا يتفلسف و يهبل غير باش يضحك لخرين
المهم يعاند و خلاص
نفس الشخص لوكان تحطو فبلاصة أخرى راح ينجح ممكن و بامتياز
مصح حنا الله غالب
عاند عاند عاند
مليح الواحد يعاند فصوالح لملاح
مي باش يبهدلروحو و زيد يبهدلنا معاه لا
مي لوكان تجي ليا صراحة لوكان الشباب لقاو اللي يحضن مواهبهم و ينمي طاقاتهم في كل المجالات اللي يحبوها متكونش حالتهم هاك
سلام حنونة

 

[بشرى ملاك]

• 

السلام عليكم جماعة ولا لمة و لا كيما قال "القذافي" ربي يرحموا زنقة زنقة , دار دار ..

و أختكم تقلبها قسم قسم , عضو عضو , مشرف مشرف , تاع الادارة ميبانوش خلونا منهم هههخخه

اوه نسيت (كاين مشرفين تان منعرف الى انقرضوا ولا المنتدى حابس علاجالهم هههه )


راني رجعت @Skor m@k العباد ضيقة عليهم و هوما يزيدوا يروحولك حتى التبسيمة تان بواحد المواهب

اه عفوا اسبدلها بكلمة "بهادل" اييييه "البهادل الجزائرية"

قولنا ألحان و عذاب معليش دوم دوم مع الاول تضحك خاصة اللي قالهم نشطحلكم رقصة "مايكل جاكسن"

مسكين الكوستيم كان كبر عليه و تخبل فيه هههههه

نرجعوا للبهادل الجزائرية عيش تنغم , دي زاد كوميدي شو خماج مخي علابلكم , قالك : تشبع ضحك

يااو شبعت زعاااااااااااااااااااااااااااااااااف حتى لجنة التحكيم قاعدين يحملوا فالزعاف مساكن و ذراع عليه

يضحكوا لواحد و لا زوج , والضحكة تخرج ميتة تالموا يتقياوها من الليستوما


واش كااين المخلوقة قاعدة تتلوى كي الحنش غير باش تضحك الناس ااه يما طفلة هناااا , زعما القدوة

تاعها "صالح اوغروت" , قلت سيير خليفة تاعه , اه حوجي طرطقتلي وذنيا بالعياط واااع اااااااااي ااااااااااااع

خرج عليك ياو هذي فيلم رعب يوسوسك

صفق اييه يصفقوا كرشه خارجة على الهامش و فيها تكمن موهبته , اضرب القدام زيد للجنب 1 2 3

شطحها هندي زيد قبايلي اها فيبري و تعجبك الحكام و الناس شافوها موهبة يا خيي يخرب كرشك قبل بيتك

واحد يعوج خليقته و يخلي سنة وحدة خارجة و يضحكلك اهشهشششاااه ولاخر يكريزي تخرج عروقو مع دمو

ويستناك تضحك هاهاهييي الشبعة قاتلتني تولي "مغموم حتى للتخمة"

و تزيد تسمعهم يقولوا بلي اكتشفنا موهبتنا منذ الصغر عفوا هذي غمة طاحت علينا و لوكان تظهروا

فالتلفزيون تغموا الناس و ديجا الجزايريين ينوضوا مشنفين فما أدراك كي يشوفوكم يولوا ياكلو مشنفين

يمشوا مشنفين , يقراو مشنفين , يخدمو مشنفين , يهدروا مشنفين و ينوضوا معقدين منرفزين

اناس الى شبعتوا مقروط ابعتوا لاختكم شوية أنا شبعت زعاف افففففففففففففففففففففففففففف




​

على سلامتك حبيبة والله فرحت كي شفتك وليتي لعوايدك هاك نبغيك تكوني حتى حنا نكونو ملاح كي تكوني مليحة وتضحكي
يدوم فرحك ان شاء الله

 

[أم أُنٌَيسة]

السلام عليكم ورحمة الله تعالى وبركاته
هلا وسهلا فيكي ،عودة ميمونة باذن الله
موضوع مميز كالعادة
كانت كاينة صح حصة قهوة القوسطو ،موش جرنان القوسطو
كانت مليحة تعالج قضايا اجتماعية بطريقة فكاهية لكن ياحسراه
هنا وين يطيشو فدراهم الدولة وفي تهديم المنشات واعادة بناءها ومن بعد يطبقو سياية التقشف على الشعب
حتى الزوالي رجع ماعندو كيفاه يوكل ابناؤو وكاين ربي سبحانو
نسال الله الهداية لنا ولكل المسلمين
ارجو تقبل مروري
تحياتي احترامي وتقديري
في امان الله وحفظه​

 

[Djaouida]

وعليكم سلام ختي
وي ختي شعبنا اصلا معروف بلي خيوط ريسانهم مرخوفين يحبو غير ضحك و تبهليل ههه واكتاريت برامج لي يديروهم في قناوات تاع جزاير تلقاي غير تاع تبهليل و ضحك وتلاقي دايما عندهم شعبية كبير هنا تعرفي بلي شعب رايح فيها قااااااع انا منكدبش عليك منتفرجش لدو لي يقلو عليهم مواهب والله يقلبي يضرني لا استطيع ههههه ملي نشوفهم وانا نڨرش حتب نبدل لقناة ههه

 

[rycerz]

أنا لما بالصدفة نطيح في هاذيك الحصة نبدل القناة فالحين بالزرب بالزرب .. ههههههه .. بزّاف ما نيش قادر خلاص نشوف التعفاس نتاعهم و لو لثانية وحدة .. حتى هوما نفوسهم عارفين أنو تعفاس و مستوى منحط و بشع تماما لدرجة أنهم كلهم وجوهم يتعصّرو باش يخفو الإنزعاج المهين لي راهم فيه .. كلهم بالمشاركين بطاقم التنشيط و التحكيم بالضيوف و أكيد حتى المصورين و التقنيين
نروح نتفرّج تيليتابيس و ما نشوفهمش هوما​

 

[الصحافية الساخرة]

أنا لما بالصدفة نطيح في هاذيك الحصة نبدل القناة فالحين بالزرب بالزرب .. ههههههه .. بزّاف ما نيش قادر خلاص نشوف التعفاس نتاعهم و لو لثانية وحدة .. حتى هوما نفوسهم عارفين أنو تعفاس و مستوى منحط و بشع تماما لدرجة أنهم كلهم وجوهم يتعصّرو باش يخفو الإنزعاج المهين لي راهم فيه .. كلهم بالمشاركين بطاقم التنشيط و التحكيم بالضيوف و أكيد حتى المصورين و التقنيين
نروح نتفرّج تيليتابيس و ما نشوفهمش هوما​

هههههههههههههههههههههههههههههههههههه يحيا تيلتابيز "ثينكي وينكي بيبسي لا لا بوووف "

 

[الصحافية الساخرة]

وعليكم سلام ختي
وي ختي شعبنا اصلا معروف بلي خيوط ريسانهم مرخوفين يحبو غير ضحك و تبهليل ههه واكتاريت برامج لي يديروهم في قناوات تاع جزاير تلقاي غير تاع تبهليل و ضحك وتلاقي دايما عندهم شعبية كبير هنا تعرفي بلي شعب رايح فيها قااااااع انا منكدبش عليك منتفرجش لدو لي يقلو عليهم مواهب والله يقلبي يضرني لا استطيع ههههه ملي نشوفهم وانا نڨرش حتب نبدل لقناة ههه

هههههههههههه تبهليل يفوق التبهليل لتحت انا يكرهوني اوووففف

 

[الصحافية الساخرة]

السلام عليكم ورحمة الله تعالى وبركاته
هلا وسهلا فيكي ،عودة ميمونة باذن الله
موضوع مميز كالعادة
كانت كاينة صح حصة قهوة القوسطو ،موش جرنان القوسطو
كانت مليحة تعالج قضايا اجتماعية بطريقة فكاهية لكن ياحسراه
هنا وين يطيشو فدراهم الدولة وفي تهديم المنشات واعادة بناءها ومن بعد يطبقو سياية التقشف على الشعب
حتى الزوالي رجع ماعندو كيفاه يوكل ابناؤو وكاين ربي سبحانو
نسال الله الهداية لنا ولكل المسلمين
ارجو تقبل مروري
تحياتي احترامي وتقديري
في امان الله وحفظه​

وعليك السلام
ان شاء الله اختيتو ربي يهنيك
ونسأل الله الهداية لنا جميعا ياا رب
تحياتي انميتي

 

[rycerz]

هههههههههههههههههههههههههههههههههههه يحيا تيلتابيز "ثينكي وينكي بيبسي لا لا بوووف "

--​

هههههههه
أحياناا كي ما يجينيش النعاس ندير مسلسل التيليتابيس باش نرقد بيه
نستعملو كمهدئ بصري و سمعي ​

 

[الصحافية الساخرة]

--​

هههههههه
أحياناا كي ما يجينيش النعاس ندير مسلسل التيليتابيس باش نرقد بيه
نستعملو كمهدئ بصري و سمعي ​

هههههههههههههههههه مالا نسيي هذا الدواء الشافي _ههخخخ

 

[MAROUA HAIBER]

هههههه كاين اللي يضحك وكاين اللي يزعف كيما راكي تقولي
فالضحك فيف الوهارنة توووووب
وموضوع مليح للمناقشة والضحك
بصراحة ماكرهتش نشوف موضوعك سكاتش في التلفزيون
لكن يعتبر إهانة للكوميديا الجزائرية
وبالرغم من ذلك يمكنك ان تستعملي منهاجية التضحيك ههههه هذه في موضوع آخر لا يتمثل في إهانة أي برعم من براعم بلادنا الحبيبة

 

[الصحافية الساخرة]

هههههه كاين اللي يضحك وكاين اللي يزعف كيما راكي تقولي
فالضحك فيف الوهارنة توووووب
وموضوع مليح للمناقشة والضحك
بصراحة ماكرهتش نشوف موضوعك سكاتش في التلفزيون
لكن يعتبر إهانة للكوميديا الجزائرية
وبالرغم من ذلك يمكنك ان تستعملي منهاجية التضحيك ههههه هذه في موضوع آخر لا يتمثل في إهانة أي برعم من براعم بلادنا الحبيبة

هههههههههههه فيف اللمة من الشرق للغرب
يا اختي هذه ليست اهانة برك توصيل فكرة "متذخلش حاجة معندكش موهبة ولا شوي فيها " فررق بين تضَحّك الناس عليك و تُضْحِك الناس الاولى تبهليل يبهدل بالشخصية تاع الانسان والتانية حاجة مميزة فالانسان
مشكورة ختي على المرور