مغامرات استخراج رخصة السياقة

[Salah eddin]

السلام عليكم
خير عليكم يا ناس اللمة ..صحيتو وش حالكم و احوالكم ؟ ..وش الحالة راها راقدة هذي الايامات اه ؟
ايا انشطوا شوي و وجدو يديكم باه تبداو الرد على المواضيع و التفاعلات و الخ الخ...
كي العادة راكم عارفين بلي انا نهددر ياسر على امور الكواقط و الاوراق و الادارات و الوثاءق ..الخ ..الخ
و نتوما هذاك النهار قلتولي دير موضوع كبير ..ايا قلت و الله ما نخليها في خاطركم و نديرلكم موضوع كبير
ههه
الميهم ...نهدرو اليوم على البرمي ...او رخصة السياقة بالعربية
ههه
يا حسراه باه يخرج الواحد رخصة السياقة ...اييه وش لازم
ماناش نهدرو على ناس المعريفة و الرشوة ..هذوك راهم يخرجوه ثم ثم ..شد مد ...
رانا نهدرو على الانسان و المواطن البسيط كيما انا و بعضكم على خاطر راني عارف كاين فيكم الي عندهم المعريفة و ما كلاه نبدا نجبد فيكم بالواحد
ههه
راني نgسر برك ما يدخلكمش التوسويس
يا سيدي ...الواحد كي يعول يخرج البرمي ...هاهو يبدا بالدوسي ...المدار يروح للبلدية و يجيب معاه برويطة تاع كواقط و يزيد يجيب التصاوير و من بعد يروح يجيب الGروباج تاع الدم ..الخ
ايا راه كمل الملف
ايواه ..ضروك يحير في الصوارد منين يجيبهم ...اكيد مولاها راه يعود مزلوط و دورو ما يسعاهش
يروح يدبر من عند اصحابو و بني عمو و خاوتو و هاتلاش يلحق للزوج ملاين و خمسمية هذوك
يا صاحبي راها مقريبة هذي ...زوج ملاين يعصر روحو الواحد باه يطيح بيها
...
ايا راه جمل الملف و دبر الصوارد
ضروك يلحق الوقت الي يعgب فيه ...يعني يفوت الامتحان

هاهم في البداية يمدولو الكود ...المدار كي يعطوه الكود يبدا مخو يتعجر مع هذيك البلايك و الشقلالة و كذا و كذا و فوت ال60 و نقص تحت 80 و هاه.. و دونك... و عدك... و هنا كاين الجمال... و لهيه كاين الغنم تاع الحاج احمد .....هاه رد بالك ..عدك ..دونك ..ق ثم ...كذا منا ملهيه ...ياودي حكاية وش نقلكم

المهم ....الكود ساهل مش مشكل
ضروك يسقسيه لانجينيور على الكود و على بلاكة و لا اثنين و هي فرات
الامتحان الثاني يا مرحوم الوالدين ...هو الكلينو ...يعني يخليك تgاري الكروسة في مساحة ضيقة
و هنا يبدا الخبيط و المرض ..و القاشي هذي محنتو ...
نفوتو هذي و نلحق للماراشاريار ...هذا ثاني نقدرو نفوتو عليه على خاطر راني عييت من الكتيبة
في النهاية
و اذا نجحت و ما خسركش لانجينيور ...تدي واحد الكارطة نسموها * ليسي بيسي * هذا شبه برمي
و من بعد تدي البرمي الازرق ..تمشي بيه يا سيدي عامين
و من بعد يجير المربوح ...البرمي الاحمر يا جدك
ههه
و عاشوا سعداء
هههه
انتهت قصة استخراج البرمي
ايا روحو اجملوا دواساكم و ارواحو نخرجلكم البرمي بمليون برك و بدون رسوم
ههه
ايا بالعافية و السلام عليكم ​

 

[Salah eddin]

......................................​

 

[ليليا مرام]

سلام صلوح
يسا حسراه ويا الفنيان واش حبيت انت تسوق بلا بيرمي لعملك انا عندي بيرمي ودرتو زمان لما كان البيرمي قليل للمرا ونسوق عادي مالغري مريضة منين ذاك نسرق دورة فسيارة راجل اختي ويا سيدي جيت لحتى لعندكم وانا نسوق ايه يا صلاح شفت اني خير منك الطبيب لما يعرفني نسوق يدهش يقولي انت رجلك مازال ما طارت راكي هايلة عادي الكوراج وبرك
يا سي صلاح لاجينيور انا نحب يكون واعر وصارم ولا ذاك نتاع فوت وبرك يعني يا سي صلاح انو تدي البيرمي وديرو في جيبك مش كيما انو تخرج للطريق وتشوف العجب وسوقة المهابل الكود الجزائريين الكل يقراوه لمجرد القرايا وبعدو على ارض الميدان اللي حارق ستوب واللي يدوبلي فلالين خاطياتو اللي يحرق لالين كونتينو وخلي وخلي وما نحكوش جوايهكم واحد السوقة يجيب ربي يعني يا خويا لازم تفوت على كامل هذو باه تدي البيرمي وزيد دير سوايع باه تسوق ونزيدك انا نقول اللي ما عندوش طونوبيل ماكان لاه يشقى يديرو خاطر ما يجي يدير طونوبيل ينسى كل شي السوقة مداومة ولازم غير تكمل تسوق ولو سيارة خوك او سيارة الدار كلها على جال تمشي يدك فيها وسووووووور دقشها هههه اول مرة معناها اشري آر 4 وتعلم فيها دقدقها معليش
يا خويا هذي بلادنا لازم كل دوسي وتصبرلو والبيرمي امر ضروري تصبرلو لانو مش لعب واذا حبيت نعلمك مش مشكل راني نعرف سواقة ماهرة ما تخممش

 

[Salah eddin]

سلام صلوح
يسا حسراه ويا الفنيان واش حبيت انت تسوق بلا بيرمي لعملك انا عندي بيرمي ودرتو زمان لما كان البيرمي قليل للمرا ونسوق عادي مالغري مريضة منين ذاك نسرق دورة فسيارة راجل اختي ويا سيدي جيت لحتى لعندكم وانا نسوق ايه يا صلاح شفت اني خير منك الطبيب لما يعرفني نسوق يدهش يقولي انت رجلك مازال ما طارت راكي هايلة عادي الكوراج وبرك
يا سي صلاح لاجينيور انا نحب يكون واعر وصارم ولا ذاك نتاع فوت وبرك يعني يا سي صلاح انو تدي البيرمي وديرو في جيبك مش كيما انو تخرج للطريق وتشوف العجب وسوقة المهابل الكود الجزائريين الكل يقراوه لمجرد القرايا وبعدو على ارض الميدان اللي حارق ستوب واللي يدوبلي فلالين خاطياتو اللي يحرق لالين كونتينو وخلي وخلي وما نحكوش جوايهكم واحد السوقة يجيب ربي يعني يا خويا لازم تفوت على كامل هذو باه تدي البيرمي وزيد دير سوايع باه تسوق ونزيدك انا نقول اللي ما عندوش طونوبيل ماكان لاه يشقى يديرو خاطر ما يجي يدير طونوبيل ينسى كل شي السوقة مداومة ولازم غير تكمل تسوق ولو سيارة خوك او سيارة الدار كلها على جال تمشي يدك فيها وسووووووور دقشها هههه اول مرة معناها اشري آر 4 وتعلم فيها دقدقها معليش
يا خويا هذي بلادنا لازم كل دوسي وتصبرلو والبيرمي امر ضروري تصبرلو لانو مش لعب واذا حبيت نعلمك مش مشكل راني نعرف سواقة ماهرة ما تخممش

اهلا بالاخت ليليا
يا سيدي زارتنا بركة ...ههه...راكي اول من يرد على موضوعي هذا
هه
المهم ..صح ..الناس راهم يديرو البرمي و يقرو الكود و ينساوه ثمثم
و الله اعجب راه صاري في طرقنا ...الدوبلاج ...الناس تحرق الفو روج ...و ناس تحرق لالين كونتيني
و الله يستر برك و الكوارث تاع المرور ما نحكوش عليها بسبب الافراط في السرعة و التهور
لكن الله قالب ..شعب مقلق و منارفي ...
امالا راه عندك البرمي ...خلاص نتكل على ربي و عليك باه تعلميني ...ههه....
شكرا على مرورك ...بارك الله فيك
​

 

[ليليا مرام]

اهلا بالاخت ليليا
يا سيدي زارتنا بركة ...ههه...راكي اول من يرد على موضوعي هذا
هه
المهم ..صح ..الناس راهم يديرو البرمي و يقرو الكود و ينساوه ثمثم
و الله اعجب راه صاري في طرقنا ...الدوبلاج ...الناس تحرق الفو روج ...و ناس تحرق لالين كونتيني
و الله يستر برك و الكوارث تاع المرور ما نحكوش عليها بسبب الافراط في السرعة و التهور
لكن الله قالب ..شعب مقلق و منارفي ...
امالا راه عندك البرمي ...خلاص نتكل على ربي و عليك باه تعلميني ...ههه....
شكرا على مرورك ...بارك الله فيك
​

يااا ولوكان ما نردش عليك على شكون نرد يا صلوحي
يسلمك صلوح على بالي اهل الكرم والله شهادة حق
ايه المشكل فشعبنا ما يحترمش القانون وزيد يتكلو على معارفهم لما يطير البيرمي يجيبوه على هذا كل واحد يسوق على هواه
انت واش نوصيك حط بالك مليح الكود ساهل المهم السوقة فالطريق واحترام الكود ذاك هو الصح
ما عنديش مشكل انت جيبو وانا نعلمك تسوق عادي
العفو وفيك بارك الله

 

[Salah eddin]

يااا ولوكان ما نردش عليك على شكون نرد يا صلوحي
يسلمك صلوح على بالي اهل الكرم والله شهادة حق
ايه المشكل فشعبنا ما يحترمش القانون وزيد يتكلو على معارفهم لما يطير البيرمي يجيبوه على هذا كل واحد يسوق على هواه
انت واش نوصيك حط بالك مليح الكود ساهل المهم السوقة فالطريق واحترام الكود ذاك هو الصح
ما عنديش مشكل انت جيبو وانا نعلمك تسوق عادي
العفو وفيك بارك الله

صح ..الله يحفظك
ان شاء الله نجيب البرمي باسرع وقت
و السوافقة راني معاها بشوي بشوي
هه
اذا كاشما احتجت راني نجي ليك
ههه
راكي تعرفي
هه
الله يحفظك ​

 

[حلم كبير]

السلام عليكم و رحمه الله تعالى وبركاته

خويا صلاح يعطيك الصحة والعافيه وان شاء الله راك لاباس مع الجامعة
ههه راك ناوي على البرمي خويا بالربح نشالله
وما تنساش برويطة الكواقط ( عجبتني هاذي)ههههه
نسيت حاجة خويا صلاح الكتاب الصغير نتاع الكود تقعد عاقل في جيهة وتحفضو من طأطأ للسلام عليكم .

ولا سلفلك كاش واحد الطوموبيل نتاعو تعلمت فيها فالخلا راك منعت .
نشفى كي كنت نعقب فالبرمي ركبت مع الوالد نتاعي وهو قلقي بزاف خص غير يضربني وكي لحقت عند الباب نتاع القاراج حبستها بعد فوات الاوان دgيتها فالباب عوجتو وعينك ما تشوف إلا النور على الوالد نتاعي كيفاه طار فيا من هاذي المرة ما تزيدش تحط كراعك فيها والباب تخلصو بدراهمك ههههه وديg آت ياسر
لازم تعوج البيبان تعقب على البادن والحجر والعواد نتاع الشجر باه تتعلم ههههههههههه

ربي يوفقك خويا وتعقبو بخير وسلام

احترامي وتقديري
حلم كبير ​

 

[Salah eddin]

السلام عليكم و رحمه الله تعالى وبركاته

خويا صلاح يعطيك الصحة والعافيه وان شاء الله راك لاباس مع الجامعة
ههه راك ناوي على البرمي خويا بالربح نشالله
وما تنساش برويطة الكواقط ( عجبتني هاذي)ههههه
نسيت حاجة خويا صلاح الكتاب الصغير نتاع الكود تقعد عاقل في جيهة وتحفضو من طأطأ للسلام عليكم .

ولا سلفلك كاش واحد الطوموبيل نتاعو تعلمت فيها فالخلا راك منعت .
نشفى كي كنت نعقب فالبرمي ركبت مع الوالد نتاعي وهو قلقي بزاف خص غير يضربني وكي لحقت عند الباب نتاع القاراج حبستها بعد فوات الاوان دgيتها فالباب عوجتو وعينك ما تشوف إلا النور على الوالد نتاعي كيفاه طار فيا من هاذي المرة ما تزيدش تحط كراعك فيها والباب تخلصو بدراهمك ههههه وديg آت ياسر
لازم تعوج البيبان تعقب على البادن والحجر والعواد نتاع الشجر باه تتعلم ههههههههههه

ربي يوفقك خويا وتعقبو بخير وسلام

احترامي وتقديري
حلم كبير ​

اهلا خويا حليم
ههه
رالك تشوف ...هذاك النهار نحيت الكروسة تاع واحد جارنا ...ياو رقدتها واحد ال6 خطرات
ههه
القاشي شبعوا عليا ضحك
ههه
الله يجيب الخير و خلاص
هذاك صح ..الكود الواحد لازم يحفظو بالفا و النون ...
انا حاليا ما عنديش مشكل في السواقة ..بصح مولاها ربي
ندير ربي في البال و نسهل و خلاص
الله يحفظك خويا حليم ...بارك الله فيك ​

 

[أم أُنٌَيسة]

السلام عليكم ورحمة الله تعالى وبركاته
ربي يكون فعونك ان شاء الله اخي الكريم
اختي الصغيرة جابت البيرمي الازرق نهار الاحد برك
وانا لما قاللي بابا كي دخلت للجامعة قلتلو مانديرهش وحتى لو نديرو مستحيل نسوق مع المجانين تع الوقت هدا
نديرو في كادر ونخليه ههههههههههه
مع العلم نعرف نسوق ،سقت الطاكسي ديالنا مرة فالليل مورا بيتنا ههههههههههههههههه
بالتوفيق ان شاء الله
ارجو تقبل مروري
تحياتي احترامي وتقديري
في امان الله وحفظه​

 

[Salah eddin]

السلام عليكم ورحمة الله تعالى وبركاته
ربي يكون فعونك ان شاء الله اخي الكريم
اختي الصغيرة جابت البيرمي الازرق نهار الاحد برك
وانا لما قاللي بابا كي دخلت للجامعة قلتلو مانديرهش وحتى لو نديرو مستحيل نسوق مع المجانين تع الوقت هدا
نديرو في كادر ونخليه ههههههههههه
مع العلم نعرف نسوق ،سقت الطاكسي ديالنا مرة فالليل مورا بيتنا ههههههههههههههههه
بالتوفيق ان شاء الله
ارجو تقبل مروري
تحياتي احترامي وتقديري
في امان الله وحفظه​

اهلا بالاخت شيماء
ههه
الله يحفظك ...و مبروك على اختك البرمي
ههه
عندك الحق ...القاشي تاع ضروك ...يجرو و خلاص ..لاكود و لا هم يحزنون
امالا راكي سقتي الطاكسي في الليل ...ما شاء الله ..هههههه
الله يحفظك و شكرا على الطلة
بارك الله فيك
​

 

[Salah eddin]

الحاية راقدة يا بن عمي ​

 

[الورد الأحمر]

السلام عليكم ورحمة الله وبركاته

نسيت ما حكيتش على ليكزامان لي كل ما تجي تفوت تزيد تحط دراهم ويا نجحت يا يقولك المرة الجاية ان شاء الله.

الكود أو لاباس بيه شغل حفيظة برك وتفهم سيستام الطريق كي داير مي لكرينو يحلفلك قدام لانجينيوغ يصلح والطوموبيل تشريهالك عمؤها كالاتلك مي قدامو تكالي حتى تشك مول لوطو ايكول كاشما داير فيها وكي ما يصرالك والو يطلع لانجينيوغ يكره مول لوطو ايكول تاعك مالا يشريهالك ما يمدلكش مكرة في مول لوطو ايكول كيما نهار صراتلي في لكرينو كرهت حياتي فيه بسيف جا لانجينيوغ لي مع نزلت من الطوموبيل قالي مبروك عليك.

ومرات تطيح في لانجينيوغ ما حاكمتلوش مالا يديسيدي ما يمد لحتى واحد هك مكرة على خاطر قوسطوه ما حاكمتلوش ولا يولي يمكر بيك في الطريق حتى تكره حياتك كيما ولد عمي يحكيلي على زمان فوت السيركوي تاعو ركبو وماشيين بالطوموبيل وداك الوقت السانتيغ ماشي أوبليغاتواغ مالا كي ركب الكونديدا راه يديماغي قالو لانجينيوغ انزل هذا قدام عيني وما دايرش السانتيغ مالا نهار تسوق وحدك كيفاه نزلو طلع الثاني حافظ الدرس تاع السانتيغ جا يحطها قالو ما تحطهاش ديماغي برك هذاك يحسبو يتمسخر كمل حطها قالو انزل قلتلك ما تحطهاش مالا وصلت دالة ولد عمي ما لقى يحطها ولا ما يحطهاش هيا قال نحطها قالو ما تحطهاش طلقها وديمارا مدلو السيركوي ! أو تاع هبال يمكرو عجب.

ولي ما فهمتوش علاه حتى زعمة شايفين رواحهم حاجة كبيرة هاد ليزانجينيوغ حتى زعمة واحد ما لازم يحكي معاهم ولا مكرة ما يمدلكش ! ما تحكيش معاه ما تناقشوش ما تردلوش الهدرة مام ظالمك ! تتخيلهم معرف واش !!

المهم ما تجي تخرج الباغمي تسقاملك في البقرة وبنتها.

 

[Salah eddin]

السلام عليكم ورحمة الله وبركاته

نسيت ما حكيتش على ليكزامان لي كل ما تجي تفوت تزيد تحط دراهم ويا نجحت يا يقولك المرة الجاية ان شاء الله.

الكود أو لاباس بيه شغل حفيظة برك وتفهم سيستام الطريق كي داير مي لكرينو يحلفلك قدام لانجينيوغ يصلح والطوموبيل تشريهالك عمؤها كالاتلك مي قدامو تكالي حتى تشك مول لوطو ايكول كاشما داير فيها وكي ما يصرالك والو يطلع لانجينيوغ يكره مول لوطو ايكول تاعك مالا يشريهالك ما يمدلكش مكرة في مول لوطو ايكول كيما نهار صراتلي في لكرينو كرهت حياتي فيه بسيف جا لانجينيوغ لي مع نزلت من الطوموبيل قالي مبروك عليك.

ومرات تطيح في لانجينيوغ ما حاكمتلوش مالا يديسيدي ما يمد لحتى واحد هك مكرة على خاطر قوسطوه ما حاكمتلوش ولا يولي يمكر بيك في الطريق حتى تكره حياتك كيما ولد عمي يحكيلي على زمان فوت السيركوي تاعو ركبو وماشيين بالطوموبيل وداك الوقت السانتيغ ماشي أوبليغاتواغ مالا كي ركب الكونديدا راه يديماغي قالو لانجينيوغ انزل هذا قدام عيني وما دايرش السانتيغ مالا نهار تسوق وحدك كيفاه نزلو طلع الثاني حافظ الدرس تاع السانتيغ جا يحطها قالو ما تحطهاش ديماغي برك هذاك يحسبو يتمسخر كمل حطها قالو انزل قلتلك ما تحطهاش مالا وصلت دالة ولد عمي ما لقى يحطها ولا ما يحطهاش هيا قال نحطها قالو ما تحطهاش طلقها وديمارا مدلو السيركوي ! أو تاع هبال يمكرو عجب.

ولي ما فهمتوش علاه حتى زعمة شايفين رواحهم حاجة كبيرة هاد ليزانجينيوغ حتى زعمة واحد ما لازم يحكي معاهم ولا مكرة ما يمدلكش ! ما تحكيش معاه ما تناقشوش ما تردلوش الهدرة مام ظالمك ! تتخيلهم معرف واش !!

المهم ما تجي تخرج الباغمي تسقاملك في البقرة وبنتها.

و عليكم السلام
اهلا بالمديرة ..يا سي زارتنا براكة
ههه
ياودي و الله ق قالوهالي ...قالولي بلي لانجينيور يمكر بالقاشي
بصح ما عرفتش لاه المكر اسي
ياكي هو خالص و الكونديدا لازم يطبق القانون و خلاص
و علاه يدخلو امور شخصية في البرمي و الامتحان
و لانجينيور يحسب روحو حاكم الحكاية بجد ماليها و لا وش
والله يحير الواحد في بلاد العجائب
الله يجيب الخير و خلاص
هه
امالا نعس روحي و خلاص
ههه
شكرعلى مرورك يا المديرة​

 

[Fethi.dz]

السلام عليكم

انا الحمد لله ما نظنش راح نفوت عالكوميك تاع بارمي بلادي

عموما كيما فهمت المعمعة والسيستام تاع بلاد كوميك معظم ليزانجينيوغ يتعاملوا بالرشوة يعني تسلك تدي ما تسلكش تبقى تعاود حتى ينوب عليك ربي وتطيح في واحد طريقو قدقد ما خدمعهاش غوول وخاطيه الرشوة.


هيا بونشونص ليكم كامل وما تنساوناش فالقاطو نهار تجيبو البارمي

 

[Salah eddin]

السلام عليكم

انا الحمد لله ما نظنش راح نفوت عالكوميك تاع بارمي بلادي

عموما كيما فهمت المعمعة والسيستام تاع بلاد كوميك معظم ليزانجينيوغ يتعاملوا بالرشوة يعني تسلك تدي ما تسلكش تبقى تعاود حتى ينوب عليك ربي وتطيح في واحد طريقو قدقد ما خدمعهاش غوول وخاطيه الرشوة.


هيا بونشونص ليكم كامل وما تنساوناش فالقاطو نهار تجيبو البارمي

اهلا سيد المدير
يا سيدي زارتنا ثاني براكة
ههه
راك عارف ...خيك راه مع الرمي و الشقاليل
هه
و الله الواحد راه خايف يطيح في ناس تاع رشوة و حرايمية
الله يجيب الخير و خلاص
باارك الله فيك خويا فتحي ​

 

[Djaouida]

سلام عليكم
بغيت نتفلسف عليك مي منعرفش قبش علا لبارمي و دوسي تاعها هههههه غير جيت نقرعج هاداااااا مكان. ايا باين راك معول علا بارمي املا نقول لخويا بل بركة عليك لافونس ههههههه نشالله تديه نعرف خويا شاطر وقد روحه ويلا خصك لعرف راني هنا ههههههه نقصر اجدك حتا انا راني كتر منك هههههه

 

[@R@ZIK]

السلام عليكم
يعطيك الصحة خويا على الموضوع الفكاهي
فكرتني في اليمات كي كنت نجوز في البرمي
في الأول كامل يخلعوك بلاك تهدر مع لانجينيور قول السلام واسكت ما تزيد حتى هدرة تقول البريزيدو حضر يخي حالة
وكيما قلت كي تحضر المعريفة خطاك الشي
انا كي جوزت الكرينو قالي ما تخافيش لانجينيور وليد عمتي يمدهولك مالقري ما قاريتش مليح قالي بصحتك نخلعت بقيت نخزر فيه وقتلو بصح انا راني حابة نعاودو قالي لالا
والمشكل ماشي في الدوسي المشكل كي تجيب البرمي وتخرج تسوق تقول عمرك ما تعلمت
شكرا على الموضوع
تحياتي​

 

[الورد الأحمر]

و عليكم السلام
اهلا بالمديرة ..يا سي زارتنا براكة
ههه
ياودي و الله ق قالوهالي ...قالولي بلي لانجينيور يمكر بالقاشي
بصح ما عرفتش لاه المكر اسي
ياكي هو خالص و الكونديدا لازم يطبق القانون و خلاص
و علاه يدخلو امور شخصية في البرمي و الامتحان
و لانجينيور يحسب روحو حاكم الحكاية بجد ماليها و لا وش
والله يحير الواحد في بلاد العجائب
الله يجيب الخير و خلاص
هه
امالا نعس روحي و خلاص
ههه
شكرعلى مرورك يا المديرة​

تفكرت واحد فوت معايا السيركوي مالا هو اللول لي فوت شاف مع لانجينيوغ لقاه ما دايرش السانتيغ قالو الشيخ حط السانتيغ قالو هذاك امشي برك يا ابني قالو قلتلك ماني ماشي حتى تحط السانتيغ وبقاو هكذا قريب عسر مرات حط السانتيغ ولاخر امشي برك يا ابني هيا لانجينيوغ كره قالو امشي ولا انزلك قالو الكونديدا نزلني هيا نزلو ومبعد شغل غاضو قالو اركب لورا كي تفوت لي وراك زيد عاود انت فوت هيا طلعت لي من وراه فوتت السيركوي تاعها المهم من الخلعة نسات ما هبطتش لفران آمان وبقات الطوموبيل في لبلاصة ولات تقولو واش بيها ما تمشيش قاللعا انزلي انزلي وزاد عاود السي خونا ركب الدوزيام شونس مدلو هيا ركب بلا تعليق وديمارا ما مشاهاش متر قالو لانجينيوغ قاري وأنزل وعلاه ؟ الكونديدا لي دار حس كبير ع السانتيغ ما حطش السانتيغ وديمارا هههه قالو درتلي حس كبير ع السانتيغ ودرك انت لي نسيتها أنزل.

والأخت رزيقة هدرت هدرة كاينة تاع ما تحكيش معاه ما تردلوش غير قول السلام عليكم وخلاص ! ما شفيتش علينا كشعب خفنا من شخص لا كي كنا نقراو لا كي دخلنا نخدمو مي حبو يخوفونا من ليزانجينيوغ هذو معرف علاه ! نوغمال راهم عباد وهذو لي وصاونا هك هوما لي دارولهم الشان هذا الكل حتى رجعوهم حاطين رواحهم للدرجة هذي.

أون جينيغال لي يكون كونديدا تاع إيكول ما يعتمدش مولاه الرشوة مع ليزانجينيوغ يكره حياتو ما يجي يجيب هذاك البارمي على خاطر يسابوطيو لي كونديدا تاعو باه يهربو لصحاب الرشوة ويدخلو بزاف منهم .

 

[Salah eddin]

سلام عليكم
بغيت نتفلسف عليك مي منعرفش قبش علا لبارمي و دوسي تاعها هههههه غير جيت نقرعج هاداااااا مكان. ايا باين راك معول علا بارمي املا نقول لخويا بل بركة عليك لافونس ههههههه نشالله تديه نعرف خويا شاطر وقد روحه ويلا خصك لعرف راني هنا ههههههه نقصر اجدك حتا انا راني كتر منك هههههه

اهلا الاخت جويدة
هذي غيبة اسي
هه
االا خاطيك الشقاليل تاع البرمي و مشتقاته
هه
صح ...ان شاء الله راني معول على البرمي و الله يجعل الخير و خلاص
ههه
الله يحفظك على الاطراء و كاما نحتاج راني نقلك
ههه
ايا بالعافية​

 

[Salah eddin]

السلام عليكم
يعطيك الصحة خويا على الموضوع الفكاهي
فكرتني في اليمات كي كنت نجوز في البرمي
في الأول كامل يخلعوك بلاك تهدر مع لانجينيور قول السلام واسكت ما تزيد حتى هدرة تقول البريزيدو حضر يخي حالة
وكيما قلت كي تحضر المعريفة خطاك الشي
انا كي جوزت الكرينو قالي ما تخافيش لانجينيور وليد عمتي يمدهولك مالقري ما قاريتش مليح قالي بصحتك نخلعت بقيت نخزر فيه وقتلو بصح انا راني حابة نعاودو قالي لالا
والمشكل ماشي في الدوسي المشكل كي تجيب البرمي وتخرج تسوق تقول عمرك ما تعلمت
شكرا على الموضوع
تحياتي​

اهلا بالاخت رزيقة و لا رزيق المهم مشتقة من الرزق
ههه
الله يحفظك ...هذاك هو لازم شوي فكاهة باه ما يملش الي يقرا
ههه
اصح ...ماكانش واحد و ما قاليش بلي لانجينيور واعر و كذا و كذا
ابصح نظن انو هذي مجرد خلايع برك يديرو فيها
و الله يجيب الخير و يسلكها على خير
بارك الله فيك على الرد الجميل
شكرا​