الجزايريين vs المراركة

[شاعرة الأمل]

سلام الله عليكم ورحمته وبركاته واش راكم واش احوالكم ان شاء الله كامل راكم بخير ولي مريض الله يشافيه ولي مغبون الله يفرج عليه ولي مكروب ربي يوسع خاطرو ..المهم راني نشوف الرقاد راه قاوي والعجز والتفنيين راهم ياسريين نوضو تحركو شوية راه الحشيش ناض تحتكم
..... ........
نولو للموضوع لي جيت نهدر عليه ولي راه مقرقشلي راسي وراه منوضلي الشيب بلا وقت ولي هوا الجزايريين مع المغاربة .. يا خاوتي يا وين نروح ووين ندخل نلقاهم متشادين كي الضراير الحرب نايضة بينااتهم سبني ونسبك وعايرني ونعايرك...
الجزايريين يقولولهم نتوما ماتعرفو والو وتظلو تعاندو فينا ..رايسكم مركعكم وذالكم و نتوما جهلاء ومشي متطورين
على اساس حنا مسgمين في كلشي بفففف لعيا ...
ويجو لمراركة احنا وصلنا واحنا درنا وعملنا ونتوما رايسكم مشلول وحنا درنا ااشي لي ماقدرتوش توصلو ليه وراكم غاتخربقو وصافي وداك الشي لي كاتgولو على رايسنا داك راه غي تخربيق وكدوب وصافي ....
والحرب متواصلة فالفيس بوك فاليوتيوب المنتديات الفايدة وين ماتروح تلقاهم....
ضرك انا لي مافهمتهاش واشن هيا الفايدة لي داوها من هاد الشكيل
هادي حاجة بين السياسيين الوغ الشعب واش دخلو فهاد الامور واش داه يعاير في خوه عربي مسلم كيما كيفو
السياسيين اليوم حباب وغدوة كلاب حشاكم ولي يدخل بيناتهم يربح غير العيب
خاوتكم فسوريا يموتو من البرد من الجوع من الخوف من القهر الالم ... ونتوما لاتيين غير بهادا جزايري عاود غنية تاع مروكي ولاخر مغربي راه يقلد فالجزايريين ....ياو فيقو معا عماركم يا ناس حتى لوينتا ونتوما غافلين حتى لوينتا ؟؟؟....وينتا يتفاهمو العرب ويرجعو يد وحدة وكلمة وحدة ؟؟
رانا تحت راية وحدة واسمها الاسلام
ورانا تحت سقف واحد واسمو العروبة فيقو معا عماركم يا ناس مالازمش تبقو غافلين حتى تنجر بيكم لحصيرة ....
هادا هو موضوعي ان شاء الله نكون وصلت واش كنت حابة نوصللكم
يلا عندكم شي راي ولا انتقاد ماتنساوش تشاركونا بيه
نصيحة منكم لهاد الناس
اسكو نتا واحد منهم بكل صراحة
سلام

 

[ليليا مرام]

السلام عليكم اختي
انا نحيت الحشيش وهاني نضت امين قالك راهي شجرة الصنوبر تحاوز فيه من تحتها هههه
والله يا اختي شوفي هكذا صرا مع المصريين معاير وسب وكلام وشتم منا ومنهم وفالاخير ترونجاو وربحو غير العيب المغاربة هكذا بداتهاالسياسة ورفدها الشعب انا شعال من مرة فالفايس نطيح فتعليق مغاربة يعايرو ودزيريين نكتبلهم الله يهديكم الليشعلوها بيناتكم راهم فرحانيين وحاطين رواحكم حاجة انا ضد انو على جال السياسة نسب عربي كيما انا ومسلم اللهم لو تعدى حدودو بلادي بلادي خويا ما نعرفوش علجالهاانا لما رحت للاردن مصري وعراقي زعقو على رئيسنا بدلت الفندق علجال هذي واكيد عايرتهم المصري بلهجتو والعراقي خلطتها المهمفهما شوي كويتي شوي عىاقي ووصلو المساج وثمثم خرجت من عندهم بدلت الفندق اواه غير بلادي لالا عيبها يقعد فيها كيما كامل البلدان فيها سلبي واجابي مي اللي يخربلي فيها يموت اما عقلية الذراري نعاير فالفايس وغيرو لالا مي يوصلو حاجة كبيرة لالا نروح للمروك ونعايرهم هناك يسمحولي خاوتنا المغاربة انا يا اختي شعبي وزوالي كيما انا ما نعايروش مهما كان على خاطر راهي لعبة سياسية
مشكورة اختي ربي يهديهم

 

[الصحافية الساخرة]

وعليك السلام
راكي تشوفي الحالة نايمة يا ختشي
نولو للموضوع الرائع و اللي يقلقني ههه الحرب هاذي متخلاصش كانو فالبالوون يتمناو يطيحو مع مصر دوق ولات المغرب اكبر امنياتهم
واش نقولهم "راكم موخدين" خخخخههخخخ وين تدوري تلقايهم سب و شرارة كهربائية والمشكل اللي راهم ياكلو فبعض ما فاهمين فيها والو ومزالهم تحت رعاية "الام الحنونة"
ربي يهديهم
ومرسي على الموضوع الشباب

 

[زاد الرحيل]

كلامك عين العقل و موزون و عجبتني عبارة السياسيين اليوم حباب و غدوا كلاب و هذي حقيقة فاكبر المجرمين هم الساسة. الشعب البسيط يروح على غفلة و يقول كلام جارح من الجهتين و أنا من قبل هدرت على الموضوع هذا و قلت يكفي منالكلام السيئ احنا خاوا دائما و الشعب يهز بعضاه دائما ،يزرب باه يفرقوا بيننا و في يوم من الأيام يخرجوا الساسة صحاب و يقولو أحنا عمرنا ما تعادينا يعني صحة.القوادة يالشعب
شكرا لموضوعك الواعي

 

[أم أُنٌَيسة]

السلام عليكم ورحمة الله تعالى وبركاته
كلامك جميل جدا اختي الغالية
فهموني واش راه صاري ؟ علاه الجزائر والمغرب يتسابو ؟
ماني فاهمة والو​

 

[زاد الرحيل]

السلام عليكم ورحمة الله تعالى وبركاته
كلامك جميل جدا اختي الغالية
فهموني واش راه صاري ؟ علاه الجزائر والمغرب يتسابو ؟
ماني فاهمة والو​

انه حوار العقول الصغيرة و الاجسام الكبيرة
هو زرع الفتنة لا اكثر و العياذ بالله
ربي يهدي الجميع و يجب اطفاء نار الفتنة

 

[أم أُنٌَيسة]

انه حوار العقول الصغيرة و الاجسام الكبيرة
هو زرع الفتنة لا اكثر و العياذ بالله
ربي يهدي الجميع و يجب اطفاء نار الفتنة

اللهم امين يارب
والله مالقيت مانقول​

 

[الأزرق الملكي]

السلام عليكم

لاشك أن العلاقة متوترة بين البلدين من الجانب السياسي و الجغرافي لكن من الجانب الإجتماعي العلاقة بين الشعبين أخوية

هناك دين و لغة و ثقافة تجمع وكل هذا التراشق بالكلام لا يصدر إلا من السفهاء من كلا البلدين وبعض من أفراد المخابرات يشعلون القتنة

الحكومة لم تكن يوما محبوبة عند الشعوب هي في طريق وهم في طريق حتى في الشأن السوري الحكومة الجزائرية مع بشار الحيوان و

الشعب الجزائري مع الشعب السوري وثورته يعني هذه الألعاب أصبحت مفضوحة .

لا يوجد فرق بين الناس وهم ينتمون إلى أمة محمد صلى الله عليه وسلم

تسلمي
​

 

[Abodi84]

السلام عليكم و رحمة الله
اولا لدي تعليق بسيط على ( سلام عليكم ) هذا خطأ معناه كبير
ثانيا هذا هو حال العرب جميعا و خلاف الاخوه لا ينتهي ابدا
احترامي لك اختي

 

[Malika Tlm]

السلام عليكم
مشكورة اختي علي الموضوع
واش نقولك يا اختي والله انا تاني يخلعوني علاش ياك حنا خاوا علاش بينا العداوة هدي
كي نسمعهم واش يقولوا علينا والله نتشوكا كامل الكره هذا حاملينه في قلوبهم علينا علاه السؤال يبقي مطروح
وتعرفي مرة دخلت فاليوتوب نشوف عرس تلمساني عجبني ايا واجي تشوفي الدبازات المغاربة يقولوا العمارية نتاعنا ةنتوما تبعتونا
الدزيريين يقولوا نتوما البلوزة نتاعنا ديتوها ووووو وكلام كبييييير
ومرة مدابزين علي المسمن زمرة علي القاطوا واش هدا يا اخوانا واش هدا
صح كاين مشاكل سياسية وحنا الشعب وش دخلنا مدابينا نكونوا متحابين ومتاحدين
وتاني كاين فئة ولكن قلييييلة لي يقولوا حنا اخوة ونحبوكم
ربي يهدينا ويهديهم
كلنا امة محمد صلي الله عليه وسلم
تحياتي لكم

 

[Salah eddin]

السلام عليكم
صح ...هذي اللقطة كاين منها
لكن ..اصلا كاين ناس يحبو يثيرو الجدل و الفتن عبر الانترنت سواء من الجزائريين او من المغاربية
و الانسان السوي ..ما يلتفتش اصلا لهذي الترهات
و لو نشوف ابناء الوطن الواحد مثلا في دزاير تاعنا
نلقاو نفس الشي بين القبايل و العرب و و الشاوية و التوارق و هي رايحة
و دائما هذا الشي نلقاوه ق في الانترنت ..اما في الواقع ماكانش لي يقدر يحل فمو لانو يعرف العواقب
و اصلا هذا فعل تاع منافقين فقط ...السب من وراء الشاشات
و الله يجيب الخير
شكرا على الموضوع ​

 

[آمِيْرَتُه]

السلام عليك
مراحش ندافع على ولاد بلادي بصح راح نهدر الحقيقة متقوليش أولا المغاربة قولي المراركة لأن كلمة المغاربة تضم دول المغرب العربي
هذوك ناس فاضية شغل وين يلقو جزائري لازم يطيحو فيه سب و شتم
الفيديو لي ندخل فيه يكون يهدر على الجزائر إلا و تلقي شتم من طرفهم عباد مرضى بحاجة سموها الجزائر جامي دخلت فيديو مروكي و لقيت جزائري يسب
الله يهديهم و يبعدهم علينا كيما بعد ربي الارض عن السماء
و يكفي الدليل الرئيس الراحل بومدين كان واقفلهم و حاطلهم حد

 

[الأزرق الملكي]

السلام عليك
مراحش ندافع على ولاد بلادي بصح راح نهدر الحقيقة متقوليش أولا المغاربة قولي المراركة لأن كلمة المغاربة تضم دول المغرب العربي

السلام عليكم مرحبا أختي الكريمة

إطلاق كلمة المغاربة على سكان بلد المغرب صحيح في لغة الأم أما مراركة هي باللغة الأجنبية المكسرة les marocaines

و اقليم المغرب العربي يطلق على شعوبه إسم سكان المغرب العربي

 

[حلم كبير]

السلام عليكم و رحمه الله تعالى وبركاته

اختي الكريمة بارك الله فيك على الموضوع القيم

الحرب الكلامية بين العرب اصبحت ظاهرة خطيرة متفشية في مواقع التواصل الاجتماعي فلا تجد شيئا جميلا إلا وقالو هذا عندنا ولا شيء قبيح نفوه عن انفسهم وهكذا .

هنا في الغربة هم إخوة ما شاء الله ولا علاقة بما يحدث على النت .

الله يصلح الاحوال ويهديهم ويقرب بينهم بما فيه صلاح للأمة. آمين
شكرا على التنبيه والتذكير.
تقبلي مروري مع فائق الاحترام والتقدير
حلم كبير​

 

[rycerz]

السلام عليكم يا أهل اللّمة
إطمإنّوا يا ناس .. لا أقول الشعبين الشقيقين و إنما أقول الشعب الواحد على طرفي الحدود الوهمية التي إبتدعها الإحتلال الفرنسي الغاشم .. أقول أن كل أفراد الشعب الواحد و الحمد لله هم واعون و يعرفوا صلاحهم و يعرفو مليح أنهم خاوة و خواتات فالدين قبل كل شيء و من بعد في النسب و في الأصول .. إلخ
و من الطريف أن نسبة كبيرة من الشعب المغربي في الحقيقة ترجع أصولهم للقبائل التي كانت مستوطنة في الجزائر و نفس الشيء نسبة كبيرة من الشعب الجزائري ترجع أصولهم للقبائل التي كانت مستوطنة في المغرب .. حيث حدثت تنقلات كبيرة في ما مضى خاصة في عهد الدولة الموحدية و الدولة الفاطمية و قبل ذلك في عهد الفتح الإسلامي لغرب شمال إفريقيا و الأندلس.
فالحقيقة هي أننا شعب واحد منذ الأزل
أما أولائك المعتوهين الذين يتراشقون الشتم و السباب فهم قليلون جدا كقطرة في بحر و هم ليسوا إلا ناقصي عقل و ناقصي ذكاء و هم من الرعاع.
---
الآن لنتكلم عن أكابر المجرمين
العنصر الديوث و الأخبث في تلك الظاهرة الشينة هم أصحاب تلك الصحف و المواقع الإلكترونية التي تعمل على الترويج للفتنة و التفرقة و التعادي بين الأشقاء.
بكل صراحة أنا فعلا لا أفهم ما هي إستراتيجية هذه الصحف و ما هي أهدافها بالرغم من أنها صحف (زعما) وطنية ؟؟؟
فمثلا ما الذي ترمي إليه صحيفة وطنية لمّا تنشر يوميا مقالات بطريقة إستفزازية و إستثارية و بشكل واضح جدّا من أجل إشعال نار الفتنة بين الأشقاء !!!!! ؟؟؟؟؟ .. ثم لا تكتفي بذلك بل بعد ذلك تفتح مجالها لتعليقات السب و الشتم و الإهانة بين القراء من كلتا الجهتين !!!!!!!!!
حتى أصبح أعداءنا الخارجيون (لا هم جزائريون و لا مغاربة) يستعملون تلك المواقع (زعما وطنية) في إذكاء نار الفتنة بيننا
اللهمّ إنّا نوكّلك على من أراد بأمّتك سوءا ... اللهم أرحنا منهم و من شرّهم .. اللهم إنتقم لنا منهم.
​

 

[السلطانة]

وعليكم السلام من اشهر قاعدة نشوف في اخوتنا المراركة ينسبو في لباسنا التقليدي ليهم وهذا السبب خلا الجزايريين يثور اسمحيلي خاوتنا صح مي يسرقو الحايك ةالكاراكو والقندورة الوهرانية والقسنطينية ليهم موش ممكن يسرقولنا تراثنا ويقولو لينا ويديرو احتفاالات ويقولو لباسنا التقليدي!! "

 

[السلطانة]

 

[الورد الأحمر]

السلام عليكم ورحمة الله

حكاية المغرب والجزائر صاريلها زي حكاية الجزاير ومصر وحكاية الشعب بين بعضاه بعيدة كل البعد على حكاية الحكومتين بين بعضاهم وبدات بسبب تافه أتفه من أنو يرقـى نحكي عليه هنا وما راني في صف الجزائريين لا في صف المغربيين راني مع لي عندو عقل يفكر بيه على خاطر ربي مدهولنا باه نفكرو بيه مش باه ننساقو برك كي البهايم.

الجزايريين ماهم أبرياء شفتلهم شتائم حدث ولا حرج والمغربيين كيف سبو الجزائريين حتى كرهو يعني حد ما راهو خير من حد في زوج غالطين ويبقاو هذو أقلية والشي هذا صاير غير في السوشيال ميديا يعني نستنتج أنو حكايتهم حكاية أنو هذي المواقع مدت للأغبياء والجاهلين مساحة حتى صوتهم تسمع ودوّى الدنيا وهذو نفسهم لي يحلو في فمهم بالتعليقات لوكان نروحو للواقع نشوفوهم نلقاوهم كومة من العناصر النكرة للجتمع ويخافو يحلو فمهم وجها لوجه مالا يتخباو ورا الشاشة.

بالنسبة ليا مادام مازال الجزايري يروح للمغرب ويرجع ويحكي على طيبتهم وكرمهم معناها يبقى المشكل افتراضي على قد افتراضية المساحة لي صاري فيها المشكل والتراشق بالمسبات.

وفي الأخر كلنا إخوة وحدنا الإسلام.

 

[**laila**]

انا نصفي جزائرية و نصفي الاخر مغربي و لكن انا نحبهم في زوج ماكاش فرق و الكارٽة نلقى لي يشنف و يقول مانحبش لمغاربة بيسك سمعت والا قالولي صحباتي راهم و راهم في كل بلاصة كاين المليح والخايب كي هنا كي لهيه
سبحان الله وكان ناس تحب تزرع الفتنة بين الشعوب
حسبنا الله ونعم الوكيل

 

[صانعة الإبتسامة]

الله يهدي ماخلق واذا سبني واحد نرجعلو أكيد مانرجعش عامل الناس بأخلاقك لا بأخلاقهم وكيما يقول المثل لي حبني مابنالي قصر ولي كرهني ماحفرلي قبر