السلام عليكم ورحمة الله وبركاته
بعد غياب دام طويلا رجعت اليوم للمتي الحلوة اللي موحال ننساها وننسى ناسها الطيبين
وأخص بالذكر شوشو طبعا نونو مولات المونطو لحمر ميسا ملكة الاحساس .. اختي ملاك الحلم الوردي
الطبيبة رقية ام منير لؤلؤة قسنطينة والكثيرين ممن ذكرهم قلبي ونسيهم قلمي... الف تحية من القلب
توحشت تاني منتدى فرغ واش كاين في قلبك عشرتي معاه طويلة ومن اجمل ذكرياتي فاللمة اشرافي على هادا القسم
دوكا نخش في الموضوع
وانا ندور فالقسم قريت مشكلة لأخت تقول انها متحبش تسامح اللي يغلطو معاها خصوصا لكان ما اعتذروش
وهاد الشي خلاها تحس بلي قلبها اسود ووووو ...الخ
انا حبيت فموضوعي نناقش هاد الظاهرة اللي بزاف تصرا معاهم
فمن خلال اختلاطي بناس بزاف وانتقالي للعيش من محيط لمحيط ومع ناس جدد وعقليات جديدة تعلمت أشياء كثيرة
ومن بين هاد الاشياء المصارحة والمواجهة وتأثيرها على العلاقات مع الناس والأهم علاقتك مع نفسك
مثلا كي يغلط معاك شخص بجاست ولا بكلمة متخليهاش تبات تحرق في قلبك بالعكس اضرب للوجه
احكي معاه وضحلو بلي راه غلط في حقك عاتب لوم يقلك ما يعاتبك غير اللي يحبك
قادر يكون سوء تفاهم ... منك او منو وضحوه وفرات الحكاية
ممكن يكون صح غلط في حقك من خلال الصراحة تخليه يعتذرلك أما إذا ما قبلش الاعتذار والاعتراف بالخطأ
لهنا انت تكون درت اللي عليك ونحيت الغلطة منك ولصقتها فيه وشهدت عليه الناس
صدقوني الصراحة تمد راحة والشخص الصريح والمرتاح يعيش سعيد علاش لأنو فرغ قلبو وازاح الحمل من على كتافو
فالمقابل الشخص اللي يلم في قلبو رايح يحس بلي جبال باركتلو على قلبو كيما تبرك الشخشوخة على المعدة ههههههههههه
يحس بالغصة دايما وبلي الدمعة حابسة فالممو ... وهادا رايح ينعكس على نفسيتو طبعا لأنو باختصار الظلم يقهر
ويتعمر قلبو بالسوداوية ويكون شخص تعيس منزوي معزول
وربما الاشخاص اللي تسببولو بهاد الشي عايشين حياتهم وهو مزالو حابس فهديك اللحظة اللي جرحوه فيها
تاني الشخص الصريح يكون مهيوب تولي الناس تهابو وتحسبلو الف حساب
خاكر علابالهم يغلطو يسلكو وموحال يخليها تفوت مرور الكرام
اما كي تسكت يبقاو يجرحوك ويجرحوك ويكررو الغلطة الف مرة وانت تتقهر الف الف مرة
لهذا نقول من الأخير كن صريحا تكن اسعد
أعذروني بالاك أفكاري مبعثرة بعض الشيء لأني صارلي مدة ما كتبتش
وفالأخير سلام
بعد غياب دام طويلا رجعت اليوم للمتي الحلوة اللي موحال ننساها وننسى ناسها الطيبين
وأخص بالذكر شوشو طبعا نونو مولات المونطو لحمر ميسا ملكة الاحساس .. اختي ملاك الحلم الوردي
الطبيبة رقية ام منير لؤلؤة قسنطينة والكثيرين ممن ذكرهم قلبي ونسيهم قلمي... الف تحية من القلب
توحشت تاني منتدى فرغ واش كاين في قلبك عشرتي معاه طويلة ومن اجمل ذكرياتي فاللمة اشرافي على هادا القسم
دوكا نخش في الموضوع
وانا ندور فالقسم قريت مشكلة لأخت تقول انها متحبش تسامح اللي يغلطو معاها خصوصا لكان ما اعتذروش
وهاد الشي خلاها تحس بلي قلبها اسود ووووو ...الخ
انا حبيت فموضوعي نناقش هاد الظاهرة اللي بزاف تصرا معاهم
فمن خلال اختلاطي بناس بزاف وانتقالي للعيش من محيط لمحيط ومع ناس جدد وعقليات جديدة تعلمت أشياء كثيرة
ومن بين هاد الاشياء المصارحة والمواجهة وتأثيرها على العلاقات مع الناس والأهم علاقتك مع نفسك
مثلا كي يغلط معاك شخص بجاست ولا بكلمة متخليهاش تبات تحرق في قلبك بالعكس اضرب للوجه
احكي معاه وضحلو بلي راه غلط في حقك عاتب لوم يقلك ما يعاتبك غير اللي يحبك
قادر يكون سوء تفاهم ... منك او منو وضحوه وفرات الحكاية
ممكن يكون صح غلط في حقك من خلال الصراحة تخليه يعتذرلك أما إذا ما قبلش الاعتذار والاعتراف بالخطأ
لهنا انت تكون درت اللي عليك ونحيت الغلطة منك ولصقتها فيه وشهدت عليه الناس
صدقوني الصراحة تمد راحة والشخص الصريح والمرتاح يعيش سعيد علاش لأنو فرغ قلبو وازاح الحمل من على كتافو
فالمقابل الشخص اللي يلم في قلبو رايح يحس بلي جبال باركتلو على قلبو كيما تبرك الشخشوخة على المعدة ههههههههههه
يحس بالغصة دايما وبلي الدمعة حابسة فالممو ... وهادا رايح ينعكس على نفسيتو طبعا لأنو باختصار الظلم يقهر
ويتعمر قلبو بالسوداوية ويكون شخص تعيس منزوي معزول
وربما الاشخاص اللي تسببولو بهاد الشي عايشين حياتهم وهو مزالو حابس فهديك اللحظة اللي جرحوه فيها
تاني الشخص الصريح يكون مهيوب تولي الناس تهابو وتحسبلو الف حساب
خاكر علابالهم يغلطو يسلكو وموحال يخليها تفوت مرور الكرام
اما كي تسكت يبقاو يجرحوك ويجرحوك ويكررو الغلطة الف مرة وانت تتقهر الف الف مرة
لهذا نقول من الأخير كن صريحا تكن اسعد
أعذروني بالاك أفكاري مبعثرة بعض الشيء لأني صارلي مدة ما كتبتش
وفالأخير سلام
