أفيدونا يا المخطوبات

[Only me]

السلام عليكم ورحمة الله تعالى وبركاته
هذا الموضوع موجه لبنات اللمة المخطوبات والا المتزوجات باه يستفادو منو العازبات
حبيت نسقسيكم يا بنات واش هو أول سؤال تسقسي الخاطب نهار الشوفة يعني الرؤية الشرعية ؟؟ وواش هوما الاسئلة الاوخرى لي ممكن تسقسي فيها؟؟ واش لازم تقولي وواش لازم تجاوبي ؟؟
ولي عندها أي استفسار تحطو هنا وغاليتنا في اللمة يجاوبو هنا ثاني
في انتظار ردودكم ​

 

[Only me]

 

[دعاء الجنات]

انت في الشوفة خليه هو لي يسقسي بيسك تكوني حشمانة وجابلي ربي تسقسيو على الشروط وخلاص المهم ماتكثريش الهدرة بيسك كاين رجال مايحبوش مرا تحكي بزاف يكرهوها.

 

[Only me]

مشكورة حبيبتي

 

[صانعة الإبتسامة]

سسقيه واااش يخدم واااش يكره واااش يحب ,،بصح ما شكيتش تسأليه بسكو تكوني حشمااانه، ولا نقولك كي تتزوجي سقسيه تجيك ساهله ماهله هههه

 

[Mademoiselle carbone]

شكرا لكم

 

[sanaya]

أول شيء الطفلة لازم تكون عاقلة و رزينة
ولا كما قاتلك المصرية
خليك تقيلة شوي
مش حلوة فحقها تجي وهي فرحانة وتضحك و تجري كلبهلولة
زين المرأة الحشمة
و الأفضل خليه هو يسقسي ومبعد بشويا تقدري تسقسيه
مش تمطرين عليه بوابل الأسئلة
وهنا تجنبي الأسئلة النكدية واللي معندهومش طعمة
و حاولي تسقسيه على هواياته مثلا و على خدمتو ولا على أهدافه وهاكا اسئلة بريئة وعندهم معنى
ولكن من الأفضل متكثريش
نتمنى نكون فيدتك

 

[Snow pink]

أنا مخطوبة و برأيي كوني على طبيعتك مش لازم تبقي تخطي من قبل واش تقولي واش تتصرفي خلي كل شي يجي وحدو والكلام وحدو يجي

 

[Ľă Mîšš HîBă]

انا راجلي كونت نعرفوو عهههه ميحتاج نسقسيه