ضربة الليكيدايشن .. دراغون بول Z

[قرصان الساحل]

هلاو .. تحيتي لكم سكان البقعة المنبوذة في العالم .. بقعة الفقر والاوبئة بالصح ديما زاهيين ... محظوظون انتم لانتمائكم لشعوب العالم الثالث فهنيئا لي ولكم على تفوقنا على شعوب العالم الرابع ... واااااوو حقا انجاز رائع لازم نحتافلو بيه ...
اعععع بعد هادي المقدمة المقتبسة من كلمتي الافتتاحية بدولة سيراليون في اطار الاحتفالات الرسمية لتفوقنا على دول العالم المختلف وكوننا صرنا بامتياز العالم المتخلف وبعدما شبعنا تبهدايل من لزناش قررنا نردو اسمنا الدول "النامية" ولا في طريق النمو لكن السؤال المحير ..
اما طريق طويلة ما تخلاصش والمصيبة الاعظم اذا رانا في طريق الخطأ

نرجع لموضوعي عارف تفلسفت كثر على كارل ماركس .. ولي نتكلم فيه على كيفاه تعرف ان صاحبك يليكيدي فيك بالصح بلباقة متناهية ..

او التلفون بيناتنا ... ها وجهي ادا شفت لابال تاعو او ليكيداك وكمل ومكان لاه تزيد تتلقاه وتستفسر علاه ما عيطتليش علخاطر هادي الجلمة زادوها في القاموس ومعناتها الحقيقي "بدل وجهك عييت منك"

متهني . . كلمة واحدة من خمس احرف تخليك تامن بالقضية ويليكيديك حبيبنا .. بينك بين روحك انسى حكايتك هادي ودير روحك بلي سمعتو قالك "سفيان هني" مهاجم الخضر

المهم كاش جديد نعيطلك .. ايه استنى كاش جديد ربما العام الجاي ولا على خمس سنوات هو لم يحدد الفترة خلاها مفتوحة .. هنا او ليكيداك قانونيا

كنت نخمم فيك انت عيطت .. بزاف هوما لي عندهم سيزيام سونس غير يخمم فيك انت تعيطلو وفي الواقع هو نساك وانت فكرتو بلي راك موجود "اني نعيطلك ادن انا موجود" ولا كان حاب يليكيدي وانت اثبت الوجود

انا لازم نروح دوك لأن ..... هنا فعل امر يستوجب يروح حالا اما صح لازم يروح .. واما يستوجب يعملك عملية ليكيدايشن الزامية.

...... وهناك طرق كثيرة باه يعملك اي واحد عملية الليكيدايشن انتوما تعرفوها وتعملو رواحكم لالا وكاين لي يقولك واش كتبت انا ونيتو صافية هههه باه ما يوليش كلامي قانون ظالم ل الناس الصافية نيتهم اخخخخ ...​

 

[السلطانة]

وعليكم السلام ورحمة الله وبركاته
صح هاذو اساليب يستعملهم الجزايري باه يليكيدي ههه ويمد الريح لرجليه
مي مرات ينفعو
نكون في مجمع ماش عاجبني كلامهم نقولهم لازم نروح عندي صوالح نقضيهم
يعني نروح خير من نقعد نسمع في الكلام الفارغ تاع فلانة قالت وفلانة عملت ويضيعولي وقتي معاهم
أما تاع التيليفون صدقني
عندي يما وبابا وراجلي وخاوتي
نكلمهم ونطفيه
باقيها ندير معاهم غير الواجبة
خطراكش معنديش الوقت تاع الصح وبعد فكرتني واش نكره نهدر في البورتابل
عجبتني مقدمة التفلسيف لي درتها ههه
هيا تقبل مروري ايها البائس الافريقي


​

 

[ليليا مرام]

السلام عليكم قرصان اللمة واش راك وانت من مواليد ماي هارانا كامل ربايعية فالربيع ههه
وغدوة عيد الشوامرة كل عام وانت بخير
والله يا اخويا ضحكتني ايه صح الجزائري معروف بالليكيدايشن ههه انا فالحق قليل اتصالاتي ونعرف شكون يليديكي وشكون لالا مي اذا حسيت انسان لكيداني كون هاني لو يقعد غير هو ما يزيد يلقى رقمي عندو الله غالب عندي عزة نفس ولو يعيط يلقى رقمو فالمحذوفات انا هاكا ديركت ما نحبش العوج
اما انا نليكيدي انسان والله مرات وين يعيطولي نكون مع الطبيب نكوبي او عندي ظرف مي نرجع نبعث رسالة نعتذر او نتصل لازم الواحد يواجه ويكون قد كلمتو مي مع من تهدر يا خويا
شعبنا نتاع استناني 5 دقايق يولي على 5سنين ههه
مشكور قرصان اللمة

 

[ysf bkcm]

ههههه لوكان يقولهالي واحد نفهم روحي و مبعد نقولك صح وتبسيمة باش انا تاني نليكيديه

 

[العَنْقَاءُ]

ههه مرات حتّي كلمة إن شاء الله لكيداج كيما نقولوا : إن شاء الله نجيك ،.. هذيك الطريق !
في وقتنا هذا كن ما تكونش تهف ما تنجحش المشكلة كلنا في الهوى سوا عارفين وراضين بها
كنت نخمم فيك انت عيطت .. بزاف هوما لي عندهم سيزيام سونس غير يخمم فيك انت تعيطلو وفي الواقع هو نساك وانت فكرتو بلي راك موجود "اني نعيطلك ادن انا موجود" ولا كان حاب يليكيدي وانت اثبت الوجود
هاذو جماعة الدين وشحال واحد نساله دين نهار كي نتلقا به صدفة ولا نبعثله على حاجة أخرى يقولهالي كلي زعما راني خانقه أنا ناسيه أصلا ، فيلم رعب
علبالك مرات فيه بعض الناس من هؤلاء كي نمر عليه في الجامع كي نشوفه يتنشع يحسب روحه راح يولي دجاجة مشوية
يقلي الله يتقبل ..وأهلا فلان وشراك بخير والله قبيل كنت نهدر عليك ، وصالحتنا راها قريب إن شاء الله هذا ولا دراغون بول سوبر ساياجين
كالعادة هايل موضوعك يعطيك الصحة .

 

[Malika Tlm]

السلام عليكم
واش حوالك اخيب راك تغيب بزاف وناس لافريك راهم ملاح نتمني يتهلاو فيك ههه
نوليلك للموضوع ديالك
تعرف واعرة بزاف كي تحس بلي راهم يليكيديو فيك
والصعيبة والليكيدايشن باينه ههه كي تكتب ميساج وميردوش عليك بالمعني خطيوني ههههه
مي في بعض المرات والله يليق طريقة باش تليكيديهم
انا وحدة حيبتي تعيط فالدار وتبقي حاكمتني حتي نكره لوكان غي علي فايدة ماعليش غي الشكيل هههه
منعيا نمعنيلها باش نليكيديها وهي والوا ايا كي طول نقولها سمحيلي راهم يعيطولي ههه
الله يهدينا ويغفرلنا
موضوع طوب
شكرا اخي ومرة علي مرة بان اوك
تحياتي

 

[الورد الأحمر]

السلام عليكم

اي وي كاينة هذو الكل عبارات ليكيداسيون بالدرجة الأولى وكاين لي يقولوها مي يقصدو معناها الحقيقي مش معناها تاع الليكيداسيون.

ولا تلقى بنادم تبدا تحكي معاه يقولك نقولك حاجة هذي لحكايات يلزمها قعدة أو حتى نشوفو نهار ونقعدو ونحكو مليح وطبعا يقصد واش دخلني في حكاياتك اخطيني من المواضيع هذي رح تكسرلي راسي بيها مالا يليكيديك بحكاية القعدة وطبعا لا قعدة لا زوج ليكيداك للأبد.

تفكرت جارتي علابالك تقلقني تقلبلي راسي كي نلقاها مالا مرة لقيتها ديجا قلبي تنفض وليت ركبت الماسك تاع الفرحة ولعبتها فرحت بلقياها ههه وبدات بعد تثورنيلي في راسي مالا كوم علابالي طريقي وطريقها كيف كيف وتغمني حتى نوصل للبيغو قلت لازم نليكيدها قبل مالا قلتلها أنا أو رايحة لاجونس موبيليس نسقسي على لافاكتيغ تاع لابونمون تاعي خلصتها وزادو بعتولي بلي ما خلصتيش وطبعا لاجونس موبيليس طريقها طريق خلاف قلت باه تخطي جرتي هيا نلقاها قالتلي واااا أنا تاني هيا مالا نتهاودو وليت ندمت ع الارتجال هذا قلت كون كملت طريق الخدمة تجيني أقصر ونتهنا منها ع البكري من لي كنت نتحملها نص ساعة وليت رح نتحملها ساعة ونص .

هيا مشيت معاها شوية وشفت للساعة قلتلها اووو راح الحال ما يكفينيش الوقت نروخ لموبيليس ومبعد نروح للخدمة هيا نخليك برك وطبعا كبيتها على وجها هي سي بون نوات وما فيهاش رجعة مالا ليه ليه بقيتها بخير وهربت ما شفتش ورايا.

كي يليكيدك عبد اعرف بلي يشوفك سامط

 

[البحر الهادي]

كاين لي يستعمل معاك عبارات الإختصار تسأله يجاوبك باختصار معناه مارانيش حاب نحكي معاك
كاين لي يقولك ماشفتش ميصاجك وهي في الحقيقة كان في جهة أخرى
ربما لأنك ماعجبتهش
المهم الليكيداش له أشكال وأحوال
مي الشخص عليه بالصراحة

 

[Only me]

مازالك تهدر على الميسيو ماركس ههههه
وانت مكانش لي يقرا موضوعك ويليكيديك ولابد يدير تعليق
يعطيك الصحة والمقدمة مليحة بزااف واصل واصل ​

 

[قرصان الساحل]

وعليكم السلام ورحمة الله وبركاته
صح هاذو اساليب يستعملهم الجزايري باه يليكيدي ههه ويمد الريح لرجليه
مي مرات ينفعو
نكون في مجمع ماش عاجبني كلامهم نقولهم لازم نروح عندي صوالح نقضيهم
يعني نروح خير من نقعد نسمع في الكلام الفارغ تاع فلانة قالت وفلانة عملت ويضيعولي وقتي معاهم
أما تاع التيليفون صدقني
عندي يما وبابا وراجلي وخاوتي
نكلمهم ونطفيه
باقيها ندير معاهم غير الواجبة
خطراكش معنديش الوقت تاع الصح وبعد فكرتني واش نكره نهدر في البورتابل
عجبتني مقدمة التفلسيف لي درتها ههه
هيا تقبل مروري ايها البائس الافريقي


​

وعليكم السلام ورحمة الله
مرحبا بيم اختي ام ياسمين صدقتي في كلامك مرات وين الواحد يلقى روحو مضطر يريح في مجمع ما عندو فيه لا ناقة ولا جمل وزيد كلام فارغ ويخربلك المورال .. الحل كيما قلتي سهل وبسيط اختلاق عذر وامتطاء بساط علاء الدين السحري وانت هنيت على راسك هههه
مشكورة جزيلا على ردك الجميل اختي​

 

[قرصان الساحل]

السلام عليكم قرصان اللمة واش راك وانت من مواليد ماي هارانا كامل ربايعية فالربيع ههه
وغدوة عيد الشوامرة كل عام وانت بخير
والله يا اخويا ضحكتني ايه صح الجزائري معروف بالليكيدايشن ههه انا فالحق قليل اتصالاتي ونعرف شكون يليديكي وشكون لالا مي اذا حسيت انسان لكيداني كون هاني لو يقعد غير هو ما يزيد يلقى رقمي عندو الله غالب عندي عزة نفس ولو يعيط يلقى رقمو فالمحذوفات انا هاكا ديركت ما نحبش العوج
اما انا نليكيدي انسان والله مرات وين يعيطولي نكون مع الطبيب نكوبي او عندي ظرف مي نرجع نبعث رسالة نعتذر او نتصل لازم الواحد يواجه ويكون قد كلمتو مي مع من تهدر يا خويا
شعبنا نتاع استناني 5 دقايق يولي على 5سنين ههه
مشكور قرصان اللمة

مرحبا بيك ختي ليليا منورة
اييي وي كيما قلتي مليح الواحد يفهم روحو ماشي كيما بعض الناس تلقاي يليكيديو فيه مرة وزوج وهو لاصق في الروضة حتى يقولولو عمي احمد باع البغلة باه يفيق مع روحو ههه مليح الواحد يكون خفيف ظريف
يعطيك الصخة ختي ليليا . موفقة​

 

[قرصان الساحل]

ههههه لوكان يقولهالي واحد نفهم روحي و مبعد نقولك صح وتبسيمة باش انا تاني نليكيديه

ردك غامض نوعا ما خويا ما فهمتش ههه
ايا تسمى انت ديرلو كونطر اطاك وتليكيديه قبل ما يليكيديك هو هههه ايه تصلح
شكرا على المرور​

 

[قرصان الساحل]

ههه مرات حتّي كلمة إن شاء الله لكيداج كيما نقولوا : إن شاء الله نجيك ،.. هذيك الطريق !
في وقتنا هذا كن ما تكونش تهف ما تنجحش المشكلة كلنا في الهوى سوا عارفين وراضين بها
كنت نخمم فيك انت عيطت .. بزاف هوما لي عندهم سيزيام سونس غير يخمم فيك انت تعيطلو وفي الواقع هو نساك وانت فكرتو بلي راك موجود "اني نعيطلك ادن انا موجود" ولا كان حاب يليكيدي وانت اثبت الوجود
هاذو جماعة الدين وشحال واحد نساله دين نهار كي نتلقا به صدفة ولا نبعثله على حاجة أخرى يقولهالي كلي زعما راني خانقه أنا ناسيه أصلا ، فيلم رعب
علبالك مرات فيه بعض الناس من هؤلاء كي نمر عليه في الجامع كي نشوفه يتنشع يحسب روحه راح يولي دجاجة مشوية
يقلي الله يتقبل ..وأهلا فلان وشراك بخير والله قبيل كنت نهدر عليك ، وصالحتنا راها قريب إن شاء الله هذا ولا دراغون بول سوبر ساياجين
كالعادة هايل موضوعك يعطيك الصحة .

مرحبا بيك خويا شرفت
اي والله مرات ان شاء الله الغرض منها اطلقني نروح وكيما قلت المالور اللي يليكيدي فاهم واللي تليكيدا فاهم وعاشت العصافير سعداء ههه
اما جماعة الدين خليها على ربي تحساب وجهو مسلفو وكيما قلت قاتلو توسويس يشوفك يقلك لمانة قريب اخخخخخ توليلو كوشمار يرقد وينوض بيك ..
شكرا جزيلا على المرور
​

 

[قرصان الساحل]

السلام عليكم
واش حوالك اخيب راك تغيب بزاف وناس لافريك راهم ملاح نتمني يتهلاو فيك ههه
نوليلك للموضوع ديالك
تعرف واعرة بزاف كي تحس بلي راهم يليكيديو فيك
والصعيبة والليكيدايشن باينه ههه كي تكتب ميساج وميردوش عليك بالمعني خطيوني ههههه

مي في بعض المرات والله يليق طريقة باش تليكيديهم​

انا وحدة حيبتي تعيط فالدار وتبقي حاكمتني حتي نكره لوكان غي علي فايدة ماعليش غي الشكيل هههه
منعيا نمعنيلها باش نليكيديها وهي والوا ايا كي طول نقولها سمحيلي راهم يعيطولي ههه
الله يهدينا ويغفرلنا
موضوع طوب
شكرا اخي ومرة علي مرة بان اوك
تحياتي

وعليكم السلام مرحبا بيك ختي مليكة
رانا بخير الحمد لله وناس لافريك كامل مسلمين عليك من بوتسوانا مرورا بجيبوتي وصولا لمدغشقر هههه
ايييه ي لالة جارتك هادي سامطة ومش باغية تفهم روحها اخخخ تعيا تليكيدي مي حبيبتنا مركبة اونتي شوك ليكيدي ولا اقعد ههه
يعطيك الصحة ختي مليكة ... موفقة​

 

[قرصان الساحل]

السلام عليكم

اي وي كاينة هذو الكل عبارات ليكيداسيون بالدرجة الأولى وكاين لي يقولوها مي يقصدو معناها الحقيقي مش معناها تاع الليكيداسيون.

ولا تلقى بنادم تبدا تحكي معاه يقولك نقولك حاجة هذي لحكايات يلزمها قعدة أو حتى نشوفو نهار ونقعدو ونحكو مليح وطبعا يقصد واش دخلني في حكاياتك اخطيني من المواضيع هذي رح تكسرلي راسي بيها مالا يليكيديك بحكاية القعدة وطبعا لا قعدة لا زوج ليكيداك للأبد.

تفكرت جارتي علابالك تقلقني تقلبلي راسي كي نلقاها مالا مرة لقيتها ديجا قلبي تنفض وليت ركبت الماسك تاع الفرحة ولعبتها فرحت بلقياها ههه وبدات بعد تثورنيلي في راسي مالا كوم علابالي طريقي وطريقها كيف كيف وتغمني حتى نوصل للبيغو قلت لازم نليكيدها قبل مالا قلتلها أنا أو رايحة لاجونس موبيليس نسقسي على لافاكتيغ تاع لابونمون تاعي خلصتها وزادو بعتولي بلي ما خلصتيش وطبعا لاجونس موبيليس طريقها طريق خلاف قلت باه تخطي جرتي هيا نلقاها قالتلي واااا أنا تاني هيا مالا نتهاودو وليت ندمت ع الارتجال هذا قلت كون كملت طريق الخدمة تجيني أقصر ونتهنا منها ع البكري من لي كنت نتحملها نص ساعة وليت رح نتحملها ساعة ونص .

هيا مشيت معاها شوية وشفت للساعة قلتلها اووو راح الحال ما يكفينيش الوقت نروخ لموبيليس ومبعد نروح للخدمة هيا نخليك برك وطبعا كبيتها على وجها هي سي بون نوات وما فيهاش رجعة مالا ليه ليه بقيتها بخير وهربت ما شفتش ورايا.

كي يليكيدك عبد اعرف بلي يشوفك سامط

وعليكم السلام
اهلا بيك صاحبة القبعة الحمراء منورة
نرجع لحكاية جارتك ههه لان هادي ديما صرالنا تاع تعيا تليكيدي مي هي بقوة اسمط منك في النهاية تجيبها في روحك ... كيما انا مرة مع صاحبي بانتلنا هداك نهار على دوبارة تلاقينا واحد سامط باه نليكيديوه قلنالو رايحين ناكلو دوبارة قالنا والله راهي في خاطر ايا معايا اي خالصة عليا .. اخخخ قلنالو فوتنا من دوبارة عندنا طريق .. راوغناه ودخلنا لمحل يبيع دوبارة وفجأة دخل هو اخخخخخخخ
هاد نوع من ناس سامطين غير هوما كيما الفطريات
شكرا على مرورك صاحبة القبعة الحمراء​

 

[قرصان الساحل]

كاين لي يستعمل معاك عبارات الإختصار تسأله يجاوبك باختصار معناه مارانيش حاب نحكي معاك
كاين لي يقولك ماشفتش ميصاجك وهي في الحقيقة كان في جهة أخرى
ربما لأنك ماعجبتهش
المهم الليكيداش له أشكال وأحوال
مي الشخص عليه بالصراحة

مرحبا بيك خويا السحاب العابر
ايييييه هاديك تاع الاجابة قدر السؤال والاجابة بنعم او لا داخلة في طرق المتعددة كي واحد متعجبوش ولا كشما وصلولو هدرة
عندك حق الصراحة احسن لمن مرات مجبر اخاك لا بطل
تشكر على مرورك ...ربي يهنيك خويا​

 

[قرصان الساحل]

مازالك تهدر على الميسيو ماركس ههههه
وانت مكانش لي يقرا موضوعك ويليكيديك ولابد يدير تعليق
يعطيك الصحة والمقدمة مليحة بزااف واصل واصل ​

اه وي الهدرة كامل على حبيبنا ماركس هو الصح اخخ
اييييه ربي يعيشك عندك تقراي وتليكيدي اني سامط جدا كثر على فيثا ههه
الله يسلمك انت ايضا واصلي ولا تفاصلي
تحياتي​

 

[Only me]

اه وي الهدرة كامل على حبيبنا ماركس هو الصح اخخ
اييييه ربي يعيشك عندك تقراي وتليكيدي اني سامط جدا كثر على فيثا ههه
الله يسلمك انت ايضا واصلي ولا تفاصلي
تحياتي​

أواه نلقى ماركس كامل ونليكيدي غير هاذي مانديرهاش
يعطيك الصحة فيثا ، اتهلى ​

 

[صانعة الإبتسامة]

هلاو .. تحيتي لكم سكان البقعة المنبوذة في العالم .. بقعة الفقر والاوبئة بالصح ديما زاهيين ... محظوظون انتم لانتمائكم لشعوب العالم الثالث فهنيئا لي ولكم على تفوقنا على شعوب العالم الرابع ... واااااوو حقا انجاز رائع لازم نحتافلو بيه ...
اعععع بعد هادي المقدمة المقتبسة من كلمتي الافتتاحية بدولة سيراليون في اطار الاحتفالات الرسمية لتفوقنا على دول العالم المختلف وكوننا صرنا بامتياز العالم المتخلف وبعدما شبعنا تبهدايل من لزناش قررنا نردو اسمنا الدول "النامية" ولا في طريق النمو لكن السؤال المحير ..
اما طريق طويلة ما تخلاصش والمصيبة الاعظم اذا رانا في طريق الخطأ

نرجع لموضوعي عارف تفلسفت كثر على كارل ماركس .. ولي نتكلم فيه على كيفاه تعرف ان صاحبك يليكيدي فيك بالصح بلباقة متناهية ..

او التلفون بيناتنا ... ها وجهي ادا شفت لابال تاعو او ليكيداك وكمل ومكان لاه تزيد تتلقاه وتستفسر علاه ما عيطتليش علخاطر هادي الجلمة زادوها في القاموس ومعناتها الحقيقي "بدل وجهك عييت منك"

متهني . . كلمة واحدة من خمس احرف تخليك تامن بالقضية ويليكيديك حبيبنا .. بينك بين روحك انسى حكايتك هادي ودير روحك بلي سمعتو قالك "سفيان هني" مهاجم الخضر

المهم كاش جديد نعيطلك .. ايه استنى كاش جديد ربما العام الجاي ولا على خمس سنوات هو لم يحدد الفترة خلاها مفتوحة .. هنا او ليكيداك قانونيا

كنت نخمم فيك انت عيطت .. بزاف هوما لي عندهم سيزيام سونس غير يخمم فيك انت تعيطلو وفي الواقع هو نساك وانت فكرتو بلي راك موجود "اني نعيطلك ادن انا موجود" ولا كان حاب يليكيدي وانت اثبت الوجود

انا لازم نروح دوك لأن ..... هنا فعل امر يستوجب يروح حالا اما صح لازم يروح .. واما يستوجب يعملك عملية ليكيدايشن الزامية.

...... وهناك طرق كثيرة باه يعملك اي واحد عملية الليكيدايشن انتوما تعرفوها وتعملو رواحكم لالا وكاين لي يقولك واش كتبت انا ونيتو صافية هههه باه ما يوليش كلامي قانون ظالم ل الناس الصافية نيتهم اخخخخ ...​

ههههههه علابيها نحب بلادي بيها محبستلي راااسي شعب موسوس وفقير وdz بصح نحب بلادي ولوكان تتقدم الجزااائر وشي يضحكنا خليها متخلفه بااش نضحكوو هههههه هههه شكرراا

 

[الورد الأحمر]

وعليكم السلام
اهلا بيك صاحبة القبعة الحمراء منورة
نرجع لحكاية جارتك ههه لان هادي ديما صرالنا تاع تعيا تليكيدي مي هي بقوة اسمط منك في النهاية تجيبها في روحك ... كيما انا مرة مع صاحبي بانتلنا هداك نهار على دوبارة تلاقينا واحد سامط باه نليكيديوه قلنالو رايحين ناكلو دوبارة قالنا والله راهي في خاطر ايا معايا اي خالصة عليا .. اخخخ قلنالو فوتنا من دوبارة عندنا طريق .. راوغناه ودخلنا لمحل يبيع دوبارة وفجأة دخل هو اخخخخخخخ
هاد نوع من ناس سامطين غير هوما كيما الفطريات
شكرا على مرورك صاحبة القبعة الحمراء​

والله واقتبستلك باه نقولك بلي ضحكتني ههههه