Cc
بنااااات 
هههههه
الموضوع هو : #كفاه_تخدمي_في_المطبخ_بتنظيم_و_نظافة_بالأخص اللي راح تكون عايشة مع عجوزتها مام في داركم
مانطولش عليكم نصائح خفاف و ساهلين ديريهم أكيد راح تباني شاطرة
1_ كي تكوني طيبي في الغداء و لا العشاء و تبداي تقشري الخضروات ، لازم كي تكملي ترمي تم تم القشور تع الخضر و من بعد أغسليها ماتخليش كلش مخلط فوق البوتاجي ولا تقولي نخليهم حتى نكمل !
2_ من الأحسن كي تعولي راح تبداي تطبخي ديري ديما كمية تاع الماء تسخن باه تمرقي بيها و ماتمرقيش بالماء البارد ! (منها يجي طياب بنين و منها تم تم تطيب الماكلة تاعك )
3_ كي تكون القدرة تاعك تتقلى و تحركي فيها جامي تحطي المغرف لي حركتي بيها على البوتاجي ولا الكويزينيار مباشرة ! حطيها في بوغت كويياغ و لا فوق صحن صغير المهم ماتقعدش تقطر و توسخ البلاصة اللي حطيتيها فيها !
4_ هادي مهمة بزااف ديريها مليح في راسك كي تحبي تذوقي من الأكل ماتذوقيش بالمغرف و تلوحيها في فمك و ترديها المفرفة في القدرة هادي اطنسيو ! ذوقي بوحدة و حركي بوحدة أخرى و لا حطي شويا في صحن صغيور وذوقي
5_ كي تكوني تعجني و لاتخدمي في أي حاجة بيديك و تبغي تجيبي حاجة أخرى بالاكي تمسحي يديك في قشك سوغتو كي تكوني مزروبة ! روحي أغسلي يديك و جيبي واش تحبي
6_ ماتخليش الماعن تاع الطياب حتي كي تتعشاو و تخلصوا الماكلة نوووو كي يبقى الوقت اللي تخلي فيه القدرة تتقلى أغسليهم باه مايكثروش عليك من بعد ، و في نفس الوقت يقعد المطبخ منظم
7_ كي تكملي الطياب ماتروحيش هكاك بالروايح تاع البصل و التوم تقعدي مع الغاشي ترهجيهم مساكن ألوغ أغسلي مليح بأي نوع صابون تحبي المهم تتنحا الريحة ولا ديري القارص تنحي ريحة البصل وتوم
8_ و كاينة حاجة تاني في طياب ماتكثريش الملح لانو كي يكون ناقص شوي تقدي تزيدي من بعد مش كيما كي يكون مالح راح تطلعيلهم لاطونسيو و تحصلي فيهم ههه و أيضا ماتكثريش من الطوماطيش تاع الباط باه ماتجيش الماكلة حامضة ^^
اني كملت حبوباتي ان شاء الله يكونوا عجبوكم هاد النصائح الساهليين و شجعوني باه نزيدلكم نصائح في مواضيع أخرى ، نحبكم و ادعيولي معاكم بالخييير
