السلام عليكم و رحمة الله و بركاته
ان شاء الله عائلة اللمة راهم لا باس ، مع اني نعرف بلي كل واحد ناقصته حاجة و انا منكم بصح الحمد و الكمال لله وحده .
بغيت اليوم نهدر على الزيارات انتاع النساء لبعضهم البعض ، و ربي سبحانه وصى بها لصلة الرحم و الاجر و الواجب و للمحتاج لمساعدة مهما كان نوعها و للمريض باش نجيبوا الاجر يعني الرحمة تغطينا .
و على هذا الاساس زرت جارتي الي خرجت من السبيطار و لقيت عندها النساء بزاف و بدات حكايات الغيبة انتاعهم في فلانة و علانة ، و قالت واحدة راه دارت العرس و معرضتكش طار مخها و قالت مزية هاكا بغيت انا بصح مبغاتش تنسى و راحت تحكي و تعاود و تتحسر و فلانة دارت و الاخرى دارت و هذيك راحت حتى المريضة معاهم في الغيبة و مستمتعة جدا .. احترت في نفسي و كرهت الجلسة ،و مبعد دخل فيها موضوع الكلاب فقلت الكلاب في البيت ميخلوش الملائكة تدخل فقالت الاخرى معليش ،اما المريضة الي كانت بين و بين قالت كلابي نبيعهم ب 4 ملاين لواحد و لا مكانش
تفاجأت بتفكيرها و سقطت في عيني كيعاد تفكر بالطريقة هذي .
استأذنت و قلت لازم نروح فقالت ما زال الحال اقعدي نشيخوا يعني نزيدوا الذنوب اكثر فاعتذرت قالت امالا أرجعي قلت ان شاء الله و في قلبي قلت راني نزيد نولي .
لما رجعت حسيت روحي معمرة بالذنوب استغفرت رب العالمين
وين راهم زيارات زمان انتاع الجلسة الصافية الي نتعلموا منها و نعلموا و نرضيو رب العالمين
ولات جلسة الغيبة و الكلاب
الخط اليكم لا تبخلوا …
ان شاء الله عائلة اللمة راهم لا باس ، مع اني نعرف بلي كل واحد ناقصته حاجة و انا منكم بصح الحمد و الكمال لله وحده .
بغيت اليوم نهدر على الزيارات انتاع النساء لبعضهم البعض ، و ربي سبحانه وصى بها لصلة الرحم و الاجر و الواجب و للمحتاج لمساعدة مهما كان نوعها و للمريض باش نجيبوا الاجر يعني الرحمة تغطينا .
و على هذا الاساس زرت جارتي الي خرجت من السبيطار و لقيت عندها النساء بزاف و بدات حكايات الغيبة انتاعهم في فلانة و علانة ، و قالت واحدة راه دارت العرس و معرضتكش طار مخها و قالت مزية هاكا بغيت انا بصح مبغاتش تنسى و راحت تحكي و تعاود و تتحسر و فلانة دارت و الاخرى دارت و هذيك راحت حتى المريضة معاهم في الغيبة و مستمتعة جدا .. احترت في نفسي و كرهت الجلسة ،و مبعد دخل فيها موضوع الكلاب فقلت الكلاب في البيت ميخلوش الملائكة تدخل فقالت الاخرى معليش ،اما المريضة الي كانت بين و بين قالت كلابي نبيعهم ب 4 ملاين لواحد و لا مكانش
تفاجأت بتفكيرها و سقطت في عيني كيعاد تفكر بالطريقة هذي .
استأذنت و قلت لازم نروح فقالت ما زال الحال اقعدي نشيخوا يعني نزيدوا الذنوب اكثر فاعتذرت قالت امالا أرجعي قلت ان شاء الله و في قلبي قلت راني نزيد نولي .
لما رجعت حسيت روحي معمرة بالذنوب استغفرت رب العالمين
وين راهم زيارات زمان انتاع الجلسة الصافية الي نتعلموا منها و نعلموا و نرضيو رب العالمين
ولات جلسة الغيبة و الكلاب
الخط اليكم لا تبخلوا …
