واش راه يهدر ؟؟؟

[الصحافية الساخرة]

باي باي الوزير يشطح الآي الآي

سامية تزيد الصوت باش يشطح الغاشي

باي باي بلادي النسوان زغاريد و الصوت عالي

حقوق المرأة وقت الفوط عصا باش راجلها يفوطي

¤ ¤ ¤ ¤ ¤
​

وجدولنا ستيلو وورقة

البيبان و الطريق كلها مفتوحة

والقوانين سامح هذي المرة

سمّع صوتك بلادك تولي موخدة

¤ ¤ ¤ ¤ ¤
​

سمع صوتك باش الخضرى تزيد تغلى

سمع صوتك باش فالشهرية تقعد تستنى

سمع صوتك باش الوالي يزيد يتبلى

سمع صوتك باش الحكومة علينا تتخلى

¤ ¤ ¤ ¤ ¤
​

كرهنا .. اللي قاري يخلصها جاري

كرهنا .. اللي مريض يبقى يداوي


شبعنا .. واحد مالقاش خدمة وشروط المرى زادوا

شبعنا .. واحد مع الكرى فوت 20 سنة من زواجو

¤ ¤ ¤ ¤ ¤
​

سمع صوتك باش كل شهر فنان و حفلة

سمع صوتك باش كل عام قانون و وزيرة جديدة

سمع صوتك باش كل مرة أزمة

سمع صوتك باش توالف تعيش بالهدرة

¤ ¤ ¤ ¤ ¤
​

سمع صوتك باش يدولك دراهمك و تبقالك القفة فارغة

سمع صوتك باش ياكلوا اللحم و أنت تبقى نهارك جاري على خبزة

سمع صوتك باش يقرو ولادهم لبرى وولادك بسيدي يراجعوا فالعطلة

سمع صوتك باش يداووا فالخارج و أنت و حنا هنا نموتوا بلا عمليّة

¤ ¤ ¤ ¤ ¤
​

سامية زيدي صوت الموسيقى الشياتين دايرين زردة

تصفيقة خمسة في خمسة

شطحة مع غمزة

سمع صوتك الشكارة واجدة

الفنان و الشيتة قوية

وصّل للشعب برية

حطولوا على البلاصة قفة ذهبية

سمع صوتك هكذا تبقى لعبة بين يديهم

سمع صوتك هكذا تزيد تفلس الخزينة و تتعمّر شكايرهم

اقطع الصوت يا.. سامية الفقاقير​

( واش راهم يهدروا ؟؟؟ , يا جماعة هذا صوتي و منحبش السياسة مي.. عندي حاجة يسموها حرّية التعبير لا يهم من يعجبه الكلام أو لا , المهم أنني ممن عبّروا من القلب آملة أن تتغير أوضاعنا مستقبلا للأحسن ياا رب)

​

 

[ليليا مرام]

السلام عليكم فاطيمة
ولانو حرية وديموقراطية اني نسمع صوتي انا حتى باه نسمعهم خسارة فيهم كي نبغي نسمع صوتي نغني كي نتقلق فالدار وهذي نتاع زليخة في خاطرك
سووووب الرشراش في طريق عريضة ... في طريق عريضة
وفتحي ماجاش وصبحت مريضة ..... وصبحت مريضة هه
لالي لالي يمى لالي لالي لالي يمى لاااااااااااااااااال انا صوتي اما نغني بيه اما نعيط يهبولني اما نحكي فالتلفون اما نحكي مع روحي
ما عندي صوت نمدولهم ما مدولي والو بلادي نحبها سماها ارضها شجرها مي الغراد اللي فيها للواد يا اختي يندبو غدوة نصبح راقدة وما نسوطيش وما نسمعش صوتي

 

[aljentel]

تفاءلوا بالخير تجدوه ...
ثم قطع الصوت عن من يستحق يعطي فرصه لمن لايستحق ...

 

[Malika Tlm]

السلام عليكم
الله يعطيكم الخير والهناء
وعلاه منديروش اليد فاليد ونروحوا نمدوا صوتنا بصح نختاروا واحدلي فيه الثقة
ايا كامل صبحوا ناشطات وجدوا راسكم
الجزائر بلادنا
اوك ايا انا نقولكم علي من نصوت بصح توعدوني ديروا كيفي ؟
نصوت علي راسي ههههههههه
ربي يجيب الخير

 

[صانعة الإبتسامة]

اذا كان واحد يستاهل نمد صوتي واذا ماكانش مانمدش واااااحد مايساااالنيok

 

[الصحافية الساخرة]

اذا كان واحد يستاهل نمد صوتي واذا ماكانش مانمدش واااااحد مايساااالنيok

ما يسايلك حتى واحد (ملاحظة : اعيدي صياغة كلماتك لا تنهي كلامك ب اوكي خاطر نحترم اراء الغير مالا متزيديش تغلطي عقلك و اعرفي بلي هذا رايي و اللي عندو راي خلاف يعبّر مانسايلولوش )

 

[صانعة الإبتسامة]

ما يسايلك حتى واحد (ملاحظة : اعيدي صياغة كلماتك لا تنهي كلامك ب اوكي خاطر نحترم اراء الغير مالا متزيديش تغلطي عقلك و اعرفي بلي هذا رايي و اللي عندو راي خلاف يعبّر مانسايلولوش )

اختي الغالية متزعفيش اااااااااسفة

 

[الصحافية الساخرة]

اختي الغالية متزعفيش اااااااااسفة

لا مزعفتش فقط حبيت نوصلك بلي هذا مجرد رأي واكيد توجد اراء اخرى مختلفة
وبما أنك منتسبة جديدة مرحبا بك واقامة طيبة

 

[صانعة الإبتسامة]

حبيت نعطي رأي وكتبت ok بنية طيبة صدقيني المهم ما زعفتيش وأن نعرف ءنو الجزائريات يطرحو مواضيع تخلي الواحد لازم يرد صح

 

[البحر الهادي]

وينتا كانوا يسمعوا للشعب
واك 5خمس سنوات وآذانهم صماء
وهل تتنتخبون لي يزيدولكم في السلعة ويصوتوا على ذلك ولي هم السبب في الأزمة
غريب أمرهم لايستحييون ولايعرفون الحياء
اللهم ارزقنا ولاة أمور صالحين
الشعب فقد الثقة فيهم