nina2tessy
:: عضو منتسِب ::
لسلام عليكم يا احلى نساء و فتيات
و كيما عاودناكم ديما بالجديد و المفيد ...
اليوم جبت نحكيلكم على وحد الموقف لي اكييييد الكل مرو بيه في مرحلة عمرية ما
نرقد ببشرة كيما تع لي بيبي ، نوض صباح منقطة كي الدعسوقة ... . نعم نعم ... نهدر على الحب
سواء كان المزمن و لا يخرج بشكل مفاجئ في أهم أيام حياتنا ... و كأنو هاذيك الحبة تحب تشاركنا هاديك اللحظات
لا و تزيد تلعب فيها من متابعين العريفي ... تطبق في "ضع بصمتك " عااامم كامل و لا البقعة متحبش تروح
زينوناتي نحبكم تعرفوا بلي كاين ناس تشكيلة البشرة تاعهم خاصة الدهنية و لا عندهم شوية هرمونات زايدة ... هاديك حاجة عادية سايسي بشوية برك
بصح انا في هاد الموضوع رح نهدر على الأخطاء تقدر تكون بريئة
... نديروها كلنا ... و حنا ماعلابالناش بلي رح تتسبب لنا في حبوب
المشكلة الأولى :التغذية: خاصة الحلويات و السكريا
اصبري نكون معاك صريحة أكثر
خايفتني نقولها ... ايه الشيكولا .. شوكولا ..تشوكلايت .... هي المسبب الأول ... تطيحي عليها هادي ميلكا هادي شوكولا نوار هادي شوكولا غوز مبعد تقولي هادا منين جاني
خليني نعمم شوية .. كاينة قاعدة تقولك .. صحة البشرة من صحة الأمعاء .. حطي هاد الحاجة في راسك
يعني كثريلي شوية من الماكلة الصحية و نقصي من المعلبات و المواد الحافظة لي كاينة في الماكلة شوية فاكهة على شوية خضر و تشوفي البشرة تاعك كيفاه تولي
الحاجة الثانية: تخلي الحبوب تطلعلك ... هوما حوايج بزاف بصح انا رح نلخصها في حاجة وحدةهي البكتيريا ... كل وحدة منا البشرة تاعها عندها تركيب و عدد معين من البكتيريا .. تحميها من استوطان بكتيريا اخرى
و هادا الشي رح يخلينا نستنتجو زوج نقاط
النقطة الأولي : التنظيف الزايد و المعمق و المفرط رح يخلي البشرة تاعك من جهة تحس بالجفاف ، تفرز دهون أكثر و بالتالي يظهرو حبوب ... و الحاجة الثانية رح تتعرى ، يعني ماكانش البكتيريا لي رح تحميها ... اذن رح تخلي بكتيريا أخرى تستوطن عليها و رح تخرجلك حبوب
النقطة الثانية اي حاجة تلامس الوجه تاعك ، فيها نوع من البكتيريا رح تسببلك بحبوب
أبسط مثال : أنتي في الحارج ، طلعتي للحافلة .. حكمتي في هادوك لي يحكمو فيهم . حكك شوية وجهك . هااااااه ارواح نمسحك كامل .....يخرجو حبوب ... اصبري حكتني عيني ... روحتي بيها حمرا
أمثلة أخرى:
المخدة :X3:
الخيمار :X3:
اصبري نقولك حاجة .. التيليفون .. انعم ايه .... أكثر شي يقيس الخد تاعك ... و نهار كامل و نتي تمسيه بيديك .... فكرتي نهار تعقميه ؟
ادوات المكياح
المكياج .. على قد ما يكون ثقيل .. على قد ما يغلق على المسام ... ميخليش البشرة تاعك تتنفس ... يخرجوا حبوب ...
حاجة أخيرة .. علابالللييي طولت عليكمكاين حاجة مهمة أغلبية البنات ميعرفوهاش ... هي الفيتامين B12
الحبوب تعشق و تموت في هاد الفيتامين
يعني الا كنتي تشربي فيه دواء و خرجولك حبوب .. عادي
لكن مش مريضة ، كيفاش يؤثر عليا هاد الفيتامين
الشامبوان : انعم ايه.. كاين لي في المركبات تاعهم تلقايهم يقولك او لالا شوامبو ا لا فيتامين بي دوز بوغ لا صونتي دي شوفو .... لا لا لا بلاكي يكلخولك
لا شعرك يتعدل و زيد وجهك يتندب
و مادامنا حكينا على الشعر ... خليني نفكركم بلي الشعر المزيت كي تطيح الدهون تاعو على البشرة تاعنا رح تؤدي لظهور دهون
اذن هاد الحوايج الخفيفة لي حنا ما نعطوهاش اهمية ، تخرّجّلنا حبوب ... تفكروا البكتيريا ، الأكل و خاصة الفيتامينات
ملاحظة
بست بست هههه:p:p : راكم تقولو علاه نيناتي بدلت اسمها لزخرفة
هادي مفاجأة راني نحضرها لييييكم ان شاء الله رح نهدرلكم عليها مع العيد
ان شاء الله تعجبكم ههههههههه
سلام
