تَجربتي مع شامبو و سيروم ~ذيل الحصان~

[{مُدَلَّلَتُهُ}]

السلآم عليكم كيراكم أخواتي

ان شا الله بخير و أموركم تمام

اليوم جيت و جبت معايا منتج راه عندي تقريبا شهر معاه و الي هو

شامبو و سيروم ذيل الحصان من صنع شركة

~touch me ~

استعملته لأنه يمنع التساقط و هو شامبو ضد القشرة

النتيجة :

هايلة شعري ماراهش يطيح كيما كان

بالنسبة للقشرة ما نعرف ماكانتش فيا من قبل باه نأكدلكم إذا صح مزيل للقشرة ولا لا

+ كي نغسل بيه يولي شعري خفييف و املس

أما السيروم فريحته هايلة هايلة تهبل ♥

+ طبقت نصيحة قريتهاا في الفيس هي أني ما نمشطش شعري و هو مبلول :Love: و صح كيما قالوا ملي بطلت هاذيك الطبيعة شعري رجعتله شوية الروح

طريقة الإستعمال:

الشامبو عادي نغسل بيه يعني كيما كامل الشامبوهات
و كي نخرج من الدوش و ينشف شعري شوية نديرله السيروم هاذاك نخليه شوية مبعد نمشطه

السعر :

ما نعرف جابهلي بابا

بلد الصنع :

تايلندا

صور المنتوج:

هاذا الشامبو ، العبوة شفافة يعني هاذاك اللون الأسود هو لون السائل

هاذي القارورة من االخلف

اما السيروم فهذا هو

من الخلف

انتهى الموضوع

ان شا الله نكون أفدت خواتاتي . . .

نلتقي في فرصة أخرى مع موضوع آخر بإذن الله

السلآم عليكم
​

 

[ضآحكة مستبشرة]

السلام عليكم و رحمة الله
شكرا لك اختي هدى على الموضوع
و الله رآني في حاجة ماسة لكاش عفسة نمنع بيها تساقط الشعر لانو شعري فرغ بزاف
يعطيك الصحة حبيبتي
و ان شاء الله نطبق نصائحك​

 

[الورد الأحمر]

السلام عليكم ورحمة الله وبركاته

يعطيه الصحة باباك راه جابلك حل من حيث لا تحتسبين ههه .

جامي شفتو الشامبو هذا الصراحة وأنا تاني كان عندي مشكل تساقط الشعر حتى كرهت من شعري قلت كاش نهار يفضلي هههه مي استعملت وحد الماسك تاع الشعر يخي ريحلي شعري شوية.

شعرك أختي نور من النوع الجاف ولا الدهني ولا الشامبو هذا يليق لكل أنواع الشعر ويخي يتباع عادي في بوتيكات الكوسميتيك ؟

ويعطيك الصحة على مشاركتنا التجربة بارك الله فيك :kiss:

 

[{مُدَلَّلَتُهُ}]

السلام عليكم و رحمة الله
شكرا لك اختي هدى على الموضوع
و الله رآني في حاجة ماسة لكاش عفسة نمنع بيها تساقط الشعر لانو شعري فرغ بزاف
يعطيك الصحة حبيبتي
و ان شاء الله نطبق نصائحك​

و عليكم السلآم اهلين اسومة

بلا مزية حنونتي المهم تستفادي .. حتى انا كي كنت في الجامعة خلاص وليت نقول لوكان نزيد شوية نولي gـرعة بصح ضروك الحمد الله بدا شعري يخلف

ان شا الله الزينة نورتي الموضوع حنونتي​

 

[{مُدَلَّلَتُهُ}]

السلام عليكم ورحمة الله وبركاته

يعطيه الصحة باباك راه جابلك حل من حيث لا تحتسبين ههه .

جامي شفتو الشامبو هذا الصراحة وأنا تاني كان عندي مشكل تساقط الشعر حتى كرهت من شعري قلت كاش نهار يفضلي هههه مي استعملت وحد الماسك تاع الشعر يخي ريحلي شعري شوية.

شعرك أختي نور من النوع الجاف ولا الدهني ولا الشامبو هذا يليق لكل أنواع الشعر ويخي يتباع عادي في بوتيكات الكوسميتيك ؟

ويعطيك الصحة على مشاركتنا التجربة بارك الله فيك :kiss:

و عليكم السلآم أهلين نونورا عاش من شافك حبيبتي

هههه و الله غي تع الصح سلكني من الغبينة

مشكل تساقط الشعر راه هالك الدنيا كاملة الناس كاملين يشكو من هذ المشكل

شعري انا دهني و الشاامبو هاذا ماهمش دايرين واش من نوعية يطيح عليها تسما نورمالمو يوالم كامل أنواع الشعر

و تصيبيه وين ما رحتي في البوتيكات تع الكوسميتيك ♥

و فيك بارك الرحمان نورتيني حنونتي تسلمي

 

[Malika Tlm]

السلام عليكم
مشكورة حبيبتي
انا سمعت بيه ولكن خفت منو مي كي جربتيه وخرج عليك نجربوه ان شاء الله
مشكورة اختي

 

[{مُدَلَّلَتُهُ}]

السلام عليكم
مشكورة حبيبتي
انا سمعت بيه ولكن خفت منو مي كي جربتيه وخرج عليك نجربوه ان شاء الله
مشكورة اختي

و عليكم السلآم أهلين بالهادئة ملّوكة ♥

العفو الزينة ان شا الله تجربيه و يخرج عليك حنونتي

تسلميلي على مرورك الزينون ​

 

[الورد الأحمر]

و عليكم السلآم أهلين نونورا عاش من شافك حبيبتي

هههه و الله غي تع الصح سلكني من الغبينة

مشكل تساقط الشعر راه هالك الدنيا كاملة الناس كاملين يشكو من هذ المشكل

شعري انا دهني و الشاامبو هاذا ماهمش دايرين واش من نوعية يطيح عليها تسما نورمالمو يوالم كامل أنواع الشعر

و تصيبيه وين ما رحتي في البوتيكات تع الكوسميتيك ♥

و فيك بارك الرحمان نورتيني حنونتي تسلمي

وي صح بزاف بنات يشكو من تساقط الشعر ...

داكوغ رح نشوف عليه مالا في البوتيكات ونقرا واش مكتوب فيه بعناية :p ونقرر بالاك نجربو وندعيلك بالخير :kiss::kiss:

مغسي حبيبتي :kiss:

 

[آمِيْرَتُه]

السلام عليك
يعطيك الصحة
كيما قلتي الكل راه يعاني من تساقط الشعر

 

[السلطانة]

وعليكم السلام

بصحتك التجربة والشامبو الرائع

الف شكر حبيبتي

 

[{مُدَلَّلَتُهُ}]

وعليكم السلام

بصحتك التجربة والشامبو الرائع

الف شكر حبيبتي

و عليكم السلام

العفو حنونتي ربي يخليك على مرورك تسلميلي ♥​

وي صح بزاف بنات يشكو من تساقط الشعر ...

داكوغ رح نشوف عليه مالا في البوتيكات ونقرا واش مكتوب فيه بعناية :p ونقرر بالاك نجربو وندعيلك بالخير :kiss::kiss:

مغسي حبيبتي :kiss:

ههههههههههه ادعيلي بالخير جربتيه ولا ما جربتيهش :p ان شا الله يخرج عليك الزينة تسلميلي​

السلام عليك
يعطيك الصحة
كيما قلتي الكل راه يعاني من تساقط الشعر

و عليكم السلآم

الله يسلمك حنونتي ... شكرا على المرور​

 

[Bouchra zarat]

mrci kheti

 

[الأميرة الخجولة]

شكرا أختي الي مبخلتيش علينا وحطيتي موضوع لخطرش بزاف يعانو من تساقط شعر ...
حبيت نسقسيك أسكو سيروم مليح سعره ؟ انا يتساقط مي غير شويا اسكو نديرو عادي وشكرا