تاجر الصباط و الرقابة اللي مكانش

[زاد الرحيل]

السلام عليكم و رحمة الله و بركاته
ان شاء الله ناس اللمة راهم لا باس
على بالي الحال سخون و النعاس أداهم و في الحقيقة عندهم بزاف و هما نعسانين و الصيف يكمل عليهم
رانا مستعدين للصيف كامل نجبدوا قش الصيف و نخبوا انتاع الشتاء والي معندوش ايروح يشري و الي معندوش يسلف
شريت بشماق لابني من خدمة الشناوة اللي راهم مصيطرين على سوق الصباط و لما لبسوا ولات رجله حمراء يا لطيف و حكمه التهاب الله يستر عليه و راح يبكي و انا مرعوبة و عرفت انهةسام منيش عارفة منين صنعوه
تاجر الصباط ميهموش النوع انما الثمن الرخيس يشري ب50 دج و يبيع ب300 دج و هاكا راه رابح
الرقابة وين راه من هذا الاجرام ،المفروض السلعة متتوزعش في الاسواق حتى يتاكدوا من سلامتها و شروط الصحة
بصح الشكارة دارت رايها هي الرقابة و هي كل شيئ
ولينا نشريو المرض لاولادنا بسواردنا
هذي دولة رقابة مكانش صول و جول كما حبيت و القانون يطبق على الفقراء

 

[الورد الأحمر]

السلام عليكم ورحمة الله وبركاته

ان شاء الله ابنك متحسن ؟ وسلامات ان شاء الله

والله يا أختي السلعة تاع الشناوة راهي مكتسحة الحالة عندنا وتعرفيهم شاطرين في التقليد مالا شوفي دوك لمكلحين لي يبيعولهم حاجة تاع لاشين باسم الحاجة الأصلية ويخلصوها بحق الحاجة الأصلية وهي تقليد وكاليتي عيانة.

علابيها الإنسان مش لازم يغرو السعر الرخيص واش الفايدة نشري حاجة تتقطعلي في فترة قصيرة !

أما ع الرقابة يا اختي شكون يراقب شكون ؟ راه المراقب بالذات لازمتو رقابة والرقابة لي ع المراقب لازمتها رقابة حتى توصل لراس الهرم لي بحذ ذاتو لازمتو رقابة هذي الحالة نوصلولها كي نعودو ناسيين بلي كاين رقيب أعظم ونبطلو نخافو ربي نرجعو هكذا كل إنسان لازمتو رقابة في الوقت لي كون كل واحد يتفكر بلي كاين رب يحاسب ويراقب لوكان رانا بخير.

ربي يشفي ولدك واتولهي قبل ما تشري حاجة شوفي ديما بلد الصنع والماتياغ لي مخدومة بيها.

 

[الأزرق الملكي]

السلام عليكم

الرقابة في الألبسة غير موجودة و من يستورد لا يهمه النوعية لهذا يجب أن يحرص الفرد بنفسه على نوعية الألبسة خصوصا

تجنب المنتوجات الصينية والتي تؤذي الأطفال لان لحمهم مازالت لينة ، في الغالب الأحذية الرخيصة مصنوعة بمواد سامة والتي قد تسبب

السرطان لهذا من الأفضل شراء أحذية متوسطة السعر و تكون جلدية أو مصنوعة بالقماش و الإبتعاد عن النايلون

أن تكون الرقيب لصحتك وصحتك أبناءك أفضل من وضع الثقة في الأخريين حتى في الأكل وليس في فقط في اللباس .

بارك الله فيك​

 

[زاد الرحيل]

و عليكم السلام و رحمة الله و بركاته
الى متى تبقى الرقابة غاىبة نظن رانا في 2017والرقابة مكانش يعني دولة متخلفة صراحة الثمن الرخيس مرة على مرة تكون الاشكال جميلة و الاطفال ينبهروا بها و يطلبوها و الفقير كيفاش يدير المسكين وين راه المسؤول عليه
حتى الصباط الغالي انا نشريه و نلقاه مضر بالارجل و عندك الحق الجلد هو الصحي و على هذا الي ميقدرش يشري جديد يشري المستعمل احسن من النيلون
مع ذلك انا بغيت التجار يتعاقبه لانهم يستوردوا لنا مزبلة الصين و يجنيو المليارات
شكرا لمرورك و لاثرائك للموضوع

 

[زاد الرحيل]

السلام عليكم ورحمة الله وبركاته

ان شاء الله ابنك متحسن ؟ وسلامات ان شاء الله

والله يا أختي السلعة تاع الشناوة راهي مكتسحة الحالة عندنا وتعرفيهم شاطرين في التقليد مالا شوفي دوك لمكلحين لي يبيعولهم حاجة تاع لاشين باسم الحاجة الأصلية ويخلصوها بحق الحاجة الأصلية وهي تقليد وكاليتي عيانة.

علابيها الإنسان مش لازم يغرو السعر الرخيص واش الفايدة نشري حاجة تتقطعلي في فترة قصيرة !

أما ع الرقابة يا اختي شكون يراقب شكون ؟ راه المراقب بالذات لازمتو رقابة والرقابة لي ع المراقب لازمتها رقابة حتى توصل لراس الهرم لي بحذ ذاتو لازمتو رقابة هذي الحالة نوصلولها كي نعودو ناسيين بلي كاين رقيب أعظم ونبطلو نخافو ربي نرجعو هكذا كل إنسان لازمتو رقابة في الوقت لي كون كل واحد يتفكر بلي كاين رب يحاسب ويراقب لوكان رانا بخير.

ربي يشفي ولدك واتولهي قبل ما تشري حاجة شوفي ديما بلد الصنع والماتياغ لي مخدومة بيها.

و عليكم السلام و رحمة الله و بركاته شكرا لاعتمادك لموضوعي
والف شكر لسؤالك على ابني و الحمد لله نقص الاحمرار بصح الاثر ما زال كاين و الكلاكيت خبيتها لاني ممكن نبعثها لصحافي الجريدة لان الصمت هو السبب في التمادي في الفساد
اما التجار على بالهم بكل شيئ و هما يحكوا و يقولوا السلعة متنوعة و احنا نشريو الرخيسة .في اوروبا السلعة هذه ممنوع تدخل عندهم و يشترطوا الجودة و المقياس الصحي و الخونة أنتاعنا ميهمهمش حتى حاجة داىما نفكر في الفقير منين يجيب خاصة الاطفال
وعندك الحق الله يهدي و يصلح حالنا و حال البلاد الي راه بلا رقيب الا الله

 

[Salah eddin]

السلام عليكم
صح ..لهيب الاسعار راه داير حالة
بصح شكون الي يراقب
الي من المفروض يراقب راه هو في روحو خاليها الرحمة تاعها الا من رحم ربك
و لذلك السوق لعب
الله يجعل الخير و خلاص ​

 

[صانعة الإبتسامة]

السلام عليكم و رحمة الله و بركاته
ان شاء الله ناس اللمة راهم لا باس
على بالي الحال سخون و النعاس أداهم و في الحقيقة عندهم بزاف و هما نعسانين و الصيف يكمل عليهم
رانا مستعدين للصيف كامل نجبدوا قش الصيف و نخبوا انتاع الشتاء والي معندوش ايروح يشري و الي معندوش يسلف
شريت بشماق لابني من خدمة الشناوة اللي راهم مصيطرين على سوق الصباط و لما لبسوا ولات رجله حمراء يا لطيف و حكمه التهاب الله يستر عليه و راح يبكي و انا مرعوبة و عرفت انهةسام منيش عارفة منين صنعوه
تاجر الصباط ميهموش النوع انما الثمن الرخيس يشري ب50 دج و يبيع ب300 دج و هاكا راه رابح
الرقابة وين راه من هذا الاجرام ،المفروض السلعة متتوزعش في الاسواق حتى يتاكدوا من سلامتها و شروط الصحة
بصح الشكارة دارت رايها هي الرقابة و هي كل شيئ
ولينا نشريو المرض لاولادنا بسواردنا
هذي دولة رقابة مكانش صول و جول كما حبيت و القانون يطبق على الفقراء

الشخص يمشي حااافي ومايشريش من عندهم الله يستر

 

[secret de coeur]

وعليكم السلام اختي
لاباس على وليدك ربي يصونو ويحميه
مي مشكل صبابط هذا راه باغتو وماشي غير صنع صيني تاني اسباني
شريت بالغين اسباني بحقو -_- ومتالي عظام رجلي خرجهملي ودارلي التهاب :X3:
زكارة فيه شريت شينوي :p وصدق خير منو
هو الشينيوي ولا اي ماركة تصيبي لوريجينال والمغشوش مي لبروبلام فلي يبيع لاضمير لا قلب لا يديك لايردك
مهم يبيع وبالسومة الي يحب هو وحنا ولينا نشيرو على حساب السومة
الله غالب انها الجزائر
واذا تحبي تشري orthopédique شهريتك تكمليها على زوج صوالح
ربي يجيب الخير

 

[زاد الرحيل]

الشخص يمشي حااافي ومايشريش من عندهم الله يستر

و الله عندك حق حفيان و لا مريض و الرجلين واعرين
ربي ينتقم منهم ،جيت نصيف له مرضته

 

[زاد الرحيل]

السلام عليكم
صح ..لهيب الاسعار راه داير حالة
بصح شكون الي يراقب
الي من المفروض يراقب راه هو في روحو خاليها الرحمة تاعها الا من رحم ربك
و لذلك السوق لعب
الله يجعل الخير و خلاص ​

السوق غالي و قلنا انجيو في النص لا الفوق لا التحت امالا جابوا لنا الي بعيد الشر يديرنا التحت التراب الله يهلكهم و يهلك الي مسهل لهم الشر
امين

 

[صانعة الإبتسامة]

و الله عندك حق حفيان و لا مريض و الرجلين واعرين
ربي ينتقم منهم ،جيت نصيف له مرضته

ربي يشفيه ويعافيه وكي يبرا قوليلي بسكو نحب دراري الصغار غاضني بزاااف

 

[زاد الرحيل]

وعليكم السلام اختي
لاباس على وليدك ربي يصونو ويحميه
مي مشكل صبابط هذا راه باغتو وماشي غير صنع صيني تاني اسباني
شريت بالغين اسباني بحقو -_- ومتالي عظام رجلي خرجهملي ودارلي التهاب :X3:
زكارة فيه شريت شينوي :p وصدق خير منو
هو الشينيوي ولا اي ماركة تصيبي لوريجينال والمغشوش مي لبروبلام فلي يبيع لاضمير لا قلب لا يديك لايردك
مهم يبيع وبالسومة الي يحب هو وحنا ولينا نشيرو على حساب السومة
الله غالب انها الجزائر
واذا تحبي تشري orthopédique شهريتك تكمليها على زوج صوالح
ربي يجيب الخير

شكرالك و صحيح م انا ايضا شريت للصيف صابوا غالي كل يوم رجلي تتقشر و تاكلني و انا صابرة على جال دراهمة و مبعد ارميته و قلت في نفسي راح طبقي المثل القائل في رجلي و لا في صباطي
و الشناوة يخدموا المليح و الفاسد و التجار الحقراء انتاعنا هما الي يشريو الرخيس على جال الفاىدة و الشعب يشري الرخيس و الاولاد يحبوا جديد
انا رايحة للملبوس جلد حر و صحي من صنع أوروبي و كي يسقسوني نقول منين جبته و اذا شفت المتكبرة نقولها جديد نعاملها بما تستحق
شكرا لسؤالك على ابني و ربي يحفضك

 

[الصحافية الساخرة]

وعليكم السلام
ان شاء الله وليدك لاباس دوكا ؟
يا اختي "ميلينا" ماجاتش غير فالدولة الناس تان هبلت "آخرتها مووت" وهوما شوطوا خاوتهم واونبليس قتلوا بعض
الرقابة ههه ياو كي تتدخل الدولة يقولوا "حقارة ومنعرف واش , انت تهبط سلعة برك مهم تربح يااو الماكلة ويبيعو لبيريمي ياو شووف واش راك تبيع للناس "فرماج بيريمي وفرينة بيريمي وراسهم غير نعمر جيبي " كاينين اللي تبقاله بواطة فرماج يحطها مع السلعة الجديدة وهي قريب تتبيريما ومهموووش هذي الدولة قالتله اخدم هذي لخدمة وشحاال يراقبو وشوفي ديار اللي ريبوهم كاين واحد باني داره لاصق مع بوطو تاع تريسيتي وريبوله وقالك ظلمووني ياخيي عباد
ياختي ياك راهم يشرو حاجة ب 10 الاف ويبيعوهالنا 100 الف ويقولك مساعدة بففف واللي معندوش مسكين يشري حاجة رخيسة معندو ما يدير
واش تدير الناس بالحيلة و الضمير ميت واش تحب ؟ لافوت حتى فالشعب نروحو لحاجة بسيطة العسل و زيت الزيتون ومغشوش وهكاك يبيعوه غااالي ويقولك تعبي واش من تعبه بيع للناس غالي ومغشوش نقولك وي وديجا العسل وياكلها غير اللي يخدمها واشنو هذا ؟ كرهنا والله الشعب دمر روحو قبل ماتدمره الدولة لقاونا نلموا برك ومهمناش لاكاليتي والسومة كلاونا حتى هووما
ربي يصلح حالنا وخلاص

 

[Only me]

السلام عليكم
ألف سلامة على ابنك، ان شاء الله ماتكونش حاجة كبيرة مي أنا نقولك لازم ماتستهزايش عليه وربي يشافيه ان شاء الله
بالنسبة لموضوع السلع المقلدة والله أنا ديما نبقى حايرة ، كل شيء من لاشين غير العباد والعقلية لي جزائرية، والمشكل مكانش ضمانات على المنتجات الأخرى لي تلقايها غالية ، تروحي تشري يقولك هاذي تركية وهاذي طاليانية وهي في الحق شينوية والتيكي غير زايدينو من الفوق ،، المهم الانسان يدير بالو وربي هو الستير
والرقابة يا أختي في المنتجات الغذائية ومكانش حبيتيها تكون في الألبسة والأحذية ،، والله ربي يجيب الخير في هاذ البلاد​

 

[زاد الرحيل]

أهلا و سهلا بصحافيتنا الغالية
الحمد لله ابني راه يتحسن و عندك بزاف مزرتنيش
و راه عندك عقوبة كيعاد مكيش تخدمي في خدمتك يعني صحافية نائمة شفت الجرائم هذي كامل و ساكتة لازم اديري مقالات و مقالات على الغش و الفساد و واش راه يصرا و ماش غير الفرماج مرة اشريت ياوورت لوليدي عنده عام ميتة و لما رحنا للحانوت قال لنا راه كرتون كامل فاسد الموزع خبرني بلي الموزع الكبير قال لهم الميتة كل حانوت اعطوه كرتون
صراحة مادام رانا داىما ساكتين نستاهله وش يصرا فينا
اجبدي مقالاتك و الا نطلب توقيفك عن العمل 5سنين في المنتدي كي ترجعي باش تنتقمي مني تلقايني غادرت
شكرا

 

[زاد الرحيل]

السلام عليكم
ألف سلامة على ابنك، ان شاء الله ماتكونش حاجة كبيرة مي أنا نقولك لازم ماتستهزايش عليه وربي يشافيه ان شاء الله
بالنسبة لموضوع السلع المقلدة والله أنا ديما نبقى حايرة ، كل شيء من لاشين غير العباد والعقلية لي جزائرية، والمشكل مكانش ضمانات على المنتجات الأخرى لي تلقايها غالية ، تروحي تشري يقولك هاذي تركية وهاذي طاليانية وهي في الحق شينوية والتيكي غير زايدينو من الفوق ،، المهم الانسان يدير بالو وربي هو الستير
والرقابة يا أختي في المنتجات الغذائية ومكانش حبيتيها تكون في الألبسة والأحذية ،، والله ربي يجيب الخير في هاذ البلاد​

و عليكم السلام و رحمة الله و بركاته
شكرا لسؤالك على ابني و الحمد لله راه يتحسن
و غياب الرقابة هي السبب في تمادي التجار في افعالهم الدنيئة خاصة ان الضمير ميت و المادة طغات على كل شيئ ،و الى غاية متى.نبقى هكذا بلاد بلا رقابة
شكرا

 

[حلم كبير]

السلام عليكم و رحمه الله تعالى وبركاته

يعطيك العافيه والصحة....

أختي الفاضلة نعم الخدع كاين في كلشي فالصباط ولا اللبسة ولا أي شيء هاذي هي في كل بلاصة .
لازم تتوخي الحذر كي تشري الصباط للولاد وتخيريلهم مليح ،أحيانا تلقاي رخيص ومليح ،وكي عاد إبنك حالتو خاصة لازم تتلاي في أمورو كامل .
نعرف ميش ساهلة بصح حاولي قدر المستطاع وربي يعاونك ويعطيك القوة والصبر على التربية .
التاجر الخداع ما يربحش اكيد ومشوارو المهني مكلل بالفشل بإذن الله...

ربي يحفظك ويحفظلك إبنك وتقرين عينك به ،ويهدي ربي تجارنا آمين.

تقبلي مروري مع فائق الاحترام والتقدير
حلم كبير​

 

[زاد الرحيل]

السلام عليكم و رحمه الله تعالى وبركاته

يعطيك العافيه والصحة....

أختي الفاضلة نعم الخدع كاين في كلشي فالصباط ولا اللبسة ولا أي شيء هاذي هي في كل بلاصة .
لازم تتوخي الحذر كي تشري الصباط للولاد وتخيريلهم مليح ،أحيانا تلقاي رخيص ومليح ،وكي عاد إبنك حالتو خاصة لازم تتلاي في أمورو كامل .
نعرف ميش ساهلة بصح حاولي قدر المستطاع وربي يعاونك ويعطيك القوة والصبر على التربية .
التاجر الخداع ما يربحش اكيد ومشوارو المهني مكلل بالفشل بإذن الله...

ربي يحفظك ويحفظلك إبنك وتقرين عينك به ،ويهدي ربي تجارنا آمين.

تقبلي مروري مع فائق الاحترام والتقدير
حلم كبير​

و عليكم السلام و رحمة الله و بركاته
الله يعافيك اخي الكريم
انا نتحسر على خداع التاجر اكثر من تحسري على خداع الشناوة لأن التاجر يخدع في اهله و احبابه و الشينوي ما يعرفنا ما نهموه ،و سخطي على الرقابة الى تاكل الرشوة و تسمح للشعب البسيط يمرض و حتى يموت و الفساد يمتد للهرم
ربي يجازيك كل خير و يحفظك مع أهلك