~ حـآبة نفرح بابا وآش تنصحونـي ^^ ~

[ضآحكة مستبشرة]

السلام عليكم و رحمة الله تعالى وبركاته

وآش راكم خاوتي لباس ؟؟

جيت نستفاد من ارائكم و نصائحكم
انا رآني حابة ندير كاش جاست و لا عفسة تفرح بابا
بابا وقف معايا و مكاش لي وقف معايا كيفو علبالي بلي مسروليتو و واجبو مي انا ثاني من واجبي نفرحوا
كنت حابة نفرحوا بالباك العام لي فات و الفرحة كانت ناقصة لانو انا نجحت و اختي منجحتش
و هذا العام كيف كيف كل حاجة نطلبها نصيبها حتى و يكون معندوش يدبرلي و يمدلي و جامي حسسني بالنقص
نمرض يقولي روحي لطبيب نعيطلو يكوبي و يرد عليا سير بلاص يقولي غير بنتي

انا اليوم حابة ندير عفسة لي تفرح بابا بصح معرفتش واش هيا
اقتارحو عليا كاش افكار او واش تنصحوني


و بارك الله فيكم اخوتي​

 

[Hakan]

اهلا بيك اسمااء
انا من رايي انو اي رجل اب الحاجة اللي تفرحو في بنتو انو يشوفها من الفتيات الصالحات
لانو يحس روحو طبق مقولة الرسول في انو الفتاة اذا اصلحها الاب نتاعها وربا تكون له ستارا من النار
اما الماديات والله حاجة عادية لا تغني قد ما الحاجة الحسية والعاطفية اللي تقدميها لباباك
هذا الشي الوحيد اللي نقول انو يفرح باباك اما على الاشياء المادية نضن الابااء مع اقتراب رمضان
قميص يصلي بيه التراويح دنيا وما فيها ربي يرضي عليك الوالدين بالتوفيق ​

 

[ضآحكة مستبشرة]

اهلا بيك اسمااء
انا من رايي انو اي رجل اب الحاجة اللي تفرحو في بنتو انو يشوفها من الفتيات الصالحات
لانو يحس روحو طبق مقولة الرسول في انو الفتاة اذا اصلحها الاب نتاعها وربا تكون له ستارا من النار
اما الماديات والله حاجة عادية لا تغني قد ما الحاجة الحسية والعاطفية اللي تقدميها لباباك
هذا الشي الوحيد اللي نقول انو يفرح باباك اما على الاشياء المادية نضن الابااء مع اقتراب رمضان
قميص يصلي بيه التراويح دنيا وما فيها ربي يرضي عليك الوالدين بالتوفيق ​

و بيك يعيشك خويا حكيم
علبالي بلي كل حآجة قلتها عندك الحق
الحمد لله من الناحية العاطفية و الاهتمام مانيش مقصرة في حق الوالد و هذا بشهادة العائلة
بصح حابة هدية مثلا كي يشوفها يتفكرني و يقول كادو تاع بنتي
عالعموم عجبتني فكرة القميص

بارك الله فيك حكيم جزاك الله خيرا​

 

[Salah eddin]

السلام عليكم
كين زوج حوايج تقدري اديريهم
الاولى ...جيبي الباك نتي و اختك مع بعض
هه
و الثانية ...اشريلو Gندورة مريgلة
ههه
راني صح مانيش نقجم
ههه
ايا ربي يعاونك اختنا المدانية
هه​

 

[ضآحكة مستبشرة]

السلام عليكم
كين زوج حوايج تقدري اديريهم
الاولى ...جيبي الباك نتي و اختك مع بعض
هه
و الثانية ...اشريلو Gندورة مريgلة
ههه
راني صح مانيش نقجم
ههه
ايا ربي يعاونك اختنا المدانية
هه​

و عليكم السلام
ان شاء الله خويا بارك الله فيك عالنصيحة
القندورة بلاك في المقدور لكن الباك هذيك بتسهيل من المولى عز وجل
يعطيك الصحة​

 

[البحر الهادي]

شوفي الشيء اللي يحبه واهديه له
وأكثري من الإبتسامة له
والفرحة في وجهه حتى وإن كنت غاضبة وحزينة
لي عودة إن شاء الله

 

[{مُدَلَّلَتُهُ}]

السلام عليكم

ربي يفرحه بيكم مع بعض هاد العام ان شا الله

أحسن حاجة تهديهاله كي يشوف بنته ناجحة و طايعااته و طايعة مولاها

أما على الماديات نحكيلك على بابا يموت على العطور مالا كنت كل مرة نجيبله عطر شباب يعني شوفيله انت شا يبغي جيبيهله معاك و أكيد أي حاجة من عند بنته تفرحه

ربي يخليهلكم و يطول في عمره ان شا الله​

 

[❤️كلي أمل❤️]

السلام عليكم
اختي اسماء فكرتيني العام لفات
أنا واختي تاني حبينا نفرحو بابا
وقعدنا نخمو واش نديرولو ومنباعد
جاتنا فكرة وطبقناها وفرح بزاف
جامي شفت بابا فرحان كيما
هداك النهار هههه
نقولك واش درنالو تفاهمنا مع
عمومي وعماتي ودرنالو حفلة
وكل واحد واش شرالو كادو
ان شاء الله نكون عطيتلك
فكرة مليحة حنونة

 

[آمِيْرَتُه]

السلام عليك
درك راكي بلا خدمة كي تخدمي لمي وديه للعمرة
ربي يوفقك حبيبتي

 

[ضآحكة مستبشرة]

شوفي الشيء اللي يحبه واهديه له
وأكثري من الإبتسامة له
والفرحة في وجهه حتى وإن كنت غاضبة وحزينة
لي عودة إن شاء الله

ان شاء الله خويا حبيب بارك الله فيك عالفكرة
في انتظار عودتك خويا​

 

[ضآحكة مستبشرة]

السلام عليكم

ربي يفرحه بيكم مع بعض هاد العام ان شا الله

أحسن حاجة تهديهاله كي يشوف بنته ناجحة و طايعااته و طايعة مولاها

أما على الماديات نحكيلك على بابا يموت على العطور مالا كنت كل مرة نجيبله عطر شباب يعني شوفيله انت شا يبغي جيبيهله معاك و أكيد أي حاجة من عند بنته تفرحه

ربي يخليهلكم و يطول في عمره ان شا الله​

و عليكم السلام
اهلا اختي هدهد ان شاء الله راكي صافا ؟

اللهم آمين يا رب العالمين ربي يوفقنا اجمعين
الحمد لله الطاعة طايعاتو و ان شاء الله اذا قصرت في حقو ولا درت حاجة ميرضاهاش يسمحلي

بابا ميحبش العطور يكرهم بزاف بحكم العمل ديالو
ان شاء الله نزيد نخمم فكاش حآجة يحبها
مع انو حابة نديرلو حفلة اذا قدرني ربي
بارك الله فيك أختي هدى
ربي يحفظك​

 

[ضآحكة مستبشرة]

السلام عليكم
اختي اسماء فكرتيني العام لفات
أنا واختي تاني حبينا نفرحو بابا
وقعدنا نخمو واش نديرولو ومنباعد
جاتنا فكرة وطبقناها وفرح بزاف
جامي شفت بابا فرحان كيما
هداك النهار هههه
نقولك واش درنالو تفاهمنا مع
عمومي وعماتي ودرنالو حفلة
وكل واحد واش شرالو كادو
ان شاء الله نكون عطيتلك
فكرة مليحة حنونة

و عليكم السلام حنونتي
حتى انا جات في بالي حفلة بصح خفت ماما تغير منو هههههه
الحفلة صح تخلي الاب فرحان بصح اذا درتها انا منعرضش يا ختي قيسي قيس روحي ههههه
يعطيك الصحة اختي على الفكرة الرائعة
بارك الله فيك​

 

[ضآحكة مستبشرة]

السلام عليك
درك راكي بلا خدمة كي تخدمي لمي وديه للعمرة
ربي يوفقك حبيبتي

و عليكم السلام و رحمة الله
ايه يا آمون انا وين و هذيك وين ان شاء الله ربي يقدرني ماشي خصارة في ابي
بصح انا رآني نخمم في الوقت الحالي
بارك الله فيك على الفكرة​

 

[ليليا مرام]

اهلا اختي
ربي يحفظ والدك ويخليهولك ويخليك ليه فكرتيني فبابا ربي يرحمو
شوفي معامله بلاما نقولك عارفة متهلية لكن زييشوي الاب يحب الدلال من بنتو كون الذكر جافي شوي واش ديري جنسهم خشن على حساب قلوبهم هههه
دلليه من يدخل للدار طيحي عليه بوسي وعنقي وقاعد روحي قسري معاه تهلاي ما تخليهش يزعف وميم يزعف سيي انت تفرحيه
الكادو انا نظن حاجه ديما يلبسها اهديلو عباية نتاع صلاة يصلي بها تكون شابه على اللي عندو حاجة مميزة واشري معاها لوازمها يعني البليغة والطاقية وكل شي نتاع صلاة لانو شريتها مرة لاب صديقتي راهم يتبعاو عند الاخوه تلقاي على كل سومة ويزيد يقترح عليك امور تمشي معاها برايي يفرح بيها بزاف.
ربي يخليكم لبعض

 

[فيتامين سي]

فكرتي هي

ديرو حفلة او لمة عائلية فيها ماماك و باباك و خاوتك فقط عارفة الحالة قد الحال باش متحصلوش
خدمو حلوة و قعدو ضحكو حكو و عطو لباباك و لماماك هدية :Love: باباك ديريله عباية للعيد و ماماك شريلها ملاية و حذاء هكدا تفرحوهم في زوج و اهم حاجة الفرحة ربي يخليهملك و يحفضهم
فكرة خممنا فيها حنا مي صراولنا ضروف و ذرك راه مريض + البني علابالي كون نديرو حفلة يحطنا عند الباب و يكتب للبيع مي مرات نديرو قعدة :Love: تحسيه فرحاان و على هذي نقولك اهم حاجة عند الاب لمة اولاده :Love: ربي يحفضلنا والدينا ​

 

[صانعة الإبتسامة]

السلام عليكم و رحمة الله تعالى وبركاته

وآش راكم خاوتي لباس ؟؟

جيت نستفاد من ارائكم و نصائحكم
انا رآني حابة ندير كاش جاست و لا عفسة تفرح بابا
بابا وقف معايا و مكاش لي وقف معايا كيفو علبالي بلي مسروليتو و واجبو مي انا ثاني من واجبي نفرحوا
كنت حابة نفرحوا بالباك العام لي فات و الفرحة كانت ناقصة لانو انا نجحت و اختي منجحتش
و هذا العام كيف كيف كل حاجة نطلبها نصيبها حتى و يكون معندوش يدبرلي و يمدلي و جامي حسسني بالنقص
نمرض يقولي روحي لطبيب نعيطلو يكوبي و يرد عليا سير بلاص يقولي غير بنتي

انا اليوم حابة ندير عفسة لي تفرح بابا بصح معرفتش واش هيا
اقتارحو عليا كاش افكار او واش تنصحوني


و بارك الله فيكم اخوتي​

ربي يحفظولك ...نقترح عليك تروحي ليه وتقوليلو ....بابا راني نحبك ...وأنت لضحيت على جالي وكبرتني ..واش سحقيت مديتلي ...وديما كنت معايا...سواء كنت حزينه ولا فرحانه ..ديما نلقاك بجانبي ...ومخليتنيش نسحق حتى واحد ...ربي يطول في عمرك ويخليك ليا ...ومبعد بوسيلو راسو وعنقيه....وشوفي ردت فعلو....لأنو الأباء يحبو الكلمه لحنينه ...صدقيني رايحه تفرحيه...وتخلي أثر طيب فيه....جربي كيما قتلك وأعطيني رايك....تقبلي إحترامي لك..

 

[aljentel]

والله فيك الخير
الله يخلي لك باباك ولايحرمك منه ...

 

[فيتامين سي]

ربي يحفظولك ...نقترح عليك تروحي ليه وتقوليلو ....بابا راني نحبك ...وأنت لضحيت على جالي وكبرتني ..واش سحقيت مديتلي ...وديما كنت معايا...سواء كنت حزينه ولا فرحانه ..ديما نلقاك بجانبي ...ومخليتنيش نسحق حتى واحد ...ربي يطول في عمرك ويخليك ليا ...ومبعد بوسيلو راسو وعنقيه....وشوفي ردت فعلو....لأنو الأباء يحبو الكلمه لحنينه ...صدقيني رايحه تفرحيه...وتخلي أثر طيب فيه....جربي كيما قتلك وأعطيني رايك....تقبلي إحترامي لك..

هههههه الاب الجزائري في هذي اللحظة يقوللها واش تسحقي ولا شاراكي دايرة باينة كاش بومبا هههههههه

 

[ضآحكة مستبشرة]

اهلا اختي
ربي يحفظ والدك ويخليهولك ويخليك ليه فكرتيني فبابا ربي يرحمو
شوفي معامله بلاما نقولك عارفة متهلية لكن زييشوي الاب يحب الدلال من بنتو كون الذكر جافي شوي واش ديري جنسهم خشن على حساب قلوبهم هههه
دلليه من يدخل للدار طيحي عليه بوسي وعنقي وقاعد روحي قسري معاه تهلاي ما تخليهش يزعف وميم يزعف سيي انت تفرحيه
الكادو انا نظن حاجه ديما يلبسها اهديلو عباية نتاع صلاة يصلي بها تكون شابه على اللي عندو حاجة مميزة واشري معاها لوازمها يعني البليغة والطاقية وكل شي نتاع صلاة لانو شريتها مرة لاب صديقتي راهم يتبعاو عند الاخوه تلقاي على كل سومة ويزيد يقترح عليك امور تمشي معاها برايي يفرح بيها بزاف.
ربي يخليكم لبعض

اهلين بيك ختي ليليا
ان شاء الله ربي يرحم الوالد الكريم و يجعل قبره روض من رياض الجنة
ان شاء الله ختي عجبتني الفكرة ديالك يعطيك الصحة حبيبتي
هههههه تاه تبواس و لعناق هذي صعيبة شوية نحشم واش بيك ختي هههههه ماشي موالف بيها
و فكرة القميص مليحة نخمم فيها هذي ان شاء الله
بارك الله فيك ليلوش
ربي يشفيك حبيبتي​

 

[ضآحكة مستبشرة]

فكرتي هي

ديرو حفلة او لمة عائلية فيها ماماك و باباك و خاوتك فقط عارفة الحالة قد الحال باش متحصلوش
خدمو حلوة و قعدو ضحكو حكو و عطو لباباك و لماماك هدية :Love: باباك ديريله عباية للعيد و ماماك شريلها ملاية و حذاء هكدا تفرحوهم في زوج و اهم حاجة الفرحة ربي يخليهملك و يحفضهم
فكرة خممنا فيها حنا مي صراولنا ضروف و ذرك راه مريض + البني علابالي كون نديرو حفلة يحطنا عند الباب و يكتب للبيع مي مرات نديرو قعدة :Love: تحسيه فرحاان و على هذي نقولك اهم حاجة عند الاب لمة اولاده :Love: ربي يحفضلنا والدينا ​

أهلا بالمهبولة اهلا ههههه
اممممم حفلة فكرة جيدة خدمتلي في راسي
هذي نحاول نجربها مع كادو مميز ان شاء الله
يعطيك الصحة حبيبتي بارك الله فيك​