تجربتي مع نوعين من كريم الاساس

[السلطانة]

السلام عليكم ورحمة الله وبركاته اهلا لبنات واش راكم؟ واش بيكم راقدات هك؟؟؟؟ انشطو شوي نظن كامل عندكم ماكياج وتجربو في منتجات علاه هاذ الشح؟؟؟ نرجع لموضوعي جبتلكم اليوم منتج جربتو لي هو فوندوتانnote هذا المنتج لي شكروه بزاف تجربتي معاه انو ميبانش في البشرة بزاف يعني من النوع لي تشربو البشرة وميبقاش ملطخ تاني حاجة المشكل لي فيه الرقم فيه ارقام بزاف ماشي كيما الارقام تاع لي فوندوتان لوخرين انا خيرت رقم 5 بالرغم من انو بشرتي بيضاء لي بشرتها بيضاء تخير هاذ الرقم. بالنسبة للون معجبنيش بزاف صفرلي نوعا ما وجهي مما جعلني نخلذو وندمجو بنوع اخر تاع فوندوتان ولي هو دارماكول المشهور بالنسبة لدارماكول رقم لي نستعملو 208 بماانو بشرتي في الصيف قليلا دهنية لقيت انو كي نخلط نوت مع دارماكول يخرج اللون افضل ومام تشد لاطول وقت سعر نوت150الف سعر دارماكول مرة شريتو 180الف ومرة 150الف

وانتوما واش هو الفوندوتان لي تستعملوه
والأحسن لو تعطونا رايكم فيه وتحطولنا صورة عليه

في امان الله​

 

[آمِيْرَتُه]

السلام عليك
شفتهم يهدرو على note بزاف في مدونات التجميل وقالو بلي مليح نظن فقط محكمتيش الرقم لي يوالم بشرتك لأن على حساب الصورة يبان اصفر بزاف
شكرا على الافادة

 

[السلطانة]

السلام عليك
شفتهم يهدرو على note بزاف في مدونات التجميل وقالو بلي مليح نظن فقط محكمتيش الرقم لي يوالم بشرتك لأن على حساب الصورة يبان اصفر بزاف
شكرا على الافادة

اهلا نعم يشكرو فيه بزاف لكن مشكلتو في اللون شغل لازم تجربي كامل ارقامو باه تعرفي واش يخرج عليك كاينحتا بنات شراو شحال من رقم وخلطوهم باه خرجلهم اللون ممكن صاحبات البشرة السمراء يلقاو اللون بسهولة لاني شفت الدرجات هاذو يتميزو اكثر واللون في الصورة ماش اصفر للدرجة هاذي كون خرجتلكم اللون عيدي يبان

 

[السلطانة]

راه اللون على يدي

 

[الورد الأحمر]

السلام عليكم ورحمة الله وبركاته

بهدلتينا ع الشح وأنا راني نوجد لموضوع نكنل بيه السلسلة لي ناوية نعملها ...

بالنسبة للفوندوتان نوت بزاف يشكروه أنا صراحة ما جربتوش أبد حاليا نستخدم تاع اوريفلام ذي وان بزاف حبيتو وعجبني ع البشرة تاعي ساعدني.

المايك اب كفر تاع درماكول استعملتو عندي بزاف شريتو العام لي فات وما كنتش نعرف نستخدمو في اللول على خاطر هو بالأصل للتغطية ماشي فغيمون فوندوتان مالا لي تحب تغطي مليح بشرتها تقدر تستعملو بصح لازم ترطيب مليح للبشرة وتكون البشرة خالية من الشوائب والقشور ولا مش رح يجيها منظر طبيعي بيعي وتبان بلي حاطة طبقة سميكة فوق بشرتها وخاصة لازم الشعر الزائد من المناطق لي لازم ينشال منهم الشعر يكون ماكان والا رح يبان عليها وتبان في شكل فضيع.

وأفضل الحلول للمايك اب كفر تاع دارماكول كيما قلتي تخلطو مع فاوندايشن أخرى على خاطر هو ثقيل ماهوش بتركيبة سايلة كيف لخرين.

زيدي برك جربي درجات أخرى تاع النوت ورح تلقاي الدرجة لي تناسبك ولا روحي للبوتيكات لي تبيع لبراند تلقاي عندهم التستر وقتها تقدري تجربي الدرجات الكل وسع تخيري لي والمتك.

هذا الفوندوتان لي نستخدمو ومعاه الدرماكول لي نستخدمو الا في حالة ظهور بثور ولا للتغطية

 

[الورد الأحمر]

رجعت نحكي مليح ع الفوندوتان لي نستعملو أنا بالاك يستفادو العضوات ...

كيما قلت في رد سابق أنا نستخدم ذي وان من أوريفلام وفي مرات قليلة جدا نستخدم مايك اب كفر من دارماكول

بصح رح نحكي ع الفوندوتان تاع أوريفلام ...

فيه 3 درجات حسب لون البشرة البيضاء الخمرية والسمراء أنا نستخدم أفتح درجة ... لي يعجبني فيه أنو بقطرة صغيرة ممكن تستخدميها ع مساحة كبيرة من البشرة يعني بالعامية يمشي مليح ومش مربي ويدوم.

من قبل كنت نستخدم البيبي كريم لأوريفلام بعد سنين وأنا نستخدمها من كانت العبوة تاعها بشكل آخر ومؤخرا مدري تبدلت كي بدلو العبوة عملو عليها تحديثات ولا أنا ما بقيتش قانعة بيها مي الكل يقولو تبدلت مالا انتقلت ل ذي وان وراني مقتنعة بيها.

وهذا سواتش للفوندوتان

ان شاء الله نزيدو نشوفو عينات من عضوات أخرين ممكن نبدلو راينا في لي نستعملوهم ونغيرو نجربو أخرين

 

[السلطانة]

رجعت نحكي مليح ع الفوندوتان لي نستعملو أنا بالاك يستفادو العضوات ...

كيما قلت في رد سابق أنا نستخدم ذي وان من أوريفلام وفي مرات قليلة جدا نستخدم مايك اب كفر من دارماكول

بصح رح نحكي ع الفوندوتان تاع أوريفلام ...

فيه 3 درجات حسب لون البشرة البيضاء الخمرية والسمراء أنا نستخدم أفتح درجة ... لي يعجبني فيه أنو بقطرة صغيرة ممكن تستخدميها ع مساحة كبيرة من البشرة يعني بالعامية يمشي مليح ومش مربي ويدوم.

من قبل كنت نستخدم البيبي كريم لأوريفلام بعد سنين وأنا نستخدمها من كانت العبوة تاعها بشكل آخر ومؤخرا مدري تبدلت كي بدلو العبوة عملو عليها تحديثات ولا أنا ما بقيتش قانعة بيها مي الكل يقولو تبدلت مالا انتقلت ل ذي وان وراني مقتنعة بيها.

وهذا سواتش للفوندوتان

ان شاء الله نزيدو نشوفو عينات من عضوات أخرين ممكن نبدلو راينا في لي نستعملوهم ونغيرو نجربو أخرين

أهلا بيك نورتي الموضوع
وبالاضافة لي ضفتيها
سخفتيني بعد نجرب لامارك هاذي
the one
يعطيك الصحة
:kiss::kiss::kiss:

 

[♡كارينا♡]

السلام عليكم يعطيكم الصحه ...
نص هدرتكم مافهمتهاش لخاطر والله مزال مادخلتش في عالم المكياج هذا هههه
غير غسله بالماء والصابون ولقدام هههه
المهم ربي يجازيكم خير ونتمنى الباقيين يستفادوا

 

[ميمي مرام]

سلام الله عليك اخيتي @أم ياسمينdz
لمارك نوت كامل راهم يهدرو عليها انا مجربتهاش
انا نستعمل بيبي كريم و مرتاحتلها
بالنسبة للون اخيتي شفت الصورة راه يبان
هذاك اللون لناس الي لبشرة تاعها سمرة
ادي رقم اقل من هذاك الرقم او فوق من هذاك الرقم
لان اللون لي شفتو مايوالمش البشرة البيضاء
و
جزاك الله خيرا ​

 

[❤️كلي أمل❤️]

السلام عليكم
صح اختي أنا نستعملو ولله رووووعة
ومايبانش كامل يبان مع لون بشرتك
أنا كنت نستعمل بيبي ودوك نوت
شكرًا اختي على المو ضوع

 

[السلطانة]

السلام عليكم يعطيكم الصحه ...
نص هدرتكم مافهمتهاش لخاطر والله مزال مادخلتش في عالم المكياج هذا هههه
غير غسله بالماء والصابون ولقدام هههه
المهم ربي يجازيكم خير ونتمنى الباقيين يستفادوا

اهلا اختي نورتي الموضوع
عادي كنا هاكداك كامل ههه مباعد ولينا نعرفو
تتعلمي مع الوقت
شكرا :kiss:

 

[السلطانة]

سلام الله عليك اخيتي @أم ياسمينdz
لمارك نوت كامل راهم يهدرو عليها انا مجربتهاش
انا نستعمل بيبي كريم و مرتاحتلها
بالنسبة للون اخيتي شفت الصورة راه يبان
هذاك اللون لناس الي لبشرة تاعها سمرة
ادي رقم اقل من هذاك الرقم او فوق من هذاك الرقم
لان اللون لي شفتو مايوالمش البشرة البيضاء
و
جزاك الله خيرا ​

اهلا وسهلا بيك اختي
نوت ارقامها تختلف على بقية لي فوندوتان
وشوفي كيفاه يندمج مع البشرة
مرة اخرى نجرب اللون الافتح من هاذي
مشكلة باه تلقاي الدرجة لي توالمك هاذاك المشكل في لامارك نوت او لازم تخلطي مع نوع خلاف
نورتي الموضوع الزينة

 

[السلطانة]

السلام عليكم
صح اختي أنا نستعملو ولله رووووعة
ومايبانش كامل يبان مع لون بشرتك
أنا كنت نستعمل بيبي ودوك نوت
شكرًا اختي على المو ضوع

اهلا اختي لوممكن تقوليلنا واش من رقم تستعملي ونوع البشرة تاعك ولونها باه البنات يستفادو

 

[❤️كلي أمل❤️]

اهلا اختي لوممكن تقوليلنا واش من رقم تستعملي ونوع البشرة تاعك ولونها باه البنات يستفادو

السلام عليكم
اختي أنا بيضة بصح مانستعملش رقم 1
لانو بيض بزاف نستعمل رقم 2 يبان لون
بشرتي ورقم 3 تستعملو لي يكون سمرا
راح يبيلها لون بشرتها طبيعي

 

[ميمي مرام]

اهلا وسهلا بيك اختي
اهلين بيك غاليتي
نوت ارقامها تختلف على بقية لي فوندوتان
وشوفي كيفاه يندمج مع البشرة
مرة اخرى نجرب اللون الافتح من هاذي
ان شاء الرحمان اخيتي و بإذنه تعالى تلقاي رقم يوالم البشرة تاعك
مشكلة باه تلقاي الدرجة لي توالمك هاذاك المشكل في لامارك نوت او لازم تخلطي مع نوع خلاف
نورتي الموضوع الزينة
منور بوجودك لحبيبة

 

[ميمي مرام]

السلام عليكم
اختي أنا بيضة بصح مانستعملش رقم 1
لانو بيض بزاف نستعمل رقم 2 يبان لون
بشرتي ورقم 3 تستعملو لي يكون سمرا
راح يبيلها لون بشرتها طبيعي

تسلمي غاليتي عبورة على التوضيح هكا راكي سهلتي علينا بزاف
بارك الرحمان فيك و جزاك كل خير​

 

[❤️كلي أمل❤️]

تسلمي غاليتي عبورة على التوضيح هكا راكي سهلتي علينا بزاف
بارك الرحمان فيك و جزاك كل خير​

شكرًا حنونة ربي يحفظك
لي مجرب حاجة يفيد لي ماشي
مجربها

 

[ميمي مرام]

شكرًا حنونة ربي يحفظك
لي مجرب حاجة يفيد لي ماشي
مجربها

ان شاء الله
:kiss::kiss::kiss:​

 

[الأميرة الخجولة]

شكرا انامنعرفش للمكياج لكن استفدت من موضوعك

 

[همس الوُرود]

السلام عليكم
أهلا أختي عائشة وش أحوالك
بالنسبة ليا علابالكم خاطيني هاد الأمور راني غير نشوف برك منقدر نفيدكم بوالو هههه