شوفوهم يشطارو ..!!

[Only me]

مسلخير عليكم ناس الخير والخمير ،، ربي يبلغكم شهر رمضان بالصحة والهنا ان شاء الله
كل عام يروح شهر رمضان ويعاود يرجع لينا مي ديما يلقانا كيما خلانا والا يلقانا توخرنا شوية خاطر حنا لوكان تقدمو يختل التوازن البيئي وماشي محال تولي الديناصورات وتنقرض قهوة أروما ،، المهم خلينا من هاذ الهدرات

الموضوع تاع اليوم باين من العنوان، لي يتفرج قنوات الاستحمار تاوعنا راه شبع من عبارات التبهليل واشهارات التمنـgـيل تاع الدزاير
أنا لي حيرتني وحبستلي مخي هوما الاشهارات الجزائرية لي عمري ركزت مع المنتوج كيما نركو في حوايج أخرين وعلابالي مانيش وحدي، لأني جزائرية وعلابالي شعب هاذ الكوكب واش يشوف وكيفاش يخمم مي لي محيرتني لي دارو هاذوك الاشهارات واش من كوكب جاو ؟؟

أولا:
اشهار فرينة سيم لي يوريو فيه ذراري وبنات صغار يتغامزو ويتواعدو في بيتزيريا تقول مجتمع مكسيكسي وزيد مثلوه الصغار، واش نستناو منهم ؟؟؟
ثانيا:
اشهار زريعة شيواوا، واحد يوريو فيه الأستاذ بهلول ويشاطح ويجيح ( رخسو بالأستاذ ومهمتو النبيلة) واشهار آخر تروح المرا من الخدمة تطيش لوليدها شكارة زريعة تقول كلب حاشاكم والكارثة هو يبدا يتخيل في روحو يشطح تحت أضواء عجيبة تقول ملهى ليلي والعياذ بالله.
ثالثا:
اشهار دانون واقيل مانيش متاكدة، المهم يوريو فيه طفل يحط كتاب ويعفس عليه برجليه باه يلحق يجبد الياوورت من الثلاجة ومن بعد يقولك شوفوهم يشطارو ،، الكتاب يا ربي

رابعا: وهذا نوع آخر من الاشهارات تاع الكشفات المبهدلات
اشهار قهوة حليب صومام،، اللبسة هاذيك عند الباب مانهدرش خير
اشهار طوماطيش الحارة ،، الشطيح والرديح تقول عرس زهور جارتنا
والكارثة هي ابتكار الراحة ،، بهدلو بينا الله يبهدل بيهم

علابالي قلوبكم معمرين كثر مني
اليكم الخط ​

 

[همس الوُرود]

السلام عليكم ورحمة الله وبركاته

أهلا أختي فاطمة وش أحوالك؟ نتمنى تكوني مليحة أختي

موضوع شباب ,, هههه إشهاراتنا جامي تتسقم يا أختي

أنا الإشهار الي يعجبني صحح ونموت عليه هو تع أوبي حليبييي ,, وأنتا علاش ماتشربش الحلييييب؟؟ لحليب للصغار تقولو لحليب للصغاااااااااارا هاك ذووووووق

هههههههه تقتلني ديك الطفلة يااام

ولا هاديك الي تروح تجيبلو ليكوش تقولو فالأخير جيبلي هااااادو وتنعتهملو معمرين هههه بهدلو بينا

بارك الله فيك أختي
​

 

[دعاء الجنات]

حطيتي يدك على الجرح
سيرتو تاع حليب قهوة صومام
ياختي واش راح نقول
حابين نقلدو الغرب في لبستهوم
باه زعما يقولو متحضرين..
وهو العكس رانا راجعين للوراء
ماعندي واش نقول راكي قولتي كل شي وبردتيلي قلبي يعطيك الصحة ​

 

[Mårőųā Řāhïł]

سلام عليكم نتمنى تكوني مليحة ورمضان كريم
مزضوع مليح بصح المشكل ما خليتي لي مانقول بصح بردتي لي خاطري فيهم

 

[صانعة الإبتسامة]

هههه...والله عندك الحق ولا هذاك الشيخ ليغني على حلوه الشاميه..هههه شغل سكاتش ههه.. وإشهارات القهوة هبلوني بجياحهم...وإشهار ديال بلاط ليعادو ديرو مرقه مصبره وعلاش نساء نتاع دزاير مكسرين ..والله نموت بشر ومنشريهش مرض في مرض ...ياخي حاله ...مشكوووووره

 

[شاعرة الأمل]

سلام ختيتو واش راكي لاباس
ايه ان شاء الله ربي يبلغنا رمضان
موضوعك هايل والله غير قتلتيني بالضحك يعطيك الخير بردتيلي قلبي
انا لي يغمني ويعلني ويركبلي 66 مرض تاع حليبي شفاء راجل قدو قد الفيل يجي يتبهلل قدام الناس انا نشرب الحليب نشرب الحليب تشرب السم لي يقطعلك مصارنك ياخي جايح وصامط
وهدوك تاع القهوة يا ربي شحال كترو منهم وغي الصامط لي يقول لخوه رقد وانا نغطيك كيما تاع ارابيلا ياي الجياحة في اعلى مستوياتها تقول غي بالشاقور لراس انا نحب رجل يكون اصيل وذواق يقطع اصلك من جذورو ان شاء الله
وما خفي اعظم ختو نبقاو نحكو مانخلصوش بهدلونا الله يبهدلهم
ربي يهدينا ويهديهم ان شاء الله
مرسي على السوجي هايل عجبني بزاف ونحالي وحد الغمة كانت راكبة على قلبي
سلام

 

[زاد الرحيل]

صراحة يا غاليتي تعجبني عمارة الحاج لخضىر

 

[Only me]

السلام عليكم ورحمة الله وبركاته

أهلا أختي فاطمة وش أحوالك؟ نتمنى تكوني مليحة أختي

موضوع شباب ,, هههه إشهاراتنا جامي تتسقم يا أختي

أنا الإشهار الي يعجبني صحح ونموت عليه هو تع أوبي حليبييي ,, وأنتا علاش ماتشربش الحلييييب؟؟ لحليب للصغار تقولو لحليب للصغاااااااااارا هاك ذووووووق

هههههههه تقتلني ديك الطفلة يااام

ولا هاديك الي تروح تجيبلو ليكوش تقولو فالأخير جيبلي هااااادو وتنعتهملو معمرين هههه بهدلو بينا

بارك الله فيك أختي
​

أهلا بيك أختيتي ،، أنا راني مليحة سوال عليك لحبيبة
هذاك الاشهار تاع اوبي الطفلة حلوة عسل مي هذاك الطفل نحس فيه خلل هههه
والكارثة تاع ليكوش معمرين هههههه الله يعطيك الخير ان شاء الله
يعطيك الصحة على قبول الموضوع ومرورك الطيب ​

 

[Only me]

حطيتي يدك على الجرح
سيرتو تاع حليب قهوة صومام
ياختي واش راح نقول
حابين نقلدو الغرب في لبستهوم
باه زعما يقولو متحضرين..
وهو العكس رانا راجعين للوراء
ماعندي واش نقول راكي قولتي كل شي وبردتيلي قلبي يعطيك الصحة ​

أهلا وسهلا بيك دعاء نورتي
والله هي تجي والعايلة تتفرق،، حسبي الله ونعم الوكيل
وزيد قهوة حليب مخلطين اععععع ​

 

[Only me]

سلام عليكم نتمنى تكوني مليحة ورمضان كريم
مزضوع مليح بصح المشكل ما خليتي لي مانقول بصح بردتي لي خاطري فيهم

وعليكم السلام
مرورك لي مليح الزينة، وبصحتك تبراد الخاطر هههه​

 

[Only me]

هههه...والله عندك الحق ولا هذاك الشيخ ليغني على حلوه الشاميه..هههه شغل سكاتش ههه.. وإشهارات القهوة هبلوني بجياحهم...وإشهار ديال بلاط ليعادو ديرو مرقه مصبره وعلاش نساء نتاع دزاير مكسرين ..والله نموت بشر ومنشريهش مرض في مرض ...ياخي حاله ...مشكوووووره

ايه ويقولك بلاط غذاؤك ترعاه أيادي آمنة ههههه
واش نحكو وواش نخلو
نورتي صفاء​

 

[Only me]

سلام ختيتو واش راكي لاباس
ايه ان شاء الله ربي يبلغنا رمضان
موضوعك هايل والله غير قتلتيني بالضحك يعطيك الخير بردتيلي قلبي
انا لي يغمني ويعلني ويركبلي 66 مرض تاع حليبي شفاء راجل قدو قد الفيل يجي يتبهلل قدام الناس انا نشرب الحليب نشرب الحليب تشرب السم لي يقطعلك مصارنك ياخي جايح وصامط
وهدوك تاع القهوة يا ربي شحال كترو منهم وغي الصامط لي يقول لخوه رقد وانا نغطيك كيما تاع ارابيلا ياي الجياحة في اعلى مستوياتها تقول غي بالشاقور لراس انا نحب رجل يكون اصيل وذواق يقطع اصلك من جذورو ان شاء الله
وما خفي اعظم ختو نبقاو نحكو مانخلصوش بهدلونا الله يبهدلهم
ربي يهدينا ويهديهم ان شاء الله
مرسي على السوجي هايل عجبني بزاف ونحالي وحد الغمة كانت راكبة على قلبي
سلام

ياااااااااه على نشرب لحليب يشرب لاسيد ان شاء الله كيما يقولو السوريين سم الهاري الهي مطرح مايسري يهري ههههه
1000 اشهار تاع قهوة وكلهم تبهليلي وتمجيحين تقول فقرة المهرج للأطفال ،، والا اشهار أروما وهذاك الشيخ لي يشطح حتى قريب يطيح في الأرض لوكان يقولولو صلي يقولهم ركايبي يوجعوني الله يعطيك السل الدايم ومرض القوايم هههههه
وكيما قلتي خلي البير بغطاه ​

 

[Only me]

صراحة يا غاليتي تعجبني عمارة الحاج لخضىر

ميلينا أعطيلي راسك نقيسلك السخانة ههههه
هذا سور تأثير الاشهارات الجزائرية
ان شاء الله يديرولك الحاج لخضر في هذا رمضان ​

 

[زاد الرحيل]

ميلينا أعطيلي راسك نقيسلك السخانة ههههه
هذا سور تأثير الاشهارات الجزائرية
ان شاء الله يديرولك الحاج لخضر في هذا رمضان ​

و الله عندك الحق راح ندير عليه الخل درجته 40،اعتقدت تهدري على البرامج و حالة ليليا اثرت فينا شوفي ايضا القصة الي وضعتها لؤلؤة قسنطينة عن الشاب الذي توفي بعد معاناة مع المجتمع

 

[rycerz]

السلام عليكم
تحية لك يا الأخت Only me .. موضوع هادف و مهم .. ​

نعم هذا الموضوع يشير و يكشف عن زاوية خفية على غرار باقي الزوايا الإعلامية الأخرى التي يتم منها الغزو (القصف) الثقافي الذي تسبب في تشويه الهوية الأخلاقية الأصلية
--
للتوضيح ، معلوم أن تلك الشركات التجارية ليست هي من تنتج و تعد تلك الأفلام الإشهارية و إنما هناك مؤسسات و شركات إشهارية متخصّصة في ذلك ... و هنا بيت القصيد و السؤال الذي يطرح : ما الذي يحدث بهذا الخصوص ؟؟ ..
الذي يحدث :
- معروف عالميا أن الميدان الإعلامي في العالم كله (تقريبا) هو تحت سيطرة الماسونية بما فيه مجالات النشاطات و الأعمال الإشهارية بكل أنواعها و أشكالها .. و من الأهداف الكبرى للماسونية هو تحطيم القاعدة الأخلاقية و الفطرة الإنسانية لدى المجتمعات في كل العالم (لأجل إفشاء الإباحية و الإنحلال) .. حاليا الجزائر هي كمعظم العالم تدور في فلك هذا المخطط الإبليسي (و ذلك منذ عشريات ...)
- أما عن أصحاب تلك الشركات التجارية في بلادنا فهي يا إمّا :
- 01 - هي فقط عبارة عن فروع ترويج و تسويق لسلع مؤسسات تجارية أجنبية و بالتالي فإن المادة الإشهارية شكلا و مضمونا هي من إختيار القسم الإشهاري للمؤسسة الأجنبية (أي الأجانب) ..
يا إما :
- 02 - شركات و مؤسسات تعود لجزائريين يهمهم فقط الربح و لا يهمهم لا مبادئ و لا حرمة و لا مرجعية أخلاقية بل فقط هم يكلّفون تلك المؤسسات أو المكاتب الإشهارية بإعداد مادة إشهارية للمنتوج دون إيلاء أهمية للمضمون الأخلاقي (و في الغالب تلك المؤسسات الإشهارية هي من تتعمد ذلك الشكل الذي لا يليق بمقومات المجتمع و إنما يعكس ثقافة غربية)
- + - و لكن الأكيد أن سلطة الظبط و الرقابة الإعلامية غائبة تماما بهذا الخصوص .. تماما مثل غيابها المريب بشأن بث المسلسلات المكسيكية و التركية (التي تكاد تكون خليعة) و غيرها من السموم ...... نعم منذ عشريات و نحن تحت هاته الممارسات الفاسدة .. و الظاهر أنه تم إختراق العديد من الأجهزة الحساسة من طرف علمانيين تغريبيين فرانكوفيليين .. و ذلك تحت عباءة الحداثة و العولمة و التطور .. إلخ​

 

[Only me]

و الله عندك الحق راح ندير عليه الخل درجته 40،اعتقدت تهدري على البرامج و حالة ليليا اثرت فينا شوفي ايضا القصة الي وضعتها لؤلؤة قسنطينة عن الشاب الذي توفي بعد معاناة مع المجتمع

لا بأس عزيزتي
ليليا ربي يشفيها ويعافيها وترجع لينا سالمة غانمة
ممكن رابط موضوع لؤلؤة ؟​

 

[Only me]

السلام عليكم
تحية لك يا الأخت Only me .. موضوع هادف و مهم .. ​

نعم هذا الموضوع يشير و يكشف عن زاوية خفية على غرار باقي الزوايا الإعلامية الأخرى التي يتم منها الغزو (القصف) الثقافي الذي تسبب في تشويه الهوية الأخلاقية الأصلية
--
للتوضيح ، معلوم أن تلك الشركات التجارية ليست هي من تنتج و تعد تلك الأفلام الإشهارية و إنما هناك مؤسسات و شركات إشهارية متخصّصة في ذلك ... و هنا بيت القصيد و السؤال الذي يطرح : ما الذي يحدث بهذا الخصوص ؟؟ ..
الذي يحدث :
- معروف عالميا أن الميدان الإعلامي في العالم كله (تقريبا) هو تحت سيطرة الماسونية بما فيه مجالات النشاطات و الأعمال الإشهارية بكل أنواعها و أشكالها .. و من الأهداف الكبرى للماسونية هو تحطيم القاعدة الأخلاقية و الفطرة الإنسانية لدى المجتمعات في كل العالم (لأجل إفشاء الإباحية و الإنحلال) .. حاليا الجزائر هي كمعظم العالم تدور في فلك هذا المخطط الإبليسي (و ذلك منذ عشريات ...)
- أما عن أصحاب تلك الشركات التجارية في بلادنا فهي يا إمّا :
- 01 - هي فقط عبارة عن فروع ترويج و تسويق لسلع مؤسسات تجارية أجنبية و بالتالي فإن المادة الإشهارية شكلا و مضمونا هي من إختيار القسم الإشهاري للمؤسسة الأجنبية (أي الأجانب) ..
يا إما :
- 02 - شركات و مؤسسات تعود لجزائريين يهمهم فقط الربح و لا يهمهم لا مبادئ و لا حرمة و لا مرجعية أخلاقية بل فقط هم يكلّفون تلك المؤسسات أو المكاتب الإشهارية بإعداد مادة إشهارية للمنتوج دون إيلاء أهمية للمضمون الأخلاقي (و في الغالب تلك المؤسسات الإشهارية هي من تتعمد ذلك الشكل الذي لا يليق بمقومات المجتمع و إنما يعكس ثقافة غربية)
- + - و لكن الأكيد أن سلطة الظبط و الرقابة الإعلامية غائبة تماما بهذا الخصوص .. تماما مثل غيابها المريب بشأن بث المسلسلات المكسيكية و التركية (التي تكاد تكون خليعة) و غيرها من السموم ...... نعم منذ عشريات و نحن تحت هاته الممارسات الفاسدة .. و الظاهر أنه تم إختراق العديد من الأجهزة الحساسة من طرف علمانيين تغريبيين فرانكوفيليين .. و ذلك تحت عباءة الحداثة و العولمة و التطور .. إلخ​

وعليكم السلام أخي الكريم ،، ردك كان شاف وكاف بارك الله فيك على التوضيحات خاصة في ما يخص برنامج المسونية لتحطيم أخلاقيات المجتمع العربي المسلم ، وهو جلي في مجتمعنا الجزائري خاصة بعد تقهقر مكانة التعليم والمعلم في البلاد وكثير من الأمور التي تنفث سمومها بطريقة غير مباشرة في شخصية وهوية الفرد العربي المسلم

مشكوووور على الرد والمرور​

 

[زاد الرحيل]

لا بأس عزيزتي
ليليا ربي يشفيها ويعافيها وترجع لينا سالمة غانمة
ممكن رابط موضوع لؤلؤة ؟​

رسالة شاب انقلها بقلمي اتمنى ان يقرأها الجميع

 

[صانعة الإبتسامة]

ايه ويقولك بلاط غذاؤك ترعاه أيادي آمنة ههههه
واش نحكو وواش نخلو
نورتي صفاء​

نورت بوجودك....هههه...بلاط ترعاه أيادي أمنه...ههههه ...ورجلين نتاع دجاج ليراكم ترحو فيهم مع اللحم ههههه...أنا شخصيا مناكلش المصبرات...لأنو نحافظ على صحتي ...

 

[Oussama.GF]

الجزائر لديها المرتبة الاولى عالميا في اشهارات
يمحاينك
قهوة كرهونا بيها
لحليب تاني
ليكوش
فرينة وماشبه مهم
جامي شفتهم وراو اختراع هكا
يعرفو غير كروشهم ههه ميشبعوش
زيد في رمضان لواحد يجي يتفرج سكتشات في شروق ولا نهار نص وقت يفوت في دوك اشهارات
نكره حياتي نهز قندوة ونروح نريح في حديقة حتان يأذن ونروح لجامع لصلاة تراويح
اسمط اشهار سمعت بيه هو تاع تشيواوة ملي شفتو كرهت هادي بلاد يعني حبين يرجعونا تافهين لدرجة يصبح واحد جاهلي
[مجرد تخربيشة من بروفيسور@مشاغب ]