القرآية في رمضآن ( بنة سبيسيال خآصة الجيل الذهبي )

[ضآحكة مستبشرة]

السلام عليكم و رحمة الله تعالى وبركاته
وآش حوالكم خاوتي لباس ؟؟



صح رمضانكم و كل عام و انتوما بخير

الميضوع يقول احكي على رمضان و المدرسة يعني رمضان مع القراية
نظن اغلب الاعضاء قاسهم رمضان في القراية هههههه هههههه مكاش لي يقولي مقريتش في رمضان
خاصة الجيل الذهبي



ايا كل واحد يحكلنآ على رمضان و القراية و كيقآش جازوا اليآمآت و واش هي المرحلة الدراسية لي حكمك رمضآن فيهآ



و صح رمضانكم و كل عام وانتم بخير

في امان الله

​

 

[Cristal BR]

28/5/2017 رح تكون أول مرة نقرا في رمضان (اختبارات)
كي نعقّب نجي نحكيلكم ان شاء الله
تحياتي

 

[*amani*]

وعليكم السلام
وانتم بألف خير...امم نتفكر جاء واحد رمضان وانا في الابتدائي واالمعلمة كان يغلبها رمضان وكانت تظل تعيط علينا وعندها ماضربت فينا الغش تاع الصيام كامل تطفيه فينا
هذا وش متذكرة خخخ

وشكرا على الموضوع الجميل

 

[Oussama.GF]

نشفالها وقتها كنت نقرى سنة ثانية ابتدائي
خخخخ كنت نحب نصوم لكن يما متخلينش نصوم
ذكريات من ماضي

 

[إلياس]

مميزون اخوتنا في اللمة بالسكاتشات

 

[ضآحكة مستبشرة]

شكرا لك لكم على المرور​

 

[Hakan]

خخخخخخ
رمضان والقرايا انا حكمني رمضان حتى كرهت تبا لحياتي الاليمة
نشفالها كنا نقراو على 8:30 في الابتدائي الصباح نوض
تعطيلي ميمتي قهوة بالحليب ومعاشا يوشا زلابية ولا قلب اللوز ولا حاجة حلوة ونعطيها للقرايا
لكن قبل كل ذالك كانت تبدا سندريلا في القناة اليتيمة
كنت نتفرجها ونخرج نجري ههه تبدا على 8 وانا نخرج على 8 و 20
كاين حكايا نخلوهم ان شااء الله في ردود اخرى شكرا على الموضوع ​

 

[ضآحكة مستبشرة]

خخخخخخ
رمضان والقرايا انا حكمني رمضان حتى كرهت تبا لحياتي الاليمة
نشفالها كنا نقراو على 8:30 في الابتدائي الصباح نوض
تعطيلي ميمتي قهوة بالحليب ومعاشا يوشا زلابية ولا قلب اللوز ولا حاجة حلوة ونعطيها للقرايا
لكن قبل كل ذالك كانت تبدا سندريلا في القناة اليتيمة
كنت نتفرجها ونخرج نجري ههه تبدا على 8 وانا نخرج على 8 و 20
كاين حكايا نخلوهم ان شااء الله في ردود اخرى شكرا على الموضوع ​

هههههه احنا كنا نقراو على 9 خخخخخخ شح شح
انا كنت نخرج غير خمسة خاطرش البريمار في فم الباب هههههه
و ياااااه على الحليب بالزلابية ولا قلب اللوز هذي اكدلي عليها
و الغدا متنساش بالشربة تاع الفطور لي قبل خخخخخ
شكرا لك على المرور خووو
رانا نستناو فيك من جديد​

 

[الصحافية الساخرة]

السلام عليكم و رحمة الله

اهلا اختي "المتفائلة" ربي يوفقك فالباك و ان شاء الله تخدمي مليح وييسر عليكم ربي ☺

بالنسبة لرمضان فالقراية كان يشدني فالتسجيلات ههههه

و لحق بيا فالباك ههههه قصدي عقبت الباك و كي كملت صمنا وليت نفطر ومعايا الجرنان و التيليفون نقرى الاخبار تاع التصحيحات ، وكل مرة نطل على السيت نقول بلاك يحطوا النتايج و يهديهم ربي ههههه ، ونظل فالسجادة ندعي و فطرت على حالزغاريد هههههه الحمد لله جبته ، وتاع الابتدائي ماشي صيام هذاك نشفى على اللمجة تصوم مكانش معانا هههههه المعلم يسخف
مقدرتش نحكي كلشي هذي اول مرة جاية نعيش معاكم الاجوتاء الرمضانية فاللمة ان شاء الله ، مزال ااوقت وندخلوها عليكم
سلااام