- إنضم
- 10 أوت 2013
- المشاركات
- 10,963
- نقاط التفاعل
- 47,241
- النقاط
- 1,706
- الجنس
- ذكر
ايه ايه ايه على ايام بكري
واش نحكيلك يا وليدي حسين هاذ الحكاية يشفالها باباك منين كان في عمرو 23 سنة وقيلا الا ما غلطتش في 2017 ياسيدي وكيفاه صرات كنت وحد النهار كي العادة كل ما تدخل لابورص نتاع الطلبة ياحسراه منين كنت طالب جامعي كنت نروح نجبد هذيك 4000 دج وكانت عزيزة ماشي كيما وقتكم 40 مليون تجيبلك زوج كورنيات اكريم الحمد لله مزيا سناني طاحو راني نشرب غير في الماء نتاعكم ونستنى في الموت قتلك وحد النهار رحت نجبد في لابورص انا وصاحبي حسام هيا حطيت لاكارت مانيتيك في المشينة الجيل نتاعكم هذا ما يعرف والو في الماشينة هذي كنا ندخلو وحد البطاقة وكانت في وقتنا تقدووم وعلم وكان يفتخر بيها الرئيس نتاعنا بوتفليقة وقيلا راهو مازال عايش لضرك
المهم انا دخلت لاكارت وقلت نشوف لابورص باش ما نجبدش طول وينحولي هذيك العشرين الف هيا حتى يخرجلي في الكونت نتاعي مليار و400 الف نتاع لابورص انا هنا راسي تكودا ال 400 الف نتاعي بصح المليار منين جات ؟؟؟
وقعدت نخزر في صاحبي حسام وماكانش حاط معايا المهم توتسويت جبدت هذيك ال400 الف وبردت قالبي وسكتت حتى راح حسام وبيا الخلعة ديبانيتو ب200 الف بيسك هو كان مشومر وحاب يشري سروال وتريكو ياحسراه منين كان التريكو ب 200 والسروال ب 400 الف المهم ا وليدي حسين بقيت نتقلب مع هذيك المليار واش ندير بالاك غلط السيد وعطالي مليار في الكونت ولوكان نجبدها يديرو اونكات وتحصل فيا
المهم كيما كان الحال هزيت روحي غدوا الصباح لا قرايا لا والو نحيت كل حاجة من البرنامج وعطيتها للبنك جبدت من هذيك المليار زوج ملاين
ونقلك علاه زوج ملاين ياك راني جدك وانت وليدي وانا نخمم عليك مش كيما ولاد ضرك طيح في يدو مليار يروح لكوكب المشتري يخسرها على الفضائيين والفضائيات ويجي يندب راسو
المهم انا كريت بهذيك الزوج ملاين سيارة لوكاسيون باش نرفد فيها هذيك الدراهم بصح نحكيلك حكاية قبل هذاك المليار نتاعنا ضرك راهي تجي في ورقة من نتاعكم ايه حنا بكري كنا نكرو على جالها طونوبيل نحطوها في كابة باش ما يسرقوهالناش
المهم كريت السيارة ورحت كملت خرجت المليار غير زوج من البنك هيا ونعطيها تقليعة من الجامعة بهذيك اللوكاسيون المندوبة وانت بالاك راهم قراوكم في حصة علوم الحديث الجايح المثل اللي يقول جا يكحلها عماها المهم وانا راجع في الطريق حكمني الرادار وانا نمشي 200 في الطابلو ياوليدي راها مليار لازم تمشيلها مليار
وحبسوني الجمارك وفتشو السياارة ولقاو هذيك الدرهم الباقية وانا بيا مغاصب نسيت باش نرفد ورقة نتاع الموافقة باش تسحب ملياار خخخخ ويسيزوهالي ولاد الحرام و جيت نكحلها عميتها وراحت المليار وصاحبي حسام ضرب فيها سروال وتريكو وانا راني قداامك
هاك وليدي 100 الف روح بيها لعمتك في كوكب الزهرة راهي السخانة عندهم قلها جدي راهو متوحشك ها كشما تعود علينا لخبار وسلملي على شعب عطارد كاامل وما طولش ياك الbmw نتاعك راهي تمشي 100 مليون كلم في الثانية خخخخخ والسلام ..
بقلم :حكيم ستوري
واش نحكيلك يا وليدي حسين هاذ الحكاية يشفالها باباك منين كان في عمرو 23 سنة وقيلا الا ما غلطتش في 2017 ياسيدي وكيفاه صرات كنت وحد النهار كي العادة كل ما تدخل لابورص نتاع الطلبة ياحسراه منين كنت طالب جامعي كنت نروح نجبد هذيك 4000 دج وكانت عزيزة ماشي كيما وقتكم 40 مليون تجيبلك زوج كورنيات اكريم الحمد لله مزيا سناني طاحو راني نشرب غير في الماء نتاعكم ونستنى في الموت قتلك وحد النهار رحت نجبد في لابورص انا وصاحبي حسام هيا حطيت لاكارت مانيتيك في المشينة الجيل نتاعكم هذا ما يعرف والو في الماشينة هذي كنا ندخلو وحد البطاقة وكانت في وقتنا تقدووم وعلم وكان يفتخر بيها الرئيس نتاعنا بوتفليقة وقيلا راهو مازال عايش لضرك
المهم انا دخلت لاكارت وقلت نشوف لابورص باش ما نجبدش طول وينحولي هذيك العشرين الف هيا حتى يخرجلي في الكونت نتاعي مليار و400 الف نتاع لابورص انا هنا راسي تكودا ال 400 الف نتاعي بصح المليار منين جات ؟؟؟ وقعدت نخزر في صاحبي حسام وماكانش حاط معايا المهم توتسويت جبدت هذيك ال400 الف وبردت قالبي وسكتت حتى راح حسام وبيا الخلعة ديبانيتو ب200 الف بيسك هو كان مشومر وحاب يشري سروال وتريكو ياحسراه منين كان التريكو ب 200 والسروال ب 400 الف المهم ا وليدي حسين بقيت نتقلب مع هذيك المليار واش ندير بالاك غلط السيد وعطالي مليار في الكونت ولوكان نجبدها يديرو اونكات وتحصل فيا
المهم كيما كان الحال هزيت روحي غدوا الصباح لا قرايا لا والو نحيت كل حاجة من البرنامج وعطيتها للبنك جبدت من هذيك المليار زوج ملاين
ونقلك علاه زوج ملاين ياك راني جدك وانت وليدي وانا نخمم عليك مش كيما ولاد ضرك طيح في يدو مليار يروح لكوكب المشتري يخسرها على الفضائيين والفضائيات
ويجي يندب راسو المهم انا كريت بهذيك الزوج ملاين سيارة لوكاسيون باش نرفد فيها هذيك الدراهم بصح نحكيلك حكاية قبل هذاك المليار نتاعنا ضرك راهي تجي في ورقة من نتاعكم ايه حنا بكري كنا نكرو على جالها طونوبيل نحطوها في كابة باش ما يسرقوهالناش
المهم كريت السيارة ورحت كملت خرجت المليار غير زوج من البنك هيا ونعطيها تقليعة من الجامعة بهذيك اللوكاسيون المندوبة وانت بالاك راهم قراوكم في حصة علوم الحديث الجايح المثل اللي يقول جا يكحلها عماها المهم وانا راجع في الطريق حكمني الرادار وانا نمشي 200 في الطابلو ياوليدي راها مليار لازم تمشيلها مليار
وحبسوني الجمارك وفتشو السياارة ولقاو هذيك الدرهم الباقية وانا بيا مغاصب نسيت باش نرفد ورقة نتاع الموافقة باش تسحب ملياار خخخخ ويسيزوهالي ولاد الحرام و جيت نكحلها عميتها وراحت المليار وصاحبي حسام ضرب فيها سروال وتريكو وانا راني قداامك
هاك وليدي 100 الف روح بيها لعمتك في كوكب الزهرة راهي السخانة عندهم قلها جدي راهو متوحشك ها كشما تعود علينا لخبار وسلملي على شعب عطارد كاامل وما طولش ياك الbmw نتاعك راهي تمشي 100 مليون كلم في الثانية خخخخخ والسلام ..
بقلم :حكيم ستوري
آخر تعديل:
