طيط طيط كاشي

[زهرة اللمة]

السلام عليكم و رحمة الله تعالى و بركاته

صح فطوركم / سحورك / عيدكم اذا ماتلاقيناش ههه

خاطيني المقدمات رايحة ندخل في الموضوع ديراكت

كيما علابالكم و علابالي انا ثاني في رمضان في كل قناة كاين

كاميرا كاشي لي انا نسميها طيط طيط كاشي

بين حصة و حصة تلقى حصة

و المشكل ماراهش هنا يا جماعة الخير حاجة مليحة تشوف حاجة تضحكك و تنحي عليك

بصح هذا العام تلقى نصها غير طيط طيط '' هذاك صوت يديروه باه يغطي اذا قال الشخص كلمة مش مليحة ''

في القنوات الجزائرية بعدو كل البعد عن الهدف لي من خلالها

في الوقت لي لازم يبينوا الجانب المليح من الشخص لي بلاك هو قدوة لبزاف ناس

لا لا يجيبوه يخرجوه من عقلو و يبدا يحكي في هدرة طيط طيط ههه

و زيد كلها تدل عن عنف ثقافي واحد يضرب بكرسي و جيدو و واحد يضرب يماه و منعرف وااش

الكاميرا كاشي لازم تكون بهدف نشر القيم الاخلاقية و التربية الحسنة

الواحد مارجعش يقدر يتفرج مع دارهم حاجة

اليوم كنا نتفرجوا في وحدة منهم اختي صغيرة سقساتني ايمان علاه راهم يديروا في هذا الصوت

مالقيت واش نقولها ....

و تقريبا نفس الافكار و الشخصيات و نفس الهدرة و نفس الموضوع

العام لي فات وحد الحصة في قناة عربية عجبتني صح دايرين تجربة من خلالها يديروا لظواهر نشوفوها في المجتمع قدام الناس

و يديروا احصائيات و نتائج و تحليل و نقاش

هذي وااه حاجة مليحة

مش يجيبوا مرا و يقولولها سرقتي و خدعتي و خونتي و زيد تشوفها حابة تضرب راجل

ااااه ياه جيبوا الجديد

المهم مانطولش في الموضوع

انتم ايها اللماوين واش رايكم في طيط طيط كاشي تاع DZ ؟؟

و واش رجع الثقافة في هذا الانحطاط ؟؟​

 

[ضآحكة مستبشرة]

السلام عليكم و رحمة الله
هههههه و الله يا ايمان غير قستيها اليوم
اسمحيلي دوكا راني نقرا
لي عودة كي نكمل
شكرا عالميضوع​

 

[العَنْقَاءُ]

رمضانك كريم إيمان ختي
بحالك هاذي القنوات تكون سياسية يا إيمان ولا نقولوا راكي في بلاد الراي قبل أسبوع خرجونا عبد المالك سلال وجابونا عبد المجيد تبون طيط طيط طيط
هاذي لنقولها لختي ههه
وصحا صحورك

 

[Skor m@k]

السلام عليكم
انا على كل حال مرانيش نتفرج في التيليفزيون كامل مانشوف حتى قناة
مي اليوم كنت مع يما بقينا حنا الاخيرين فالطابلة خويا راح للصالون وبدا يتفرج
دار الكاميرا كاشي معلباليش تعمنها أصلا
سمعت غير لعياط تاع نساء وتسمع غير هذي طيط طيط
حتى عيطت عليه قلتلو بدل علينا هذا
والله تبهديلة كحلة لي راهي تصرا هنا في رمضان
ممبعد خويا قالي شاف تاع قناة الحمار قالي بهدلو بوحدة وشبعوها معاير ممبعد قالولها كاميرا كاشي
ضرك كيفاه حبوهم مايزعفوش
وصلولهم حتى للشرف تاعهم ويقولك كاميرا كاشي
والله صح صرف صحي لي سماهم ماغلطش
يعطيك الصحة ختي ايمانو
صح فطورك​

 

[GI Joe]

khatini television en generale alors là ta3 dzayer
la 3ayni f camera caché w haba nedhhek ndir ta3 "juste pr rire"
w ta3 dzayer rani mteb3a had lyem l experince ta3 anes tina f youtube 3edjbetni cv khir men hadik ledjyaha
w saha shorkom

 

[لؤلؤة قسنطينة]

السلام عليكم
صح فطورك ايمانو ان شاء الله راكي لاباس؟
يعطيك الصحة على الموضوع حبيبتي، والله راني فاشلة شوي ماش قادرة نكتب بصح نشارك بلي كاين
بصح عجبتني تاع طيط طيط كاشي هههههه عنوان جبتيه صح، والله يا اختي انا مانستغربش لما نسمع طيط هاديك
انا نستغرب من الاخ ولا الاخت لي راهو يزعف في الغاشي باه يردولو بكلام فاحش ويسبوه نورمالو هو يضحك
وفي اللخر يقولهم بقلب بارد كاميرا كاشي، يسمى انا نرضى واحد يسبني وبكلام فاحش علاواه؟ باه تنجح الكاميرا كاشي
هادا رخس سورتو للطفلة ايماجيني الراجل يسب فيها بالكلام الباهي وهي مكملة نورمال، والله صراحة كاميرا كاشي
لي فيها تطياح القدر تبشاع مانحبهاش، اما الكاميرا كاشي لي فيها مغزى زعما وعبرة كاينين الحمد لله كاين أنس تينا
دار كاميرا كاشي تاع الاكسبيريونس وكاين شاب خلاف تاني دار كاميرا كاشي مافيها عنف لاوالو ولا كلام فاحش
حب يشوف من خلالها ردة فعل الناس واذا مازال الخير في البلاد، ولعشية برك الحلقة لي دارها زعما كلي هو معاق
وماقدرش يجبد المفاتح من الجيب تاع الكارطابل تاعو يولي يحبس الناس برا يقولهم اجبدولي المفاتح وتما حاط 200 الف
ويشوف شكون يجبدلو المفاتح برك وشكون يسرقلو الدراهم بلا مايفيق، يعني تجربة اجتماعية مليحة وفيها عبرة
خاطر والله كي جا واحد يجبد المفاتح وسرق الدراهم وخباهم في جيبو وحطو الآية لي تحكي على السارق والله عينيا دمعو
خاطر امر كارثي والله، يعني الحمد لله مازالو كاينين شباب لي يحبو يقدمو حاجة مليحة وفيها عبرة تفيد المجتمع
وكاين لي الهدف تاعو يضحك الشعب برك حتى ولو فيها تطياح قدر، ربي يهديهم برك
شكرا حبيبتي على الموضوع ربي يهنيك، وصح سحورك
تحياتي​

 

[زهرة اللمة]

لي عودة للرد بحول الله
اسمحولي النت ثقيلة شوية
مشكورين على المرور ​

 

[ضآحكة مستبشرة]

السلام عليكم و رحمة الله تعالى وبركاته
صح فطوركم
آه يا إيمان ختي اليوم درتي موضوع نحييك عليه يعطيك الصحة
و الله الكاميرا كاشي في بلادنا فقيرة بزاااااف مالڨري صح تضحك منين ذاك بصح عيانة كثر
اما تكون تقتل بالخلايع إما تكون تعيي اما تحشم يعني منقدروش نشوفوها مع العايلة
مثلا البارح كنت أنا و خالي نشوفو في كاميرا كاشي تاع الشروق الواعرة هذيك جابو فيها الشابة الزهوانية و تبدا تعوج في روحها و تزوخ
قالي خالي حاشا خلقة ربي بصح ماشي تقولي حمار يصهل و الله لقيت عندو الحق
و طيط طيط هاذيك رآه موراها غير الكلام الكبير و التطياح لي من العيار الثقيل
كيما نهار لي جابو في النهار الشابة دليلة تبدا تطيح للصحافي هذاك و هوما طيييييط طيييييط حصة كومبلي و هي الزرنة تخبط ههههه
و مبعد تقولو أنا فنانة نامبر واااان
و طيييط هذيك راهي تكشف الفنانين على حقيقتهم هذا اذا كانو صح فنانين
و لي قاتلهم ارقدوا قالك رآهم جايبين الشابة صباح للنهار في كاميرا كاشي أعرف نجمك يياااا للبخصة جايبين راعية تضل في الكباريات و العرا و الشراب ( الله يهدينا ههههه بيناتنا هذي سمعت بيها منعرف ايلا صح اصلا منعرفوش الشابة صباح هذي كيفاش دايرة ههههه )

ايمان حبيبتي مكاش كاميرا كاشي في بلادنا كاين كاميرا راشي تحبسلي راسي و تعيي الغاشي
خلينا يرحم باباك تبهدبل في تبهديل
فيها غير العنف و التكسار شحال من ضيف رآه ركبو مرض السكر و لاطونسيون


يعطيك الصحة حبيبتي على الموضوع
قد ما نحكو فيه ما يخلاص

صح سحورك​

 

[زهرة اللمة]

السلام عليكم و رحمة الله
هههههه و الله يا ايمان غير قستيها اليوم
اسمحيلي دوكا راني نقرا
لي عودة كي نكمل
شكرا عالميضوع​

و عليكم السلام
ههه و علاه انا وقتاه ماقستهاش يا وسمك احم احم ههه ؟؟
اكييد ربي يوفقك حبيبة ​

 

[زهرة اللمة]

رمضانك كريم إيمان ختي
بحالك هاذي القنوات تكون سياسية يا إيمان ولا نقولوا راكي في بلاد الراي قبل أسبوع خرجونا عبد المالك سلال وجابونا عبد المجيد تبون طيط طيط طيط
هاذي لنقولها لختي ههه
وصحا صحورك

الله يسلمك و انت زادا رمضان مبارك
و كل عام وانت بخير
ههه مالقري مافهمتش بصح معليش
طيط طيط تضامنا معك هههه
صح فطورك خيي^^

 

[زهرة اللمة]

السلام عليكم
انا على كل حال مرانيش نتفرج في التيليفزيون كامل مانشوف حتى قناة
مي اليوم كنت مع يما بقينا حنا الاخيرين فالطابلة خويا راح للصالون وبدا يتفرج
دار الكاميرا كاشي معلباليش تعمنها أصلا
سمعت غير لعياط تاع نساء وتسمع غير هذي طيط طيط
حتى عيطت عليه قلتلو بدل علينا هذا
والله تبهديلة كحلة لي راهي تصرا هنا في رمضان
ممبعد خويا قالي شاف تاع قناة الحمار قالي بهدلو بوحدة وشبعوها معاير ممبعد قالولها كاميرا كاشي
ضرك كيفاه حبوهم مايزعفوش
وصلولهم حتى للشرف تاعهم ويقولك كاميرا كاشي
والله صح صرف صحي لي سماهم ماغلطش
يعطيك الصحة ختي ايمانو
صح فطورك​

اهلا لعبقور تاعنا
واش راك ؟؟
ايه صح وصلو لدرجة الشرف و يلعبوا بالزواج
و المشكلة مش دايرين تقدير للعائلة الجزائرية
لتكون تتفرج مع بعض
و مش برك حكاية
طيك طيط ماشي برك
حتى البرامج لي رجعت لا حيا لا حشمة
واش نقولك الواحد ماتقدرش خير لو
ربي يحفظك صحيت على المرور الزين
و صح فطورك​

 

[زهرة اللمة]

السلام عليكم
صح فطورك ايمانو ان شاء الله راكي لاباس؟
يعطيك الصحة على الموضوع حبيبتي، والله راني فاشلة شوي ماش قادرة نكتب بصح نشارك بلي كاين
بصح عجبتني تاع طيط طيط كاشي هههههه عنوان جبتيه صح، والله يا اختي انا مانستغربش لما نسمع طيط هاديك
انا نستغرب من الاخ ولا الاخت لي راهو يزعف في الغاشي باه يردولو بكلام فاحش ويسبوه نورمالو هو يضحك
وفي اللخر يقولهم بقلب بارد كاميرا كاشي، يسمى انا نرضى واحد يسبني وبكلام فاحش علاواه؟ باه تنجح الكاميرا كاشي
هادا رخس سورتو للطفلة ايماجيني الراجل يسب فيها بالكلام الباهي وهي مكملة نورمال، والله صراحة كاميرا كاشي
لي فيها تطياح القدر تبشاع مانحبهاش، اما الكاميرا كاشي لي فيها مغزى زعما وعبرة كاينين الحمد لله كاين أنس تينا
دار كاميرا كاشي تاع الاكسبيريونس وكاين شاب خلاف تاني دار كاميرا كاشي مافيها عنف لاوالو ولا كلام فاحش
حب يشوف من خلالها ردة فعل الناس واذا مازال الخير في البلاد، ولعشية برك الحلقة لي دارها زعما كلي هو معاق
وماقدرش يجبد المفاتح من الجيب تاع الكارطابل تاعو يولي يحبس الناس برا يقولهم اجبدولي المفاتح وتما حاط 200 الف
ويشوف شكون يجبدلو المفاتح برك وشكون يسرقلو الدراهم بلا مايفيق، يعني تجربة اجتماعية مليحة وفيها عبرة
خاطر والله كي جا واحد يجبد المفاتح وسرق الدراهم وخباهم في جيبو وحطو الآية لي تحكي على السارق والله عينيا دمعو
خاطر امر كارثي والله، يعني الحمد لله مازالو كاينين شباب لي يحبو يقدمو حاجة مليحة وفيها عبرة تفيد المجتمع
وكاين لي الهدف تاعو يضحك الشعب برك حتى ولو فيها تطياح قدر، ربي يهديهم برك
شكرا حبيبتي على الموضوع ربي يهنيك، وصح سحورك
تحياتي​

و عليكم السلام مريومة
حتى انا نستغرب منهم يعني كيفاه انسان يقبل يطيحوا بيه برك باه يضحك الغاشي
تخيلي جابو وحد فنان معروف لكاميرا كاشي و على أساس انو المنشط هو لي يهبلو و يلعب بيه
وصلت مع الفنان يقول الراجل فتيحة
يعني طيح بيه لوحده الدرجة الرخص بعينه كيما يقولك
ايه شفت هذو الحصص زوج و حتى حصة الصدمة عجبتني بزااف
يعطيك الصحة ختيتو و صح فطوركم

 

[زهرة اللمة]

السلام عليكم و رحمة الله تعالى وبركاته
صح فطوركم
آه يا إيمان ختي اليوم درتي موضوع نحييك عليه يعطيك الصحة
و الله الكاميرا كاشي في بلادنا فقيرة بزاااااف مالڨري صح تضحك منين ذاك بصح عيانة كثر
اما تكون تقتل بالخلايع إما تكون تعيي اما تحشم يعني منقدروش نشوفوها مع العايلة
مثلا البارح كنت أنا و خالي نشوفو في كاميرا كاشي تاع الشروق الواعرة هذيك جابو فيها الشابة الزهوانية و تبدا تعوج في روحها و تزوخ
قالي خالي حاشا خلقة ربي بصح ماشي تقولي حمار يصهل و الله لقيت عندو الحق
و طيط طيط هاذيك رآه موراها غير الكلام الكبير و التطياح لي من العيار الثقيل
كيما نهار لي جابو في النهار الشابة دليلة تبدا تطيح للصحافي هذاك و هوما طيييييط طيييييط حصة كومبلي و هي الزرنة تخبط ههههه
و مبعد تقولو أنا فنانة نامبر واااان
و طيييط هذيك راهي تكشف الفنانين على حقيقتهم هذا اذا كانو صح فنانين
و لي قاتلهم ارقدوا قالك رآهم جايبين الشابة صباح للنهار في كاميرا كاشي أعرف نجمك يياااا للبخصة جايبين راعية تضل في الكباريات و العرا و الشراب ( الله يهدينا ههههه بيناتنا هذي سمعت بيها منعرف ايلا صح اصلا منعرفوش الشابة صباح هذي كيفاش دايرة ههههه )

ايمان حبيبتي مكاش كاميرا كاشي في بلادنا كاين كاميرا راشي تحبسلي راسي و تعيي الغاشي
خلينا يرحم باباك تبهدبل في تبهديل
فيها غير العنف و التكسار شحال من ضيف رآه ركبو مرض السكر و لاطونسيون


يعطيك الصحة حبيبتي على الموضوع
قد ما نحكو فيه ما يخلاص

صح سحورك​

اهلا و سهلا اسومة
ماعندي واش نزيد على هدرتك
كفيتي و وفيتي
صح فطورك خيتو

 

[السلطانة]

وعليكم السلام مي هاذو كل قدام رامز تحت الارض ميبانوش السيد حصلهم في رمال متحركة ويكملها عليهن لابس تنين كومودو! طيط تاعهم متفضش ههههه نرجع لتاعنا شفت هاذيك الحلقة تاع دليلة تشوكيت لي ضربت الراجل وعايرتو مي هو تاني رهج ديك الهدرة لي تفشل عجبتني كي قاتلو وجه الطومبا ههههه وتاع ملكة الجمال لي هلكتها كلمة بوتوكس وثارت هاكاك واش من مستوى هاذا!! بهدلو بعمارهم ورانا نسناو في الشاب خالد مع رامز تحت الارض مع الضحكة تاعو الشهيرة كاميرا كاشي عموما عادت غير عنف هيا صحيتي

 

[زهرة اللمة]

وعليكم السلام مي هاذو كل قدام رامز تحت الارض ميبانوش السيد حصلهم في رمال متحركة ويكملها عليهن لابس تنين كومودو! طيط تاعهم متفضش ههههه نرجع لتاعنا شفت هاذيك الحلقة تاع دليلة تشوكيت لي ضربت الراجل وعايرتو مي هو تاني رهج ديك الهدرة لي تفشل عجبتني كي قاتلو وجه الطومبا ههههه وتاع ملكة الجمال لي هلكتها كلمة بوتوكس وثارت هاكاك واش من مستوى هاذا!! بهدلو بعمارهم ورانا نسناو في الشاب خالد مع رامز تحت الارض مع الضحكة تاعو الشهيرة كاميرا كاشي عموما عادت غير عنف هيا صحيتي

اهلا و سهلا
صح فطورك اختي
ايه صح رامز هذا لعام دار حاجة شابة غير حلقة تاع شاروخان بففف قريب يسلم على رجليه
و على العموم حتى هذيك رانا حكمناك اليوم سمعت انهم منعوها
بسبب واش لحقوا من تمسخير
صحيتي على المرور