- إنضم
- 13 جويلية 2014
- المشاركات
- 3,763
- نقاط التفاعل
- 12,319
- النقاط
- 406
- العمر
- 30
- محل الإقامة
- حوشنا
- الجنس
- أنثى
أسعد الله أوقاتكم بكل خير
و تقبل الله منا و منكم صالح الاعمال
مرحبا بيكم في حلقة جديدة خفيفة وظريفة كيما يقول الزعيم ههه من الكاميرا كاشي
اليوم ضيفنا مبدع و موهوب ماشاء الله
يستعمل قلم الرسام خير مني كي نستعمل قلم الرصاص ههههه
ضحيتنا في حلقة اليوم الأخ @mohamedfathi
تابعوا معنا ....
و زورو قناته على اليوتيوب و ماتنساوش لايك و شار و سابسكرايب ههههه
mohamed abd el ouadoud yahiaoui
انا الشريرة:
سلام
خويا علاه حذفت تعليقاتي !
هو الضحية:
وعليكم السلام ورحمة الله
كيف حالك اختي
( لاباس الحمد لله هههههه
)انا لم احذفهم بل اليوتيوب امرني باعادة الفيديو لأني قمت بتسجيله بموسيقى غير مرخصة
عند اعادة الفيديو تم حذف كل التعليقات التي كانت في الفيديو
انا الشريرة:
من ربي لاباس الحمد لله
خويا اذا راني مقلقاتك قولي
مانحبش نفرض روحي على الناس
راك تقولي عاودت الفيديو
كون هكاك راه لحقني الاشعار
مي مالحقنيش و كي دخلت نعاود نتفرج لقيت تعليقي ممسوح
هو الضحية:
وانا والله ندمت على البداية كي حطيت هذيك الموسيقى اللي فسدت عليا
حتى الاعجابات راحو يعني بديت من الاول
علاش تكوني عليا ثقيلة اختي
والله ما كاين والو
انا ديجا كانو تعليقات اخرين واحد ثلاث تعليقات كلهم تم حذفهم
ولم اكن انا المسؤول فيها ابدا
صدقيني اختي لم اكن انا السبب
وانا قد اعدت رابط الفيديو الذي عملتو في الاول
ووضعته من جديد في المنتدى
والله ياريت ترجعي تعليقاتك حتى تشجعي غيرك بوضع التعليقات
انا الشريرة:
ياخويا انت موهبة ماشاء الله عليك
وقيلا راك خايف نعاينوك
ماتخافش راني دايما نقول ربي يبارك تبارك الرحمان
هو الضحية:
هههههههه
والله ما صرات ربي يحفظك ويبارك فيك
والله بكلامك اختي تعطيني دفع للامام الله يحفظك
ومشكوووورة جدا
والله اكون سعيد بوجود تعليقاتكم وردود افعالكم باتجاه ما اقوم به من اعمال
وان احببتي هذا المجال من الرسم ساعلمك ايضا فلا توجد مشكلة ابدا
~~ و الله ياريت ديرلنا دوروس نتعلمو فكرة مليحة ~~
انا الشريرة:
يا خويا اسمحلي انا جامي قصدت نقلق اي واحد و لا نسببلو ازعاج
هو الضحية:
لا ابدا فانت مرحبا بك اختي .. وياريت مثل ما قلت ترجعي تعليقاتك والله الف مرحبا ولا يوجد اي ازعاج ابدا
انا الشريرة:
لالا ياخويا راني قصدت اسمحلي باسكو كنت معانا في ....
هو الضحية:
ما فهمتش ؟؟
انا الشريرة:
اسمحلنا كنت معانا في كاميرا كاشي تخلع في الغاشي
هو الضحية:
هههههههههههه
لعبتيه بينا في هذا رمضان
مشكورة جدا
بصح قوليلهم معليش لعباوها بينا
( ها راني قلتلهم هههه )
.
.
.
ماشاء الله عليك خويا ناس ملاح و مابغاش يزعف هههه
ربي يوفقك في مجال الرسم و كل حياتك ان شاء الله
.
هذي كانت حلقة اليوم ان شاء الله تكون عجبتكم
انتظرو الحلقة الختامية ~~ قريبا ~~ ان شاء الله
و الضيف مفاجئة ..
. ترقبونا ...في امان الله
