- إنضم
- 13 جويلية 2014
- المشاركات
- 3,763
- نقاط التفاعل
- 12,319
- النقاط
- 406
- العمر
- 30
- محل الإقامة
- حوشنا
- الجنس
- أنثى
رمضانكم مبارك احبتي
تقبل الله صيامكم و قيامكم
عدنا لكم اليوم بحلقة جديدة و فريدة
وهي مسك الختام
كما وعدناكم حلقتنا اليوم من العيار الثقيل
هذي المرة ضحيتنا كانت قادرة تحضرنا وتخلص الاعضاء من شرورنا ههههه
الاميرة و حسناء اللمة @الورد الأحمر
تابعوا .......
~~ في البداية تفاهمت انا و الزعيم على الخطة الشريرة
وهي انو نديرو محادثة جديدة و نبدا انا نديرونج فيه
خخو يروه الشرير يشكيني للمديرة
~~الشرير:
السلام عليكم ....صح فطورك مديرة ...نسحقك في امر ....
الضحية:
وعليكم السللم ورحمة الله وبركاته
الله يسلمك أخي درك رانا في صح سحورك ههه
اتفضل
الشرير:
اهلا مديرة ...ياودي الرحمة على والديك ...راها كاين وحدةهنا ..مانيش عارف وشبيها ...راه كل مرة تهدر معايا في الخاص و انا نتجنبها و هي ديما ورايا ..الرحمة على والديك شوفي كيفاه اديري معاه ...راها هذيك لي مسمية روحها حروف تائهة و لا حروف .... ...ولا مانيش عارف
الضحية:
اممممم ديرلها تجاهل يا أخي وخلاص هههه
الشرير:
ياودي كل مرة ...راها فايت المرة تجي ...و تبدا تخلط في الهدرة ..و الله ماني عارف
الضحية:
فهمت عليا ولا نو قلتلك ديرلها تجاهل ماشي يعني تتجاهلها يعني ديرلها بلوك ووقتها مش رح تشوفك في المنتدى ولا رح تشوفها
الشرير:
وعلاه مش نتي لي ديريلها حظر و لا تهدري معاها ...ياودي ماكم تخدمو في خدمتكم ما والو ....
الضحية:
ههههه انعل ابليسك يا أخي ع صباح ربي العبد قريب ما يقشع في والو وانتا تتبلى فيا
أنا ما قلقتنيش انت لي قلت قلقتك وكيفاه نحظر برك أنا ؟ تسمى نروح نحظرها نولي ظلامة وحقارة
أعطيني سبب يخليني نحظرها مادام ما غلطتش فيك قلقتك برك ! مالا أحظرها انت يعني أعمللها تجاهل وانتهى الموضوع هك انت ما تقلقك وهي ما تلقاك وأنا ما كسبت العيب مع حتى واحد وهذا حل يرضي الجميع
هاهي طريقة التجاهل إذا ما تعرفهاش
سي نو أعمل تبليغ بالرسائل إذا لقيت أنو صح متعدية عليك في لكلام هذاك شي ثاني
بالتوفيق .
( ايا ياجماعة هاكم تعلمتو طريقة التجاهل بلاك تحتاجوها هههههه )
الشرير:
ضروك نديرلك اقتباسات من محادثاتها و شوفي
راني عارفك تحسبيني نبالغ
بصح راها ديما مش اول مرة
بصح نتوما اصلا ما تحبوش تخدمو خدمتكم
ياودي الله يهديكم
( باينة شريرة
تاع الصح ) الضحية:
ههههههه سامحني بصح جاني الضحك يخي نوغمال نضحك
والله يا خويا صح ما نحبش نخدم دايوغ بالثلاثاء يفضلي الكونجي ونرجع نخدم وحلاتلي القعدة الله غالب ما نحبش نخدم لا هنا لا في البلدية .
درك شغل انت او كون نقولك واش نقول راه في راسك شي حايب تقراه تاع نقولك ايه ما نحبش نخدم مالا يا أخي هاه ما نحبش نخدم
مدري رقدت ونضت تتسحر ولا من الرقدة تاع البارح ما رقدت وهذا وين ناوي ترقد
إذا هكذا راه خاصك شوية رقاد خويا ونوضة ع الطناش تاع القايلة وقتها ترجع تشوف الأمور نوغمال .يا سيدي حروف تائهة وتاهت عندك خليها تيه ديرلها تجاهل
رح تدوخني معاك لاماه تخرج فيا للعيب أنا نحبها الطفلة هذي تعجبني صورتها الرمزية خلي كي تبدلها نحظرها ههههه.نساعفو تقولو ما تخدموش خدمتكم نخدمو خدمتنا تقولو حقارين
درت العفو في رمضان ما نحظر حتى شخص غير الملحد هذاك نموت على نحظرو
( انا طبعا بعد هذا التصريح الخطير قررت مانزيدش نبدل صورتي الرمزية
)الشرير:
يا حسراه ...ردتلي مجلد ....انا راني نهدر صح ونتي راكي تزعقي بيا ....ياودي خلاص اا لي غالط ..دبرو روسكم ..عاطينها الرقاد و بيع البلاد يا بن عمي
الضحية:
ديجا راك اقتبستلي غير واش قالت هي وينو واش قلت انت
بالاك أنت لي غالط فيها
الشرير:
ايوااااه .....كن جيت غالط ما نجيكش ....اخرجيلي فيها و خلاص ....قوليلي دز معاهم و صايي
الضحية:
ها قلت ما تخدموش خدمتكم راني نخدم في خدمتي ع الربعة ونص تاع الصباح
درك شغل أنا القاضي لازم نحكم بيناتكم باه نحكم صح وما نظلم حتى واحد لازم نفهم من اللول للخر هي واش قالت وانت واش رديت مش تجيبلي واش ردت هي برك
كي وليت نخدم في خدمتي وليت ما نعجبش
الشرير:
ما نوريلكش
وش قلت انا لانو باين وش قلت من كلامها
ضرك اخرجيلي فيها طاي طاي ...قال دز معاهم و ندز معاه ما فيها حتى مشكل
ياخي حالة ياخي
و خلينا من ذوك الوجوه الرحمة على والديك
الضحية:
حايبني نحظرها ونزيد نخرجهالك طاي طاي ومدري واش ...
خويا استهدي بالله وانا مديتلك الحل وانت مش حاب تنفع روحك بيه مالا واش نديرلك فوق هك ؟
نزيد ان شاء الله أنا لي نروحلك لاعدادات عضويتك ونديرلها تجاهل ؟
يجيني واحد يشكيلي منك يجيبلي غير انت واش قلت وما يجيبليش هو واش قال نحكم عليك طول نحظرك بلا نفهم الطرف الثاني واش دار مش ظلم ! تعجبك وقتها هك ؟
انعل ابليسك وروح ترتاح وخليني نرتاح والصباح رباح
هيا تصبح على خير راه قريب يطلع الضو
الشرير:
امال انجيك من التالي
راكي
شاركتي
في
مبروك عليك
ههه
وان شاء الله تجوزي معانا غدوة انشاء الله
ههههههههههههههههه
( لازمني ندخل نبارك لمديرتنا هههه)
انا الشريرة:
ههههههههه
السلام عليكم
صحا صحورك اختي
بصحتك الكاميرا كاشي
ان شاء الله ماتكونيش زعفتي منا
.
.
.
الى هنا نكون قد وصلنا الى ختام الحلقة و ختام السلسلة
الجماعة لي خايفة و موسوسة تقدرو ترتاحو ههههههه :p
مع تحيات كامل فريق العمل
@habchisalaheddin
@sقطر الندىs
@عآشقة الجنـة
@حروف تائهة
ان شاء الله ماكناش ثقال عليكم
في امان الله
