هوما سوفجونا ......على انغام الراي

[ليليا مرام]

السلام عليكم يا الفاطرين ووكالين رمضان بعد الفطور أكيد
اليوم حبيت نقولكم
احنا خاطينا هوما سوفجونا ،،،، راح تعرفو على شكون نهدر
قلنا ما نديروش mbc ومشتقاتها على جال انواع المسلسلات وانا صراحة نتبع برامج فيها ملاح
احدث سجين في التاريخ ،،،،قصة سيدنا يوسف عليه السلام
نحب الاستاذ عمرو خالد يحكي بطريقة رائعة على سيدنا محمد عليه الصلاة والسلام
نتبع برنامج قمرة و الصدمة وبرنامج لحظة علمي هو هذو يعجبوني ونحب المسلسلات الخليجية نتبعها كلها
ايا قلنا ندورو نشوفو بهاديل بلادنا ونشجعو الصناعة المحلية واللي هي الصناعة المخلية للأسف
وتجي انغام الراي تعيط من هيه حثالة المجتمع يخرجلي فقناة نورمالمو قالك العائلة المحافظة عنواننا اسيدي هذي عائلة محافظة وجبتونا الشاب فلان والشاب علان من الملاهي لموائد رمضان بإسم عائلات محافظة لو ماكناش محافظة كيفاه هنودا
هذو ضرك يتمسخرو بينا ماشي الواحد يدير بولييوود ويخليهم
يمى يا طفلة ديري النهار. تبغي البوليتيك وهات يا شطيح ..... رحت للبلدية وشعلت النار فيا ربابابا .... شعلو عظامو. قلت شكون هذا ثاني دايرلي قرمودة فوق راسو اللي شاف كاميرا نتاع تزويج فالبلدية يخبرني ذاك الكائن اللي يغني شكون
وزيد كاميرا الكار تدخل جدة بالانطلاقة والعيطة نتاع التبراح نتاجاتها جابو حجة
ضرك نفهم يعني ما رحناش للملاهي جابوهمنا وين العائلة المحافظة هنا ويقولك ما عجبكش الحال ما تتفرجش هذا حل عندكم نتوما قولولي؟
يعني يا نقبلو الفساد يا نقبلوه ثاني لانو لما يقولك بيدك انت ما تتفرجش لالا هاكا راني قبلتها وسكتت وشجعتكم وتخرجو للناس حصدنا اعلى نسبة مشاهدة من وين يجيبو فيها؟

قالك اللي يضحك يلحق عايرو مجموعات mbc ولحقنا وراحين نفوتوهم قال من قال هذوك نيفو عالي يخبطك بكاميرا تأمنها ذراع

مازلنا بعاد على النيفو مازلنا نفسرو الأمور بالمقلوب عائلة محافظة معناها شاب كناري وشابة صباح اللي هي عار على الجزائريين تتقيم وتنجاب على انها فنانة ياخي حالة

هوما سوفجونا فبلاصة جيب ناس نيفو عالي منهم نتعلمو يجيبونا عباد يزيدو يهبطوك درجات فحياتك
واش رايكم الغلطة فينا والا فيهم
لكم الخط

​

 

[همس الوُرود]

السلام عليكم

تم إعتماد الموضوع ~

إن شاء الله لي عودة لكان قدرت​

 

[Salah eddin]

هههه
تيك ..تاك ...تاو
تيك ..تاك ...تاو
يانااااا....زربوعي
ههه
زربوعي ..ضربة ..خشينة ..واعرة
تيك ..تاك ...تاو
ههههههههههه
ياخي حالة ياخي
و الله راهم وراولنا حثالة مكانش نسعو بيهم و راهم طلعولهم في التيتر كي جابوهم للتلفزيون الجزائري و وراوهم للشعب
بصح الله غالب ...في سياسة جقبل و خلي يقبل
قنوات زعما محافظة يجيبولنا حثالة الجتمع من فنانين العفن و يوروهم للبيبليك و ق العافية
و الله يحير الواحد في بلاد العجائب
شكرا مرام على الالتفاتة
ياخي حالة ياخي
و الله بهدلو بينا
​

 

[ha kh]

هذا هو الاعلام المنغلق خبصو الدنيا و راح الصالح بالطالح

 

[sad_pb]

الله يرحم رمضان تاع بكري كانو ديما ديما يجيبو مسلسلات دينية ... كان رمضان عندو طابع ديني على الأقل ... ضرك شياطين الإنس استلمو المشعل من عند إبليس لعنة الله عليه و نساو فيه عاد ما يبانش قدامهم ... مليح كي عاد رمضان ولى صعيب لأنو تاع ربي و هو اللي يجازي بيه .. سعدك ياللي دار الخير ... و اللي غرضو فالربح العام طويل ...

 

[Amine7N]

الســلام عليكم
وصـح فطوركم
ياااووو أنا في رمضان من بلا حــدود مازال ماضحكتش
جات غير في الراي بركا !!!
ياااوو برامج غير تبهليل وتبهديل
ماعدا خاتم سليمان
ناس السطح !!! مخي أنـا ضرب في السطح من شفت التهريج نتاعهم
والكاميرا كاشي !!! يخلعو في عبـاد الله ! واقيلا حابين يصرالهم كما الكاميرا
كاشي نتاع الروس كملت بالسلاح والرصاص والممثل ميت

مفهمتش مكانش قدرة ع إبداع وخلق برامج مليحة وكاميرا خفية تكون خفيفة
ولا لازم غير التبهليل !
ربي يهديهم
صــح سحوركم

 

[aljentel]

لكل منا وجهان ...
الاول يقابل به الناس ويتصرف به علنا
الثاني خفي ويحاول ستر اعمال هذا الجانب
هناك من يشتم بعض القنوات علنا لكنه يشاهدها ولا يحيد عنها سرا ..
فما تجديه يلوق لك من برامج اطلعي عليها ولا تردي لمن يريد ان يتحكم حتى بقنوات جهازك ..
موضوع جميل كعادتك ..

 

[الامين محمد]

بلا ما تنساي اختي ليليا هاذوك الفنانين
الذين لا لباسهم مثل لباسنا
و لا لغتهم كلغتنا
و لا ضحكهم كضحنا و كأنهم من عالم آخر
صامطين و جيياح و ما يحشموش ننساء مستؤجدلين و رجال مخنثين
يرقصو و يغنوا و يضحكوا و كأنهم في مقهى و ألأا أحد يتابعهم
لا يعيرون أي اهتمام للمشاهد

 

[ليليا مرام]

السلام عليكم

تم إعتماد الموضوع ~

إن شاء الله لي عودة لكان قدرت​

السلام عليكم
مشكورة أختي بارك الله فيك اعرف مشاغلك مشكورة أختي

 

[ليليا مرام]

هههه
تيك ..تاك ...تاو
تيك ..تاك ...تاو
يانااااا....زربوعي
ههه
زربوعي ..ضربة ..خشينة ..واعرة
تيك ..تاك ...تاو
ههههههههههه
ياخي حالة ياخي
و الله راهم وراولنا حثالة مكانش نسعو بيهم و راهم طلعولهم في التيتر كي جابوهم للتلفزيون الجزائري و وراوهم للشعب
بصح الله غالب ...في سياسة جقبل و خلي يقبل
قنوات زعما محافظة يجيبولنا حثالة الجتمع من فنانين العفن و يوروهم للبيبليك و ق العافية
و الله يحير الواحد في بلاد العجائب
شكرا مرام على الالتفاتة
ياخي حالة ياخي
و الله بهدلو بينا
​

السلام عليكم
شكون زربوعي ثاني راتي روطار ياو
ايه هوما يعجبوهم ذاك النوع وطلعولهم الشان ولينا نعرفوهم بالذراع وقالك رسالتنا العايلة الجزائرية المحافظة هذا اللي يعرفوه على المحافظة جيبلو مغني من الملاهي وحطو في كاميرا كاشي والا برنامج وقولهم نحترموكم
الله يهديهد دراهم عماوهم خاطر كل شي دراهم وتجارة
ربي يهدي والا يدي بالناقص منهم

 

[ليليا مرام]

هذا هو الاعلام المنغلق خبصو الدنيا و راح الصالح بالطالح

السلام عليكم أخي همام
فعلا الاعلام زرع الفتنة هول الامور اثار الفتن بين الظول وبعدو دخلو على الأسر واللعب على الاعصاب في شهر الرحمة
الله يهدينا يا رب
مشكور

 

[ليليا مرام]

الله يرحم رمضان تاع بكري كانو ديما ديما يجيبو مسلسلات دينية ... كان رمضان عندو طابع ديني على الأقل ... ضرك شياطين الإنس استلمو المشعل من عند إبليس لعنة الله عليه و نساو فيه عاد ما يبانش قدامهم ... مليح كي عاد رمضان ولى صعيب لأنو تاع ربي و هو اللي يجازي بيه .. سعدك ياللي دار الخير ... و اللي غرضو فالربح العام طويل ...

السلام عليكم
صح كنا نستناو رمضان من كثرة البرامج الدينية والكاميرا كاشي تضحك صح ومحترمة وحتى المذيعين يحترمو المشاهد مي ضرك تخلطت يلحق رمضان كل حاجة كونتر الشهر يديروها تقول بالعاني واللي بغا يربح العام طويل كيما قلت علاه يزيدو يفسدو رمضان شهر فالعام يمشو مع ربي قبالة سبحان الله
الله يهدينا
مشكور اخي جزاك الله كل خير

 

[ليليا مرام]

الســلام عليكم
وصـح فطوركم
ياااووو أنا في رمضان من بلا حــدود مازال ماضحكتش
جات غير في الراي بركا !!!
ياااوو برامج غير تبهليل وتبهديل
ماعدا خاتم سليمان
ناس السطح !!! مخي أنـا ضرب في السطح من شفت التهريج نتاعهم
والكاميرا كاشي !!! يخلعو في عبـاد الله ! واقيلا حابين يصرالهم كما الكاميرا
كاشي نتاع الروس كملت بالسلاح والرصاص والممثل ميت

مفهمتش مكانش قدرة ع إبداع وخلق برامج مليحة وكاميرا خفية تكون خفيفة
ولا لازم غير التبهليل !
ربي يهديهم
صــح سحوركم

السلام عليكم خويا آمين
ههههه ضحكتني صح من بلا حدود ما ضحكناش انا نقول هذا العام الجياحة كثرت والتفاهة كاميرا كاشي غير السب والمعاير وناس تضحك بلا سبب فالبلدية ذيك المحوجة واحد يضربها واحد يشدها من شعرها ولاخر يجر فيها الرخص بأتم معنى الكلمة ويشكرو رواحهم حصدنا اغجعلى درجات مشاهدة يمكن صح يمكن الديفو فينا نحبو الأمور هذي برغم انو ننتقدوها الله يهدينا
بارك الله فيك خويا والله يحفظك

 

[لؤلؤة قسنطينة]

السلام عليكم
صباح الورد ختي ليليا، ان شاء الله راكي بخير؟
يعطيك الصحة ختي على الموضوع والله يا كاميرا كاشي تاع هاد العام راهو قلبي طالع منهم
قبل ماتتفرجي الكاميرا كاشي ساع يجيك الجينيريك كيما قلتي الغنا تاع الراي يضرب واذا ماشي
الراي تلقاي غنا عراسي ناقص غير الشطيح والرديح، سورتو هاداك لي يغني تاع البلدية ياربي كي نشوفو والله نصيب نتقيا حاشاك
كيما قلتيها قرمود فوق الراس ههههه تقول جبل، والغنا الباهي هاداك يعني شيء مقزز لا رجولة ولا اي شي، ولا هاديك لي تغني
تاع البيس كيما قلتي كبيرة وجايحة يعني قدها قد عمرها مازالها تصوطي وتغني ووكتاه؟ في رمضان يعرضوها، الناس راهي تخلي وراها
تلاوة القرآن يعرضوها كل رمضان وحنا كل رمضان جايبيلنا الشطيح والرديح ربي يهديهم برك، هادا فيما يخص الجينيريك هادا
مازال مادخلناش للمحتوى، لو نروح للكاميرا كاشي تاع البلدية هاديك يعني مافهمتش كيفاه يخممو يعني علابالك الشعب فمو
نظيف الله يبارك ونتا تزيد تدخل في نصهم وتنارفيهم يعني تحوس على البلاء؟ هادي أول نقطة وتاني نقطة هي البنات هادوك لي
يشاركو في الكاميرا كاشي داو الضرب والخبط والكفوف والسب والشتم وتطياح القدر وهادا كامل علاواه؟ على كاميرا كاشي؟؟
ترضاي عبد يرخسك ويطيحلك من قيمتك على جال باه يضحكو الناس؟ يعني غباء تاع الصح انا الكاميرا كاشي هاديك كيما راهي
مانطيقهاش من الجينيريك وروح خاطر جياحة، بالنسبة للكاميرا كاشي تاع البيس ايماجيني عبد مزروب ولا عندو حاجة كيما امتحان مهم
ولا موعد مهم ونتا تبقى تلعب بيه وتدور بيه وتضيعلو في وقت باه تضحك الناس، يعني جياحة وهكاك نقولو معليش المهم مافيهاش عنف
المهم نروحو درك للعنف تاع الصح وهي الكاميرا كاشي تاع النهار هاديك لي يعرضو فيها عرة الفنانين، يعني عباد حياتك كاملة ماتعرفيهمش
ولا يشرفك أنك تعرفيهم تجي بضغظة زر يعرفوك عليهم بالسيف يعني هادوك ناس عندهم مستوى ويستاهلو يتعرضو على التلفاز وتشوفهم
العائلة الجزائرية؟ وزيد المشكلة العظمى ينارفيوهم ويهيجوهم حتى يوليو يضربو ويطيحو ويسبو صدقت الاخت إيمان لي قاتلك كاميرا طيط
ماش كاميرا كاشي لدرجة كل دقيقة طيط ههههه، وفي اللخر يقولك شعب عنيف، جايبلي ناس لا تربية ولا أخلاق وتزيد تسبهم وتهيجهم
وكي ينوضو بالكلام الباهي ويضربو تقول شعب عنيف؟ أصلا الحصة بعد راكم مسميينها ستوديو للتكسار يعني علابالكم واش رايح
يصرا مسبقا، يعني واحد الشي يجهل صراحة، انا في الايام الاولى من رمضان ضربت طلة عليها هاد الكاميرا كاشي كي لقيت فيها ناس
ماتسواش مازدتش حطيتها خاطر راني نزل من مستواي كي نتفرج عباد كيما هكا، من المفروض عباد كيما هكا مايتعرضوش خلاص
واش نقولو ربي يهدينا ويهديهم برك والكاميرا كاشي تجي خفيفة وظريفة باه الانسان يبتسم ماش تخرجلو قلبو ولا اعصابو وتهبلو ومن بعد
تقول كاميرا كاشي، ربي يهديهم برك، شكرا ليليا ختي على الموضوع ربي يهنيك
وصح فطورك
تحياتي​

 

[ليليا مرام]

لكل منا وجهان ...
الاول يقابل به الناس ويتصرف به علنا
الثاني خفي ويحاول ستر اعمال هذا الجانب
هناك من يشتم بعض القنوات علنا لكنه يشاهدها ولا يحيد عنها سرا ..
فما تجديه يلوق لك من برامج اطلعي عليها ولا تردي لمن يريد ان يتحكم حتى بقنوات جهازك ..
موضوع جميل كعادتك ..

السلام عليكم اخي الجانتل
فعلا الصراحة تقال لوما أنني شاهدتها لما انتقدتها هذا واقع ولكن ان انتقد امر وارى حصة او برنامج مرة وبين ان اقاطعه يعني ممكن نشوف برنامج فقناة ما يعجبنيش مش يعني نكره كل القناة لما يرجع البرنامج انا نغير القناة لأنو سبق وديت نظرة عليه اما لو تكررت برامج القناة هنا لا اشاهد هذه القناة ومش من باب الغناء وفقط لالا يمكن حصص اراها تافهة
لالا نحن لا نريد التحكم بقنوات الناس كل حر في اختياره انا اتكلم عن الانحطاط في المستوى وما يريد الاعلام فرضه على المجتمع
شكرا لك وانت ردودك دائما مميزة وواقعية
مشكور

 

[ليليا مرام]

بلا ما تنساي اختي ليليا هاذوك الفنانين
الذين لا لباسهم مثل لباسنا
و لا لغتهم كلغتنا
و لا ضحكهم كضحنا و كأنهم من عالم آخر
صامطين و جيياح و ما يحشموش ننساء مستؤجدلين و رجال مخنثين
يرقصو و يغنوا و يضحكوا و كأنهم في مقهى و ألأا أحد يتابعهم
لا يعيرون أي اهتمام للمشاهد

السلام عليكم الأخ آمين
المشكل الاعلام راه يحوس يدخل فوسطنا مع انو وسطهم واضح قلتلكم اعزكم الله ما رحناش للملاهي جابوهمنا للدار فالبداية زعمى قناة مختصة بالاخبار والسياسة والمباشر وقلنا مليحة كشفت أمور وساعدت الناس بعدو بدات الحالة تطور ويمكن احنا مدينالهم الفرصة لأنو قيمناهم فتمادو
وزيد يخيرو رمضان ويطلقو هبالهم وبعدو يا ربي وعلاه ما ربحناش ووعلاه يجونا المصايب وعلى نياتكم ترزقون هذا ربي سبحانو قال
الله يهدينا ويهديهم
شكرا لك

 

[ليليا مرام]

السلام عليكم
صباح الورد ختي ليليا، ان شاء الله راكي بخير؟

السلام عليكم
اهلا مريومة واش راكي
الحمد لله احسن بارك الله فيك
يعطيك الصحة ختي على الموضوع والله يا كاميرا كاشي تاع هاد العام راهو قلبي طالع منهم
قبل ماتتفرجي الكاميرا كاشي ساع يجيك الجينيريك كيما قلتي الغنا تاع الراي يضرب واذا ماشي
الراي تلقاي غنا عراسي ناقص غير الشطيح والرديح، سورتو هاداك لي يغني تاع البلدية ياربي كي نشوفو والله نصيب نتقيا حاشاك

هذاك المشكل واش دخل الراي فالحصص يعني درت حصة ما لقيتش جينيريك ويخيرو عباد باه يولو معروفين
هذاك سردوك لامازون حاشا خلقت ربي انا نجي نظير القناة ونلقاه نحيها ما ندورش بيها ربع سوايع يمى والبوليتيك تحوس على الاخبار هبلتني بيها
كيما قلتيها قرمود فوق الراس ههههه تقول جبل، والغنا الباهي هاداك يعني شيء مقزز لا رجولة ولا اي شي، ولا هاديك لي تغني
تاع البيس كيما قلتي كبيرة وجايحة يعني قدها قد عمرها مازالها تصوطي وتغني ووكتاه؟ في رمضان يعرضوها، الناس راهي تخلي وراها
ايه ضرك كاميرا نتاع مار واش دخل هذيك فالوسط وشطيح شطيح يعني تعانديها تلقاي روحك تتحركي هههه الهبال ما لقاوش ليجينيربك كاين نتاع توم وجيري هايلة نتاع الفهد الوردي قال دير الخلايع هه


تلاوة القرآن يعرضوها كل رمضان وحنا كل رمضان جايبيلنا الشطيح والرديح ربي يهديهم برك، هادا فيما يخص الجينيريك هادا
مازال مادخلناش للمحتوى، لو نروح للكاميرا كاشي تاع البلدية هاديك يعني مافهمتش كيفاه يخممو يعني علابالك الشعب فمو
نظيف الله يبارك ونتا تزيد تدخل في نصهم وتنارفيهم يعني تحوس على البلاء؟ هادي أول نقطة وتاني نقطة هي البنات هادوك لي
يشاركو في الكاميرا كاشي داو الضرب والخبط والكفوف والسب والشتم وتطياح القدر وهادا كامل علاواه؟ على كاميرا كاشي؟؟
ترضاي عبد يرخسك ويطيحلك من قيمتك على جال باه يضحكو الناس؟ يعني غباء تاع الصح انا الكاميرا

ايوا هذوك نتتاع اابلدية قوليلي حاملة الرخص الضرب وواحد يجرها ولاخر يشدها من الشعر ياحي خاوتهم عادي يجي راجل ما تعرفوش يمسها من يظها والا يجرها وشعرها وعادي جدا على واش تكون مصيدة وفرخانة بعمرها ويقولك التطور ههههه ياخي عجب
كاشي هاديك كيما راهي
مانطيقهاش من الجينيريك وروح خاطر جياحة، بالنسبة للكاميرا كاشي تاع البيس ايماجيني عبد مزروب ولا عندو حاجة كيما امتحان مهم
ولا موعد مهم ونتا تبقى تلعب بيه وتدور بيه وتضيعلو في وقت باه تضحك الناس، يعني جياحة وهكاك نقولو معليش المهم مافيهاش عنف
المهم نروحو درك للعنف تاع الصح وهي الكاميرا كاشي تاع النهار هاديك لي يعرضو فيها عرة الفنانين، يعني عباد حياتك كاملة ماتعرفيهمش
ولا يشرفك أنك تعرفيهم تجي بضغظة زر يعرفوك عليهم بالسيف يعني هادوك ناس عندهم مستوى ويستاهلو يتعرضو على التلفاز وتشوفهم
العائلة الجزائرية؟ وزيد المشكلة العظمى ينارفيوهم ويهيجوهم حتى يوليو يضربو ويطيحو ويسبو صدقت الاخت إيمان لي قاتلك كاميرا طيط
ماش كاميرا كاشي لدرجة كل دقيقة طيط ههههه، وفي اللخر يقولك شعب عنيف، جايبلي ناس لا تربية ولا أخلاق وتزيد تسبهم وتهيجهم
وكي ينوضو بالكلام الباهي ويضربو تقول شعب عنيف؟ أصلا الحصة بعد راكم مسميينها ستوديو للتكسار يعني علابالكم واش رايح
يصرا مسبقا، يعني واحد الشي يجهل صراحة، انا في الايام الاولى من رمضان ضربت طلة عليها هاد الكاميرا كاشي كي لقيت فيها ناس
ماتسواش مازدتش حطيتها خاطر راني نزل من مستواي كي نتفرج عباد كيما هكا، من المفروض عباد كيما هكا مايتعرضوش خلاص
واش نقولو ربي يهدينا ويهديهم برك والكاميرا كاشي تجي خفيفة وظريفة باه الانسان يبتسم ماش تخرجلو قلبو ولا اعصابو وتهبلو ومن بعد
تقول كاميرا كاشي، ربي يهديهم برك، شكرا ليليا ختي على الموضوع ربي يهنيك
وصح فطورك
تحياتي​

ايه شفنا وتفرجنا وبعدو الواحد يعرف واش يتفرج ماناش نفتو ونقولك الغنا حرام وكذا وما نسمعش لالا نسمع بصح نعرف واش نسمع واشكال وكاين ناس ولو تغني لكن محترمين ما نقدرش انا نتفرج برنامج حايبينلي وحدة من الملاهي للتيفي باسم عايلة محافظة هذي عايلة راهم فيها اب واخ وزوحة وابنة وام يمكن يكونو مجتمعين شي هذا فرق العايلات ورجع كل واحد ظاير خيمتو فدارهم وما يتفرحوش كيفكيف لانو علاه عارفين راح تكون حاجة تكسر الحياء بينهم الله يهدي الاعلام راه غير يزيد ينزل فالمستوى
الله يهديهم ويهدينا
شكرا مريومة وصحا فطورك

 

[لؤلؤة قسنطينة]

نسيت ماقتلكش حاجة ختي ليليا، هادوك الفنانين لي يجيبو يبهدلوهم ويسبوهم
في رايك علاه في آخر الحصة يضحكو ويسكتو؟ راهم يديو عليها دراهم
البارح برك وانا نشوف فيهم صدفة وحدة واضعة فيديو تحكي على البهادل تاع لي كاميرا كاشي بعد
واقتبست فيديو تاع أحد الفنانين دارولو 3 ولا 4 كاميرا كاشي في رمضان هادا
المهم الفنان هادا ضحك عليه الشعب قالولو حياتك ولات كاميرا كاشي 4 كاميرا في العام
مالا ردلهم بفيديو (هو لي اقتبستو الطفلة) قالهم فيه بلي الكاميرا الوحدة ندي عليها 25 مليون
يعني 4 كاميرات كاشي لي تضحكو عليهم راني ديت فيهم 100 مليون ونتوما اقعدو تضحكو
وقالهم راني نهدر على روحي برك، يعني الشعب لاخر ماعلابالوش قداه يدي، درك كيما الكاميرا كاشي VIP
بالاك راهم يمدولهم بالدوبل، درك ماش العبد يخبط راسو ههههه
ربي يهديهم برك
شكرا ختي ليليا​

 

[أمين 27]

حتى ناس السطح و ما نقدش نتفرجها معى الوالدين تالمون بيناتنا قدر ...

 

[page introuvable]

raki tshofi khti mbc khrjt khirmnhom b3id za3ma yahdro wyaghtbo lfananin ta3 erai whoma yjibo fihom 3la asas des artist
ana l7aja lwa7ida li ntfarajha 3ashoor wla l'experiance wla 3ish tshouf mn ghir hado 7aja matsl7 srt hadi #matda7aksh
rabi yjib lkhir bark