السلام عليكم أحباب اللمة
نقعد مع روحي ونقول يا ريتني ما كبرت .....ريتني ما كبرت وفواحد الليلة انا قاعدة نهدر وحدي خرجتلي جنية ....قاتلي ليليا واشبيك هبلت...قتلها ايه كبرت وهبلت يا رحمة يا كنت صغيرة ...قاتليواش رايك فاللي يرجعك صغيرة بشرط لو خسرت الماشينة تقعظي فالصغر قتلها قابلة اديني برك
وفرمشة عين لقيت واحد الحية مكورة هي ماشينة فتحتها وقاتلي خيري اللاج اللي تروحي ليه قتلها 7 سنين وانا يا الخاوة برك حطيت يدي على نيميرو 7 وبدات دور ودور حتى لقيت روحي فحومتنا عند الباب الحومة القديمة شفت فروحي الحوايج كبار عليا نلقى جارنا يسين عرفتو كان يلعب معايا قتلو يا المكشرد قتلك كنت معفون وبالخناين ووليت بالطونوبيل وحاسب روحك ياه وتتكبر على الجيران لازملي نصورك حوست على البرتابل ياحي كان البرتابل مازال ما صنعوهش
وعبد القادر ياه رجليك برك طوالو مازلت انت انت معفون ومسخ وشعرو قفة نتاع الصوف هو هو
نضت نمشي الحوايج كبار عليا وجاو البنات ليليا ارواحي نلعبو غميضة ....كريمة وامينة يا واحد المعفونات شعركم لاصق واليوم الكيراتين ياه.
... شديتهم من شعرهم مزيت زيت زيتون تريح والعمش والتراب فالشعر وفالشفرتين قتلها امينة ماشي البارح جيتي طليتي عليا دايرة مانيكور .ةوبديكور وضاربة بونتاكوغ:p:p:p......وقلعت تنوح شدتني من شعري ضربتني وهنا كان لازم نعطيها طريحة توحشت الضرب نتاع بكري مرغتها بيها بصحبتها والذكور يسلكو كيما زمان هههه وانا نضت نجري جيراني نحشم منهم رجال نشوف فيهم واش من جيران ذراري واحد سروال زرق ولاخر خضر والشعر كريبي الحفاف داير روشارش طبعتهم ايا بعدوني وياااا اللي شافكم كي كبرتو هذا جال وهذا سروال مقطع وهذي كوستيم يا على عفن الطفولة مي كنا فرحانيين وقلت ندخل لدارنا توحشتها
دخلت نجري نحوس على بابا ربي يرحمو نلقى يمى كي كانت شابة وبصحتها ومريحة فدارها معززة مكرمة وقاتلي منين جبت العجب اللي راكي لابساتو كبيرة عليك ارواحي لهنا وانا نشوف فيها توحشت وجها قبل ما يتعب نمس يديها قبل ما يبداو يتشققو عنقتها نبكي يمى سامحيني لو كانت راح تضربني عنقتني قاتلي ماتزيديش تلبسي حوايج الناس كبار عليك وجاو خاوتي كانو برا ونشوف فيهم بالواحد. ونقول وين رحتو كي كبرتو وعلاه خليتوني انا ويمى وحدنا قالها خويا الكبير مهبولة هبلت يمى راني جيعان واختي تبكي ضربتني نوال قتلها امشي ياك مديتلها طريحة وحكمتني يمى امشو تتغداو بركاو من مشاكل
ودخل بابا واشبيكم العياط من برا ..... نجري لبابا توحشتك بابا توحشتك بزاف راني طحت ومرضت راني ما نقدرش نمشي وهو يشوف فيا متبسم مابيك والو تتفششي عليا برك وانا نعنق فيه ونضم توحشتك يا بابا وعلاه رحت وخليتني يعنق فيا هاني جيت
ما تحركتش نمس فيه ونبوس ونعنق وهوما يقولو واشبيها اليوم هبلت شوف واش لابسة وكالعادة يمسح على شعري خلوها بنتي توحشتني خلوها
بقيت لاصقة فيه وين يروح معاه ويشريلي وانا خايفة الوقت يخلاص وما نشبعش منو
صح شفت الحومة والجيران وصحاباتي الدنيا تبدلت
االفقر والتراب والتمراغ وجارتنا تجيبنا الكسرة تصدقها وضرك كبرت طيب وتغلق التاقة والباب باه الريحة ما تخرجش مي انا حبيت نرجع للطفولة عالجال بابا علجال صحتي برك القلوب قساحت وجفات واللي البارح لعبنا معاهم اليوم عديان مي علجال بابا انا رجعت
وجاء الوقت اللي نرجع فيه
وقتلها خليني نقعد هنا وما نكبرش ما نوليش للزمن اللي تعذبت فيه وشفت المر ما نرجعش نلقى روحي فكرسي متحرك ما نوليش نلقى روحي من عملية لختها ودارنا فارغة وامي تاعبة مي علجالها. لازم نرحع.
وختكم جات تحط على قفلة 37 قفلت على 77
يا درا واش راح نلقى
مشكورين
نقعد مع روحي ونقول يا ريتني ما كبرت .....ريتني ما كبرت وفواحد الليلة انا قاعدة نهدر وحدي خرجتلي جنية ....قاتلي ليليا واشبيك هبلت...قتلها ايه كبرت وهبلت يا رحمة يا كنت صغيرة ...قاتليواش رايك فاللي يرجعك صغيرة بشرط لو خسرت الماشينة تقعظي فالصغر قتلها قابلة اديني برك
وفرمشة عين لقيت واحد الحية مكورة هي ماشينة فتحتها وقاتلي خيري اللاج اللي تروحي ليه قتلها 7 سنين وانا يا الخاوة برك حطيت يدي على نيميرو 7 وبدات دور ودور حتى لقيت روحي فحومتنا عند الباب الحومة القديمة شفت فروحي الحوايج كبار عليا نلقى جارنا يسين عرفتو كان يلعب معايا قتلو يا المكشرد قتلك كنت معفون وبالخناين ووليت بالطونوبيل وحاسب روحك ياه وتتكبر على الجيران لازملي نصورك حوست على البرتابل ياحي كان البرتابل مازال ما صنعوهش
وعبد القادر ياه رجليك برك طوالو مازلت انت انت معفون ومسخ وشعرو قفة نتاع الصوف هو هو
نضت نمشي الحوايج كبار عليا وجاو البنات ليليا ارواحي نلعبو غميضة ....كريمة وامينة يا واحد المعفونات شعركم لاصق واليوم الكيراتين ياه.
... شديتهم من شعرهم مزيت زيت زيتون تريح والعمش والتراب فالشعر وفالشفرتين قتلها امينة ماشي البارح جيتي طليتي عليا دايرة مانيكور .ةوبديكور وضاربة بونتاكوغ:p:p:p......وقلعت تنوح شدتني من شعري ضربتني وهنا كان لازم نعطيها طريحة توحشت الضرب نتاع بكري مرغتها بيها بصحبتها والذكور يسلكو كيما زمان هههه وانا نضت نجري جيراني نحشم منهم رجال نشوف فيهم واش من جيران ذراري واحد سروال زرق ولاخر خضر والشعر كريبي الحفاف داير روشارش طبعتهم ايا بعدوني وياااا اللي شافكم كي كبرتو هذا جال وهذا سروال مقطع وهذي كوستيم يا على عفن الطفولة مي كنا فرحانيين وقلت ندخل لدارنا توحشتها دخلت نجري نحوس على بابا ربي يرحمو نلقى يمى كي كانت شابة وبصحتها ومريحة فدارها معززة مكرمة وقاتلي منين جبت العجب اللي راكي لابساتو كبيرة عليك ارواحي لهنا وانا نشوف فيها توحشت وجها قبل ما يتعب نمس يديها قبل ما يبداو يتشققو عنقتها نبكي يمى سامحيني
لو كانت راح تضربني عنقتني قاتلي ماتزيديش تلبسي حوايج الناس كبار عليك وجاو خاوتي كانو برا ونشوف فيهم بالواحد. ونقول وين رحتو كي كبرتو وعلاه خليتوني انا ويمى وحدنا قالها خويا الكبير مهبولة هبلت يمى راني جيعان واختي تبكي ضربتني نوال قتلها امشي ياك مديتلها طريحة وحكمتني يمى امشو تتغداو بركاو من مشاكل ودخل بابا واشبيكم العياط من برا ..... نجري لبابا
توحشتك بابا توحشتك بزاف راني طحت ومرضت راني ما نقدرش نمشي وهو يشوف فيا متبسم مابيك والو تتفششي عليا برك وانا نعنق فيه ونضم توحشتك يا بابا وعلاه رحت وخليتني يعنق فيا هاني جيت ما تحركتش نمس فيه ونبوس ونعنق وهوما يقولو واشبيها اليوم هبلت شوف واش لابسة وكالعادة يمسح على شعري خلوها بنتي توحشتني خلوها
بقيت لاصقة فيه وين يروح معاه ويشريلي وانا خايفة الوقت يخلاص وما نشبعش منو
صح شفت الحومة والجيران وصحاباتي الدنيا تبدلت
االفقر والتراب والتمراغ وجارتنا تجيبنا الكسرة تصدقها وضرك كبرت طيب وتغلق التاقة والباب باه الريحة ما تخرجش مي انا حبيت نرجع للطفولة عالجال بابا علجال صحتي برك القلوب قساحت وجفات واللي البارح لعبنا معاهم اليوم عديان مي علجال بابا انا رجعت
وجاء الوقت اللي نرجع فيه
وقتلها خليني نقعد هنا وما نكبرش ما نوليش للزمن اللي تعذبت فيه وشفت المر ما نرجعش نلقى روحي فكرسي متحرك ما نوليش نلقى روحي من عملية لختها ودارنا فارغة وامي تاعبة مي علجالها. لازم نرحع
.وختكم جات تحط على قفلة 37 قفلت على 77
يا درا واش راح نلقى
مشكورين
