عرف الربا لغة واصطلاحا ...

[Hakan]

السلام عليكم خاوتي ان شااء الله تكونو بخير وعلى خير
قلك عرفلي الربا لغة واصطلاحا بون جماعة الباك ما تزعفوش رايح نقصفكم بيسك اغلبكم تمادى بزاف على ما وصاوه
جماعة الخير كفار قريش نهار كانو يسمعو القرآن يتكاكاو في ريوسهم ويوقو عند كل حرف مالغري مشركين وكفار ويعبدو في هبل
مي نهار تشوف انسان تربى في عز الاسلام يماه تشهد ان لااله الا الله وان محمدا رسول الله وباباه كذالك مي نهار البكالوريا
يدير كيتمان في وذنو او هاتف قالاكسي اللي يخرج وطو مليحة ويغش في مادة العلوم الشرعية هنا راسي يحبس
قسما بالله غي تتحاسبو وربي يحاسبكم في الطور الجامعي اذا طلعتو بيسك تقرى في الآيات الكريمة من هذاك السوجي ومن بعد تنقل هذي عيب
تنقل في الدين نتاعك تنقل في اشياء نورمالمون بدون ما تحفظ لازم تكون عارفها
لما يحطلك القائمون آية كريمة ويقلك خرجلي منها 4 فوائد يااخي 4 فوائد عيب بيسك قليلة بزااف لانو كاين شي نااس تخرج من الآية الواحدة 70 فائدة لما يقلك عرفلي الرباا يعني اذا غابتلك ديرلهم تعريف على اللونسااج هذي كي تغيبلك قاع بصح انو تروح حاشاك للمرحاض تنقل و تعفس على على كلام ربي وتضربو عرض الحاائط هنا راك تماديت شحال راك رايح تدي في التربية الاسلامية ياسيدي نقولو عشرين بالنقلة اعطيلي الفايدة اذا غضبت ربي في العلوم الاسلامية واستهزيت بالآيات نتاعو وحاب ربي يوفقك ياودي انت لعنة من الفوق راهي جايزة فيك ربي يبعد علينا غضبو
ياناس الباك كي تنقل وخلاص غابتلك انقل في التاريخ بيسك اصلا تاريخ مزور خخخخ انقل في الجغرافيا بيسك البترول نتاعهم
انقل في الفرنسية بيسك لغة مستعمر ههه ماديروش عليا انقل في الفلسفة بيسك تعارض في كثر من مواضيعها الدين الاسلامي
اما تنقل في الشريعة والحاجة نتاع الدين وفي الاخير تجيب 8 ولا 10 حنا مع كل احتراماتي للعقل نتاعك لا فرق بينك وبين الناس اللي ما وصلهمش الاسلام انا حكيت على هذا الموضوع بيسك راني نكونكتي من سيبار ونشوف على المبااشر ناس معولة تنقل في العلوم الاسلامية الا مارانيش غالط في التوقيت نتاع الامتحان بيسك رمضان ما نعرف على قداه يبداو
المهم ايها الشاب اللي راك حاب تجيب الباك بعرقك ربي يكون في عونك وبالتوفيق ليك دنيا وآخرة واذا ما جبتوش كذالك راك من الناجحين عند ربي لانك قدمت شيء كبير بتغلب على وساس شياطين الانس والجن وياخاوتي خلوني نزوخ في الباك نتاعي جبت في الشريعة 19.75 صدقوني بالله ما حفظت حرف فقط من حضوري للدروس نتاع الاستاذ الشيخ صالحي ربي يحفظو ان شااء الله ويبارك فيه
سلام ..​

 

[لؤلؤة قسنطينة]

وعليكم السلام ورحمة الله وبركاته
مساء النور خويا حكيم وأسعد الله أوقاتك
وربي يوفق اليوم كل طلبة الباكالوريا ويسهلهم كل ما هو صعب عندي بزاف من العائلة وبزاف ناس نعرفهم ربي يوفقهم ان شاء الله
أما بالرجوع للموضوع والله يا خويا يعني الناس لي رايحين يجوزو الباك عندهم عام كامل يحفظو فيه ويقراو فيه يعني ماكفاهمش هاد الوقت
باه يوليو يكوبيو؟ بغض النظر عن نوع المادة لي رايح تمتحن فيها راك عندك وقت كبير تراجع فيه علاه تتمسخر وتخلي من بعد روحك
تكوبي، حنا رانا في الجامعة يعطيك كتاب فيه أكثر من 90 صفحة لازم تحفظو في مدة يومين وساعات أقل وهكاك يقدرنا ربي ونهزو
المعلومات لي نحتاجوها ونروحو للامتحان ونخدمو بلا تكوبياج وننجحو بـ 15 و 16 ونتا لي عندك عام كامل تحفظ فيه وتريفيزي
تخلي روحك لآخر دقيقة وتبدا تلم في السيئات، وأصلا الشعب من الصغر ماترباش على ثقافة أنو يجيب نقطتو بعرق جبينو
يشجعوه على الغش مع العلم أنو ماش مليح ونهانا عليه الدين بغض النظر عن المادة ولكن شعبنا ماترباش على هاد الثقافة والدليل
العام لي فات لما خرجو السوجيات الشعب كامل هز واش يحتاج وراح للامتحان نورمال، أما لو نرجعو للب موضوعك وهو مادة
الشريعة الاسلامية يعني عيب صراحة أنك تغش في كلام ربي سبحانو وماكانش أسهل منو في الحفظ ولا الفهم سورتو دروس البكالوريا
يعني حلوين عسل ومفهومين وساهلين وماكانش صراحة أسهل وأحلى من مادة الشريعة الاسلامية، احفظ واتوكل على ربي وهو لي
يرزقك النجاح ماش الغش، وكيما قلتها عيب تدخل كلام ربي للمراحيض حاشاك ولا من الخلعة أنو يقبضو عليه يولي يرميها ويعفس
عليها يعني شي ماش مليح وخاصة أنك رايح لامتحان ومحتاج توفيق من ربي كيفاه مالا دير عكس الشي لي يطلبو يعني أمر ماش مليح
ربي يهدينا برك ويهديهم، ولي غلط ان شاء الله يتدارك الوضع ويخدم بواش فاهم يدي 5 بفهامتو ولا 20 بالغش
وربي يوفق كل شخص قاعد يبذل في جهدو وحاب ينجح بتعبو
شكرا خويا على الموضوع وصح فطورك
تحياتي​

 

[Hakan]

وعليكم السلام ورحمة الله وبركاته
مساء النور خويا حكيم وأسعد الله أوقاتك
وربي يوفق اليوم كل طلبة الباكالوريا ويسهلهم كل ما هو صعب عندي بزاف من العائلة وبزاف ناس نعرفهم ربي يوفقهم ان شاء الله
أما بالرجوع للموضوع والله يا خويا يعني الناس لي رايحين يجوزو الباك عندهم عام كامل يحفظو فيه ويقراو فيه يعني ماكفاهمش هاد الوقت
باه يوليو يكوبيو؟ بغض النظر عن نوع المادة لي رايح تمتحن فيها راك عندك وقت كبير تراجع فيه علاه تتمسخر وتخلي من بعد روحك
تكوبي، حنا رانا في الجامعة يعطيك كتاب فيه أكثر من 90 صفحة لازم تحفظو في مدة يومين وساعات أقل وهكاك يقدرنا ربي ونهزو
المعلومات لي نحتاجوها ونروحو للامتحان ونخدمو بلا تكوبياج وننجحو بـ 15 و 16 ونتا لي عندك عام كامل تحفظ فيه وتريفيزي
تخلي روحك لآخر دقيقة وتبدا تلم في السيئات، وأصلا الشعب من الصغر ماترباش على ثقافة أنو يجيب نقطتو بعرق جبينو
يشجعوه على الغش مع العلم أنو ماش مليح ونهانا عليه الدين بغض النظر عن المادة ولكن شعبنا ماترباش على هاد الثقافة والدليل
العام لي فات لما خرجو السوجيات الشعب كامل هز واش يحتاج وراح للامتحان نورمال، أما لو نرجعو للب موضوعك وهو مادة
الشريعة الاسلامية يعني عيب صراحة أنك تغش في كلام ربي سبحانو وماكانش أسهل منو في الحفظ ولا الفهم سورتو دروس البكالوريا
يعني حلوين عسل ومفهومين وساهلين وماكانش صراحة أسهل وأحلى من مادة الشريعة الاسلامية، احفظ واتوكل على ربي وهو لي
يرزقك النجاح ماش الغش، وكيما قلتها عيب تدخل كلام ربي للمراحيض حاشاك ولا من الخلعة أنو يقبضو عليه يولي يرميها ويعفس
عليها يعني شي ماش مليح وخاصة أنك رايح لامتحان ومحتاج توفيق من ربي كيفاه مالا دير عكس الشي لي يطلبو يعني أمر ماش مليح
ربي يهدينا برك ويهديهم، ولي غلط ان شاء الله يتدارك الوضع ويخدم بواش فاهم يدي 5 بفهامتو ولا 20 بالغش
وربي يوفق كل شخص قاعد يبذل في جهدو وحاب ينجح بتعبو
شكرا خويا على الموضوع وصح فطورك
تحياتي​

اهلا بيك ختي مريم الغش مهما كان ماشي مليح
لكن الغش كاين اللي صح بزااف التوفيق نتاع ربي يجي بالعمل اولا
وكذالك بالايمان بانو انت درت السبب وربي سبحانو يوفقك اللي فيها الخير يالوكان يكون الخير انك ما تجيبش الباك
عيب كبير تقول مسلم وتنقل في العلوم الاسلامية عيب كبير ما تعرفش تستخرج فوائد
ابن عمي وين راهو التدبر نتاع القرآن او الحديث
كاين شي ناس يحيوك يجيب 5 في الشريعة هل انت مسلم سقسي روحك هذا السؤال
وكاين هذوك اللي طاحين خشان زعما ماعلابالوش بيها قاع يروح يدخل يجيب 4 ويخرج تبا لك ولهذي النقطة
ناس تهرب في السوجي وناس تصور في السوجي لوكان جات رياضيات ومعادلات صعيبة نقولو بصح
اسلامية تخرج عل جالها السوجي والكارثة اللي قتلتني وراني نشوف فيها تتحرك قدامي آباء وامهات وناس كبار قاعدين يكوبيو
لوليداتهم يعني عوض ما تصرفقو بكف لانو ما يعرفش يقرى علوم الدين نتاعو تروحو تعاونو على الغش كرهنا من هذي الوضعية نتاع كل عاام عيب
باناس عيب ربي يوفقك كل مترشح حاب ينجح وخدم على هذا الشيء بالتوفيق ​

 

["viola"]

السلام عليكم و رحمة الله
خخخخ يا حكيم جبتها جبتها مبعد قتلو انقل فالتاريخ و الجغرافيا خخخخخ
و الله وش نقولك الموضوع هذا هدروا و برحوا فيه و لا حياة لمن تنادي ...
وكيما تفضلت اصلا شريعة تاع الباك و الله ما هي صعيبة صوالح نعرفوهم وحدنا يعني كي متحفضش تدي هوما والفوا هاذي الطبيعة برك
ربي يوفق كل الممتحنين و يسهلهم و خلاص
صحيت ​

 

[طموحة]

السلام عليكم
بداية ربي يوفق جميع الممتحنين
أنا معلاباليش علاه نعتبر الكوبياج كامل كيف كيف والله حرام حرام
وزيد اهانة لروحك معلومات لازم تعرفها تروح تكوبيي فيها
شغل لي حفظ عندو خلايا زايدة عليك في مخو
راني معاك فحاجة أنو برنامج الشريعة ت الباك ساهل و فيه الثقافة الاسلامية جد بسيطة لي لازم تكون عند أبسط الناس
لهذا عيب تكون متعرفهاش
أنا بالنسبة ليا لي في الباك كوبيا وعجز على هاديك شوية حفيظة محال رراح يقرا فلافاك
غير ايدا كملها كوبياج أنا وحدة كل يوم نرجع بقازان ت بوليكوب للدار كل بوليكوب بتاويلو
الحمد الله معنديش هاديك العقلية
العام لي فات أصلا خرجو لي سوجي ما شفت ولا واحد
بصح تحققت بلي راني في مجتمع متخلف الا من رحم ربي
نكون داخلة عند الباب كامل حاكمين لي كوريجي تيب ويحفظو كي البهالل
تخيل فيزياء كانو يحفظو فيها وكون أوموا جات لحاجة صعيبة
لي سوجي تا الباك أصلا كي تقرا مليح و تعيا تدخل تشوف سوجي تحسهم راهم يحرشو بيك
فيزياء لي كانت قاعدة قبلي قاتلي واش شفتي سوجي
قلتلها لالا قاتلي كي تشوفي ناس كامل خدمت رديلي بلخبر
قلتلها ان شاء الله كي يعاودو الباك نردلك بلخبر تخيل حطولنا سوجي كي شفتو حمدت ربي ساهل قلت هادا ت20
جاززت 30د بدات تبكي هاديك الطفلة
حفظت حفظت من بعد نسات
وكي نسات بيانسور ماقدرتش تخدم
والحمد الله تعاود الباك وكل واحد عيا دا حقو

​

 

[Hakan]

السلام عليكم و رحمة الله
خخخخ يا حكيم جبتها جبتها مبعد قتلو انقل فالتاريخ و الجغرافيا خخخخخ
و الله وش نقولك الموضوع هذا هدروا و برحوا فيه و لا حياة لمن تنادي ...
وكيما تفضلت اصلا شريعة تاع الباك و الله ما هي صعيبة صوالح نعرفوهم وحدنا يعني كي متحفضش تدي هوما والفوا هاذي الطبيعة برك
ربي يوفق كل الممتحنين و يسهلهم و خلاص
صحيت ​

هههه واشمن تاريخ ربي يهديك وش مالازلك مصدقة حادثة المروحة ههه
ولا البترول نتاعنا نتاعنا ياك نتاعهم ههه
جوستومون هاذ الهدرة الزينة الشريعة حاجة يقدر يعبر بيها البنادم ما يحتاجش كامل هذاك الاكشن والخلايع ودعاوي الشر
شكرا خيتو بارك الله فيك​

 

[Hakan]

السلام عليكم
بداية ربي يوفق جميع الممتحنين
أنا معلاباليش علاه نعتبر الكوبياج كامل كيف كيف والله حرام حرام
وزيد اهانة لروحك معلومات لازم تعرفها تروح تكوبيي فيها
شغل لي حفظ عندو خلايا زايدة عليك في مخو
راني معاك فحاجة أنو برنامج الشريعة ت الباك ساهل و فيه الثقافة الاسلامية جد بسيطة لي لازم تكون عند أبسط الناس
لهذا عيب تكون متعرفهاش
أنا بالنسبة ليا لي في الباك كوبيا وعجز على هاديك شوية حفيظة محال رراح يقرا فلافاك
غير ايدا كملها كوبياج أنا وحدة كل يوم نرجع بقازان ت بوليكوب للدار كل بوليكوب بتاويلو
الحمد الله معنديش هاديك العقلية
العام لي فات أصلا خرجو لي سوجي ما شفت ولا واحد
بصح تحققت بلي راني في مجتمع متخلف الا من رحم ربي
نكون داخلة عند الباب كامل حاكمين لي كوريجي تيب ويحفظو كي البهالل
تخيل فيزياء كانو يحفظو فيها وكون أوموا جات لحاجة صعيبة
لي سوجي تا الباك أصلا كي تقرا مليح و تعيا تدخل تشوف سوجي تحسهم راهم يحرشو بيك
فيزياء لي كانت قاعدة قبلي قاتلي واش شفتي سوجي
قلتلها لالا قاتلي كي تشوفي ناس كامل خدمت رديلي بلخبر
قلتلها ان شاء الله كي يعاودو الباك نردلك بلخبر تخيل حطولنا سوجي كي شفتو حمدت ربي ساهل قلت هادا ت20
جاززت 30د بدات تبكي هاديك الطفلة
حفظت حفظت من بعد نسات
وكي نسات بيانسور ماقدرتش تخدم
والحمد الله تعاود الباك وكل واحد عيا دا حقو

​

اهلا اهلا بيك طموحة هذي غيبة ختي ؟؟
راكي شفتي هيا الغش كامل عيب مي معليه فرضا يضطر البناادم بصح ما تكوبيش في الشريعة لانو
هذا الشيء يدل على دنائة اخلاق اولا وعلى نقص وعي ثانياا
لانو ا صاحبي هذي شريعة ما تحقرها ما تنقل فيها ومن بعد تبدا تعفس على كلام ربي وترميه في الارض
ياك يخجو من القاعة مباشرة يبدا يقطع في الاورااق ويطيشهم في الارض
بففف ربي يغفر
اما المواضيع الاخرى ربي يكون في العون وخلاص ربي يهنيك ختي وشكرا على تشريفنا..​

 

[Skor m@k]

السلام عليكم
آه يا خويا حكيم قستنا وقستهم فالصميم الغضروفي
والله حتى انا البارح كنت مريح مع صحابي حتى قالولي واحد راح يجوز الباك راهو بلبلوتوث
بداو يهدرو معاه وينقلولو مي واقيل ماشي شريعة واقيل كانو قانون
والله قاعد غير نعاير فيهم
يرحم والديك قولي هذا مايعرف والو كيفاه راح يطلع للجامعة
واش راح يستفاد منها الى مادة أساسية تاعهم ماحفظهاش
انا صح كنا صغار كنا نتريشيو مي فالتاريخ والجغرافيا برك
وزيد فالباك جيك طايحة تتريشي انا ماكانتش عندي قناعة نتريشي كامل حتى فمواد تاع حفاظة
صح بلاك وراولي شويا الاساتذة فالفرنسية برك خخخخخ
مي حلفت على التريشاش من سنة اولى ثانولي
قلت يا نطلع بقرايتي يا نخرج من لمسيد
والله عيب كبير تتريشي فالشريعة سورتو الباك راك كبير وتعرف زعما واش معنتها شريعة
أصلا كيما قلت انت ساهلا الشريعة بلا ماتحفظ تعبر وتكتب وووو
وزيد نقسولهم حفظ السور والايات
سافيك مابقى والو كلش فهامة برك
ربي يهدينا​

 

[السلطانة]

وعليكم السلام ورحمة الله وبركاته والله ياخويا انا مخي فرينا
وكيما كل عام يكوبو في الفايس بووك البارح بقيت نخزر فيهم
مع بدا الامتحان صوروه ويكوبو الصفحات ولي قروب الزفت .
يحكيلي خويا ونهدر على ولاية قالمة قالي دارولهم الجهاز لي يلقى البلوتوث
وقبل مايفركتوهم يقولولهم لي عندو يقولنا من درك ومنديرولو والو نحوه برك
ايمالا قالي خويا كل مادة يفوتوه على وذنينا وراسنا تيت تيت
وكاين لي محبوش ينحوه واقصاوهم
يعني علاه يوصلو روحهم غشاشيين ميسواوش
وهاذيك تشبح في روحها وسنتخذ اجراءات ونفعل ونفعل وتلوك في العربية لي جامي قدتها والغاشي او داير حالة
يخي بلاد يخي
وكي تجي تهدر يقولك انت واش دخلك وشيات ومعرف واش او ربي يحاسبهم لايحسبو ام top
الغش يبقى غش الى يوم القيامة حابين يقنعونا بلي عندهم حق .
صحا صحورك

 

[الزهرة الحمراء]

السلام عليكم خويا حكيم
صحا فطورك وصحورك وبعد سمانة نولي نقوكم صحا عيدكم خخخخ
المهم بلا تكثار الهدرة وبالعودة الى الموضوع
علوم شريعة من اكثر المواد لي كنت نحبها وتعجبني بزاف وزاد حبي ليها ملي طلعت لليسي
قراتني استاذة ربي يحفظها ويعطيها ماتتمنى كانت تخليك سيف تحب المادة
كانت تعطينا نحفظوا السور وتقولنا هاذيك هي نقطة التقويم تاعكم
كانت مرات في حصص ديرلنا شغل جلسات قرآنية نقراو فيها
المهم لا علينا بالرغم من اني كنت فالليسي علمية
كنت نشوف لي يقراو معايا يستهزاو بزاف بالمواد الأدبية سواء من ناحية الحضور ولا من ناحية الحفظ
ومانكذبش عليكم انا وحدة منهم ولكن فالتاريخ والجغرافيا خاطر نحسهم مواد تافهة -_- عذرا للناس لي تحبها
ولكن كانت العلوم الاسلامية من موادي المفضلة وعمري ولا حفظتها وخاصة فالباك لأنو كانوا عدنا دروس نقدرو نقولوا عليهم ثقافة عامة
وراكم كامل تعرفوهم وفالباك الاول تاعي جبت 19.5 والباك الثاني جبت فيها 17.75
نقولوا ربي يهدينا شعب حاب ينجح بكل الطرق يعني حتى لوكان يلقى كيفاه ينقل اسمو ولقبو ينقلو عادي غير باه ينجح
تحياتي ليك حكيمو ​

 

[حلم كبير]

السلام عليكم و رحمه الله تعالى وبركاته

صح فطورك خويا وربي يتقبل منا ومنكم

اولا نباركلك على عبقور اللي راك داير بيه حالة وولا المنتدى زرڨ بفضله هههههههههه (هايل )

يعطيك الصحة وبارك الله فيك على الموضوع القيم...

الباك واقيلا ولا اللي ما ينقلش ما يطلعش إلا من رحم ربك ،هذا واش راني نسمع ....

وزادتهم نتاوع الشريعة الطين بلة ،كشما واحد يقرأ من غشنا فليس منا ويروح يكتب آيات ربي ويرميها ولا يعفسها !!!! هاذي حاجة كارثة وكارثة كبيرة
يعطيك العافيه على التنبيه وان شاء الله ربي يصلح الاحوال ،ولو كان واحد ولا زوج يقراو واش كتبت يحشمو ....
بارك الله فيك
احترامي وتقديري
حلم كبير
​

 

[GI Joe]

haak tchouf khal3ethom denia w l bac au point ou mayehtarmouch mada kima hakda
ana sah sah f lycee jamais la nedi fiha kthar men 10 ygololi nti makich moslima wala kifeh?? mais fel bac kol darss lasegtou b exemple men l entourage ta3i w djebt mlih

 

[صدام بكل فخر]

خويا ظاهرة ليست بالجديدة ... نشفا في الباك تاعي 2012 اوراق العلوم الشرعية ( الحروز ) يرموا فيهم في طواليت حشاك
و راك عارف واش فيها قران احاديث ... الخ
ربي يهدينا و يخفف علينا خويا​

 

[أم أُنٌَيسة]

السلام عليكم ورحمة الله تعالى وبركاته
نسال الله الهداية والثبات لنا وكل المؤمنين
الغش غش فاي مادة كانت وليس فالعلوم اسلامية فقط
كنت نوري للناس لكن مانحبش يورولي لانو ظنيت انو ماهوش غش حتى للثانية ثانوي لما قالتلي استاذة العلوم شرعية انو كيف كيف غش
رجعت مانوريش نقللهم نفهمكم ايه اما نوريلكم نو
شحال من مرة نمد الورقة فارغة عادي فبلادي
صحباتي نقللهم مانوريش فالاختبارات ديروني مكاه
تجي تنصحهم يقللك المهم نخرج السداسي والعام
لما يفسد التعليم هدا واش يصرا لا طبيب راهو طبيب ولا استاد راهو استاد الا من رحم ربي
تلقاهم لكل فارغين فالراس
بارك الله فيك وجزاك كل خير
صحى فطوركم
تقبل الله صيامكم قيامكم وصالح اعمالكم
في امان الله وحفظه​

 

[sanaya]

الله غالب اللي ميحسش بلي ربي سبحانه راه يشوف فيه يقدر يدير كلشي
مليح اللي قصفت هاذ الفئات التي تغش سوا فالمواد الاسلامية ولا غيرها سبحان الله حتى الأساتذة ولاو يشجعوا ويمدوا الأجوبة للطلبة
لوين رانا رايحين
زعما نورمال كاش نهار يخرج عندنا طبيب يقتل فالناس ميعرفش خدمتو بويسك جابها بالغش هههه
جابلي ربي تصرا
الظاهرة هاذي لازملها حد
و خصوصا كتوصل للدين
ومشكور خويا سلام

 

[ضآحكة مستبشرة]

باختصار بما أني كنت حرة جوزو معايا كبار في السن يغشوا انصدمت فيهم غاضتني عمري
الحمد لله حمدا كثيرا طيبا مباركا فيه لأني مهدرت حتى حرف ولا وراولي اي حرف و الله على ما أقول شهيد
بالتوفيق للجميع

 

[Oussama.GF]

سلاموووو خو حكيم
كنت قاعد في رحمة ربي حتان وصلني ميساج في فيسبوك قالي ابعتنا شوية تنقال قلت هيا نساعدو معليش خخخ:p
كي قالي راني حاصل في علوم الشريعة الاسلامية
ايا بطلت وبلوكته
ياخي اتقي الله راهي مادة الاسلامية كان فير جات مادة اخرى مثل علوم رياضيات ..الخ خخخخ
اتقو الله واعرف وش من تصرفات راك ديرهم
خربشات كتبت من طرف @مشاغب