دورية نحو الشرق

[Salah eddin]

السلام عليكم
جماعة اللمة صحيتو و صح صيامكم و قيامكم و فطوركم و سحوركم
و تقبل الله منا و منكم صالح الاعمال
رانا في العشر الاواخر ...اطلبو ربي سبحانو باه يقدرنا و نقيمو هذي العشر
المهم ...بعد غياب لمدة عن الساحة الفكاهية للمة الجزائرية
هاني رجعت ليكم و معايا ... حكاية طويلة شوي .لازمكم تصبرو شوي نتما ثاني وش قاصبكم ؟؟ ههه....و هي ...​

​

....
ذاك العام كاين وحد لينا ق من جماعتنا ...و يحكيلنا حكايتو مع الثورة و كفاه عاون المجاهدين و كذا راكم عارفين
ايا و يحكيلنا كفاه طاق يعاون الثورة ....ايا بسم الله نحكيلكم حكايتو
...
هذاك عام 55 ...و الرصاص يقرّد ..و الثورة ق كي حلات ..ياتل وش نحكيلك ...و صاحبنا هذا ..المخلوقة قليّل ...و في حياتو كاسب حاجة وحدة
بقلة زرقا ...يعني بغلة
..
راه يخدم بيها ..يجيب بيها الما ...يخدم بيها كورسات ...كذا منا و ملهيه
ايا و هو راه يعاون فالمجاهدين ..ساعة بمذكر ساعة بنقل و هي رايحة
ايا ...هذاك العام ...هاهم جاولنا شال و مرويس ..و دارولنا الخطط ..من الشرق و من الغرب ...
ايوااااه ....يعني السلاح ما عندو منين يعقب للبلاد ..الحية مسكرة و المجاهدين راه في اللظ ...مانحكيلكش ....و الخاوة عندهم ق حجيجة تاع قرطاس راهم يدور فيه ....اودي كفاه الراي ؟؟ وش نديرو ...؟ ...الجماعة في الشرق قضالهم الرصاص و قعدو للضحك ...الخاوة تاع الغرب ...قالك لازم نعاونوهم و ندولهم السلاح ...ابوي ...ندوها في الكماين ..هاهم يشوفونا و يفوقولنا ..الطيارات ...ياك راهم دارو قرصنة و حكمو طيارة ذاك النهار ...كذا منا و ملهيه​

ايا قالو نعرفو فلان ...راهم على صاحبنا ...عندو بقلة زرقا ق هو لي يسلكنا و ما يفوقولوش
راحو لليه ..سلام سلام ...كذا منا ...ايا جبدولو القضية ...قالهم اودي لازم نشاور البقلة ...راها عندي في الراي شريك
ايا كي راح عوّد الحكاية على البقلى حبستلها الدمعة مسامي العين من الوطنية ههههه
ياتل قاتلو نروحو ضرك ؟؟؟....قالها لا لا ارقدي و الصباح نسهلو ان شاء الله
ايا ناض الصباح ...وجد الشكاير تاع القرطاس و الرصاص ....راح وجد الماكلة تاع البقلة ..الشعير و السكر ...
و قال نتكلو على الله ...​

و حgا فرانسا عندها الحركة و الشكامة ...هاهم فاقو بلي فلان مولا البقة راه رايح مسافر و مش من عوايدو يخرج من الفيلاج
ايا قالو نتبعوه ..بعثو الجماعة ..و اذا بيهم شافو الشكاير تاع القرطاس ..و قال الجيش تاع فرانسا يتبع فيه
نوضو الكماين ... الطيارات ... الماجيرسات ....الجييبات ....و العسكر بانواعهم ...لي باراشوتسيت ...الي يجاراو... الي يطيرو ........الي مداعين بعضهم بعض ...ياتل حكاية كبيرة .....السيد شافهم راهم وراهم ....واكسيليرا على البقلة و قالت تجري ...راني نقلك البقلة هذيك لاتوت ...موتور فيراري دادوه من الميكانيك تاع ذيك البقلة ...ههه​

المهم ..السيد يمشي ...يجري ...يجري ...حتى يلحق و احد الجبل ياااودي وش نحكيلك ...حيط مبني خاصو ق البيطون
كفاه الري ضرك ؟ و يخزر فالبقلة و يلقاها طالعة فالحيط هذاك ..بولكاز راني نقلك .....تتعنكش منا و ملهيه ماهي طالقة والو
ايا راح حوط و لحقها ملهيه ...ههه
ايا كمل طريقو ....و العسكر راهم وراه ق شني بعاد شوي عليه
راه يمشي.....حتى يلحق واحد المراية تاع ما ...مااا ...ماعندها قاع اكل....
ايا اكسيليرا على البقلة ....والو ....زاد عاود .....والو ....يا و يجبد واحد اليبرة فيها 10 سنيتم
و يعطيلها بيها ....قالتلو ياتل حgا راه الما و لا ماكش تشوف ؟؟؟؟
هههههه
هههههههههههههه​

ايا السيد قالك ما نفورصيهاش تعود تبرك لي هنايا ....و الجماعة راهم لاحقين
ايا هبّط القش و ربطهم على اكتافو و عول يعوم فالما
و يخزر في البقلة و قاضتو ...قالك نخليها هنا يقتلوها ولاد الحرام ....و ما هانتش عليه العشرة ....و حgا العشرة راها ما تهون ق على وليد الحرام
ايا زاد طلّع البقلة فوق ظهروووو.....
ههههه
و قال يعوم بيها ...منا ...كيما هاك ...يدخل التحت يشوف الطراس و يخلي البقلة الفوق ...هههه
ايا كي يعيا ...يقلبها سباحة على الظهر و يعوم بذراع و يشد البقلة بذراع
ههه
ياتل صنديد راني نقولك
ههه
ايا كي عقب البحر ....و طلع ....البقلة كساها العرق البارد من الحشمة ...ما لقاتش وين ادير وجهها ..قالتلو شوف
خرجت رجلة هاهي ليك ..بط عل روحك ...وين تحب تروح ياله
هههه
ايا مع لي عول يركب و يديماري كي يا ايها الناس
و يجبد عليه واحد القناص من فوق الجبل..و يضربها في الكراع لوراني .ضربها في الكعبة .....و لكن ..و الله ق كملت البقلة وراحت قالعافية تمشي ب 3 كرعين ههه
تجري و تجري
و يزيد الخبيث يعطيلها في الكراع القدامي ....بصح و الله ق كملت البقلة ...و ق العافية
و
زاد الخبيث اللعين يجبد عليها في الكراع القدامي الاخر ....بصح و الله ق كملت البقلة بصح بصعوبة
و لات تنقز كي الكنغر يا بن عمي ههههههه
ايا و يزيد يعاودلها الخبيث بن الخبيث و يعطيلها بحبة في الكراع التالي ...
ايا خلاص ...طاحت البقلة و ما عندها وين تروح ...زادت شوي و ماتت المخلوقة
.......
السيد كي شاف البقلة طاحت ..خلاص ...ما عندو وين يروح
جبد الكلاش هذاك ...اصلا العالم كلاشينكوف لي خدم الكلاش مزال ما زادش هههههه
ايا جبد الكلاش و بدا يتيري على العديان ...طططط ططططط طططط
كملهم بصح ...ايا كمل الشكارة الاولى و زاد جبد الزاوجة ..طعطعطعطع...طعطعطعط....
ايا خلاص ...كمل الرصاص ...السيد راه يفكر ..قالك نلاوحهم بالحجر
يرفد حجرة و يخرج فيه واحد ...و يكلمها فيه رااااح .....الزاوج رااااح ...الثالث ..رااااح
ايا خلاص الحجر ....وش دار ....السيد راه متفكر بلي عندو موس طروازيطوال ...ق كفاه داير ...داسو ق للعيد الكبير للذبيحة
هههه
و جبدو و عاد كي يتيرو عليه يقسم الرصاصة فالهوا ...فففففت..النص يروح هاك و النص يروح هاك ههه..يزيد الاخرى ..ففففت
كمّل نص القرطاس تاع الفرانسيس
ههه
ومن بعد حفا الموس ...ايا طبقو و دسو ....و كي لقا بلي الحالة خلاص ..ما يطيقلهاش
وش دار ....
...
.....
عاود جبد الموس ....فتح الكرش تاع البقلة ...جبد الجحش الي فيها ...و ديمارا بيه نحو الشرق ​

هههههههه​

و هرب و سلك من المكيدة الفرنسية ​

هههههه
................
...................
..........................
هذي نهاية الحكاية تاع مولا البقلة و الدورية نحو الشرق
نتمنى ان شاء الله تكون عجبتكم الحكاية
ههه
و هذي فرصة باه نتفكرو المجاهدين و الشهدا الي ضحاو على هذي البلاد و سقاو ارضها بدمهم
ادعولهم بالرحمة و الفوز بالجنة و رانا في العشر الاواخر
و الله يتقبل منا و منكم
ايا صح سحوركم​

​

​

​

 

[page introuvable]

ههههههههههههه الهجة الهجة قتلتني
بصح وكان جات بالصوت خير
هه بالمناسبة سمعتها عن فتحي البخاري

 

[حروف تائهة]

ههههههههه
ياخي حالة ههههه
حسيتو سوبرمان ههههه لا يخشى الصعاب هو و البقلة ههههه
الله يرحم شهدائنا الابرار و يحفظ هذا الوطن
يعطيك الصحة صلاح على الرواية هههه

 

[❤️كلي أمل❤️]

هههههههههههه روووعة هادي
يعطيك الصحة صلاح توحشنا حكاياتك ولله

 

[الامين محمد]

ههههههههههههههههههه يااااااااااااامجرم
صويلح هاذي قريب بكاتني
و يخزر في البقلة و قاضتو ...قالك نخليها هنا يقتلوها ولاد الحرام ....و ما هانتش عليه العشرة ....و حgا العشرة راها ما تهون ق على وليد الحرام​

ايا زاد طلّع البقلة فوق ظهروووو.....
ههههه​

شفت الانسانية كيف
و زيد البقلة كي حشمت راهي خير من بعض النسا اللي عمرهم ما يعرقوا من الحشمة ما عندهمش خلاص

صثويلح ملك الفكاهة بلا منازع في اللمة
حبيبي أنت صويلح​

 

[حلم كبير]

السلام عليكم و رحمه الله تعالى وبركاته
هههههههههه هههههههههه هههههههههه

آآآه يا خويا صلاح حكاية قمة فالروعة ،كتلتني بالضحك انا والعائلة كامل ....
تسكت تسكت وتتطرطڨ غير بالتوب نتاع التوب ..

منين تجيب فالهدرة نتا مصيبة ليست بعدك مصيبة فالتنكات
ڨولي برك كيفاه راهم دايرين اللي دايرين بيك ويحتكو بيك ودائما معاك ،ضرك هوما يشوفوك برك يضحكو ... ربي يكون في عونهم .

وحدها هاذي نتاع البقلة والتهويل الخارج على النطاق من هذا المخلوق ..

ربي يحفظك لأهلك ومواليك ويعطيك ما تتمنى
صح فطورك
احترامي وتقديري
حلم كبير​

 

[Salah eddin]

ههههههههههههه الهجة الهجة قتلتني
بصح وكان جات بالصوت خير
هه بالمناسبة سمعتها عن فتحي البخاري

اهلا بيك
ههه
مليح كي عجباتك الادعوة هنا
و اللهجة كن جات بالصوت حكاية اخرى
هههه
لحد الان ارضاي بالقراءة فقط
ههه
شكرا​

 

[Salah eddin]

ههههههههه
ياخي حالة ههههه
حسيتو سوبرمان ههههه لا يخشى الصعاب هو و البقلة ههههه
الله يرحم شهدائنا الابرار و يحفظ هذا الوطن
يعطيك الصحة صلاح على الرواية هههه

اهلا بالاخت زكية
هذاك سوبر دحمان
هههههه
يعطيك الصحة على المرور
و الله يرحم الشهدا
شكرا ​

 

[Salah eddin]

هههههههههههه روووعة هادي
يعطيك الصحة صلاح توحشنا حكاياتك ولله

اهلا بعبير صاحبة الرد المختصر المفيد
هههههههههه
شكرا كي شاركتينا الضحك هنا
بارك الله فيك​

 

[Salah eddin]

ههههههههههههههههههه يااااااااااااامجرم
صويلح هاذي قريب بكاتني
و يخزر في البقلة و قاضتو ...قالك نخليها هنا يقتلوها ولاد الحرام ....و ما هانتش عليه العشرة ....و حgا العشرة راها ما تهون ق على وليد الحرام​

ايا زاد طلّع البقلة فوق ظهروووو.....​

ههههه

شفت الانسانية كيف
و زيد البقلة كي حشمت راهي خير من بعض النسا اللي عمرهم ما يعرقوا من الحشمة ما عندهمش خلاص

صثويلح ملك الفكاهة بلا منازع في اللمة
حبيبي أنت صويلح​

اهلا خويا امين
هههههه
و نتا قاضتك البقلة و ما قاضك الجحش الصقير كي ديمارا بيه في نهارو الاول ؟؟؟
خههههههههههههه
بصح هذي هي ...الحرب مكيدة
و جماعة الشرق راه لحقهم الرصاص
ههههههههه
ا
هذاك هو ..راني ملك الفكاهة دون منازع
و اذا كاشما عندك تقدم
هههههههه
يعطيك الصحة خويا امين
صح سحورك​

 

[❤️كلي أمل❤️]

اهلا بعبير صاحبة الرد المختصر المفيد هههههههههه
شكرا كي شاركتينا الضحك هنا
بارك الله فيك​

صح فطورك
ياخي تعرفني صلوح مانحبش نحكي بزاف هههههه

 

[Salah eddin]

السلام عليكم و رحمه الله تعالى وبركاته
هههههههههه هههههههههه هههههههههه
و عليكم السلام خويا حليك اهلا و سهلا
ههههه


آآآه يا خويا صلاح حكاية قمة فالروعة ،كتلتني بالضحك انا والعائلة كامل ....
تسكت تسكت وتتطرطڨ غير بالتوب نتاع التوب ..
هههههههههه
هذاك هو ...وش يجيك من نايلي حر ....عقب الطفولة تاعو في مسعد
ههههههههههههههههه​

منين تجيب فالهدرة نتا مصيبة ليست بعدك مصيبة فالتنكات
ياخويا هذا سر المهنة.... و هذي رانا نتوارثوها واحد واحد ..هههههههههه
ڨولي برك كيفاه راهم دايرين اللي دايرين بيك ويحتكو بيك ودائما معاك ،ضرك هوما يشوفوك برك يضحكو ... ربي يكون في عونهم .
ياودي رانا اكل كيما هاك ...ههههههه.....نتا كفاه راح يكون حالك كن تجي عندنا
ههههههههههه​

وحدها هاذي نتاع البقلة والتهويل الخارج على النطاق من هذا المخلوق ..
و البقلة راها لاتوت ....تيدي اي ...هههه....و الحكاية راك عارف
شوي منا و شوي ملهيه و هي فرات
هههههههههه​

ربي يحفظك لأهلك ومواليك ويعطيك ما تتمنى
صح فطورك
احترامي وتقديري
حلم كبير​

ايا بارك الله فيك خويا حليك
و صح فطورك و سحورك
و راك شرفتا كي جيت هنا
شكرا​

 

[Salah eddin]

صح فطورك
ياخي تعرفني صلوح مانحبش نحكي بزاف هههههه

ههه
عارف ..عارف
ههه​

 

[يونس قاسم]

هههههههههه راكتكتب في حكايات فتحي كامل هنا وقيل

 

[Hakan]

خخخخ فتحي البخاري واش نقلك
انا اللي قتلتني كامل كي ضربوها على الرجلين وما طاحتش وكملت نورمال ههه سوبرمان وما ينجمش صحيت خويا ​

 

[Salah eddin]

هههههههههه راكتكتب في حكايات فتحي كامل هنا وقيل

اخويا يونس
ها دفق علينا ضحكة و ما تبداش تفرش فينا
ههههههه​

 

[Salah eddin]

خخخخ فتحي البخاري واش نقلك
انا اللي قتلتني كامل كي ضربوها على الرجلين وما طاحتش وكملت نورمال ههه سوبرمان وما ينجمش صحيت خويا ​

ههه
راك تشوف ؟؟؟
ههه
سوبر بقلة
ههه​

 

[بشرى ملاك]

السلام عليكم
جماعة اللمة صحيتو و صح صيامكم و قيامكم و فطوركم و سحوركم
و تقبل الله منا و منكم صالح الاعمال
رانا في العشر الاواخر ...اطلبو ربي سبحانو باه يقدرنا و نقيمو هذي العشر
المهم ...بعد غياب لمدة عن الساحة الفكاهية للمة الجزائرية
هاني رجعت ليكم و معايا ... حكاية طويلة شوي .لازمكم تصبرو شوي نتما ثاني وش قاصبكم ؟؟ ههه....و هي ...​

​

....
ذاك العام كاين وحد لينا ق من جماعتنا ...و يحكيلنا حكايتو مع الثورة و كفاه عاون المجاهدين و كذا راكم عارفين
ايا و يحكيلنا كفاه طاق يعاون الثورة ....ايا بسم الله نحكيلكم حكايتو
...
هذاك عام 55 ...و الرصاص يقرّد ..و الثورة ق كي حلات ..ياتل وش نحكيلك ...و صاحبنا هذا ..المخلوقة قليّل ...و في حياتو كاسب حاجة وحدة
بقلة زرقا ...يعني بغلة
..
راه يخدم بيها ..يجيب بيها الما ...يخدم بيها كورسات ...كذا منا و ملهيه
ايا و هو راه يعاون فالمجاهدين ..ساعة بمذكر ساعة بنقل و هي رايحة
ايا ...هذاك العام ...هاهم جاولنا شال و مرويس ..و دارولنا الخطط ..من الشرق و من الغرب ...
ايوااااه ....يعني السلاح ما عندو منين يعقب للبلاد ..الحية مسكرة و المجاهدين راه في اللظ ...مانحكيلكش ....و الخاوة عندهم ق حجيجة تاع قرطاس راهم يدور فيه ....اودي كفاه الراي ؟؟ وش نديرو ...؟ ...الجماعة في الشرق قضالهم الرصاص و قعدو للضحك ...الخاوة تاع الغرب ...قالك لازم نعاونوهم و ندولهم السلاح ...ابوي ...ندوها في الكماين ..هاهم يشوفونا و يفوقولنا ..الطيارات ...ياك راهم دارو قرصنة و حكمو طيارة ذاك النهار ...كذا منا و ملهيه​

ايا قالو نعرفو فلان ...راهم على صاحبنا ...عندو بقلة زرقا ق هو لي يسلكنا و ما يفوقولوش
راحو لليه ..سلام سلام ...كذا منا ...ايا جبدولو القضية ...قالهم اودي لازم نشاور البقلة ...راها عندي في الراي شريك
ايا كي راح عوّد الحكاية على البقلى حبستلها الدمعة مسامي العين من الوطنية ههههه
ياتل قاتلو نروحو ضرك ؟؟؟....قالها لا لا ارقدي و الصباح نسهلو ان شاء الله
ايا ناض الصباح ...وجد الشكاير تاع القرطاس و الرصاص ....راح وجد الماكلة تاع البقلة ..الشعير و السكر ...
و قال نتكلو على الله ...​

و حgا فرانسا عندها الحركة و الشكامة ...هاهم فاقو بلي فلان مولا البقة راه رايح مسافر و مش من عوايدو يخرج من الفيلاج
ايا قالو نتبعوه ..بعثو الجماعة ..و اذا بيهم شافو الشكاير تاع القرطاس ..و قال الجيش تاع فرانسا يتبع فيه
نوضو الكماين ... الطيارات ... الماجيرسات ....الجييبات ....و العسكر بانواعهم ...لي باراشوتسيت ...الي يجاراو... الي يطيرو ........الي مداعين بعضهم بعض ...ياتل حكاية كبيرة .....السيد شافهم راهم وراهم ....واكسيليرا على البقلة و قالت تجري ...راني نقلك البقلة هذيك لاتوت ...موتور فيراري دادوه من الميكانيك تاع ذيك البقلة ...ههه​

المهم ..السيد يمشي ...يجري ...يجري ...حتى يلحق و احد الجبل ياااودي وش نحكيلك ...حيط مبني خاصو ق البيطون
كفاه الري ضرك ؟ و يخزر فالبقلة و يلقاها طالعة فالحيط هذاك ..بولكاز راني نقلك .....تتعنكش منا و ملهيه ماهي طالقة والو
ايا راح حوط و لحقها ملهيه ...ههه
ايا كمل طريقو ....و العسكر راهم وراه ق شني بعاد شوي عليه
راه يمشي.....حتى يلحق واحد المراية تاع ما ...مااا ...ماعندها قاع اكل....
ايا اكسيليرا على البقلة ....والو ....زاد عاود .....والو ....يا و يجبد واحد اليبرة فيها 10 سنيتم
و يعطيلها بيها ....قالتلو ياتل حgا راه الما و لا ماكش تشوف ؟؟؟؟
هههههه
هههههههههههههه​

ايا السيد قالك ما نفورصيهاش تعود تبرك لي هنايا ....و الجماعة راهم لاحقين
ايا هبّط القش و ربطهم على اكتافو و عول يعوم فالما
و يخزر في البقلة و قاضتو ...قالك نخليها هنا يقتلوها ولاد الحرام ....و ما هانتش عليه العشرة ....و حgا العشرة راها ما تهون ق على وليد الحرام
ايا زاد طلّع البقلة فوق ظهروووو.....
ههههه
و قال يعوم بيها ...منا ...كيما هاك ...يدخل التحت يشوف الطراس و يخلي البقلة الفوق ...هههه
ايا كي يعيا ...يقلبها سباحة على الظهر و يعوم بذراع و يشد البقلة بذراع
ههه
ياتل صنديد راني نقولك
ههه
ايا كي عقب البحر ....و طلع ....البقلة كساها العرق البارد من الحشمة ...ما لقاتش وين ادير وجهها ..قالتلو شوف
خرجت رجلة هاهي ليك ..بط عل روحك ...وين تحب تروح ياله
هههه
ايا مع لي عول يركب و يديماري كي يا ايها الناس
و يجبد عليه واحد القناص من فوق الجبل..و يضربها في الكراع لوراني .ضربها في الكعبة .....و لكن ..و الله ق كملت البقلة وراحت قالعافية تمشي ب 3 كرعين ههه
تجري و تجري
و يزيد الخبيث يعطيلها في الكراع القدامي ....بصح و الله ق كملت البقلة ...و ق العافية
و
زاد الخبيث اللعين يجبد عليها في الكراع القدامي الاخر ....بصح و الله ق كملت البقلة بصح بصعوبة
و لات تنقز كي الكنغر يا بن عمي ههههههه
ايا و يزيد يعاودلها الخبيث بن الخبيث و يعطيلها بحبة في الكراع التالي ...
ايا خلاص ...طاحت البقلة و ما عندها وين تروح ...زادت شوي و ماتت المخلوقة
.......
السيد كي شاف البقلة طاحت ..خلاص ...ما عندو وين يروح
جبد الكلاش هذاك ...اصلا العالم كلاشينكوف لي خدم الكلاش مزال ما زادش هههههه
ايا جبد الكلاش و بدا يتيري على العديان ...طططط ططططط طططط
كملهم بصح ...ايا كمل الشكارة الاولى و زاد جبد الزاوجة ..طعطعطعطع...طعطعطعط....
ايا خلاص ...كمل الرصاص ...السيد راه يفكر ..قالك نلاوحهم بالحجر
يرفد حجرة و يخرج فيه واحد ...و يكلمها فيه رااااح .....الزاوج رااااح ...الثالث ..رااااح
ايا خلاص الحجر ....وش دار ....السيد راه متفكر بلي عندو موس طروازيطوال ...ق كفاه داير ...داسو ق للعيد الكبير للذبيحة
هههه
و جبدو و عاد كي يتيرو عليه يقسم الرصاصة فالهوا ...فففففت..النص يروح هاك و النص يروح هاك ههه..يزيد الاخرى ..ففففت
كمّل نص القرطاس تاع الفرانسيس
ههه
ومن بعد حفا الموس ...ايا طبقو و دسو ....و كي لقا بلي الحالة خلاص ..ما يطيقلهاش
وش دار ....
...
.....
عاود جبد الموس ....فتح الكرش تاع البقلة ...جبد الجحش الي فيها ...و ديمارا بيه نحو الشرق ​

هههههههه​

و هرب و سلك من المكيدة الفرنسية ​

هههههه
................
...................
..........................
هذي نهاية الحكاية تاع مولا البقلة و الدورية نحو الشرق
نتمنى ان شاء الله تكون عجبتكم الحكاية
ههه
و هذي فرصة باه نتفكرو المجاهدين و الشهدا الي ضحاو على هذي البلاد و سقاو ارضها بدمهم
ادعولهم بالرحمة و الفوز بالجنة و رانا في العشر الاواخر
و الله يتقبل منا و منكم
ايا صح سحوركم​

​

​

​

فيلم كوبوي مخير...
والله بعيد على الضحك تعجبني طريقتك في سرد الحكايات حتى كي تكون قصص كوميدية تجيبها قد قد انا كل ما نشوف موضوع ليك ندخل نقرا يعجبوني قصصك...
لوكان تكتب قصص ومتعنا اكثر يكثر خيرك يا نايلي اتحفنا وكل مادير قصة الله يسجيك ديرلي اشارة باه نقراها...

 

[Salah eddin]

فيلم كوبوي مخير...
والله بعيد على الضحك تعجبني طريقتك في سرد الحكايات حتى كي تكون قصص كوميدية تجيبها قد قد انا كل ما نشوف موضوع ليك ندخل نقرا يعجبوني قصصك...
لوكان تكتب قصص ومتعنا اكثر يكثر خيرك يا نايلي اتحفنا وكل مادير قصة الله يسجيك ديرلي اشارة باه نقراها...

اهلا بالاخت بشرى
شكرا على الاطراء و المدح
هه
ايا مليح كي عجبوك القصص
و في الحقيقة ..راني نجيب منا و ملهيه و نزيد فيها شوي و نركب فيها
و كاين كلمات راني عارف بلي كاين لي ما يفهموهاش نوضحها و هي ماشية
هه
خلاص بربي ان شاء الله كلما ندير قصة جديدة و لا نكتة نديرلك اشارة فيها
ههه
ايا يعطيك الصحة و صح سحورك

​

 

[الزهرة الحمراء]

السلام عليكم
صحا صحورك
ههههه راك قاتلني ضحك واكثر حاجة اللهجة
خاطر نحب بزاف اللهجة تاعكم واكثر كلمة نحبها هي "ياتل"
والله البقلة ذي لازم يديرولها تمثال تقعد ذكرى وتخليد باه الناس كامل تتفكر خيرها
وخاصة مسكينة كي ماحبتش تسمح فيه الخبيث هذاك طيرلها كامل رجليها وهي مكملة
يعطيك الصحة خويا ضحكتنا
ربي يحفظك ​