السلام عليكم
مساء النور ويوم طيب ان شاء الله
شكرا اختي شيماء على احياء الفكرة من جديد
رمضان كامل وحنا نستناو فيها ههه، والحمد لله على سلامتك ورجوعك
نبداو مع الاسئلة
آلآسئلـﮧ :
بسم الله
- عَرِفْ هذآ آلعضـو ؟!
أخت طيبة وخلوقة وكل ماتقدمو للمنتدى مفيد ماشاء الله
بارك الله فيك
- لقب تطلقـﮧ على هذآ آلعضـو ؟!
عندي فكرة في راسي بصح مالقيتلهاش عنوان هههه
هاد الفكرة انو هاد الاخت دايما تهتم بأحوالنا، كانت ماديرة موضوع لحفظ القرآن
وتهتم بينا وحدة وحدة، كانت رايحة تخلي اللمة باه توجد لعرسها وكي قلنالها ماتخليناش
قعدت على جالنا، نحسها كلي أم صغيرة كلي أخت كبيرة تخاف علينا وتوجهنا
هادا هو المفهوم لي في راسي
آه يا حبيتي ماعندي مانقول... والله نحب اللمة من بكري حتى ولما ماكنتش نشارك بزاف.. ربي يقدرنا
- موآضيـع آعجبتڪ لـ هذآ آلعضـو ؟!
موضوع حفظ القرآن، ومسابقة أكمل القصة لي عجبتني بزاااف
ان شاء الله في ميزان حسناتها
ان شاء الله
- مآ رأيڪ بـ لقب (user name ) هذآ آلعضـو ؟!
لايق عليها بزاف
شكرا:giggle:
- مآ رأيڪ بـ صورتـﮧ آلرمزيـﮧ ؟!
صورة تبعث الأمل في النفس
- ميزه تميز هذآ آلعضـو ؟!
طيبة القلب وقدرتها على تحمل المسؤولية
حفظك الله:giggle: حشمتيني
- عيب هذآ آلعضـو ؟!
ماكانش انسان في الدنيا ماعندوش عيب، كامل عندنا عيوب ماراناش معصومين عن الخطأ
ولكن خلال فترة معرفتي بالاخت ماشفت منها حتى عيب والحمد لله
- عتب تود قولـﮧ لـ هذآ آلعضـو ؟!
نقولها واش صرا في حكاية مسابقة أكمل القصة :/ هل حبستيها ولا كيفاه؟
راني جاوبتك لهيه هههه
- كلمـﮧ تود قولهآ لـﮧ ؟!
نقولها ربي يوفقك حبيبتي لكل خير وربي يرزقك الهناء وراحة البال
وربي يحققلك كل أمانيك ويفرحك دنيا وآخرة
آآآآمين
- قيّم توآجده بـ آلمنتدى (ممتآز/جيدجدا"/جيد/مقبـول) ؟!
ممتاز، راهي نشطت اقسام كانت راقدة خلاص
صراحة مانيش ممتازة هاذ الأيام لإني مشغولة بزاف نتمنا تعذروني برك
- مآذآ تعلمت من هذآ آلعضـو ؟!
الصبر والثقة في الله عز وجل
الحمد لله لولا الصبر لكنت نسيا منسيا -الحمد لله-
- موضوع لـ هذآ آلعضـو قرآتـﮧ ولم تستطع آلرد سوى بـآلصمت! ولمآذآ ؟!
عادتي أي موضوع نقراه نرد إلا اذا كانت حاجة شاغلتني
يعني ماش متذكرة بالضبط
- في آي قسم من آقسـآم ترى توآجده ممتآز / جيد / ضعيـف ؟!
ممتاز في قسم التوعية الدينية النسائية، جيد في قسم المحاولات القصصية وبعض الاقسام الاخرى
كيما واش راك تهدر وقسم البوح وغيرهم
اما ضعيف ماعلاباليش لأنو كاين بزاف اقسام نضطرو ماندخلوهمش
ربما قسم الطبخهههه والله صح جامي شاركت في منتدى الطبخ ماعلاباليش علاه :unsure:هههه
- مآ رآيڪ بـ ردود هذآ آلعضـو ؟!
مميزة وفيها حكمة
والله احيانا مقصرة خاصة لضيق الوقت ولكن نقرا ونفهم.
- سؤآل تطرحـﮧ على آلعضـو ؟!
نقولها هل كي تتزوجي تنساينا ؟ :/
آه يا حبيبتي... والله قستيني بهاذ السؤال... والله محال ننساكم وأنا نحبكم بزاف.. (ولكن) راح نبدل حياتي و ممكن ماراحش نتأقلم في حياتي الجديدة بسهولة.. ونهار نوالف نولي كيما كنت...بصح باه ننساكم بإذن الله ماراحش تكون
- طلب تطلبـﮧ من هذآ آلعضـو ؟!
الطلب الأول هو إجابة على السؤال لي فوقو، وهو أنو نتمنى ماتنساناش وتطل علينا مرة على مرة خاطر نتوحشوها
ان شاء الله ربي ماراحش ننساكم خاطر عندي ركن التوعية يستناني ومنتدى القصص وآش بيك لو كان نطول هاي تجيبني @الورد الأحمر بارا ونتوخد في الاشراف هههه
-أما الطلب الثاني هو دعوة الخير، نتمنى تدعيلي بالتوفيق في كل أمور حياتي
بالتوفيق ليك حبيبتي وان شاء الله ربي ينجحك في حياتك ويحقق ليك واش تحبي آآآمين
وشكرا وربي يحفظ الأخت @دعاء الجنات
والشكر موصول ليك(y)
وشكرا ختي شيماء على المبادرة
صح فطوركم
أحبك الله الذي أحببتيني فيه
بارك الله فيك اخي... والله خجلتموني بهذا الكلام وانا ايضا احب الجميع واحترمهم... واحب اللمة بيتي الثاني ربي يحفظ جميع أعضاءها في كل مكان آآمين وشكرا على المرور الطيب
