قآطو بال

[saho souhila]

ا

بونسوآغ عليكم ...:Love:
و كيمآ رآه الحآل مبقاش بزاف على العيد و ندن قآع بديتو قالقآطو و التوجآد
و ليوم جربت قآطو المآيزينة لي يجي طري بالنيسلي يخببل ..

و سآهل مام النيسلي صنعتهآ مشريتهآش

المهم نبدآو بالمكونآت

♡ 3 حبآت بيض
◇ كآس سكر
◇كآس زيت
♡ 1 فرفآرة
◇مآيزينة =>> مكآنش الفرينة تجي فبلآصتهآ المآيزينة باه تجي طرية و تدوب فالفم

بون نوريلكم ليفوتو خير للتوضيح



تديري 3 البيض نتاوعك

زيدي كاس سكر خلطي مليح احسن بيديك دوبي كامل السكر مع البيض


زيدي الزيت و خلطي
ضيفي الخمارة فوق المايزينة
بداي تضيفي فالمايزينة بالشوي






بعد مآ نشكلوو لعجينة نديرو دويرآت و نوجدو الصينية بورق الزبدة مش ضروري و تقدو تديروا الحشو
عقدة كيمآ تحبو تجي بيه و لا بلآ بيه


بهآد الشكل انآ درت نص حبات كبار و نص صغآر باه نجرب وينها تخرج مليحة و لكبآر احسن

منبعدآكينآ نروحو للنيسلي لي راح نزينو بيهآ بالنسبة ليآ صنعت اما لي بغات تشري نورمآل

النيسلي >>
نجيبو زوج كيسآن سكر كبآر بنفس الحجم السآبق و تخليهم تحت نار متوسطة و ديري قطرة ماء باه تساعدك
كي يرجع كرآميل ضيفيلو زبدة الدهآن كيمآ انا نتاع 250 درت نصهآ و مشي نص نيشان قللت منو شوي
من بعد تضيفي بودرة الحليب ^ لحظة و لإ ^ و تخلطي حتى تتقال و لونها يولي بني غامق



من بعد تزيني لقاطو نتآعك تغطسي الوج الامامي فالنيسلي و تخليه حتى يشد روحه ديريلو خطوط بالشوكولا


و تقدري تغطسيه فالشوكولا و ترشي عليه ماتكوكو يجي يهبل تاني
و هآد الشكل الاخير:Love:




نتمنآ يستحسن اعجآبك و صحآ فطوركم سلآم
#saHo
​

 

[آمِيْرَتُه]

السلام عليك
صحة فطورك
يعطيك الصحة

 

[ضآحكة مستبشرة]

السلام عليكم و رحمة الله تعالى وبركاته يمممممي مشااء الله
الله يبارك خرجلك روووةةةعةةة
بصحتكم حبيبة

 

[Oussama.GF]

واو قاطو هايل
يعطيك الصحة اختي
وكان طريقة اعداد روووعة

 

[أمين 27]

ما شاء الله
حديثيني عن السعادة احدثك عن كل ما يتعلق بالأكل ههه

 

[فيتامين سي]

ممكن نجربو باذن الله .يبان يشهي

 

[فيتامين سي]

نيسلي ادا تخدمي بلي نشروه تزيديلو كاش حاجة ؟؟ و بنشف ولا يبقا ملصق

 

[زاد الرحيل]

يعطيك الصحة و يسلموا يديك

 

[Soumia hadj mohammed]

يم يمييي ماشاء الله لا قوة الا بالله
الله يعطيك الصحة ختي باين بنين ​

• بصح الفينيسو رهي عندك عيانة انتبهي هه نقصولك من لي نوت الوغ فيت اتونسيو بوغ لي غوسات بخوشان
• المكونات مليحة مي النشا كي تكون بزاف فالقاطو سي فغي يجي القاطو يذوب فالفم مي حاجة تانية راهي النشا تنقص من بنة القاطو وتحسيه سامط سي بوغ صاكي تكون النشا اقل من الفرينة سي ميو
• ممكن كي تكوني ستعملتي النيسلي يغطيلك النقص تع بنة القاطو مي لو تذوقيه وحده بلا نيسلي رح تحسي بالفرق

ربي يوفقك
بارك الله فيك على المشاركة​

 

[زاد الرحيل]

صباح الأنوار يا سيدة سمية راكي واعرة مع نقدك البناء أثق فيك و في حلوياتك و ننتظرها قريبا جدا من أجل اعدادها لحفل ختان أبني اسلام و تكون المكونات مقدور عليها و بعدي بزاف على اللوز و الجوز لانها من المحرمات عندي
في الانتظار ،حبيت نسأل هل عندك ابناء ام لا

 

[Soumia hadj mohammed]

ههه أضحكتني غاليتي وحبيبتي ويا عزيزة على قلب سمية
ماشاء الله أثلجت صدري صباحنا هذا بخبر ختان الكتكون اسلام ههه تمنين قاع لو حضرت معاك وحضرت الحلويات معاك ههه
لالا منيش واعرة ههه مديتلها الملاحظات اللازمة به تتوله من بعد وتصير احسن على كل تحية طيبة لها و لمجهودها
ساحاول ان اضع لك وصفات بسيطة ختي

​

ههههه اختي ام اسلام
انا لست متزوجة يعني معنديش ابناء واتمنى ان تكون لي أســرة رائعة في المستقبل باذن الله الكريم​

ربي يبارك لك في زوجك وابنك​

 

[زاد الرحيل]

مرحبا بك في حفل ختان اسلام
لا أدري لماذا كنت معتقدة أنك متزوجة و ما هي العيارة الدالة على ذلك

 

[Soumia hadj mohammed]

مرحبا بك في حفل ختان اسلام
لا أدري لماذا كنت معتقدة أنك متزوجة و ما هي العيارة الدالة على ذلك

الله يسلمك اختي ربي يتمم على خير وبركة ويديم فرحكم

آآه ختي ميلينا هذ السؤال نتي مكلفة بالاجابة عليه
انتظر اجابتك

 

[زاد الرحيل]

الله يسلمك اختي ربي يتمم على خير وبركة ويديم فرحكم

آآه ختي ميلينا هذ السؤال نتي مكلفة بالاجابة عليه
انتظر اجابتك

صدقيني طوال هذي الفترة و انا نعتقد أنك سيدة ،مرة في الشتاء على ما اتذكر بعثت لنا صورة في وسط الثلج و كتبت عبارات الحب للمة و قلت البارح زرت أهلي و كلمة اهلي تقال للمتزوجة لان عندها بيتها و على هذا اعتقدت انك سيدة
ربي يرزقك زوج صالح و يرزقك أبناء و بنات رائعيين

 

[Soumia hadj mohammed]

صدقيني طوال هذي الفترة و انا نعتقد أنك سيدة ،مرة في الشتاء على ما اتذكر بعثت لنا صورة في وسط الثلج و كتبت عبارات الحب للمة و قلت البارح زرت أهلي و كلمة اهلي تقال للمتزوجة لان عندها بيتها و على هذا اعتقدت انك سيدة
ربي يرزقك زوج صالح و يرزقك أبناء و بنات رائعيين

هه لالا ام اسلام
بخصوص زيارة اهلي هذا راجع الى سفري المتكرر لانني لا ادرس محل ما اسكن
آمين يارب بارك الله فيك

 

[saho souhila]

السلام عليك
صحة فطورك
يعطيك الصحة

و عليكم السلآم .. يسلمك ختي مخسي بزآف ​

السلام عليكم و رحمة الله تعالى وبركاته يمممممي مشااء الله
الله يبارك خرجلك روووةةةعةةة
بصحتكم حبيبة

تسلميلي حبيبتي يبآرك فيك تآنكس

واو قاطو هايل

يعطيك الصحة اختي
وكان طريقة اعداد روووعة

مخسي على التشجيع خويآ اسامة ​

ما شاء الله
حديثيني عن السعادة احدثك عن كل ما يتعلق بالأكل ههه

هههههههه رآنا فالهوى سوى خويآ امين

​

 

[saho souhila]

ممكن نجربو باذن الله .يبان يشهي

نشآ الله ختيتو ​

نيسلي ادا تخدمي بلي نشروه تزيديلو كاش حاجة ؟؟ و بنشف ولا يبقا ملصق

و الله مجربتش بيه مي ينشف بلخف مشي كيما شكلاط

يعطيك الصحة و يسلموا يديك

يسلمك حبيبتي تانكيوو

 

[saho souhila]

يم يمييي ماشاء الله لا قوة الا بالله
الله يعطيك الصحة ختي باين بنين
يسلمك مآسوغ ​

• بصح الفينيسو رهي عندك عيانة انتبهي هه نقصولك من لي نوت الوغ فيت اتونسيو بوغ لي غوسات بخوشان دوختينس بالفرونسي اغآب نتاعك ههه
• المكونات مليحة مي النشا كي تكون بزاف فالقاطو سي فغي يجي القاطو يذوب فالفم مي حاجة تانية راهي النشا تنقص من بنة القاطو وتحسيه سامط سي بوغ صاكي تكون النشا اقل من الفرينة سي ميو نن حبيبتي ميجيش سآمط جربيها بروحك و دك تشوفي و بالزيآدة بلا نيسلي يآك درنآ لحشو ملا يطلق بنتو فالقاطو باه ميرجعش سآمط وحده
• ممكن كي تكوني ستعملتي النيسلي يغطيلك النقص تع بنة القاطو مي لو تذوقيه وحده بلا نيسلي رح تحسي بالفرق و بالنسبة للنيسلي حاجة باينة سيبوغصآ درتو و حلآوة فحلآوة تآني تبسآل الدعوةة ​

ربي يوفقك
بارك الله فيك على المشاركة​

مخسي قلبي آميين ،،، و يبآرك فيك ​

 

[saho souhila]

مرحبا بك في حفل ختان اسلام
لا أدري لماذا كنت معتقدة أنك متزوجة و ما هي العيارة الدالة على ذلك

الله يسلمك اختي ربي يتمم على خير وبركة ويديم فرحكم

آآه ختي ميلينا هذ السؤال نتي مكلفة بالاجابة عليه
انتظر اجابتك

صدقيني طوال هذي الفترة و انا نعتقد أنك سيدة ،مرة في الشتاء على ما اتذكر بعثت لنا صورة في وسط الثلج و كتبت عبارات الحب للمة و قلت البارح زرت أهلي و كلمة اهلي تقال للمتزوجة لان عندها بيتها و على هذا اعتقدت انك سيدة
ربي يرزقك زوج صالح و يرزقك أبناء و بنات رائعيين

هه لالا ام اسلام
بخصوص زيارة اهلي هذا راجع الى سفري المتكرر لانني لا ادرس محل ما اسكن
آمين يارب بارك الله فيك

و يآآ دوروهآلي دردشةة هنآيا :p​

 

[فيتامين سي]

علاش واش فيهم داخل ؟؟!