ها قد عدنا بموضوع جديد وختامي نختمو بيه المسابقة تاع لمهابل
أي لي هبل
مرة كنت طالع فالكار رايح للبحر مع صاحبي عزو
الغاشي والسخانة والروائح الكريهة كامل حاضرة هناك اون بيرصون
نلقى وحد الزوج شيوخة
خخخخ ياخي حالة ياخي وين شافونا فنيانين مايحبوناش نتمتعو ونحوسو ونرقدو ونعومو
يحبو كي يشوفونا نخدمو ونهمبرو فالسخانة
نيرفاوني كي بداو يهدرو على بكري وواش جوزو فالثورة
طعلي البتبرول والغاز للراس
وننطق أنا ههههه
بكري بكري بكري أو غير بكري نتوما
ديما الثورة الثورة الثورة تقول القدافي الله يرحمه
أنا جوزت الثورة
آآآآآخاه عليا واش قلت ... واش من ثورة جوزت ههههههه
قلت والله مانراندي ههههه ايه الثورة تاع فرنسا خخخخ
ايه يا السي محمد أحكينا طران نشوفو وليدنا واش جوز
ايه نحكي عمبالكم تخلعوني كي كبار نتوما
بكري ايه بكري
كنا يا سبحان الله عايشين بقدرة ربي مكانتش الماكلا عندنا كيما راكم تتنعمو بيها ضرك
كانت الكسرة وطاس لبن ورانا تعشينا ورقدنا
آآآآآه يا فرنسا واش دارت فينا
ضرك نحكيلكم واش دارت فيا بصح كنت خارج فيها
كنت وين نجوز العسكر يوليو يرعشو كاين حتى لي يطيح ينصرع تانيت
ماتقولوليش ماتسمعوش بيا
الشهيد سكر بن سكرية
لالا آآآآه نسيت المجاهد سكر بن سكرية ايه خاطرش راني عايش لوكان مت بعيد الشر في راسكم
علاه تفاولولي بالموت أنا فرنسا وما أدراك ما فرانسا وماقدرتليش
أصبر تشوف نحي التريكو تشوف كيفاه مضروب بالرصاص
بصح معليش البرد شويا راهو لوكان نحيه يضربني الريح خخخ
مي ضرك نحكيلكم على الرصاصة لي ضربوني بيها راهي هنا في يدي شوفوها كيفاه لاطراس مزالها
حتى ينطق واحد ملهيك خخخخ هاذيك كامل عندنا راهي البيكورة لي داروهانا كيكنا صغار
أحم أحم أح اح اح عا عا عا تبحبحت نسرح القرجومة برك هههه
وين كنا ايه كنت في الجبل مع المجاهدين
كانو صح مجاهدين الله يبارك كانو وين يروحو لازم يدوني معاهم
كنت أنا لي نفتحلهم الطريق ديما أنا ماكنتش نخاف كامل غير من ربي سبحانه لي نخاف
وتانيت كنت نخاف
كيما قلتلكم كنا راح نديرو زدمة للعسكر تاع فرنسا الله لا يربحهم
انا القائد والمجاهدين ورائي
كي شغل تاع سالفي -- أنا والبوراكة ورائي هههه -- هاذي خاطي لحكاية
المهم وصلنا للكازيرنة تاعهم قلتلهم لصحابي
شوفو لازم ضرك كاش واحد لي يتقدم خاطرش القائد
هاه ولوكان يخدعونا من الخلف شكون يفيقلهم لازم انا لي نريح فالخلف
كيما كان الحال رايحن نتلبدو
حتى عاد خارج الشاف تاعهم بسيارته الايبيزا ذات اللون العنابي و الزجاج الفيمي
شدو صحابي كامل الكلاشينكوف وراح يتيريو
عيطت بصوت عاااااااالي
آآآآآآه تأخرت تيراو وبدأ الرصاص يتطاير يمنة ويسرة
هوما يتيريو وحنا نتيريو وهوما يتيريو وحنا نتيريو هوما يتيرو وحنا مانتيريوش خخخخخخخخ
صحابي ماتو كامل بقيت غير أنا لي حي
نضت من وراء الشجرة العزيزة
ديجا راني هذيك الشجرة لليوم نروح نسلم عليها ونولي خخخخخ
ايه يا ولادي حكمت لكلاشينكوف تاعي
وبديت نعيط اوليمان اوليمان
حكمتكم كامل والله مانعاودو البارتي أنا لي رابح
ممبعد هوما حبسو كامل أستسلمو
بادو يبكيو علاش علاش ماتقتلناش
قلتلهم واحد يتحرك نقتلو
أرا تشوف لمفاتح تاع الايبيزا فيها ليسونس ولا مافيها
ركبت فيها شعلت البراد وانطلقت على أنغام كانت باينا تكمل كيما هاك
قيــــــــــــــــــــــــــــــــــــــــــــــــــــــــــــــــــــــــــــــــــــــــــــــــو
أحم أحم أحم ليماعندوش شاهد يقولو كذاب
أيا ديجا خلونا من القسرة السامطا هذي ماتعرفوش كامل تحكو
ديجا البارح ربحو مولودية
أيا مبروك علينا
ماديروش عليا
رمضان مادار فيا
الشربة والبوراك كي نتفكرهم يزيد الحال عليا
يا يما غير أجري بيا
آخر تعديل:
