مسيحية تجادلني

[ام تسنيم واحلام]

السلام عليكم ورحمة الله وبركاته
علبالي رح نخلطها دارجة والفصحى ههههه كيما نقول قديمة بلمسة عصرية المهم
انا اول مرة نشارك في هذا القسم من لمتنا
قلت لازم نشاركم حكايتي ونفرغ واش في قلبي في يوم من بدايات رمضان كانت سخانة عندنا في ألمانيا وانا خسني قضيان لبست جلبابي وتقاشر(حشاكم )وخرجت رني نمشي
حتى وقفتني وحد العجوزة (تحكي بال لألمانية ) قاتلي وعله ركي لبسا هك وزيد التقاشر في هذي السخانة انا ندهشت ملقيت منجاوب منبعد فقت قلتلها هذا من دينا
يا ودرت ليا قتلي مكاش منها قتلها انا مسليمة قتلي انا ايضا مشليمة( بالشين )فرحت عمبالي صح قالتلي في الإنجيل (هما يسمه بيبل)مكاش هذا الشي قتلها حنا عندنا القرآن شفتها تخنزرت فيا دورتهالها قتلها حرية وره عجبني لبسي عوجت فمها وقاتلي تعرفي عيسى (هما يسموه يوسس )قتلها نعم هو نبي ثارت قتلي يوسس هو الله (أستغفر الله) خلعتني وجني الضحك قتلي عله ركي تضحكي قتلها بعد الموت نتلقاو (الاني على بالي متامنش بالاخيرة )خزرت فيا خزرة قوية ورحت وتمتم
وانا كملت طريقي
سألي ليكم لوكان طحتو في موقف كيما هذا ولا يشبهلو كيفاش تتعملو
وفي الأخير وليس آخيرا ادعولي ربي يثبتني وجميع المسلمين

​

 

[Hakan]

السلام عليكم والله يااختي مثل هذه المعاملات بين المسيحين او اهل الكتاب {وماهم باهل الكتاب}
نورمالمون الادلة ماتكونش من القرآن او السنة يعني من العقل فقط يعني لازمك تكوني ذكية وفطنة
والاكثر من ذالك لازم انت تكوني مسلمة حقيقية يعني تعرفي الدين نتاعك مشكلتنا ايضا وللاسف الشديد
الناس اللي تمثلنا في الخارج يعني اخوة المهجر ناقصين في الدين حالهم كيما حالنا حنا وهذا خطأ لانهم مسلمين
تحت ذمة النصارى في هذوك البلدان لهذا لازم يكونو عارفين نوعية المواقف اللي يطيحو فيها
سواء هوما سواء الاهل نتاعهم باش ما يخدعوهمش المسيحين بالشبهات ربي يثبتك اختي
يعني ممكن في الموقف نتاعك يكون عندي قول آخر على واش قلت ربي يهنيك ..​

 

["viola"]

السلام عليكم و رحمة الله
خيتو كيما قالك حكيم باش تدخلي في جدال من هذا النوع لازم تكوني تعرفي ملييييييح دينك + دينهم هوما خاطر من الانجيل برك قادرة تجاوبيها
خاطر نورمالمون الحجاب مذكور عندهم و ميأمنوش بيه وقيل
و ثان كيما قال الاخ قادرة متستعينيش قاع بأدلة لا من قرآن و لا من انجيل ...أمثلة مالواقع و اسقاطات صحيحة تضربيها فالصميم
و ربي يثبت اختي ^^


​

 

[ليليا مرام]

السلام عليكم اختي
والله موقف كنت فيه دافعي على دينك او تشرحيه بطريقة سهلة انسانة مسيحية استغربت من لباسك فهمتيها كنت ندير كيما انت نكذب عليك نقولك نعرف المسيحية عندهم واش تقول لالا نخوس نتغمق فديني بلاما نقرالها كتب نشيب معاها فالزنقة حنا لازم نتعلمو من الرسول الحبيب ونشوفوه كبجيفاه كان يعرف الاسلام وينشر بابسط الطرق
ربي يوفقك ماشي سهل تعيشي مع الكفار ولو مرات صعب تعيشي مع المسلمين كيما انت
شكرا

 

[أبو عاتكة]

حرية شخصية هي الكلمة التي تبعد عنك مجادلتهم . اما تحاولي تقنعيهم فهذا يحتاج الى علم . لكن قصتك هذه حتما تعطيك دافع للبحث والتعلم على الاقل تعلم الرد على الاسئلة البسيطة الروتينية عن النقاب وحرية المراة والارهاب لانهم مركزين عليهم بزاف هاذو الامور . تعلمي تدافعي على معتقدك ونفسك والناس هاذو يامنو بالعقل اكثر من الدين لانو دينهم ناقص بسبب تزويرهم وابتعادهم عن الاصول فيهربو للعقل ضانين ان ديننا ليس منطقي .
ابنت اخي كادوا يدهسوها بالسيارة لانها تلبس النقاب ويحرشو حتى الكلاب لما تدي الاطفال للمدرسة من بعض العدوانيين وليس الجميع طبعا .
المهم اذا لم تتزودي بقليل من العلم الذي يخاطب العقل ويرد على استغرابهم وانزعاجهم فتعلمي لغتهم لغة الحرية الشخصية . واحفظي نفسك .
ربي يكون معاكم نحن في بلد المسلمين لا نحس بنعمة حرية ممارسة العبادة .

 

[ام تسنيم واحلام]

بارك الله فيكم جميعا صح الجدل معهم صعب وخاصتا الكبار في السن وان شاء الله نأخذ بنصحتكم
تقبل الله منا ومنكم صالح الأعمال وصح عيدكم

 

[GI Joe]

dhakti fi wedjh lemra ki gatlek 3la l imaan ta3ha !! c pas normal ya l okht essemhili
ana fi plactek ngolelha dini hakda saha wala ani hassa rohi mliha hakda w khlass manedakhelch fiha w zid ta3erfi li kbar kifeh ykhamou, ykounou treeees tétu
c simple hadja me9tan3a biha ana manehtadjech n9ane3 ness okhrin !! w nefhem que allah yssahel 3la ness okhrin ykhamou diferament que sa soit fi معتقدات wala lebssa

 

[بقايا إنسان]

سلام الله على اختنا المسلمة الصادعة بالحق والؤمنة بربها كما أمرها والله ربما تجدينهن المانيات بلباسهن جزائريات بجنسياتهن ولا حاجة لهم بدين الله الاهم
لو كنت مكانك لقلت لها :إن الثمين من الجواهر يحجب عن الانظار والهين مما في الارض مهمش في الطريق ليل نهار
هو ديننا من وضع المرأة المسلمة في هذه المكانة ولكل مسعى أجر من حرارة ومضايقة وسوء معاملة (ان الله لا يضيع اجر المحسنين)
كلو بثمنو متخفيش اختنا كل عملكي عند الله محفوظ أما في ما يخص المسيحية كدين فاقولإن شق علينا عبادة اله واحد فكيف نستطيع عبادة ثلاثة؟؟؟
وكل واحد منهم في مكان مختلف عن الاخر)
تحية تقدير واحترام

 

[البحر الهادي]

السلام عليكم ورحمة الله وبركاته
علبالي رح نخلطها دارجة والفصحى ههههه كيما نقول قديمة بلمسة عصرية المهم
انا اول مرة نشارك في هذا القسم من لمتنا
قلت لازم نشاركم حكايتي ونفرغ واش في قلبي في يوم من بدايات رمضان كانت سخانة عندنا في ألمانيا وانا خسني قضيان لبست جلبابي وتقاشر(حشاكم )وخرجت رني نمشي
حتى وقفتني وحد العجوزة (تحكي بال لألمانية ) قاتلي وعله ركي لبسا هك وزيد التقاشر في هذي السخانة انا ندهشت ملقيت منجاوب منبعد فقت قلتلها هذا من دينا
يا ودرت ليا قتلي مكاش منها قتلها انا مسليمة قتلي انا ايضا مشليمة( بالشين )فرحت عمبالي صح قالتلي في الإنجيل (هما يسمه بيبل)مكاش هذا الشي قتلها حنا عندنا القرآن شفتها تخنزرت فيا دورتهالها قتلها حرية وره عجبني لبسي عوجت فمها وقاتلي تعرفي عيسى (هما يسموه يوسس )قتلها نعم هو نبي ثارت قتلي يوسس هو الله (أستغفر الله) خلعتني وجني الضحك قتلي عله ركي تضحكي قتلها بعد الموت نتلقاو (الاني على بالي متامنش بالاخيرة )خزرت فيا خزرة قوية ورحت وتمتم
وانا كملت طريقي
سألي ليكم لوكان طحتو في موقف كيما هذا ولا يشبهلو كيفاش تتعملو
وفي الأخير وليس آخيرا ادعولي ربي يثبتني وجميع المسلمين

​

أهلا
السلام عليك
لو وقعت فيه
لكنت جلبتها إلى لب الدين وأصله وهو توحيد الله
أي قولها أن عيسى هو الله وكيف يكون هو الله والإبن أليس هذا تناقض؟

إليك روابط هذا الشيخ في رده على النصرانيين

To view this content we will need your consent to set third party cookies.
For more detailed information, see our cookies page.

قبول ملفات تعريف الإرتباط للطرف الثالث

لأدخلي إلى اليوتيوب ستجدين ردوده
لاتناقشيهم في الأمور الجزئية لأن ليس لديك العلم الكاف لكن عليك بأصل الدين
رب يوفقك
ومن الخطأ أن نقول مسيحيين والصحيح نقول نصرانيين

 

[البحر الهادي]

أستغفر الله من كلمة جزئيات لم أنتبه لها
@hakim story هل ممكن تحذف كلمة جزئيات من تعليقي

 

[Salah eddin]

السلام عليكم
يا اختي هي باينة ما هي فاهمة فيها والو
منا مشلمة ..هه و منا تعمل بالانجيل و تومن بلي عيسى هو الله ..استغفر الله
نتي من عرفتي بلي راها اتبع الانجيل كنت تخليها و تروحي لانو مامعاهش نقاش
و نتي كيفاه ماكيش بريزاتك كي التلك بلي عيسى هو الهها ؟؟...ماكيش عارفة المعتقدات تاع النصارى و نتي بيناتهم ؟؟ كيفاه يعني راك فاجئتيني ...من المفروض راكي عارفة قوالبهم و كذا وكذا
ههه
المهم الله يثبتنا على الطاعة والشفاعة و يهدي العباد
شكرا
​