صريح / صريحة جـــــــــــــداً على اللمة الجزائرية { العدد 12 }

[ضآحكة مستبشرة]

السلام عليكم و رحمة الله تعالـــــى و بركاته


كيف أحــــوآلكــــم لبَـآس ؟؟
ان شاء الله ربي يدوم عليكم الصحة والعافية



مرحبــــآ بيكم يآ اعضاء اللمة الكرام في العدد الثاني العاشر من صريح / صريحة جـــــــــــــداً على اللمة

في الاعداد السَــآبقة تعرفنا على ارائـكم و وجهات النظر ديالكم في اكثر من موضوع


موضوعــــــي هذا هو : صريح {صريحـة } جـــداً و هي فكرة مستوحاة من برنامج صريح جدا على قناة النهار

و هو برنامج يسألوا فيه الناس في الشارع حول موضوع معين

حبيت نقبس الفكرة و نعتمدها هنا في المنتدى قصـد التفاعل و التعرف على اراء و وجهات نظر الاعضــاء حول مواضيع مختلفة


فكرة الموضوع :



و في كل يوميــــن رح نحط سؤال واحد موجه للشباب و الآخر للبنـــات​

و على كل عضوة و عضوة الاجابة على الاسئلة كل واحد كيفاش يحب بطابع فكاهي و لا سيريو هههه ولآ نقاشي دبروا روسـكم​

و التعرف على رأي الشاب و الشآبة باش نعرفوا العقليات الجزائرية في شحال من موضوع



و سؤآل العدد الثاني العاشر هو :​

​

سؤال للشباب :

تخلي مرتك تروح لدارهم كيما تحب هي ؟؟

-


سؤآل للبنآت :

زعما تنوض المرأة الجزائرية باكرا تطيب القهوة لزوجها ؟؟
( يعني تنوض قبل 5 صباحا )



( قالولي معظم المواضيع تحكي على الزواج نقوللكم بلي المواضيع مقتبسة من الحصة الأصلية ماشي انا لي نخيرها )​

​

الموضوع رح ندير فيه بزاف مواضيع نشوف رايكم فيها و علبالي رح يكون فيه قصف تام من كلا الطرفين​

ياو غير بشوية متقطعوش في بعضاكم بزاف ندي ذنوبكـــــــــم​

في أمـــــــــــــــان الله​

اتمنى ان ينال الموضوع اعجابكم​

​

ملآحظة :​

ممنوع الدردشة رجآءا المواضيع للنقاش ماشي للدردشة​

لازم تحتارموا القوانين ولا الموضوع يغلق​

​

 

[البحر الهادي]

تخلي مرتك تروح لدارهم كيما تحب هي ؟؟

وقت الحاجة أو من حين لآخر
أو أيام العيد
أو من اجل الزيارة

 

[الامين محمد]

وقت الحاجة أو من حين لآخر
أو أيام العيد
أو من اجل الزيارة

خويا لحبيب راك تحكي و كأنك متزوج اربعة نسوة هههههههههههههه
قول إن شاء الله كي نتزوج ,,,,,,,,,,,,,,,,,
هههههههههههههههههه

 

[الامين محمد]

تخلي مرتك تروح لدارهم كيما تحب هي ؟؟

موش كيما تحب لكن كي تكون حاجة او عيد او تكون تعبانة
و بالتشاور

 

[يزيد 05]

ماشي كيما تحب خاطر كون تخليها كيما تحب كل يومين فدارهم
على حسب الظروف والامكانيات وايضا كيما قال الاخ قبلي ايام الاعياد ووقت الحاجه

 

[البحر الهادي]

خويا لحبيب راك تحكي و كأنك متزوج اربعة نسوة هههههههههههههه
قول إن شاء الله كي نتزوج ,,,,,,,,,,,,,,,,,
هههههههههههههههههه

ههههه
راني شايف لي راهم قدامنا
وعندي إخوتي متزوجين

 

[ضآحكة مستبشرة]

وقت الحاجة أو من حين لآخر
أو أيام العيد
أو من اجل الزيارة

هههههه إن شاء الله ربي يرزقك ببنت الحلال قبل
و مبعد زير عليها ههههه​

خويا لحبيب راك تحكي و كأنك متزوج اربعة نسوة هههههههههههههه
قول إن شاء الله كي نتزوج ,,,,,,,,,,,,,,,,,
هههههههههههههههههه

هههههه راك تشوف خويا الأمين ههههه
ادعيلو بالزوجة الصالحة​

 

[يزيد 05]

ههههه
راني شايف لي راهم قدامنا
وعندي إخوتي متزوجين

قولو كي تنوض هي طيبلي لقهوه يوميا على الساعه 5 صباحا نخليها تروح كيما تحب هههههههه

 

[ضآحكة مستبشرة]

موش كيما تحب لكن كي تكون حاجة او عيد او تكون تعبانة
و بالتشاور

اكيد بالتشاور و عند الحاجة او مرض او مناسبة
شكرا لك على المرور
نورت اخي​

 

[ضآحكة مستبشرة]

ماشي كيما تحب خاطر كون تخليها كيما تحب كل يومين فدارهم
على حسب الظروف والامكانيات وايضا كيما قال الاخ قبلي ايام الاعياد ووقت الحاجه

إيه صح خاطرش إذا خليتها على رايها يطوالو رجليها ههههه
عجبني تخمامك خويا
شكرا لك على المرور
نورت​

 

[Malika Tlm]

السلام عليكم
زعما تنوض المرأة الجزائرية باكرا تطيب القهوة لزوجها ؟؟
اجيبك حبيبتي
بالطبع نوض ونوجدلوا القهوة ونقعد معاه حتي يشربها ويروح للعمل ديالوا والوا منخليهش وحدو لانوا الزوج ديالي ولكن ولكن اذا كان يستحق كل هدا مني
لانوا كاين رجال تنحي لحمك وتعطيهولهم وميستعرفوش بيك ههه
تحياتي

 

[آمِيْرَتُه]

السلام عليك
آهلا آسوم إن شاء الله تكوني بخير
الفحلة تنوض بكري
ماشي خسارة في زوجي العزيز نوض بكري نطيبله القهوة نضت لخوتي فمابالك زوجي هههه

 

[ضآحكة مستبشرة]

السلام عليكم
زعما تنوض المرأة الجزائرية باكرا تطيب القهوة لزوجها ؟؟
اجيبك حبيبتي
بالطبع نوض ونوجدلوا القهوة ونقعد معاه حتي يشربها ويروح للعمل ديالوا والوا منخليهش وحدو لانوا الزوج ديالي ولكن ولكن اذا كان يستحق كل هدا مني
لانوا كاين رجال تنحي لحمك وتعطيهولهم وميستعرفوش بيك ههه
تحياتي

و عليكم السلام
هههههه علبالي بلي ختي فحلة ههههه ان شاء الله ربي يرزقك بوليد الحلال و ينوضك في الفجر هههه
و إذا كان ميستحقش الكوزينة و اغلقيها بالمفتاح هههه
شكرا لك على المرور
نورتي​

 

[ضآحكة مستبشرة]

السلام عليك
آهلا آسوم إن شاء الله تكوني بخير
الفحلة تنوض بكري
ماشي خسارة في زوجي العزيز نوض بكري نطيبله القهوة نضت لخوتي فمابالك زوجي هههه

و عليكم السلام
اهلين فيك امونتي الحمد لله لباس السوال عليكم ؟؟
ههههه إيه فحلة و نص و زوجك يستهل كل خير
ان شاء الله ربي يدوم المحبة حبيبتي
نورتي​

 

[ضآحكة مستبشرة]

سؤآل للبنآت :

​

​

زعما تنوض المرأة الجزائرية باكرا تطيب القهوة لزوجها ؟؟
( يعني تنوض قبل 5 صباحا )​

​

عن نفسي أكيد نوض و نطيبلو القهوة و نكون وجدتلو المسمن ولا وآش يحب ياكل مع القهوة من الليلة لي قبلها ماشي خصارة فيه
لانو مهمة الزوجة الاعتناء بالزوج و توفير الراحة التامة له
ان شاء الله ربي يقدرني و نكون زوجة صالحة
و ربي يرزقني و جميع بنات المسلمين ازواج صالحين​

 

[❤️كلي أمل❤️]

السلام عليكم
اختي اسماء هادي حاجة باينة لازم على زوجة
تنوض طيب القهوة لراجلها
أنا وحدة ما نحبش راجلي يشربها قهوتو برا نحبو
يشربها معايا نوجدو احلى قهوة مع حاجة يفطر بيها وورد احمر فوق طابلة ههههههه
لازم يخرج فرحان من دار ههههه
بصح اذا كان شرير معايا ولله ما يشوفها ههههههه

 

["viola"]

السلام عليكم و رحمة الله

زعما تنوض المرأة الجزائرية باكرا تطيب القهوة لزوجها ؟؟
( يعني تنوض قبل 5 صباحا )

خخخ شفت السؤال هذا فالنهار tv تشوكيت مالاجابات واحد قالها نطيبها وحدي خخخ يسوّد سعدك و لاه تزوجت مالا -.-
يا اختي انا ماللي شفيت على روحي و ماما تنوض قبل بابا توجدلو فطورو باه ينوض هو (مش ال5 تاع الصباح بيان سور خخخ) بصح اذا اضطرت لازم
يعني هذا واجب المرأة كفاه يعطيها قلبها تصبح راقدة و راجلها خرج يخدم يجيلها اللقمة و هو فمو يابس ..
نعذرها اذا كانت مريضة برك نورمال اذا لالا لازم عليها ..
و في حالة كان عندها ذراري صغار و تسهر معاهم و مش ترقد بزاف يعني تعبااانة كاين حل يشرب قهوة صومام خخخ معنداك تقدر دير قهوة و حليب فالليل و ديرهم فالفريجيدار
و الصباح يسخن هو و يحليّ و يرهج خخخ...يقدرو يتفاهمو عليها هاذي ثان خخخخخخ
انا اذا تزوجت خخخخ + اذا كنت خدامة مظنيتش قاع نرقد خخخ نوض عال3 و يا ربي ههه
صحيتي خيتو ​

 

[Salah eddin]

السلام عليكم
بالنسبة لسوالك اذا نخلي الزوجة تروح لدارهم بدو اذن
...
كن تروح لدارهم بدون اذن ....نطلقها بدون اذن
مستحيل ...لازم كل تحراكة باذن ...ها و نلعبو و لا كيفاه
ياك راها مولات العيال و لا بطلنا
هذي ق اسمحولنا فيها
ههه​

 

[Malika Tlm]

السلام عليكم
بالنسبة لسوالك اذا نخلي الزوجة تروح لدارهم بدو اذن
...
كن تروح لدارهم بدون اذن ....نطلقها بدون اذن
مستحيل ...لازم كل تحراكة باذن ...ها و نلعبو و لا كيفاه
ياك راها مولات العيال و لا بطلنا
هذي ق اسمحولنا فيها
ههه​

ههه الله يعطيك الخير نت جبت الطلاق يجري والعقلية هذي مين جبتها هه
عاقبها اوك نربيها اوك تتحاور اوك مي باش طلقها تم تم لالا هذي مش عقلية
سامحني
تحياتي

 

[Salah eddin]

ههه الله يعطيك الخير نت جبت الطلاق يجري والعقلية هذي مين جبتها هه
عاقبها اوك نربيها اوك تتحاور اوك مي باش طلقها تم تم لالا هذي مش عقلية
سامحني
تحياتي

ههه
اهلا اختي مليكة
حنا عندنا النيف ما نلعبوش بيه و لو اطيح روح
النيف قبل كل شي
وش بقا حوار اذا راحت من ورايا ...
الحوار يجي قبل ما تروح و اكيد نقوللها لالا ...
اذا راحت من ورايا صافي دير راها معفسة عليا
و المرا اذا عفست على راجلها ....ربحت دزاير
...
​